រៀន—ម៉ោងជាអតិបរមា ៖ ៤៥ នាទី

សូមអាន ៖ការស្វែងរកការងារដ៏ជោគជ័យមួយគឺធ្វើតាមរូបមន្តដ៏សាមញ្ញខាងក្រោម ៖

ធ្វើសកម្មភាពដោយសេចក្តីជំនឿ+ការប្រឹងប្រែងធ្វើការ+ធ្វើការដោយឆ្លាតវៃ=ជោគជ័យ

នៅក្នុងជំពូកមុន អ្នកបានរៀនជំនាញមួយដើម្បីជួយអ្នកធ្វើការដោយឆ្លាតវៃ ៖ របៀបដើម្បីផ្គូផ្គងជំនាញនានាឲ្យត្រូវតាមតម្រូវការរបស់និយោជក ។ នៅក្នុងជំពូកនេះ អ្នកនឹងរៀនជំនាញ « ធ្វើការដោយឆ្លាតវៃ » ផ្សេងទៀត ៖ សេចក្តីថ្លែងការណ៍ដ៏មានអនុភាព ។

ការស្វែងរកការងាររបស់ចូស្ហ

សូមអាន ៖ឥឡូវ ចូស្ហ អាចដឹងហើយថាគាត់មានលក្ខណៈល្អគ្រប់គ្រាន់សម្រាប់តំណែង ជាអ្នកផ្ដល់ជំនួយ ទាក់ទងនិងកុំព្យូទរ័នៅក្រុមហ៊ុនផ្នែកទីផ្សារ អេ ប៊ី ស៊ី ។ ប៉ុន្តែគាត់ក៏ប្រាកដដែរថា អ្នកដទៃទៀតក៏មានលក្ខណៈល្អគ្រប់គ្រាន់ដូចគ្នាដែរ ។ អ្វីដែលពិតជាជួយគាត់ឲ្យលេចធ្លោគឺសមិទ្ធិផលរបស់គាត់ ប៉ុន្តែគាត់មិនទាន់ប្រាកដថាត្រូវនិយាយអំពីវាដោយរបៀបណានោះទេ ។ គាត់កំពុងតែឆ្ងល់ថាតើគាត់អាចធ្វើអ្វីខ្លះដើម្បីអាចក្លាយជាបេក្ខជនមានលក្ខណៈសម្បត្តិល្អជាងគេសម្រាប់ជ្រើសរើស ។

សូមពិភាក្សា ៖តើអ្នកអាចប្រៀបប្រដូចខ្លួនឯងទៅចូស្ហតាមរបៀបណាខ្លះ ?

១. ធ្វើឲ្យមានចំណាប់អារម្មណ៍ខ្លាំង

សូមអាន ៖មធ្យោបាយល្អបំផុតដើម្បីបង្ហាញថាអ្នកសក្តិសមនឹងតម្រូវការរបស់និយោជកគឺតាមរយៈសេចក្តីថ្លែងការណ៍ដ៏មានអនុភាព ។ សេចក្តីថ្លែងការណ៍មួយ ពិពណ៌នាដោយសង្ខេបនូវបទពិសោធន៍ពីមុន និងសមិទ្ធិផលរបស់អ្នកដោយការចែកចាយនូវឧទាហរណ៍ និង លទ្ធផលច្បាស់លាស់មួយ ។ សូមគិត ថាពួកគេគឺជារឿងតូចៗ ។ អ្នកដទៃទៀតក៏អាចមានលក្ខណៈសម្បត្តិស្រដៀងគ្នា ប៉ុន្តែគ្មាននរណាបានធ្វើរឿងដូចគ្នាទេ ។ ដើម្បីជៀសជាងការសរសេរនូវជំនាញទូទៅដែលអ្នកផ្សេងអាចនិយាយបានដែរនោះ សូមប្រើសេចក្តីថ្លែងការណ៍ដ៏មានអនុភាពជំនួសវិញ ។

