រៀន—ម៉ោងជាអតិបរមា ៖ ៤៥ នាទី

សូមអាន ៖ការស្វែងរកការងារដ៏ជោគជ័យមួយដោយធ្វើតាមរូបមន្តដ៏សាមញ្ញខាងក្រោម ៖

ធ្វើសកម្មភាពដោយសេចក្តីជំនឿ+ការប្រឹងប្រែងធ្វើការ+ធ្វើការដោយឆ្លាតវៃ=ជោគជ័យ

នៅក្នុងជំពូកនេះ អ្នកនឹងរៀនពីរបៀបដែលគោលការណ៍ដូចគ្នាទាំងនេះអនុវត្ត ក្នុងការទទួលបានជោគជ័យនៅកន្លែងការងារ និងពីរបៀបដែលការងាររួមចំណែកឆ្ពោះទៅរកភាពខ្លួនទីពឹងខ្លួនរបស់អ្នក ។

ការស្វែងរកការងាររបស់ចូស្ហ

សូមអាន ៖នេះជាដំណឹងល្អ ! ជូលី មកពីក្រុមហ៊ុនផ្នែកទីផ្សារ អេ ប៊ី ស៊ី បានទូរស័ព្ទមក ចូស្ហ ហើយផ្តល់ការងារឲ្យគាត់នូវតំណែង ជាអ្នកផ្តល់ជំនួយខាងបច្ចេកទេស ។ គាត់ចាប់ផ្តើមធ្វើការសប្តាហ៍នេះ ។ ចូស្ហ និងគ្រួសាររបស់គាត់មានចិត្តរំភើបណាស់ ! នេះគឺជាជំហានមួយដ៏អស្ចារ្យទៅកាន់ភាពខ្លួនទីពឹងខ្លួន ដែលចូស្ហដឹងថាគឺច្រើនជាងគ្រាន់តែជាការងារមួយទៅទៀត។

ពិភាក្សា ៖តើការងារ មានទំនាក់ទំនងទៅនិងភាពខ្លួនទីពឹងខ្លួនដោយរបៀបណាខ្លះ ?

សូមអាន ៖បទគម្ពីរបង្រៀន « ដ្បិតអ្នករាល់គ្នាមិនបានមកដល់នេះទេ លើកលែងតែ ដោយព្រះបន្ទូលនៃព្រះគ្រីស្ទ ដោយមានសេចក្តីជំនឿដ៏រឹងប៉ឹងដល់ព្រះអង្គ ដោយពឹងផ្អែកទាំងស្រុង ទៅលើបុណ្យគុណរបស់ទ្រង់ ដែលមានឥទ្ធិឫទ្ធិដើម្បីសង្រ្គោះ » ( នីហ្វៃទី ២ ៣១:១៩ ) ។ យើងបានឃើញថា ចូស្ហបានខិតខំប្រឹងប្រែង អនុវត្តសេចក្តីជំនឿ ហើយត្រូវបានប្រទានពរជាមួយការងារមួយ ។ ទោះជាយ៉ាងណាក៏ដោយ ការគ្រាន់តែត្រូវបានជួលឲ្យធ្វើការ មិនមែនមានន័យថា មនុស្សម្នាក់នឹងក្លាយជាខ្លួនទីពឹងខ្លួនដោយស្វ័យប្រវត្តនោះទេ ។ អ្នកក៏ត្រូវការធ្វើការងាររបស់អ្នកឲ្យល្អ ហើយប្រហែលជាត្រូវដាក់គោលដៅទាំងឡាយឆ្ពោះទៅកាន់ការងារល្អប្រសើរជាងនោះទៅទៀត ។ ព្រះវរបិតាសួគ៌អាចជួយអ្នកក្នុងរឿងនេះ ។

ពិភាក្សា ៖តើព្រះអម្ចាស់អាចនឹងប្រទានពរដល់អ្នកនៅក្នុងការងាររបស់អ្នកដោយរបៀបណា ?

