រៀន—ម៉ោងជាអតិបរមា ៖ ៤៥ នាទី

សូមអាន ៖ការស្វែងរកការងារដ៏ជោគជ័យមួយគឺត្រូវធ្វើតាមរូបមន្តដ៏សាមញ្ញខាងក្រោម ៖

ធ្វើសកម្មភាពដោយសេចក្តីជំនឿ+ការប្រឹងប្រែងធ្វើការ+ធ្វើការដោយឆ្លាតវៃ=ជោគជ័យ

ជំនាញការសម្ភាសន៍ជួយអ្នកធ្វើការដោយឆ្លាតវៃជាង ។ ពីព្រោះការសម្ភាសន៍គឺសំខាន់ខ្លាំងណាស់ យើងនឹងចំណាយជំពូកបីបន្ទាប់រៀន និងអនុវត្តជំនាញនានានៃការសម្ភាសន៍ ។

ការស្វែងរកការងាររបស់ចូស្ហ

សូមអាន ៖ដំណឹងល្អច្រើន ។ ជូលីមកពីក្រុមហ៊ុនផ្នែកទីផ្សារ អេប៊ីស៊ី បានទូរស័ព្ទមក ចូស្ហ បន្ទាប់ពីនាងបានទទួលប្រវត្តិរូបសង្ខេប និងសំបុត្រអមប្រវត្តិរូបសង្ខេបរបស់គាត់ ។ នាងបានធ្វើការណាត់សម្ភាសន៍ជាមួយគាត់ក្នុងរយៈពេលពីរថ្ងៃខាងមុខ សម្រាប់ការងារជា អ្នកផ្តល់ជំនួយខាងបច្ចេកទេស ។ ចូស្ហតែងតែមានភាពភិតភ័យអំឡុងការសម្ភាសន៍ការងារ និងមានការព្រួយបារម្ភអំពីសំណួរអ្វីដែលជូលីអាចនឹងសួរគាត់ ។ គាត់បានប្រាកដក្នុងចិត្តថា គាត់ធ្វើមិនបានល្អទេកាលពីការសម្ភាសន៍ចំនួនពីរដងលើកមុន ប៉ុន្តែគាត់ក៏មិនដឹងប្រាកដថាតើមានអ្វីខ្លះដែលគាត់អាចធ្វើឲ្យបានប្រសើរនោះដែរ ។ ចូស្ហចង់រៀបចំខ្លួនឲ្យបានស្រួលបួល។

ពិភាក្សា ៖តើអ្នកអាចប្រដូចទៅចូស្ហតាមរបៀបណា ?

សូមមើល ៖« The Interview » មាននៅលើគេហទំព័រ srs.lds.org/videos ។ ( គ្មានវីដេអូឬ ? សូមអាន ទំព័រ ១០៩ ) ។

សូមអាន ៖ការសម្ភាសន៍គឺជាជំហានចុងក្រោយមួយនៃការទទួលការងារមួយ ។ គោលបំណងនៃការសម្ភាសន៍គឺដើម្បីទទួលបានការងារមួយ ។ ព្រះអម្ចាស់បានសន្យាថា « ប្រសិនបើជាអ្នករាល់គ្នា បានប្រុងប្រៀបទុកជាស្រេច នោះអ្នករាល់គ្នានឹងមិនត្រូវខ្លាចឡើយ » ( គ.និងស. ៣៨:៣០ ) ។ ប្រសិនបើអ្នករៀបចំបានល្អ អ្នកអាចជំនួសការភ័យខ្លាចជាមួយនិងទំនុកចិត្តវិញ។

នៅក្នុងជំពូកនេះ អ្នកនឹងរៀនធ្វើការដោយឆ្លាតវៃដោយការអភិវឌ្ឍជំនាញការសម្ភាសន៍ដូចខាងក្រោម ៖

ការរៀបចំមុនការសម្ភាសន៍ ។
បើកការសម្ភាសន៍ប្រកបដោយប្រសិទ្ធិភាព
ប្រើ ខ្ញុំក្នុង ៣០ វិនាទី របស់អ្នក ។
ប្រើសេចក្ដីថ្លែងការណ៍ដ៏មានអនុភាព ។

១. ការរៀបចំមុនការសម្ភាសន៍

សូមអាន ៖តើវាមិនជាការល្អទេអីដើម្បីដឹងថាសំណួរអ្វីនឹងត្រូវសួរទៅអ្នកក្នុងការសម្ភាសន៍នោះ ?