សកម្មភាព _{(៤ នាទី)}

សូមជ្រើសរើសតួ ហើយសម្តែងតាមគំរូបីដូចខាងក្រោម ៖ នៅពេលដែលអ្នកធ្វើដូចនេះ សូមគិតក្នុងចិត្ត« តើនរណាជាបេក្ខជនមានលក្ខណៈសម្បត្តិល្អជាងសម្រាប់ជ្រើសរើស ? »

គំរូអាក្រក់

អ្នកសម្ភាសន៍ ៖ « ប្រាប់ខ្ញុំអំពីពេលមួយដែលអ្នកបានផ្តល់នូវសេវាកម្មអតិថិជនដ៏ល្អបំផុតមួយ ។ »

អ្នកស្វែងរកការងារទី ១ ៖ « ខ្ញុំពិតជាចូលចិត្តផ្នែកសេវាកម្មអតិថិជន ហើយខ្ញុំគិតថាខ្ញុំពូកែខាងការងារហ្នឹង ។ លើកលែងតែអតិថិជនដែលជាមនុស្សគួរឲ្យស្អប់ ។ ខ្ញុំមិនចាំបាច់ធ្វើល្អដល់ពួកគាត់ទេ ។ ថាម៉េច អតិថិជនរបស់អ្នកគឺជាមនុស្សដែលគួរឲ្យស្អប់ ? »

គំរូធម្មតា

អ្នកស្វែងរកការងារទី ២ ៖ « សេវាកម្មអតិថិជនគឺសំខាន់ខ្លាំងណាស់សម្រាប់ខ្ញុំ ។ អតិថិជនគឺជាគន្លឹះដើម្បីបន្តជោគជ័យរបស់យើង ។ ខ្ញុំតែងតែបានឃើញថាប្រសិនបើអ្នកបម្រើអតិថិជនបានល្អត្រឹមត្រូវ ពួកគេនឹងផ្តល់ជារង្វាន់ដល់អ្នកដោយការបន្តអាជីវកម្ម ។ ខ្ញុំមានបទពិសោធន៍ច្រើនក្នុងការផ្តល់សេវាកម្មអតិថិជនហើយខ្ញុំពូកែខាងហ្នឹងណាស់។ អតិថិជនចង់ឲ្យយើងឮ និងដឹងថាយើងស្តាប់ពួកគេ។ វាគឺជាការសំខាន់ដែលយើងធ្វើឲ្យបានល្អបំផុតនិងត្រឹមត្រូវតាំងពីដំបូង ហើយធ្វើការកែតម្រូវភ្លាមៗនៅពេលយើងធ្វើកំហុសមួយ ។ ខ្ញុំជឿលើពាក្យដែលថា អតិថិជនតែងតែត្រូវជានិច្ច »

គំរូល្អ

អ្នកសម្ភាសន៍ ៖ « ប្រាប់ខ្ញុំអំពីពេលមួយដែលអ្នកបានផ្តល់នូវសេវាកម្មអតិថិជនដ៏ល្អបំផុតមួយ » ។

អ្នកស្វែងរកការងារទី ៣ ៖ « ខ្ញុំស្ទាត់ជំនាញណាស់ក្នុងការផ្តល់សេវាកម្មអតិថិជន ។ ឧទាហរណ៍ កាលដែលខ្ញុំធ្វើការឲ្យ ក្រុមហ៊ុនលក់ អ៊ី វ៉ាយ យើងមានអតិថិជនដ៏យូរអង្វែងម្នាក់ដែលម្តងនោះមិនបានទទួលនូវអ្វីដែលគាត់បានបញ្ជាទិញ ។ នៅពេលដែលគាត់បានទូរស័ព្ទមកខ្ញុំ គាត់បានបង្ហាញអារម្មណ៍ខកចិត្ត និងគម្រាមដើម្បីលុបចោលនូវអាជីវកម្មរបស់គាត់ទាំងអស់ជាមួយយើង ។ ខ្ញុំបានចំណាយពេលស្តាប់និងយល់ពីស្ថានភាពរបស់គាត់ ហើយបន្ទាប់មកបានផ្តល់នូវដំណោះស្រាយមួយដែលល្អសម្រាប់អតិថិជន ។ ជាលទ្ធផល យើងមិនគ្រាន់តែបានរក្សាអតិថិជនប៉ុណ្ណោះទេ ប៉ុន្តែគាត់បានបង្កើនការបញ្ជាទិញជាមួយយើងដល់ទៅ ២០០ ភាគរយ ។ ខ្ញុំមានទំនុកចិត្តថាខ្ញុំអាចយកជំនាញសេវាកម្មអតិថិជនដូចគ្នាទាំងនេះមកធ្វើការឲ្យអ្នក » ។

