“Elder Aroldo B. Cavalcante,” Liaona, Māe 2024.
Elder Aroldo B. Cavalcante
Ritōl Eutiej an Jiljilimjuonn̄oul
Ilo juon karuwainene an juon rilikin, 18-year-old Aroldo B. Cavalcante kar etal n̄an juon regional conference ilo 1988 eo im rikōnono eo ej Būreejtōn Gordon B. Hinckley (1910–2008), iien in ekar jerbal āinwōt Rikakpilōklōk Kein Kajuon ilo Būreejtōnji eo Kein Kajuon.
“Ikar en̄jake juon men elukkuun kajoor,” ekar keememej. “Ikar maron̄ loe juon meram ilo Būreejtōn Hinckley.”
Men̄n̄e ekar etal n̄an jar ium̧win jilu iiō ko, ekar jan̄in peptaij. Juon raan mijenede ro rekar kōļļaļaļ ilo kōjem̧ eo an. Jibwe eria bok eo aer, rekar riiti ta eo mijenede ro m̧okta rekar jeje kōn e. Ta eo ekar dāeļ e ekar jentōj eo āliktata: “Ekar jab kōņaan kōm̧m̧an kallim̧ur n̄an Jisōs Kraist.”
Elder Cavalcante ekar keememeje, “Ikar ļōmņak ikar lukkuun kallim̧ur n̄an Jisōs Kraist, im bwe ļain ņe ekar lukkuun kajoor n̄an eō.”
Kejōkļo̧kjeņ eļan̄n̄e menin ekar ta eo Rilo̧mo̧o̧r eo ekar barāinwōt ļōmņak kake e, ekar kajjitōk, “Ta eo imaron̄ kōm̧m̧ane bwe in oktak, Elder raņ?’”
Mijenede ro rekar jino katakin e, im 21 iiō rūtto in ekar peptaij 10 raan ko tokālkin. Elder Cavalcante ekar kallim̧ur n̄an gospel eo an Rilo̧mo̧o̧r jān tōre eo.
“Jerbal in ejjab kōn kōj. Ej kōn Rilo̧mo̧o̧r. Im ikar kajjieon̄ kōm̧m̧ane ijo em̧m̧antata kōn E, jab n̄an n̄a,” Elder Cavalcante ekar ba.
Aroldo Barreto Cavalcante Filho ekar ļotak ilo Nobōm̧ba 22, 1970, ilo Fortaleza, Ceará, Brazil. Ekar liāp n̄an Christiana Ramalho Bezerra Leite ilo Recife Brazil Temple ilo Jānwōde 21, 2004. Rej jinen im jemān emān ajri ro.
Elder Cavalcante ekar bōk juon an postgraduate degree kōn administration law jān Federal University of Ceará in 1997. Ekar jerbal āinwōt juon attorney n̄an Procuradoria Geral do Município jān 1997 n̄an 2005 im āinwōt managing partner an Barreto Cavalcante Advogados jān 1999.
Mokta jān kūr eo an āinwōt juon Ritōl Eutiej Jiljilimjuonn̄oul, Elder Cavalcante ekar jerbal āinwōt juon mijen būreejtōn ilo Brazil. Ekar barāinwōt jerbal āinwōt juon Eria Jiljilimjuonn̄oul, stake būreejtōn, bisop, im rikakpilōkpilōk ilo bisoprik.