ធនធាននានា
លើកទី ១៦ គឺមានតម្លៃ
-
សូមអាន ៖ចូរអានអំពីរបៀបដែលជំនាញស្វែងរកការងាររបស់អ៊ីសាប៊ែលឡាបានល្អប្រសើរយ៉ាងខ្លាំងនៅពេលនាងបានចាប់ផ្តើមបំពេញជំនាញនានារបស់នាងឲ្យស្របតាមតម្រូវការរបស់និយោជក ។
« ខ្ញុំបានចេញទៅរកការងារធ្វើអស់រយៈពេលជាងមួយខែ ។ មានរោងចក្រមួយនៅជិតទីក្រុងរបស់ខ្ញុំ ជាទីដែលខ្ញុំចង់ធ្វើការ ហើយពួកគេតែងរើសបុគ្គលិកជាញឹកញាប់ ។ ខ្ញុំមានលក្ខណៈសម្បតិ្តគ្រប់គ្រាន់សម្រាប់តំណែងមួយ ដូច្នេះខ្ញុំបានដាក់ពាក្យ ។ ខ្ញុំបានដាក់ពាក្យអស់ ១៥ ដង សម្រាប់តំណែងដដែលនោះ ប៉ុន្តែមិនធ្លាប់ត្រូវបានហៅសម្រាប់ការសម្ភាសសូម្បីតែម្តង ។ ពិតណាស់ ខ្ញុំបានផ្ញើប្រវត្តិរូបសង្ខេបការងារដូចគ្នានោះម្តងហើយម្តងទៀតដោយរំពឹងថាបានទទួលលទ្ធផលផ្សេងមួយ ។ បន្ទាប់មក ខ្ញុំបានរៀនអំពីការកត់សម្គាល់នូវតម្រូវការរបស់និយោជក ហើយនេះបានផ្លាស់ប្តូរអ្វីៗទាំងអស់ ។
« ខ្ញុំបានមើលទៅលើការបរិយាយការងារ ហើយបានកត់សម្គាល់នូវជំនាញសំខាន់ៗ និងបទពិសោធន៍ ។ នៅពេលដែលខ្ញុំបានក្រឡេកមើលប្រវត្តិរូបសង្ខេបការងារ និងពាក្យស្នើសុំដែលខ្ញុំបានដាក់នោះ វាស្ទើតែគ្មានអ្វីដែលប្រហាក់ប្រហែលនិងតម្រូវការរបស់និយោជកសោះ ។ មិនបាច់ឆ្ងល់ទេថាហេតុអ្វីបានជាពួកគេមិនបានហៅខ្ញុំមកសម្ភាសនោះ ។ ដូច្នេះ ខ្ញុំបានកំណត់សម្គាល់ជំនាញ និងស្នាដៃទាំងឡាយរបស់ខ្ញុំ ដែលត្រូវនិងតម្រូវការរបស់និយោជក ហើយបានដាក់ពាក្យជាលើកទី ១៦ ។ ពីរសប្ដាហ៍ក្រោយមក ខ្ញុំត្រូវបានហៅឲ្យមកសម្ភាស ! ពួកគេបានរើសខ្ញុំឲ្យធ្វើការភ្លាមបន្ទាប់ពីការសម្ភាសត្រូវបានបញ្ចប់ ហើយខ្ញុំបានចាប់ផ្តើមធ្វើការងារនៅសប្តាហ៍នោះតែម្តង ។ ការរៀបចំជំនាញនានាឲ្យត្រូវតាមតម្រូវការរបស់និយោជក គឺជាចំណុចសំខាន់នៃជោគជ័យរបស់ខ្ញុំ ។ »
សូមត្រឡប់ទៅ ទំព័រ ៥១ វិញ