សូមពិភាក្សា ៖ហេតុអ្វីបានជាគំរូទីបីល្អជាងគេបំផុត ?

សូមអាន ៖អ្នកស្វែងរកការងារទីបីបានប្រើ សេចក្តីថ្លែងការណ៍ដ៏មានអនុភាព ដែលអាចឲ្យគាត់ និយាយអំពីអ្វីដែលបានធ្វើយ៉ាងពិតប្រាកដនៅក្នុងរបៀបមួយដ៏គួរឲ្យចាប់អារម្មណ៍ គួរឲ្យចងចាំ និងតាមរបៀបមួយដែលគ្មាននរណាធ្វើដូច ។ វាដូចជាសាច់រឿងខ្លីពិត ។ វាបានជួយអ្នកស្វែងរកការងារទីបីក្លាយជាបេក្ខជនមានលក្ខណៈសម្បត្តិល្អជាងគេ ។

២. ធ្វើតាមរូបមន្ត សេចក្តីថ្លែងការណ៍ដ៏មានអនុភាព

សូមអាន ៖សេចក្តីថ្លែងការណ៍ដ៏មានអនុភាពធ្វើឡើងតាមរូបមន្តដ៏សាមញ្ញមួយ ៖

ផ្នែកមួយនៃអនុភាពនៅក្នុងសេចក្តីថ្លែងការណ៍ដ៏មានអនុភាពនោះគឺថាវាខ្លី ។ ការបង្ហាញពីសេចក្តីថ្លែងការណ៍ដ៏មានអនុភាពមួយមិនគួរចំណាយពេលច្រើនជាង ៣០ ទៅ ៤៥ វិនាទីនោះទេ ។

ការស្វែងរកការងាររបស់ចូស្ហ

សូមអាន ៖ចូរមើលសេចក្តីថ្លែងការណ៍ដ៏មានអនុភាពមួយដែល ចូស្ហ បានរៀបចំឡើងបន្ទាប់ពីការពិនិត្យមើលបរិយាយការងារនៅឯក្រុមហ៊ុន ផ្នែកទីផ្សារ អេ ប៊ី ស៊ី ។ គាត់បានឃើញថា និយោជកត្រូវការនរណាម្នាក់ដែលពូកែខាងជំនាញរុករក និងដោះស្រាយបញ្ហា ។ សូមធ្វើកំណត់ចំណាំនូវរបៀបដែលគាត់បានប្រើរូបមន្តដើម្បីបង្កើតសេចក្តីថ្លែងការណ៍ដ៏មានអនុភាពរបស់គាត់ ។

➀ « ខ្ញុំពូកែខាងរុករកនិងដោះស្រាយបញ្ហា ។ ➁ ឧទាហរណ៍ ក្នុងនាមជាអ្នកជំនួយខាងបច្ចេកទេសនៅឯ ហាង ពិភព អាយ ធី ខ្ញុំបានអភិវឌ្ឍនូវដំណើរការសាមញ្ញមួយដើម្បីកំណត់អត្តសញ្ញាណនូវបញ្ហាខាងបច្ចេកទេសធម្មតាៗ ។ ➂ ជាលទ្ធផល ក្នុងរយៈពេលពីរឆ្នាំ ខ្ញុំបានដោះស្រាយបញ្ហា ជាង១០០០ករណី ប្រហែលជាពាក់កណ្តាលនូវអ្វីដែលក្រុមការងារខ្ញុំធ្វើបាន ។ ➃ ខ្ញុំអាចយកនូវភាពស្ទាត់ជំនាញនេះមកធ្វើការឲ្យអ្នក ។ »

សូមពិភាក្សា ៖តើសេចក្តីថ្លែងការណ៍ដ៏មានអនុភាពរបស់ ចូស្ហ បានជួយគាត់អាចក្លាយជាបេក្ខជនមានលក្ខណៈសម្បត្តិល្អជាងគេដោយរបៀបណា ?

