“Elder Steven D. Shumway,” Liaona, Māe 2024.
Elder Steven D. Shumway
Ritōl Eutiej an Jiljilimjuonn̄oul
Ruo iiō ko ilo jerbal eo an ilo Exxon Chemical Co. ilo Houston, Texas, USA Elder Steven D. Shumway ekar ekkatak bwe jinen im jemān kar kūr er n̄an tōl juon mijen ilo Bolivia im kar iakuj jipan̄ ilo pejnej eo an baam̧le ilo Arizona.
“Ijjab kōņaan leļo̧k eddodo n̄an am bar ro̧o̧ltok,” jemān ekar jiron̄ļo̧k e. “Ak eļan̄n̄e koban ro̧o̧ltok, ij inepata kōn ta eo enaaj waļo̧k n̄an pejnej e.”
Ekar juon kālet epen n̄an kōm̧m̧ane, Elder Shumway ekar ba.
E im kōrā eo pāleen rekar ito itak ļalem awa ko n̄an Dallas Texas Temple im joļo̧k juon raan ijeņ ilo aer kar jab bōk juon uwaak. Ālkin wōt, rekar loļo̧k juon bookstore im loe bwebwenato eo an Būreejtōn Gordon B. Hinckley (1910–2008), Go Forward with Faith.
“Kōm̧ro jim̧or kar en̄jake an Irooj ba, ‘Kwoj aikuj in wōnm̧aanļo̧k kōn tōmak ilo iaļ eo aō, jab ilo iaļ eo am̧,’” Elder Shumway ekar ba. “Im bwe kōm̧ ar em̧m̧akūt n̄an Arizona, eo ekar oktak im erom̧ juon iaan oktak ko rem̧m̧an im aiboojoj ilo mour ko am.”
Juon iaan men ko rem̧m̧antata rekar ekkatak ilo m̧are eo aer, Elder Shumway ekar ba, ej bwe “n̄e kwoj bōk [karuwainene] eo an Irooj, kwoj jeraam̧m̧an. Kwoj eddōkļo̧k. Men ko rej em̧m̧anļo̧k jān ke kwoj kajjieon̄ kōm̧m̧ani men ko ilo wāween eo am.”
Steven D. Shumway ekar ļotak ilo Juun 30, 1970, ilo Springerville, Arizona, USA, n̄an Wilford Douglas im Dixie Ann Shumway, im eddōkļo̧k ilo Eager, Arizona. Ekar m̧areiki Heidi O’Brien ilo Salt Lake Temple ilo Tijem̧ba 29, 1994. Rej jinen im jemān emān ajri ro im rej jokwe ilo Pinetop, Arizona.
Elder Shumway kar bōk juon degree ilo chemical engineering jān Brigham Young University ilo 1996, ekar jerbal ilo Exxon Chemical Co. jān 1996 n̄an 1998, im ekar būreejtōn im CEO an Whiting Brothers Investment Co. jān 1998.
Ilo iien kūr eo an, ekar jerbal āinwōt juon Eria Jiljilimjuonn̄oul. Ekar jerbal āinwōt būreejtōn eo an Illinois Chicago Mission, stake būreejtōn, bisop, elders quorum būreejtōn, rūkaki in kamminene an stake mission, im jerbal āinwōt juon mijenede ilo Pennsylvania Philadelphia Mission.