ការចាប់ផ្តើម—ម៉ោងជាអតិបរមា ៖ ១៥ នាទី

ធ្វើការអធិស្ឋានបើក ។

ណែនាំខ្លួនអ្នករាល់គ្នា ។ ម្នាក់ៗចំណាយពេលមួយនាទីដើម្បីប្រាប់ពីឈ្មោះរបស់អ្នក និងអ្វីមួយអំពីអ្នក ។

សូមស្វាគមន៍មកកាន់ក្រុមភាពខ្លួនទីពឹងខ្លួនរបស់យើង !

សូមអាន ៖រូបមន្តសម្រាប់ស្វែងរកការងារមួយដ៏ជោគជ័យគឺ ៖

ធ្វើសកម្មភាពដោយសេចក្តីជំនឿ+ការប្រឹងប្រែងធ្វើការ+ធ្វើការដោយឆ្លាតវៃ=ជោគជ័យ

រួមគ្នាជាមួយក្រុមរបស់អ្នក និងដោយមានជំនួយពីការដឹកនាំនៃព្រះវិញ្ញាណ អ្នកនឹងរៀនថាមូលហេតុអ្វីបានជាសេចក្តីជំនឿគឺជាមូលដ្ឋានគ្រឹះនៃការស្វែងរកការងារមួយ ហើយអ្នកនឹងត្រូវខិតខំធ្វើការ ។ អ្នកនឹងរៀននូវជំនាញទាំងឡាយដែលត្រូវការដើម្បីធ្វើការងារដោយឆ្លាតវៃ ដូចជា ការកសាងបណ្តាញការងារ ការផ្គូផ្គងជំនាញរបស់អ្នកទៅតាមតម្រូវការរបស់និយោជក ការថ្លែងដ៏មានអនុភាព ឯកសាជាលាយលក្ខណ៍អក្សរ ជំនាញការសម្ភាសន៍ និងមានច្រើនទៀត ។ នៅការចាប់ផ្តើមនៃការប្រជុំនីមួយៗ អ្នកនឹងរំឭកឡើងវិញនូវគោលការណ៍ដំណឹងល្អមួយដែលនឹងជួយក្នុងគ្រប់ផ្នែកនៃជីវិតរបស់អ្នក ។

តើការងារនេះមានដំណើរការយ៉ាងដូចម្ដេច ?

សូមអាន ៖ក្រុមខ្លួនទីពឹងខ្លួនដំណើរការដូចជាក្រុមប្រឹក្សាមួយ ។ គ្មានគ្រូ ឬអ្នកជំនាញនោះទេ ។ ផ្ទុយទៅវិញ អ្នកធ្វើតាមឯកសាដូចអ្វីដែលបានសរសេរ ។ ជាមួយនិងការដឹកនាំនៃព្រះវិញ្ញាណ អ្នកនឹងជួយគ្នាទៅវិញទៅមកដូចខាងក្រោម ៖

ធ្វើការរួមចំណែកដោយស្មើភាពគ្នាដើម្បីពិភាក្សា និងធ្វើសកម្មភាពទាំងឡាយ ។ គ្មាននរណាម្នាក់ គួរគ្រប់គ្រងកិច្ចសន្ទនាទេ ជាពិសេសអ្នកសម្របសម្រួល ។
ស្រឡាញ់ ហើយគាំទ្រគ្នាទៅវិញទៅមក ។ បង្ហាញពីចំណាប់អារម្មណ៍ សួរសំណួរ និងរៀនពីគ្នាទៅវិញទៅមក ។
ចែកចាយមតិវិជ្ជមាន និងមតិសមស្រប ។
ធ្វើ ហើយរក្សាសេចក្ដីសញ្ញា

អ៊ែលឌើរ អិម រ័សុល បាឡឺដ បានបង្រៀនថា « គ្មានបញ្ហានៅក្នុងគ្រួសារ វួដ ឬ ស្តេក ដែលមិនអាចដោះស្រាយបាននោះទេ ប្រសិនបើយើងស្វែងរកដំណោះស្រាយនៅក្នុងវិធីរបស់ព្រះអម្ចាស់ដោយការប្រឹក្សា—ជាការប្រឹក្សាដ៏ពិតប្រាកដ—ជាមួយគ្នាទៅវិញទៅមក » ( Counseling with Our Councils rev. ed. [ ឆ្នាំ ២០១២ ] ទំព័រ 4) ។