សូមអាន ៖នេះគឺជាគំរូសេចក្ដីថ្លែងការណ៍ដ៏មានអានុភាពបន្ថែមទៀត សម្រាប់អ្នកត្រឡប់មកពីផ្សាយសាសនា ម្ចាស់អាជីវកម្មធនតូច និងម្ដាយ ដែលជាអ្នកកំពុងស្វែងរកការងារ ។ ពួកគេបានប្រើជំហានទាំងបួន និងរួមទាំងសេចក្តីលម្អិតជាក់លាក់ទាំងឡាយដើម្បីពង្រឹងសេចក្តីថ្លែងការណ៍ដ៏មានអនុភាពរបស់ពួកគេ ។ ប្តូរវេនគ្នាអានសេចក្តីថ្លែងនីមួយៗឲ្យឮៗ ។


➀ ប្រកាសពីជំនាញ ឬ បទពិសោធន៍មួយ ( « ខ្ញុំជា … » « ខ្ញុំអាច … » ឬ « ខ្ញុំមាន … » ។	➁ សូមផ្តល់ឧទាហរណ៍មួយ ( ឧទាហរណ៍ … » )	➂ សូមផ្តល់លទ្ធផលមួយ ( « ជាលទ្ធផល … » )	➃ ផ្គូផ្គងជំនាញទៅនឹងតម្រូវការរបស់និយោជក ។
អ្នកត្រឡប់មកពីផ្សាយសាសនា ខ្ញុំអាចបង្កើត ហើយជម្រុញទឹកចិត្តក្រុម ។	ឧទាហរណ៍ ក្នុងនាមជាអ្នកស្ម័គ្រចិត្តពេញម៉ោងសម្រាប់សាសនាចក្ររបស់ខ្ញុំ ខ្ញុំត្រូវបានសុំឲ្យដឹកនាំក្រុមអ្នកស្ម័គ្រចិត្តប្រាំបីនាក់ ដែលពុំមានសាមគ្គីភាពគ្នា ហើយមិនសម្រេចតាមគោលដៅ ។ ខ្ញុំបានរកឃើញតម្រូវការខ្លះៗនិងបានកែលម្អវគ្គបំពាក់បំប៉នជាក់លាក់ និង ការតាំងចិត្តដើម្បីជួយពួកគេឲ្យប្រសើរឡើង ។	ជាលទ្ធផល ក្រុមបានចាប់ផ្តើមសម្រេចគោលបំណង និងបន្ទាប់មកបានឈានដល់គោលដៅនានារបស់ពួកគេ។	ខ្ញុំអាចជួយក្រុមអ្នកឲ្យធ្វើការរួមគ្នាដើម្បីបំពេញ និងសម្រេចគោលដៅរបស់អ្នក ។
ម្ចាស់អាជីវកម្មតូច ខ្ញុំអាចដោះស្រាយបញ្ហានានាបាន	ឧទាហរណ៍ នៅក្នុងអាជីវកម្មគ្រួសាររបស់យើង យើងត្រូវការប្រព័ន្ធមួយដើម្បីតាមដានការចំណាយ ។ ខ្ញុំបានបង្កើតប្រព័ន្ធតាមដាននិងកំណត់អត្តសញ្ញាណអ្នកផ្គត់ផ្គង់ដែលបានគិតលុយពីយើងលើស ។	ជាលទ្ធផលពីការបង្កើតប្រព័ន្ធរបស់ខ្ញុំ ខ្ញុំបានកែតម្រូវការគិតលុយលើសនោះហើយបានជួយដល់អាជីវកម្មយើងសន្សំបានជាង ៥,០០០ដុល្លារាល់ឆ្នាំ ។	ខ្ញុំដឹងថាខ្ញុំអាចអនុវត្តជំនាញដោះស្រាយបញ្ហាដូចគ្នានេះសម្រាប់អ្នកដែរ ។
ម្ដាយ ខ្ញុំមានជំនាញខាងការរៀបចំដ៏រឹងមាំ ។	ឧទាហរណ៍ ក្នុងនាមជាម្តាយម្នាក់ ខ្ញុំសម្របសម្រួលកិច្ចការសាលា និងសកម្មភាពរបស់កូនបីនាក់បានយ៉ាងជោគជ័យ ។ ខ្ញុំបានរៀនដើម្បីចាត់ចែងកាលវិភាគរបស់យើងយ៉ាងដិតដល់ ។	ជាលទ្ធផល កូនៗរបស់ខ្ញុំកម្រខកខានក្នុងការធ្វើលំហាត់ ឬ ទៅចូលរួមសកម្មភាពណាមួយយឺតណាស់ ។	ខ្ញុំអាចប្រើជំនាញការរៀបចំដូចគ្នាទាំងនេះដើម្បីធានាថាអ្នកនឹងមិនដែលខកខានការណាត់ជួបឡើយ ។