១. ធ្វើជានិយោជិកដ៏ពូកែបំផុតម្នាក់

សូមអាន ៖ការធ្វើជានិយោជិកដ៏ពូកែបំផុតម្នាក់នឹងជួយអ្នករក្សាការងាររបស់អ្នក រីកចម្រើននៅកន្លែងធ្វើការ ហើយរកបានប្រាក់ច្រើន ។ នេះអាចជួយអ្នកក្លាយជាកាន់តែមានភាពខ្លួនទីពឹងខ្លួន ។

មិនថាអ្នកស្ថិតនៅក្នុងការងារដែលអ្នកពេញចិត្ត ឬមិនទាន់នោះទេ សូមចងចាំថា តែងតែមាននូវតម្លៃ និងបទពិសោធន៍បានទទួលតាមរយៈគ្រប់ការងារ ។

និយោជិកល្អមើលឃើញការងារដូចជាឱកាសមួយ បើទោះជាពួកគេចង់បានការងារមួយប្រសើរជាងនោះក៏ដោយ ។ សូមកុំព្យាយាមចាកចេញពីការងារមួយឡើយរហូតដល់ពេលអ្នករកបានការងារមួយទៀតសិន ។ ឱកាសត្រូវខិតខំធ្វើការ ហើយការធ្វើជានិយោជិតល្អម្នាក់ នឹងនាំមកដល់អ្នកនូវឱកាសកាន់តែច្រើន ។ ការងារស្ទើរតែទាំងអស់គឺមានតម្លៃ ។

ពិភាក្សា ៖ហេតុអ្វីអ្នកគួរតែក្លាយជានិយោជិកដ៏ល្អ មិនថាការងារនោះយ៉ាងម៉េចនោះទេ ?

សូមមើល ៖« Keep it Simple » មាននៅគេហទំព័រ srs.lds.org/videos ។ ( គ្មានវីដេអូឬ ? សូមអាន ទំព័រ ១៨២ ) ។

សកម្មភាព _{(៥ នាទី)}

ជំហានទី ១ ៖ គិតអំពីការងារដែលអ្នកមាន ឬការងារដែលអ្នកចង់ធ្វើ ។ បុគ្គលម្នាក់ៗ សូមសរសេរនូវកិច្ចការជាក់លាក់ចំនួនបីដែលអ្នកអាចធ្វើដើម្បីក្លាយជានិយោជិកដ៏ល្អម្នាក់សម្រាប់ការងារនោះរៀងខ្លួន ។

ជំហានទី ២ ៖ បុគ្គលម្នាក់ៗចែកចាយគំនិតម្នាក់មួយជាមួយក្រុម ។ ប្រសិនបើអ្នកឮអ្វីមួយដែលអ្នកចង់ធ្វើ សរសេរវាទុក ។

២. ដាក់គោលដៅការងារ

សូមអាន ៖ដើម្បីក្លាយជាខ្លួនទីពឹងខ្លួន អ្នកអាចត្រូវពិចារណាពីគោលដៅការងារដ៏វែងឆ្ងាយ ។

ពិចារណា ៖តើការងារបច្ចុប្បន្ន ( ឬការងារដែលអ្នកកំពុងស្វែងរក ) នឹងជួយអ្នកក្លាយជាមនុស្សមានភាពខ្លួនទីពឹងខ្លួន ដែរឬទេ ?

សកម្មភាព _{(៨ នាទី)}

សូមផ្លាស់ទីកៅអីរបស់អ្នក ដើម្បីនិយាយជាមួយអ្នកផ្សេងទៀតនៅក្នុងក្រុម ។

ជំហានទី ១ ៖ សូមពិពណ៌នាពីការងារបច្ចុប្បន្នរបស់អ្នក ឬការងារដែលអ្នកកំពុងតែស្វែងរក ។

ជំហានទី ២ ៖ សូមពិពណ៌នាពីការងារដែលអ្នកចង់បាននៅ ក្នុងរយៈពេលពីពីរទៅបួនឆ្នាំខាងមុខ ។ តើវាជាការងារដដែល ឬការងារផ្សេងទៀត ?

ជំហានទី ៣ ៖ សូមពិភាក្សាថាតើវាយ៉ាងម៉េចដែរ បើមានលុយគ្រប់គ្រាន់ដើម្បីធ្វើដំណើរទៅព្រះវិហារបរិសុទ្ធ បម្រើបេសកកម្ម ឬជួយអ្នកដទៃនោះ ។

ជំហានទី ៤ ៖ សូមសរសេរ នូវអ្វីដែលអ្នកបានពិភាក្សានៅក្នុងប្រអប់ទាំងនេះ ។

តើអ្នកនៅចំណុចណាឥឡូវនេះ	តើអ្នកចង់ក្លាយទៅជាអ្វី

សូមអាន ៖ឥឡូវនេះ ដោយសារតែអ្នកដឹងអំពីកន្លែងដែលអ្នកចង់ទៅហើយ តើអ្នកទៅដល់ទីនោះរបៀបណា ? ដើម្បីរីកចម្រើនក្នុងការងារ អ្នកអាចត្រូវការនូវជំនាញ ឬ ការអប់រំបន្ថែម ។ អ្វីដែលអ្នកបានរៀនអំពីការស្វែងរកការងារនឹងជួយអ្នកជាមួយនិងគោលដៅការងារផងដែរ ។ ការស្វែងរកធនធាននានា និងការទាក់ទងទៅមនុស្សទាំងឡាយនឹងជួយអ្នកឲ្យសក្តិសមសម្រាប់តំណែងនានាដែលអ្នកចង់បាននៅពេលអនាគត ។

