រៀន—ម៉ោងជាអតិបរមា ៖ ៤៥ នាទី

សកម្មភាព _{(៥ នាទី)}

សូមអ្នកទាំងអស់គ្នាក្រោកឈរឡើង ។ ចូរនិយាយជាមួយសមាជិកក្រុមផ្សេងទៀតយ៉ាងហោចណាស់បីនាក់ ហើយចែកចាយជាមួយគ្នានូវបទពិសោធន៍អំពីអ្វីដែលអ្នកបានប្រាប់នរណាម្នាក់ថា អ្នកកំពុងស្វែងរកការងារធ្វើ ឬ បានទាក់ទងទៅនិយោជកដែលមានសក្តានុពលម្នាក់ដោយផ្ទាល់ ។ តើអ្វីខ្លះដែលជាលទ្ធផល ?

ពិភាក្សា ៖តើអ្នកបានរៀនអ្វីខ្លះពីបទពិសោធន៍របស់គ្នាទៅវិញទៅមក ?

សូមអាន ៖ការស្វែងរកការងារដ៏ជោគជ័យមួយគឺ ធ្វើតាមរូបមន្តដ៏សាមញ្ញខាងក្រោម ៖

ធ្វើសកម្មភាពដោយសេចក្តីជំនឿ+ការប្រឹងប្រែងធ្វើការ+ធ្វើការដោយឆ្លាតវៃ=ជោគជ័យ

នៅក្នុងជំពូកមុន អ្នកបានរៀនអំពីសេចក្តីជំនឿ និងការប្រឹងប្រែងធ្វើការ ។ នៅក្នុងជំពូកនេះ យើងនឹងចាប់ផ្តើមរៀនពីជំនាញទាំងឡាយដើម្បីធ្វើការដោយឆ្លាតវៃ ។ យើងនឹងចាប់ផ្តើមដោយការសាងបណ្តាញការងារ ។

ការស្វែងរកការងាររបស់ចូស្ហ

សូមអាន ៖ចូស្ហបានស្វែងរកប្រភពការងារទាំងអស់របស់គាត់តាមរយៈអ៊ិនធើណែត ឬ ជាមួយភ្ញាក់ងារស្វែងរកការងារ ។ ទោះជាយ៉ាងណា គាត់ស្ទើរតែគ្មានជោគជ័យសោះ ហើយភាគច្រើនគាត់មិនបានទទួលព័ត៌មានអ្វីត្រឡប់មកវិញទេ ។ គាត់ជឿជាក់ថាមានមធ្យោបាយមួយដែលប្រសើរក្នុងការស្វែងរកការងារ ? គាត់ធ្លាប់បានឮពីការកសាងបណ្តាញការងារ ប៉ុន្តែមិនប្រាកដថាតើនោះគឺជាអ្វីនោះទេ ឬត្រូវចាប់ផ្តើមដោយរបៀបណានោះទេ ។

ពិភាក្សា ៖តើបទពិសោធន៍ស្វែងរកការងាររបស់អ្នកប្រៀបធៀបជាមួយចូស្ហយ៉ាងដូម្តេចដែរ ?

១. របៀបដែលមនុស្សពិតជាទទួលបានការងារ

សូមអាន ៖អ្នកនឹងរកបានការងារធ្វើកាន់តែលឿន ប្រសិនបើអ្នករកមើលតាមមធ្យោបាយដ៏មានប្រសិទ្ធិភាពបំផុតនោះ ។

សូមមើល ៖« How Jobs Are Really Filled » មាននៅគេហទំព័រ srs.lds.org/videos ។ ( គ្មានវីដេអូឬ ? សូមអាន ទំព័រ ៣៥ ។ )

សូមអាន ៖ចូរប្រៀបធៀបក្រាហ្វិកទាំងពីរនេះ ។

ពិភាក្សា ៖តើអ្វីនឹងផ្លាស់ប្តូរក្នុងការស្វែងរកការងារប្រសិនបើអ្នកបានកសាងបណ្តាញការងារកាន់តែច្រើន ?

