“Elder Christopher H. Kim,” Liaona, Māe 2024.
Elder Christopher H. Kim
Ritōl Eutiej an Jiljilimjuonn̄oul
Ke Elder Christopher H. Kim ekar 14 iiō rūtto in im ekar wōr an iien n̄an kwaļo̧k gospel eo ippān ro m̧ōttan, ekar kile bwe ej aikuj in jeļā m̧ool eo kōn Bok in Mormon eo bwe en maron̄ kōnono kōn tōmak ekajoor.
“Ke ikar jar kōn Bok in Mormon eo, ikar en̄jake kaenōm̧m̧an an jetōb,” ej keememej. “Im ejjab etto, ekar ejjeļo̧k bar jabdewōt kajjitōk ak jabdewōt pere kōn Bok in Mormon.” Kein kajuon ilo mour eo an, ekar kakkobaba, “Ikar lukkuun en̄jake Jetōb eo, jeļā m̧ool eo kōn Bok in Mormon, kar jeļā kōn m̧ool eo an Bok in Mormon, im kar jeļā bwe Josep Smith ekar juon rikanaan an Anij.”
Christopher Hyunsu Kim ekar ļotak ilo Nobōm̧ba 18, 1965, ilo Daegu, South Korea, rūttotata iaan ajri ro emān nejin Chinho Kim im Kuncha Kim. Jinen im jemān rekar kobatok ilo Kabun̄ in ke ekar juon nin̄nin̄ wōt. Elder Kim ekar jokwe ilo Daegu m̧ae iien eo ekar kadiwōjļo̧k jān high school im baam̧le eo an rekar em̧m̧akūtļo̧k n̄an United States, jukjuk im amņak ilo Southern California.
Tōre eo ekar jerbal ilo Washington Seattle Mission, Sister Seongmi (Sue) Hong ekar jerbal ilo California Los Angeles Mission. Tōre eo ijeņ, ekar jino jeļā kajjeen jinen Elder Kim. Tokālik, ālkin an Elder Kim im Sister Hong kar kadedeiļo̧k mijen ko aer, rekar jino bwebwenato ippān doon. Rekar m̧are ilo Tijem̧ba 7, 1991, ilo Los Angeles California Temple. Erro ewōr juon nejierro ļaddik im jilu leddik.
Elder Kim ekar kadiwōjļo̧k jān Brigham Young University kōn juon bachelor’s degree in sociology ilo 1995 im juon master of business administration ilo 1997. Ālkin an jikuuļ, ekar jerbal ilo United States, Thailand, im South Korea. Jān 2005, ekar juon rijerbal jān Unicity International, juon Utah-based nutritional products im cosmetics supplier, ejjab kar to āinwōt juon būreejtōn an global markets, jokwe ilo Seoul, South Korea.
Elder Kim ekar jerbal jān 2019 āinwōt juon Eria Jiljilimjuonn̄oul. Ekar barāinwōt jerbal āinwōt juon stake būreejtōn, rikakpilōklōk ilo stake, stake mijen būreejtōn, im ko̧o̧njeļ eutiej.