Elder Michael B. Strong

Ritōl Eutiej an Jiljilimjuonn̄oul

Elder Michael B. Strong ekkatak gospel eo an ekar ijjino ilo m̧weo, ijo ekar ekkatak jān jinen im jemān.

“Naan in kam̧ool eo aō ekar eddōkļo̧k im erom̧ juon eo ekajoorļo̧k im kajoorļo̧k ium̧win iien ko, enan̄in ilo wāween eo jej kile,” Elder Strong ekar ba. Ilo an relikļo̧k, “Ikar loe pein Anij emakijkij ilo mour eo aō, ak ekar waļo̧k jan jejjo en̄jake in jetōb ko rem̧wilaļ im rekajoor.”

Ke e im kōrā eo pāleen rekar karūttoļo̧k baam̧le eo aer, rekar lukkuun mour kōn im bōk gospel eo n̄an mour ko aer. “Kōm̧ ar kajjieon̄ kōm̧m̧an bwe gospel eo āinwōt kōm̧m̧an ko am rej bōk jikin elōn̄ tōreej in mōņakjeņ ko im aiboojoj eo an jerbal eo ededeļo̧k kōm̧m̧an enaaj pedped wōt ioon kālet ko kōm̧ij kōm̧m̧ani,” Elder Strong ekar ba. “En̄in ej wōn kōm̧.”

Elder Strong ekar bōk juon an bachelor of degree ilo microbiology kōn juon minor ilo chemistry jān Brigham Young University ilo 1989 im juon medical degree jān Baylor College of Medicine ilo 1993.

Ekar juon taktō, im, ilo iien eo ej kūr, ekar jerbal āinwōt chief medical information office n̄an University of Utah.

Elder Strong ekar loe bwe n̄e ej jelm̧ae jorrāān ko, ekoba ko ilo jikin jerbal eo an, ekar bōk tōl n̄an ņamejļan wāween ko ilo an kōm̧m̧ani apan̄ kein ilo juon jar eaorōk. “Ikar maron̄ en̄jake an Irooj letok ļōmņak ko im uwaak ko rej erom̧ alikkar tok n̄an n̄a ko me ij jāmin naaj kar loi” ekar ba. “Ikar jino kile bwe E elukkuun kea kōn kōj.”

Ilo iien eo kar kūri āinwōt juon Ritōl Eutiej an Jiljilimjuonn̄oul, Elder Strong ekar jerbal āinwōt Eria Jiljilimjuonn̄oul ilo Utah Area. Ekar barāinwōt jerbal āinwōt būreejtōn an Perú Lima Central Mission, stake būreejtōn, im mijenede ej jerbal aolep raan ilo Bolivia Cochabamba Mission.

Micheal Brent Strong ekar ļotak ilo Salt Lake City ilo Okwoj 6, 1965. Ekar m̧areik Cristin Connelly ilo Okwoj 22, 1987, ilo Salt Lake Temple. Rej jinen im jemān jiljino ajri ro. Elder im Sister Strog rej jukjuk im am̧ņak ilo Centerville, Utah, USA.