ការស្វែងរកការងាររបស់ចូស្ហ

សូមអាន ៖ចូស្ហសប្បាយចិត្តក្នុងការមានការងារមួយ ប៉ុន្តែគាត់ចង់ក្លាយជា វិស្វករខាងតបណ្តាញម្នាក់ ។ នោះនឹងជួយគាត់រកប្រាក់បានច្រើនថែមទៀត នឹងក្លាយកាន់តែមានភាពខ្លួនទីពឹងខ្លួន ។ ដើម្បីជួយគាត់ដឹងពីអ្វីដែលគាត់ត្រូវធ្វើបន្ទាប់ទៀត គាត់បានប្រើឧបករណ៍ដូចខាងក្រោម ។

តំណែងដែលអ្នកចង់បាន	ជំនាញ និងចំណេះវិជ្ជាដែលអ្នកត្រូវការ	វិធីសាស្រ្តដែលអ្នកអាចទទួលបានជំនាញ និងចំណេះវិជ្ជា	ជំហានបន្ទាប់
វិស្វករខាងតបណ្តាញ	សញ្ញាប័ត្រខាងវិទ្យាសាស្ត្រកុំព្យូទ័រ វិញ្ញាបនបត្រខាងតបណ្តាញ បទពិសោធន៍ច្រើន	បញ្ចប់សញ្ញាប័ត្រ សួររកគម្រោងពិសេសនានា និយាយជាមួយវិស្វករខាងតបណ្តាញដទៃទៀត	សម្ភាសន៍រកព័ត៌មានជាមួយវិស្វករខាងតបណ្តាញមួយចំនួន

សកម្មភាព _{(៨ នាទី)}

គិតអំពីតំណែងដែលអ្នកចង់បាន ឬ របៀបដើម្បីធ្វើឲ្យបានកាន់តែប្រសើរក្នុងតួនាទីបច្ចុប្បន្នរបស់អ្នក។ ចូរបំពេញតារាងដូចខាងក្រោម ។ បន្ទាប់មកសូមចែកចាយវាជាមួយដៃគូសកម្មភាពរបស់អ្នក ។

តំណែងដែលអ្នកចង់បាន	ជំនាញ និងចំណេះវិជ្ជាដែលអ្នកត្រូវការ	វិធីសាស្រ្តដែលអ្នកអាចទទួលបានជំនាញ និងចំណេះវិជ្ជា	ជំហានបន្ទាប់

ពិភាក្សា ៖តើការធ្វើតាមជំហានទាំងនេះ នឹងនាំទៅរកការមានភាពខ្លួនទីពឹងខ្លួនកាន់តែអស្ចារ្យដោយរបៀបណា ?

សេចក្ដីបញ្ចប់

សូមមើល ៖« Growing » មាននៅលើគេហទំព័រ srs.lds.org/videos ។ ( គ្មានវីដេអូឬ ? សូមអាន ទំព័រ ១៨៣ ) ។

ពិភាក្សា ៖តើមានអ្វីខ្លះដែលសំខាន់បំផុតដែលអ្នកបានរៀនមកពីជំពូកនេះ ?

សូមអាន ៖រូបមន្តសម្រាប់ការស្វែងរកការងារដ៏ជោគជ័យមួយគឺ ៖

គោលការណ៍ដូចគ្នានេះអនុវត្តចំពោះការទទួលបានជោគជ័យនៅកន្លែងការងារផងដែរ ។ ព្រះស្រឡាញ់អ្នក ហើយសព្វព្រះទ័យឲ្យអ្នកក្លាយទៅជាមានភាពខ្លួនទីពឹងខ្លួន ។ ចូរបង្ហាញសេចក្តីជំនឿដោយការព្យាយាមដើម្បីធ្វើជានិយោជិកដ៏ល្អបំផុតម្នាក់ ហើយដាក់ផែនការសម្រាប់ការងារមួយដែលនឹងជួយអ្នកឲ្យក្លាយជាមនុស្សមានភាពខ្លួនទីពឹងខ្លួន ។ ទ្រង់នឹងប្រទានពរដល់អ្នកនៅពេលអ្នកខិតខំធ្វើការ ហើយធ្វើសកម្មភាពដោយសេចក្តីជំនឿ ។