Būreejtōn Paul V. Johnson

Būreejtōn eo Eutiej an Jabōt Jikuuļ

Jān jerbal eo an āinwōt rūkaki in jemenere n̄an ratimjuon iiō ko ekar joļo̧k āinwōt commissioner an Kabun̄ in kōn jeļāļo̧kjeņ, Būreejtōn eo Euteij an Jabōt Jikuuļ ekāāl Paul V. Johnson ebooļ an en̄jake in ekkatak gospel eo. Ak bōnjān eo eaorōktata ej bōk n̄an kūr eo an ekāāl ej ba, ej “iakwe eo aō n̄an Jemedwōj Ilan̄ im Rilo̧mo̧o̧r im aō iakwe n̄an jodikdik ro im armej ro jet barāinwōt.”

Būreejtōn Johnson ekar ļotak ilo Juun 24, 1954, ilo Gainesville, Florida, USA, n̄an Vere Johnson im Winifred Amacher. Mokta jān an kar juon an iiō, jinen im jemān rekar em̧m̧akūt n̄an Logan, Utah, USA, ijo rekar karūttoļo̧k e im ajri ro jiljilimjuon jein im jatin.

Ekar jino jeļā kajjeen kōrā eo nej pāleen ilju im jekļaj, Jill Washburn, ke rekar kālet e n̄an ikkure football ilo Monticello, Utah, jān kar juon ko̧o̧j eo ekar em̧m̧akūt tok jān Logan. Paul im Jill rekar ioon doon m̧oktaļo̧k, ak kiiō rekar erom̧ jem̧jerā ke rekar jar ilo juon wōt ward im jemenere kūlaaj. Sister Johnson ekar jeje n̄an e ke ekar jerbal e juon mijen ilo Norway.

Rekar m̧are ilo Okwōj 18, 1976, ilo Logan Utah Temple. Ewōr 9 nejier ajri im 43 jibwierro.

Johnson ekar jelm̧ae mālijjon̄ ko ippān doon, jān an kar luuji juon leddik nejin kōn kāānjōr ilo an kate kōn apan̄ ko an kōn ājmour. Ak Bureejton Johnson ekar ba en̄jake ko rekar kōm̧anm̧anļo̧k jibadbad in karōk eo an Anij. “Ij ļōmņak ej kōm̧m̧an aō, āinwōt juon rūkaki, jan̄uwaadeļo̧k n̄an jipan̄ jodikdik ro dim n̄an Rilo̧mo̧o̧r im n̄an Jemedwōj Ilan̄,” ekar ba.

Būreejtōn Johnson ekar bōk juon an bachelor’s degree ilo zoology ilo 1977 im juon master degree ilo ko̧o̧njeļ im tōl ilo 1978, jim̧or jān Brigham Young University. Ekar bōk juon doctor kōn education degree jān Utah State University ilo 1989.

Būreejtōn Johnson kar rejtake āinwōt juon Ritōl Eutiej Jiljilimjuon ilo Eprōļ 2005 im ekar jerbal āinwōt juon membōr in Būreejtōnji eo an Jiljilimjuonn̄oul eo jān Okwōj 1, 2021. Ekar jerbal āinwōt juon rikakpilōklōk ilo Europe Area Būreejtōnji, rikakpilōklōk ilo Chile Area Būreejtōnji, rikakpilōklōk ilo juon stake būreejtōnji, im bisop.

Naaj leļo̧k n̄a e emeritus status, jejjet kitien ilo Okwōj 1, 2024, ke ekar jino kūr eo an ekāāl.