អ្នកអាច ។

អ្នកសម្ភាសន៍ភាគច្រើននឹងសួរនូវសំណួរបទសម្ភាសន៍ទូទៅទាំងឡាយបញ្ចូលគ្នា និងសំណួរជាក់លាក់ទាក់ទងនិងការងារ ។ អ្នកដឹងរួចហើយនូវរបៀបដើម្បីធ្វើការកត់សម្គាល់នូវតម្រូវការរបស់និយោជក ដូច្នេះអ្នកអាចប្រើជំនាញនោះដើម្បីគិតមើលនូវអ្វីដែលនិយោជកនឹងប្រហែលជាសួរអ្នក ។ ឧទាហរណ៍ ចូស្ហដឹងយ៉ាងប្រាកដថា គាត់នឹងត្រូវបានសួរអំពី សេវាកម្មអតិថិជន ការដោះស្រាយបញ្ហា និងកិច្ចការនានាទាក់ទងនឹងបចេ្ចកទេសក្នុងល័ក្ខខ័ណ្ឌសាមញ្ញ ។

២. បើកការសម្ភាសន៍ប្រកបដោយប្រសិទ្ធិភាព

សូមអាន ៖នៅពេលអ្នកចាប់ផ្តើមការសម្ភាសន៍ មាននូវកិច្ចការសាមញ្ញមួយចំនួនដែលអ្នកអាចធ្វើដើម្បីដឹកនាំឲ្យមានចំណាប់អារម្មណ៍ដំបូងដ៏អស្ចារ្យមួយ ។ ជាក្រុម សូមធ្វើការប្តូរវេនគ្នាអាននូវបញ្ជីនៃអ្វីដែលគួរធ្វើ និងមិនគួរធ្វើដូចខាងក្រោម ៖

គួរធ្វើ	មិនគួរធ្វើ
ស្លៀកពាក់ប្រកបដោយវិជ្ជាជីវៈមួយកម្រិតខ្ពស់ជាងស្តង់ដាឯកសណ្ឋានក្រុមហ៊ុន ។	ស្លៀកពាក់ធម្មតាពេក។
មកដល់មុន ៥–១០ នាទី ។	មកយឺត ឬ មកមុនម៉ោង ១០ នាទី ។
ប្រើភាសាកាយវិការវិជ្ជមាន ។	ប្រើភាសាកាយវិការអវិជ្ជមាន ។

៣. ប្រើខ្ញុំក្នុង ៣០ វិនាទីរបស់អ្នក

សូមអាន ៖ជាញឹកញាប់ សំណួរដំបូងមួយនៃការសម្ភាសន៍ដែលអ្នកនឹងត្រូវបានសួរគឺ «ចូរប្រាប់ខ្ញុំអំពីខ្លួនអ្នក » ។ ការសម្រួល ខ្ញុំក្នុង ៣០ វិនាទី ទៅតាមការរៀបចំសម្ភាសន៍មួយគឺជាការឆ្លើយតបដ៏ល្អបំផុតមួយចំពោះសំណួរនេះ ។ ខ្ញុំក្នុង ៣០ វិនាទី សម្រាប់ការសម្ភាសន៍មួយគឺមានលក្ខណៈប្លែកបន្តិច ។ ឧទាហរណ៍ អ្នកមិនត្រូវការប្រើឈ្មោះរបស់អ្នកជានិច្ចទេ ។ ហើយជំនួសឲ្យការសួររកអ្នកស្គាល់ដូចអ្នកនឹងសួរជាមួយបណ្តាញការងារ អ្នកបញ្ចប់វាដោយការបង្ហាញនូវចំណាប់អារម្មណ៍ចំពោះក្រុមហ៊ុន ឬ តំណែងនោះ ។

សកម្មភាព _{(៤ នាទី)}

ចូរអានគំរូរបស់មនុស្សពីរនាក់ក្នុងការឆ្លើយតបទៅនិងសំណួរចាប់ផ្តើមនៃការសម្ភាសន៍ ។ សូមជ្រើសរើសតួ ហើយដើរតួដូចខាងក្រោម ៖