២. និយាយទៅកាន់មនុស្សគ្រប់គ្នា

សូមអាន ៖ការកសាងបណ្តាញការងារគឺជាមធ្យោបាយដ៏ល្អបំផុតមួយក្នុងការស្វែងរកការងារ ? ការកសាងបណ្តាញការងារ មានន័យថាជាការស្វែងរកមនុស្សដែលអាចជួយអ្នកស្វែងរកមនុស្ស និងអង្គការទាំងឡាយដែលត្រូវការជំនាញនានារបស់អ្នក ។ និយាយទៅកាន់មនុស្សគ្រប់គ្នាអំពីការស្វែងរកការងារ ។ មនុស្សនឹងជួយអ្នក ។ ប្រធាន ស្ពែនស៊ើរ ដបុលយូ ឃឹមបឹល បានបង្រៀនថា ៖ « ព្រះស្គាល់យើង ហើយទ្រង់មើលថែយើង ។ ប៉ុន្តែវាជារឿងធម្មតាដែលទ្រង់បំពេញសេចក្ដីត្រូវការរបស់យើងតាមរយៈមនុស្សម្នាក់ទៀត » ( «Small Acts of Service » Ensign ខែ ធ្នូ ឆ្នាំ ១៩៧៩ ទំព័រ ទី ៥ ) ។

ពេលខ្លះអ្នកត្រូវសាងបណ្តាញការងារតាមរយៈស្រទាប់ជាច្រើនដើម្បីស្វែងរកមនុស្សដែលមានព័ត៌មានដែលអ្នកត្រូវការ ។ ការសាងបណ្តាញការងារតាមរយៈស្រទាប់ជាច្រើន មានន័យថាការសួរមនុស្សម្នាដើម្បីផ្តល់ឲ្យអ្នកនូវឈ្មោះមនុស្សផ្សេងទៀតដែលអ្នកមានព័ត៌មានដែលអាចជួយដល់អ្នក ។ អ្នកអាចសាងបណ្តាញដោយផ្ទាល់ តាមរយៈទូរស័ព្ទ ឬតាមអ៊ីមែល ។ អ្នកក៏អាចប្រើគេហទំព័របណ្តាញជំនាញវិជ្ជាជីវៈ និងសង្គមផងដែរ។

សកម្មភាព _{(២ នាទី)}

នេះគឺជាការប្រកួតប្រជែងមួយ ។ អ្នកណាដែលអាចសរសេរនូវទំនាក់ទំនងដ៏មានសក្តានុពលបានច្រើនជាងគេបំផុតជាអ្នកឈ្នះ ។

ជំហានទី ១ ៖ ដាក់កំណត់ពេលវេលាសម្រាប់រយៈពេល ៦០ វិនាទី ។ នៅពេលអ្នកសម្របសម្រួលនិយាយថាចាប់ផ្តើម អ្នកទាំងអស់គ្នាម្នាក់ៗត្រូវសរសេរមនុស្សឲ្យបានច្រើនតាមដែលអាច ឬនិយោជកឲ្យបានច្រើនតាមដែលអ្នកអាចគិតដល់ ។ សូមប្រើបញ្ជីទំនាក់ទំនងក្នុងទូរស័ព្ទរបស់អ្នក បណ្តាញសង្គមទាំងឡាយរបស់អ្នក អ៊ិនធើណែត និងអ្វីៗច្រើនទៀត ។

រួចឬនៅ ចាប់ផ្តើម !

ទំនាក់ទំនងដ៏មានសក្តានុពល

ជំហានទី ២ ៖ រាប់ឈ្មោះក្នុងបញ្ជីរបស់អ្នក ។ តើនរណាបានច្រើនជាងគេ ? គាត់គឺជាអ្នកឈ្នះ !

គន្លឹះ ៖មនុស្សម្នាក់ៗនិងអាជីវកម្មដែលអ្នកទើបតែសរសេរបានរាប់បញ្ចូលទៅគោលដៅប្រចាំថ្ងៃដើម្បីធ្វើការកំណត់អត្តសញ្ញាណ ធនធាននានា របស់អ្នក ។

ពិភាក្សា ៖

តើមានអ្វីអាចកើតឡើងប្រសិនបើអ្នកបាននិយាយជាមួយមនុស្សនិងអាជីវកម្មទាំងនេះអំពីការងារអ្វីដែលអ្នកកំពុងតែស្វែងរកនោះ ?
ចុះបើអ្នកបាននិយាយជាមួយមនុស្សទាំងអស់ផ្សេងទៀតដែលអ្នកស្គាល់ ?