សកម្មភាព _{(៥ នាទី)}

សូមចំណាយពេលពីរបីនាទី ហើយប្រើតារាងនេះដើម្បីបង្កើតសេចក្តីថ្លែងការណ៍ដ៏មានអនុភាពផ្ទាល់ខ្លួនខ្លះៗ ។ បន្ទាប់មក សូមចាប់ដៃគូជាមួយដៃគូសកម្មភាពរបស់អ្នកដើម្បីចែកចាយសេចក្តីថ្លែងទាំងនោះ ។

ធ្វើតាមរូបមន្ត ៖


➀ ប្រកាសពីជំនាញ ឬ បទពិសោធន៍មួយ ( « ខ្ញុំជា … » « ខ្ញុំអាច … » ឬ « ខ្ញុំមាន … » ។ )	➁ សូមផ្តល់ឧទាហរណ៍មួយ ( ឧទាហរណ៍ … » )	➂ សូមផ្តល់លទ្ធផលមួយ ( « ជាលទ្ធផល … » )	➃ ផ្គូផ្គងជំនាញទៅនឹងតម្រូវការរបស់និយោជក ។

សូមពិភាក្សា ៖តើអ្នកបានរៀនអ្វីខ្លះចេញមកពីការចែកចាយសេចក្តីថ្លែងការណ៍ដ៏មានអនុភាពរបស់អ្នក ?

សូមអាន ៖សេចក្តីថ្លែងការណ៍ដ៏មានអនុភាពគឺជាជំនាញស្វែងរកការងារមួយដែលនឹងជួយអ្នកឲ្យធ្វើការដោយឆ្លាតវៃ ។ អ្នកនឹងដឹងថាអ្នកធ្វើវាបានល្អប្រសិនបើសេចក្តីថ្លែងការណ៍ដ៏មានអនុភាពរបស់អ្នកនាំឲ្យនិយោជកមានការចាប់អារម្មណ៍កាន់តែខ្លាំង ។ សេចក្តីថ្លែងការណ៍ដ៏មានអនុភាពនៅក្នុងជីវប្រវត្តិការងារគួរនាំទៅដល់ការសម្ភាសន៍ ។ សេចក្តីថ្លែងការណ៍ដ៏មានអនុភាពក្នុងការទំនាក់ទំនងគួរនាំទៅរកបានព័ត៌មាន ឬ ប្រភពការងារដ៏មានប្រយោជន៍ ។ ហើយសេចក្តីថ្លែងការណ៍ដ៏មានអនុភាពនៅក្នុងការសម្ភាសន៍គួរនាំទៅរកការផ្តល់ការងារ ។ ប្រសិនបើអ្នកមិនបានទទួលលទ្ធផលទាំងនេះទេ សូមប្រឹងប្រែងធ្វើឲ្យជំនាញនេះកាន់តែល្អប្រសើរ ។

ការហ្វឹតហាត់ជាមួយអ្នកដទៃ និង ការទទួលបានមតិកែលម្អនឹងជួយអ្នកឲ្យបានកាន់តែល្អប្រសើរ ។ ចូរចាប់ផ្ដើមឥឡូវនេះ !