គំរូអាក្រក់

អ្នកសម្ភាសន៍ ៖ « ពីមុនយើងចាប់ផ្តើម សូមប្រាប់ខ្ញុំបន្តិចអំពីខ្លួនអ្នក » ។

អ្នកស្វែងរកការងារ ៖ « បាទ ខ្ញុំបានធំឡើងនៅរដ្ឋ ឃែនសាស ក្នុងក្រុមគ្រួសារធំមួយ ។ ខ្ញុំរៀបការហើយ ខ្ញុំមានកូនបីនាក់ និងកូនឆ្កែមួយ ។ យើងចូលចិត្តការធ្វើដំណើរ ហើយយើងចំណាយពេលលេងមាត់បឹងឲ្យច្រើនតាមដែលយើងអាច ។ យើងទើបតែទិញទូកថ្មីមួយកាលពីឆ្នាំទៅ ។ វាថ្លៃគួរសម ដែលនេះជាផ្នែកមួយនៃមូលហេតុដែលខ្ញុំត្រូវរកការងារធ្វើ។ ខ្ញុំមាននូវបទពិសោធន៍ធ្វើការជាមួយមនុស្សច្រើន ។ ខ្ញុំបានចាប់ផ្តើមធ្វើការតាំងតែពី ២០ ឆ្នាំមុន កាលខ្ញុំមានអាយុ ១៩ ឆ្នាំ ជាបេឡាករម្នាក់នៅធនាគាមួយ ។ ដូច្នេះ ខ្ញុំបានរៀនសូត្រគួរសមអំពី ប្រាក់ និងបញ្ហាហិរញ្ញវត្ថុផ្សេងៗ ។ ឧទាហរណ៍ ខ្ញុំបានរៀនថា ធនាគាជាច្រើនមិនទុកប្រាក់របស់អ្នកទេ ពួកគេគ្រាន់តែយកវា ហើយបន្ទាប់មកផ្តល់ជាប្រាក់កម្ចីដើម្បីបានកម្រៃការប្រាក់ ។ ក៏ប៉ុន្តែ ខ្ញុំបានធ្វើកិច្ចការនោះបានពីរបីឆ្នាំ ហើយខ្ញុំបានចូលរៀននៅមហាវិទ្យាល័យ។ ការសិក្សារបស់ខ្ញុំមិនសូវទទួលបានលទ្ធផលល្អទេ ។ ខ្ញុំពិតជាមិនចូលចិត្តការរៀនសូត្រសោះ ។ ខ្ញុំបានធ្វើការនៅក្រុមហ៊ុនអាជីវកម្មផ្នែកទីផ្សាររបស់មិត្តភក្តិម្នាក់ ។ ការងារខ្ញុំភាគច្រើនជាកិច្ចការខាងរដ្ឋបាល—ដូចជា ការឆ្លើយទូរស័ព្ទ អ៊ីម៉ែល ការប្រជុំ ទាំងអស់ហ្នឹង ។ ប៉ុន្តែការធ្វើការជាមួយមិត្តភក្តិមិនតែងតែមានដំណើរការល្អជានិច្ចនោះទេ ដូច្នេះហើយខ្ញុំបានឈប់ពីការងារនោះ ហើយបានរកមើលការងារដែលល្អជាងនោះ ។ មើល … ខ្ញុំបានធ្វើការពីរបីកន្លែង ប៉ុន្តែខ្ញុំមិនបានចាំពីឈ្មោះរបស់ពួកគេទេ ។ អូ ការងារដ៏ល្អបំផុតដែលខ្ញុំបានធ្វើគឺការងារជាអ្នកផ្តល់សេវាកម្មអតិថិជននេះឯងដោយសារតែខ្ញុំអាចធ្វើការនៅផ្ទះបាន ។ ខ្ញុំអាចធ្វើការក្នុងសម្លៀកបំពាក់គេងក៏បាន ឆ្លើយទូរស័ព្ទ និងគ្រាន់តែធ្វើការតាមរយៈកុំព្យូទ័ររបស់ខ្ញុំ។ នោះពិតជាល្អណាស់ ។ ម្យ៉ាង ខ្ញុំចូលចិត្តធ្វើការងារ ហើយខ្ញុំចូលចិត្តមនុស្ស ។ ខ្ញុំនឹងធ្វើការបានល្អណាស់ឲ្យលោក ។ »