៣. ខ្ញុំក្នុង ៣០ វិនាទី

សូមអាន ៖ការសាងបណ្តាញការងារជាមួយអ្នកដទៃ មានប្រសិទ្ធិភាពបំផុតបើសិនអ្នកដឹងនូវអ្វីដែលត្រូវនិយាយ ។ ខ្ញុំក្នុង ៣០ វិនាទី គឺជាឧបករណ៍ដ៏ល្អបំផុតសម្រាប់ការទំនាក់ទំនងជាមួយមនុស្ស ឬអាជីវកម្មទាំងឡាយ ។ វាជួយមនុស្សដឹងថាការងារអ្វីដែលអ្នកកំពុងតែស្វែងរក និងតើពួកគេអាចជួយដោយរបៀបណា ? វាធ្វើតាមជំហានទាំងបួននេះ ។

គន្លឹះ ៖សំណួរ ខ្ញុំក្នុង ៣០ វិនាទី ដែលអាចបានសួរ

តើនរណាខ្លះដែលអ្នកនឹងចង់ឲ្យខ្ញុំនិយាយជាមួយ ?
តើអ្នកបានដឹងថាមានឱកាសអ្វីខ្លះសម្រាប់មនុស្សដូចខ្ញុំ ?
តើអ្នកបានដឹងអ្វីខ្លះអំពី ( ក្រុមហ៊ុន ឧស្សាហកម្ម ) ?
តើអាជីវកម្មអ្វីខ្លះនៅក្នុងតំបន់ដែលអ្នកកំពុងតែស្វែងរក ( ប្រភេទការងារ ឬ តំណែង ) ?
តើអ្នកស្គាល់នរណាដែលធ្វើការដូចអ្វីដែលខ្ញុំធ្វើដែរទេ ?

ការស្វែងរកការងាររបស់ចូស្ហ

សូមអាន ៖នេះជារបៀបដែលចូស្ហបានប្រើ ខ្ញុំក្នុង ៣០ វិនាទី របស់គាត់ដើម្បីសាងបណ្តាញជាមួយពូដេវីឌ ។ កំណត់ចំណាំវគ្គទាំងបួនក្នុងសកម្មភាព ។

« ពូដេវីឌនេះគឺជាក្មួយប្រុសរបស់ពូ ➀ ចូស្ហ ។ តើពូសុខសប្បាយជាទេ ? តើពូមានពេលមួយនាទីដែរទេ ? ពូប្រហែលជាមិនធ្លាប់ដឹងពីរឿងនេះទេ ប៉ុន្តែ ➁ ខ្ញុំកំពុងតែស្វែងរកការងារថ្មីមួយផ្នែកដំឡើងកុំព្យូទ័រ ។ ➂ ខ្ញុំមានបទពិសោធន៍ពីរឆ្នាំ ហើយកាន់សញ្ញាប័ត្រខាងបច្ចេកទេសចំនួនបីបួន ។ កាលនៅក្រុមហ៊ុនមុន ខ្ញុំត្រូវបានដាក់នាមជាអ្នកបច្ចេកទេសខាងសេវាកម្មកំពូលដោយសារតែប្រសិទ្ធិភាពការងាររបស់ខ្ញុំ ។ ខ្ញុំពូកែនៅអ្វីដែលខ្ញុំធ្វើ ហើយរីករាយជាមួយវា ។ ➃ តើនរណាដែលពូស្គាល់ដែលខ្ញុំអាចទាក់ទងអំពីឱកាសការងារផ្សេងៗទេ ? »

សកម្មភាព ( ៥–៨ នាទី )

