“Elder I. Raymond Egbo,” Liaona, Māe 2024.
Elder I. Raymond Egbo
Ritōl Eutiej an Jiljilimjuonn̄oul
Ke ekar pād ilo juon jikuuļ in kabun̄ ilo Nigeria, leddik eo erūttoļo̧k jein Elder I. Raymond Egbo ekar jab bōjrak an karuwaineneik e n̄an “itok im lale” ta eo Kabun̄ eo an Jisōs Kraist im Armej ro Rekwojarjar ilo Raan Ko Āliktata ekar letok. Ke ej 14 iiō rūtto, ekar jino etal n̄an jemenere ilo joteen ko.
Iien eo ej riiti laajrak in ekkatak eoon ko an jemenere, Elder Egbo ekar itok n̄an Katak im Bujen Ko 135 im iien eo kar m̧ane Josep Smith.
“Juon men ekajoor ekar im̧we eō, im ikar jeļā bwe Rikanaan Josep Smith ekar juon rikanaan an Anij. Ekar jeļā ekar mej kōn m̧ool eo,” Elder Egbo ekar ba, eo ekar jab etto ekar kobatok ilo Kabun̄ in. “Ij en̄jake wōt kiiō ewi wāween aō kar en̄jake raan ņe ke ikar riiti.”
Tokālik, iien eo ke ekar juon rijikuuļ ilo university, leddik eo jein ekar rōjan̄ e bwe en jerbale juon mijen. Jemān ekar illu ippān kōn an kar etal jān ekkatak ko an, ak Elder Egbo aolep iien ekar jeje leta n̄an e kōmeļeļeiki men otemjej ekar kōm̧m̧ane im ta eo ekar katakin.
N̄an ļo̧kjeņan eo an Elder Egbo, turinļo̧k jem̧ļo̧kin mijen eo an, mijen būreejtōn eo an ekar riiti ļo̧k n̄an e juon leta jān jemān eo ekar ba bwe ekar peptaij. “Ba n̄an E bwe inaaj kōttar e,” jemān ekar jeje.
Elder Idyo Raymond Egbo ekar ļotak ilo Port Harcourt, Rivers State, Nigeria, ilo Juun 25, 1974, n̄an Udo Idio Egbo im Veronica Ukamaka Egbo. Ekar ioone Comfort Ikip Ese ke baam̧le eo an rekar em̧m̧akūtļo̧k n̄an branch eo an ilo 1994. Rekar m̧are ilo Māe 15, 2003, ilo Calabar, Nigeria. Ewōr jilu nejier ajri ro.
Elder Egbo ewōr an degrees ilo education, regional planning, im business administration jān jilu university ko. Ekar jerbal ilo Seminaries and Institutes of Religion jān 2002 ilo elōn̄ kain jerbal ko, ekoba juon country director im area director.
Ilo iien eo ej bōk kūr eo an, Elder Egbo ekar jerbal āinwōt juon Eria Jiljimjuonn̄oul ilo Africa West Area. Ekar jerbal āinwōt juon būreejtōn an Nigeria Calabar Mission im ekar juon rikakpilōklōk an stake būreejtōnji im ko̧o̧njeļ eutiej. Ekar jerbale juon mijen ilo Nigeria Lagos Mission.