Elder Karl D. Hirst

Ritōl Eutiej an Jiljilimjuonn̄oul

Elder Karl D. Hirst ej kile e make “juon baj armej wōt kōn juon kūr eo ejej uwaan.”

Ritōl eo Eutiej ekāāl Jiljilimjuonn̄oul ej loe naan in kam̧ool eo an im kapen ko an āinwōt baj naan in kam̧ool wōt barāinwōt. “Ejjeļo̧k lotok ko, ejjeļo̧k men ko rekabwilōn̄lōn̄ an jetōb—im ekar bōjrak aō inepata kōn menin kōnke ij kakūrm̧ool wāween eo Anij ekar kālet n̄an kōnono n̄an eō, men̄e eļan̄n̄e E kālet n̄an kōnono n̄an ro jet ilo juon wāween eoktak,” Elder Hirst ekar ba. “Ejjab kabwilōn̄lōn̄, ak eūūne.”

Jemān Elder Hirst, Jack, ej lale juon m̧ōn wia m̧ōn̄ā edik. Ekar ekkatak jān Kabun̄ eo an Jisōs Kraist im Armej ro Rekwojarjar ilo Raan Ko Āliktata kōn jipan̄ riwia ro im kar kobatok ilo Kabun̄ in jejjo iiō ko ālkin an kar Karl ļotak ilo Pāpode 28, 1972, ilo Bury, Lancashire, England.

Naan in kam̧ool eo an Elder Hirst kōn Jisōs Kraist ekar ijjino ke ekar ekkatak kōn bwebwenato in Rilo̧mo̧o̧r eo im kar al al ko ke ej etal n̄an Jabōt Jikuuļ ilo bar juon Kabun̄ āinwōt juon ajri ippān jinen, Vivien Ruth Meakin Hirst, im jibūn.

Young Karl tokālik ekar etal n̄an kweilo̧k ko an Armej ro Rekwojarjar ilo Raan Ko Āliktata im kar bōk juon naan in karuwainene jān rūkaki in Būraimere n̄an peptaij, eo me ekar errā kake ke ej 10 an iiō. Jān jon̄oul im lōn̄ļo̧k iiō an mour, Elder Hirst ekar kōjparok mour in tōmak eo an ilo Kraist im naan in kam̧ool eo an.

“Anij ekar kōnono n̄an n̄a ilo būruwō ilo ejja wāween eo Ekar kōm̧m̧ane ke ikar pād ilo Būraimere im ilo ejja wāween in wōt ke ikar pād ilo Jabōt Jikuuļ,” Elder Hirst ekar ba.

Ekar m̧areiki Claire Elizabeth Wright ilo Māe 29, 1993, ilo Burnley, Lancashire. Rekar liāp tokālik ilo raan ņe ilo London England Tampeļ.

Elder Hirst ekar bōk juon bachelor of law degree ilo 1996 jān Lancaster University im juon master of business administration degree jān Alliance Manchester Business School ilo 2016. Jān 1997, ekar jerbal āinwōt juon barrister (lawyer).

Jinen im jemān jiljino ajri ro, Hirsts rekar jukjuk im amņak ilo Bolsover, Chesterfield, England, im jerbal āinwōt N̄an Kōkajoorļo̧k Jodikdik ro session directors ilo iien eo ej bōk kūr eo.