គំរូល្អ

អ្នកសម្ភាសន៍ ៖ « ពីមុនយើងចាប់ផ្តើម សូមប្រាប់ខ្ញុំបន្តិចអំពីខ្លួនអ្នក ។ »

អ្នកស្វែងរកការងារ ៖ « បាទ ខ្ញុំបានធ្វើការខាងផ្នែកហរិញ្ញវត្ថុ និងធនាគាអស់រយៈពេល ២០ ឆ្នាំ ហើយ ។ ខ្ញុំបានចាប់ផ្តើមធ្វើការជាបេឡាករក្នុងធនាគាមូលដ្ឋានមួយ ហើយបន្ទាប់មកបានរីកចម្រើននៅក្នុងកិច្ចការចាត់ចែង ។ ក្រោយមកខ្ញុំបានទទួលស្គាល់ពីតម្លៃនៃការអប់រំ ហើយបានបញ្ចប់បរិញ្ញាប័ត្រផ្នែកហិរញ្ញវត្ថុ ។ ខ្ញុំពូកែក្នុងការគ្រប់គ្រងបុគ្គលិក ចំណាយនានា និងសម្រេចបាននូវគោលដៅលក់ទាំងឡាយ ។ ឧទាហរណ៍ នៅក្នុងតំណែងពីមុន ខ្ញុំបានទទួលគ្រប់គ្រងសាខាមួយដែលកំពុងមានបញ្ហា ហើយក្នុងរយៈពេលតែប្រាំមួយខែ យើងបានសម្រេចតាមគោលដៅលក់របស់យើង ។ ខ្ញុំចាប់អារម្មណ៍ចំពោះតំណែងនេះដោយសារមើលទៅវាហាក់ដូចជាស្រដៀងនិងការងារមុនរបស់ខ្ញុំនោះ ។ »

ពិភាក្សា ៖ហេតុអ្វីបានជាឧទាហរណ៍ទីពីរមានលក្ខណៈល្អប្រសើរជាង ?

សកម្មភាព _{(៤ នាទី)}

សូមមើលទៅបរិយាយការងារដែលអ្នកបានយកមកជាមួយអ្នក ឬគិតអំពីការងារដែលអ្នកចង់បាន ។ ស្រម៉ៃថា អ្នកនឹងមានការសម្ភាសន៍សម្រាប់តំណែងនោះក្នុងរយៈពេលពីរថ្ងៃទៀត ។ ក្នុងចន្លោះខាងក្រោម សរសេរ ខ្ញុំក្នុង ៣០ វិនាទី ជាការឆ្លើយតបទៅនិងសំណើរ « ប្រាប់ខ្ញុំអំពីអ្នក ។ » បន្ទាប់មកសូមចាប់គូ ហើយចែកចាយវាជាមួយដៃគូសកម្មភាពរបស់អ្នក ។

៤ ៖ សេចក្ដីថ្លែងការណ៍ដ៏មានអនុភាព

សូមអាន ៖សេចក្ដីថ្លែងការណ៍ដ៏មានអានុភាព គួរត្រូវបានប្រើដើម្បីឆ្លើយតបចំពោះសំណួរសម្ភាសន៍ភាគច្រើនបំផុត ។ ពួកវាគឺស្រួលចាំ និងពោរពេញដោយអនុភាព ហើយនឹងជួយអ្នកឲ្យក្លាយជាបេក្ខជនមានលក្ខណៈសម្បត្តិល្អជាងគេដែលនឹងត្រូវជ្រើសរើសយ៉ាងច្បាស់ ។

សូមចងចាំដើម្បីធ្វើតាមរូបមន្តសេចក្ដីថ្លែងការណ៍ដ៏មានអនុភាព ៖

សកម្មភាព _{(៤ នាទី)}

ចូរអានគំរូការសម្ភាសន៍ទាំងនេះមកពីជំពូកទី ៤ ម្តងទៀត ។ សូមជ្រើសរើសតួ ហើយសម្តែងដូចខាងក្រោម ៖

គំរូមធ្យម

អ្នកសម្ភាសន៍ ៖ « ប្រាប់ខ្ញុំអំពីពេលមួយដែលអ្នកបានផ្តល់នូវសេវាកម្មអតិថិជនដ៏ល្អបំផុត » ។