សកម្មភាព _{(៥ នាទី)}

ជំហានទី ១ ៖ អ្នកគ្រប់គ្នាក្រោកឈរឡើងហើយឈរជាពីរជួរទល់មុខគ្នា ។

ជំហានទី ២ ៖ ចែកចាយសេចក្តីថ្លែងការណ៍ដ៏មានអនុភាព របស់អ្នកជាមួយមនុស្សដែលនៅទល់មុខអ្នក ។

ជំហានទី ៣ ៖ សូមផ្តល់មតិកែលម្អដល់គ្នាទៅវិញទៅមកភ្លាមៗ ៖

តើជំនាញអ្វីដែលដៃគូរបស់អ្នកបានប្រកាស ?
តើអ្វីជាឧទាហរណ៍របស់ដៃគូរបស់អ្នក ?
តើលទ្ធផលគឺជាអ្វី ?
តើដៃគូអ្នកបានធ្វើការផ្គូផ្គងវាទៅនិងតម្រូវការរបស់និយោជករបៀបណា ?
តើអ្នកមានការចាប់អារម្មណ៍ទេ ?

ជំហានទី ៤ ៖ សូមឲ្យគ្រប់គ្នាឈរមួយជួរបន្ទាប់មកសូមចាប់ផ្តើមថ្លែងបន្តគ្នាទៅក្រោយ ម្នាក់ម្តងៗ ។ អ្នកនៅក្រោយគេបង្អស់ប្តូរមកខាងមុខជួរវិញ ។ ឯជួរមួយទៀតកុំកម្រើក ។ សូមធ្វើជំហាន ១–៣ រហូតដល់អ្នកបានចែកចាយសេចក្តីថ្លែងការណ៍ដ៏មានអនុភាពរបស់អ្នកជាមួយអ្នកគ្រប់គ្នាហើយបានទទួលមតិកែលម្អ ។

សូមពិភាក្សា ៖តើសេចក្តីថ្លែងការណ៍ដ៏មានអនុភាពរបស់អ្នកនឹងជួយអ្នកក្លាយជាបេក្ខជនមានលក្ខណៈសម្បត្តិល្អជាងគេដោយរបៀបណា ?

សេចក្ដីបញ្ចប់

សូមមើល ៖« The Power of Power Statements » មាននៅគេហទំព័រ srs.lds.org/videos ។ ( គ្មានវីដេអូឬ ? សូមអាន ទំព័រ ៧០ ) ។

សូមពិភាក្សា ៖តើមានអ្វីខ្លះដ៏សំខាន់បំផុតដែលអ្នកបានរៀនមកពីជំពូកនេះ ?

សូមអាន ៖សេចក្តីថ្លែងការណ៍ដ៏មានអនុភាពនឹងក្លាយជាជំនាញស្វែងរកការងារដ៏មានឥទ្ធិពលបំផុតដែលអ្នកអាចរៀន ។ ពួកវាគឺជាគន្លឹះដើម្បីធ្វើការដោយឆ្លាតវៃ ។

សេចក្តីថ្លែងការណ៍ដ៏មានអនុភាពនឹងជួយអ្នកក្លាយជាជម្រើសដ៏លេចធ្លោបានច្រើនជាងអ្វីផ្សេងដែលអ្នកអាចធ្វើ ។ សូមប្រើវានៅក្នុងប្រវត្តិរូបសង្ខេបការងារ ការទំនាក់ទំនង និងការសម្ភាសន៍ ។ អនុវត្តជំនាញនេះ ។ សូមរៀបចំសេចក្តីថ្លែងការណ៍ដ៏មានអនុភាពមួយចំនួន ។ អធិស្ឋានសុំជំនួយពីព្រះវបិតាសួគ៌ ហើយអ្នកនឹងឃើញជោគជ័យដ៏ល្អប្រសើរខ្លាំងឡើង ។