ឥឡូវ អ្នកនឹងបង្កើត ខ្ញុំក្នុង ៣០ វិនាទីរបស់អ្នក ហើយធ្វើការហ្វឹកហាត់វា ។

ជំហានទី ១ ៖ សូមម្នាក់ៗសរសេរវគ្គទាំងបួននៃ ខ្ញុំក្នុង ៣០ វិនាទី របស់អ្នកនៅក្នុងចន្លោះខាងក្រោម ៖

ជំហានទី ២ ៖ នៅពេលអ្នកម្នាក់ៗបានសរសេរ ខ្ញុំក្នុង ៣០ វិនាទី រួចហើយ ក្រោកឈរម្តងម្នាក់ៗ និងណែនាំខ្លួនឯងជាមួយ សេចក្តីថ្លែង ខ្ញុំក្នុង ៣០ វិនាទី របស់អ្នក ។ ចាត់នរណាម្នាក់ឲ្យកំណត់ពេលវេលានៃការណែនាំខ្លួនដូច្នេះអ្នកអាចដឹងថាអ្នកជិតដល់ ៣០ វិនាទី ។ សូមទះដៃ អបអរសាទរបន្ទាប់ពីចប់ការណែនាំនីមួយៗ ។

សូមអាន ៖នៅក្នុងជំពូកមុន យើងបានរៀនអំពីការទំនាក់ទំនង ។ សូមចាំថា ទំនាក់ទំនងមួយ គឺសំដៅលើគ្រប់កិច្ចសន្ទនាការងារទាំងឡាយជាមួយនិងធនធានមួយ ។ មិនមែនការទំនាក់ទំនងទាំងអស់គឺត្រូវបានបង្កើតមកស្មើគ្នានោះទេ ។ បើអ្នកអាចធ្វើឲ្យការទាក់ទងកាន់តែមានលក្ខណៈផ្ទាល់ខ្លួន នោះវានឹងកាន់តែមានប្រសិទ្ធិភាព ។ ការនិយាយដោយផ្ទាល់ជាមួយនរណាម្នាក់គឺកាន់តែមានប្រសិទ្ធិភាពជាងតាមអ៊ីមែល ឬតាមសារ ។ ការទំនាកទំនងយ៉ាងហោចណាស់ពីរក្នុងចំណោមទំនាក់ទំនងប្រចាំថ្ងៃ ទាំងនោះគួរតែជាការទំនាកទំនងដោយផ្ទាល់ ។ នោះហើយបានជា ខ្ញុំក្នុង ៣០ វិនាទី អាចមានអនុភាពខ្លាំងណាស់ ។

ខ្ញុំក្នុង ៣០ វិនាទី គឺជាជំនាញស្វែងរកការងារដែលអនុញ្ញាតឲ្យអ្នកធ្វើការដោយឆ្លាតវៃ ។ អ្នកដឹងថាអ្នកមាន ខ្ញុំក្នុង ៣០ វិនាទី ល្អនៅពេលវាតែងតែនាំមកនូវជំនួយដែលអ្នកត្រូវការ ។ ហ្វឹកហាត់ ខ្ញុំក្នុង ៣០ វិនាទី របស់អ្នកឲ្យបានញឹកញាប់ និងទទួលយកមតិកែលម្អ ។ ចូរចាប់ផ្ដើមឥឡូវ !

សកម្មភាព _{(៥ នាទី)}

ជំហានទី ១ ៖ គ្រប់គ្នាក្រោកឈរ ហើយបែងចែកជាពីរជួរទល់មុខគ្នា ។

ជំហានទី ២ ៖ ចែកចាយ ខ្ញុំក្នុង ៣០ វិនាទី របស់អ្នកជាមួយមនុស្សដែលនៅទល់មុខអ្នក ។

ជំហានទី ៣ ៖ សូមផ្តល់មតិកែលម្អឲ្យគ្នាទៅវិញទៅមកភ្លាមៗ ៖

តើដៃគូរបស់អ្នកបានចែកចាយពីការងារអ្វីដែលគាត់ ឬនាងកំពុងតែស្វែងរកដែរទេ ?
តើដៃគូរបស់អ្នកបានចែកចាយពីមូលហេតុដែលគាត់ ឬនាងពូកែធ្វើវាដែរទេ ?
តើដៃគូរបស់អ្នកបានសុំជំនួយទេ ? ដោយរបៀបណា ?
តើវាកៀកទៅនិង៣០ វិនាទី ទេ ?