សូមមើល ៖“My Self-Reliance Group” មាននៅគេហទំព័រ srs.lds.org/videos ។ ( គ្មានវីដេអូឬ ? សូមរំលងទៅ « Without a Teacher, How Will We Know What to Do? » នៅ ទំព័រ ៤) ។

ពិភាក្សា ៖តើកត្តាអ្វីខ្លះដែលបានធ្វើឲ្យក្រុមនៅក្នុងវីដេអូមានភាពជោគជ័យម៉្លេះ ? តើបងប្អូននឹងធ្វើអ្វីខ្លះជាក្រុមមួយ ដើម្បីមានបទពិសោធន៍ការផ្លាស់ប្តូរមួយក្នុងជីវិត ?

ដោយគ្មានគ្រូម្នាក់ តើអ្នកនឹងដឹងពីអ្វីដែលត្រូវធ្វើដោយរបៀបណា ?

សូមអាន ៖វាស្រួលទេ ។ ដោយគ្រាន់តែធ្វើតាមឯកសារសិក្សាតែប៉ុណ្ណោះ ។ ជំពូកនីមួយៗនៅក្នុងសៀវភៅលំហាត់ មានប្រាំមួយផ្នែក ៖

រាយការណ៍ ៖ ពិភាក្សាការរីកចម្រើនដែលអ្នកបានធ្វើអំឡុងសប្តាហ៍លើការតាំងចិត្តទាំងឡាយរបស់អ្នក ។
មូលដ្ឋានគ្រឹះ ៖ រំឭកឡើងវិញនូវគោលការណ៍ដំណឹងល្អមួយដែលនឹងដឹកនាំទៅរកភាពខ្លួនទីពឹងខ្លួនខាងវិញ្ញាណដ៏អស្ចារ្យមួយ ។
រៀនសូត្រ ៖ រៀនជំនាញដែលចាំបាច់ទាំងឡាយដែលនឹងនាំទៅរកភាពខ្លួនទីពឹងខ្លួនខាងសាច់ឈាមកាន់តែល្អជាងមុន ។
ពិចារណា ៖ សូមស្តាប់តាមព្រះវិញ្ញាណបរិសុទ្ធដែលផ្តល់ឲ្យនូវការបំផុសគំនិត ។
តាំងចិត្ត ៖ សន្យាដើម្បីធ្វើតាមការតាំងចិត្តអំឡុងសប្តាហ៍ដែលនឹងជួយអ្នកឲ្យរីកចម្រើន ។
សកម្មភាព ៖ អំឡុងសប្តាហ៍ អនុវត្តនូវអ្វីដែលអ្នកបានរៀន ។

របៀបប្រើសៀវភៅលំហាត់នេះ

នៅពេលអ្នកមើលឃើញនូវការប្រាប់ទាំងនេះ សូមធ្វើតាមការដឹកនាំទាំងនេះ
សូមអាន	មើល	ពិភាក្សា	ពិចារណា	សកម្មភាព
សូមមនុស្សម្នាក់ឲ្យអានឮៗសម្រាប់ក្រុមទាំងមូល ។	ក្រុមទាំងមូលមើលវីដេអូ ។	សមាជិកក្រុមចែកចាយគំនិតរយៈពេលពីពីរទៅបួននាទី ។	បុគ្គលម្នាក់ៗពិចារណា សញ្ជឹងគិត ហើយសរសេររយៈពេលពីរនាទី ឬបីនាទី ។	សមាជិកក្រុមធ្វើកិច្ចការរៀងៗខ្លួន ឬជាមួយអ្នកដទៃសម្រាប់ម៉ោងជាក់លាក់ ។

វិញ្ញាបនបត្របញ្ចប់វគ្គសិក្សា

សូមអាន ៖សមាជិកក្រុមដែលចូលរួមការប្រជុំ ហើយរក្សាការតាំងចិត្តរបស់ពួកគេ នឹងមានលក្ខណៈសម្បត្តិទទួលបានវិញ្ញាបនបត្រភាពខ្លួនទីពឹងខ្លួនមកពីមហាវិទ្យាល័យពាណិជ្ជកម្ម អិល.ឌី.អែស ។ សូមមើល ទំព័រ ២៥១ ។