ជំហានទី ៤ ៖ គ្រប់គ្នាក្នុងជួរតែមួយហើយផ្លាស់ទីមកក្រោយម្នាក់ម្តងៗ ។ អ្នកនៅខាងក្រោយគេ បង្វិលទៅជួរមុខម្តង ។ អ្នកនៅជួរមួយទៀតកុំផ្លាស់ទី ។ ធ្វើជំហានទី ១–៣ ឡើងវិញរហូតដល់អ្នកបានចែកចាយ ខ្ញុំក្នុង ៣០ វិនាទី របស់អ្នកជាមួយអ្នកគ្រប់គ្នា ហើយបានទទួលនូវមតិកែលម្អ ។

ពិភាក្សា ៖តើការកសាងបណ្តាញការងារជាមួយនិង ខ្ញុំក្នុង ៣០ វិនាទី របស់អ្នកដូចជាការធ្វើសកម្មភាពដោយសេចក្តីជំនឿដោយរបៀបណា ?

សកម្មភាព _{(៥ នាទី)}

ជំហានទី ១ ៖អ្នករាល់គ្នាម្នាក់ៗជ្រើសយកមនុស្សម្នាក់មកពីបញ្ជីទំនាក់ទំនងដ៏មានសក្តានុពលរបស់អ្នកនៅ ទំព័រ ២៨ ហើយទូរស័ព្ទទៅគាត់ ។ ចែកចាយ ខ្ញុំក្នុង ៣០ វិនាទី របស់អ្នកជាមួយគាត់ ហើយមើលថាតើអ្វីនឹងកើតឡើង ។

ជំហានទី ២ ៖ ត្រឡប់មកវិញទាំងអស់គ្នាជាក្រុមមួយ ហើយចែកចាយបទពិសោធន៍របស់អ្នក ។

សេចក្ដីបញ្ចប់

សូមមើល ៖« Basketball Got Me a Job » មាននៅគេហទំព័រ srs.lds.org/videos ។ ( គ្មានវីដេអូឬ ? សូមអាន ទំព័រ ៣៦ ) ។

ពិភាក្សា ៖តើមានអ្វីខ្លះដ៏សំខាន់បំផុតដែលអ្នកបានរៀនពីជំពូកនេះ ?

សូមអាន ៖ការស្វែងរកការងារដ៏ជោគជ័យមួយគឺធ្វើតាមរូបមន្តដ៏សាមញ្ញខាងក្រោម ៖

ការកសាងបណ្តាញការងារទាមទារឲ្យមានសេចក្តីជំនឿ និងកិច្ចខិតខំធ្វើការ ។ ការកសាងបណ្តាញក៏ជាមធ្យោបាយដ៏ឆ្លាតវៃជាងផងដែរក្នុងការស្វែងរកការងារមួយ និងឥឡូវអ្នកមាននូវឧបករណ៍ដ៏អស្ចារ្យបំផុតមួយគឺ ខ្ញុំក្នុង ៣០ វិនាទី ដើម្បីជួយអ្នកចាប់ផ្តើម ។ ព្រះអម្ចាស់បានសន្យាថា « ចូរបើកមាត់របស់អ្នកចុះ នោះមាត់នឹងបានពោរពេញ » ( គ. និង ស. ៣៣:៨ ) ។ ឥឡូវ សូមចេញទៅ ហើយធ្វើការកសាងបណ្តាញការងារឲ្យក្លាយជាផ្នែកមួយប្រចាំថ្ងៃនៃការស្វែងរកការងាររបស់អ្នក ។

សម្រាប់គំនិតល្អៗផ្សេងៗបន្ថែមទៀតស្តីពីការកសាងបណ្តាញការងារ សូមអាននៅ ទំព័រ ១៩៧–២០២ នៅក្នុងឧបសម្ពន្ធដោយខ្លួនឯងសប្តាហ៍នេះ ។