អ្នកស្វែងរកការងារទី ២ ៖ « សេវាកម្មអតិថិជនគឺមានសារៈសំខាន់ណាស់ចំពោះខ្ញុំ ។ អតិថិជនគឺជាគន្លឹះដើម្បីឲ្យយើងបន្តជោគជ័យបាន ។ ខ្ញុំតែងតែឃើញថាអញ្ចឹងមែនប្រសិនបើយើងបានផ្តល់សេវាកម្មដ៏ត្រឹមត្រូវដល់អតិថិជនទាំងឡាយ ពួកគេនឹងផ្តល់ជារង្វាន់ដល់អ្នក ជាមួយនឹងការបន្តអាជីវកម្ម ។ ខ្ញុំបានមាននូវបទពិសោធន៍ជាមួយនឹងសេវាកម្មអតិថិជនជាច្រើន ហើយខ្ញុំពូកែធ្វើខាងផ្នែកហ្នឹងណាស់ ។ អតិថិជនចង់ឲ្យយើងបានឮ និងដឹងថាពួកយើងបានស្តាប់ពួកគេ ។ វាគឺជាការសំខាន់ណាស់ដែលយើងធ្វើឲ្យអស់ពីលទ្ធភាពដើម្បីធ្វើវាឲ្យត្រូវតាំងពីដំបូង ហើយធ្វើឲ្យវាត្រូវវិញភ្លាមតាមដែលអាចធ្វើបានក្នុងករណីដែលយើងបានប្រព្រឹត្តកំហុសមួយ ។ ខ្ញុំជឿលើពាក្យដែលថា អតិថិជនគឺតែងតែត្រូវជានិច្ច » ។

គំរូល្អ

អ្នកស្វែងរកការងារទី ៣ ៖ « ខ្ញុំស្ទាត់ជំនាញខាងសេវាកម្មអតិថិជន ។ ឧទាហរណ៍ នៅពេលដែលខ្ញុំបានធ្វើឲ្យក្រុមហ៊ុនលក់ វ៉ាយហ្សី យើងបានមានអតិថិជនចាស់របស់យើងម្នាក់នៅពេលមួយនោះមិនបានទទួលនូវអ្វីដែលគាត់បានបញ្ជាទិញ នៅពេលគាត់បានទូរស័ព្ទមកខ្ញុំ គាត់បានសម្តែងការខកចិត្ត ហើយបានគម្រាមនឹងលុបចោលនូវការរកស៊ីទាំងអស់ជាមួយយើង ។ ខ្ញុំបានចំណាយពេលដើម្បីស្តាប់ ហើយយល់ពីស្ថានភាពរបស់គាត់ បន្ទាប់មកបានផ្តល់នូវដំណោះស្រាយមួយដែលបានធ្វើឲ្យគាត់ពេញចិត្ត ។ ជាលទ្ធផល យើងមិនត្រឹមតែបានរក្សាអតិថិជននោះទេ ប៉ុន្តែគាត់បានបង្កើនការបញ្ជាទិញជាមួយយើងដល់ទៅ ២០០ ភាគរយទៀតផង ។ ខ្ញុំមានទំនុកចិត្តថាខ្ញុំអាចប្រើនូវជំនាញសេវាកម្មអតិថិជនដូចគ្នានេះដើម្បីធ្វើការឲ្យលោក ។ »

ពិភាក្សា ៖តើការប្រើ សេចក្ដីថ្លែងការណ៍ដ៏មានអានុភាពធ្វើឲ្យគំរូសម្ភាសន៍ទីពីរកាន់តែមានប្រសិទ្ធិភាពរបៀបណា ?

សកម្មភាព _{(៦ នាទី)}

ស្រម៉ៃថា ឥឡូវអ្នកនៅក្នុងពាក់កណ្តាលនៃការសម្ភាសន៍ ។ អ្នកសម្ភាសន៍នឹងប្រហែលជាសួរអ្នកនូវសំណួរការសម្ភាសន៍ទូទៅមួយចំនួនទៀត ។ សរសេរសេចក្តីថ្លែងការណ៍ដ៏មានអនុភាពសម្រាប់សំណួរនីមួយៗដូចខាងក្រោម ។

តើភាពខ្លាំងបំផុតរបស់អ្នកជាអ្វី ?

តើអ្វីទៅជាស្នាដៃអាជីពដ៏អស្ចារ្យបំផុតរបស់អ្នក ?

ហេតុអ្វីយើងគួរតែជួលអ្នកឲ្យធ្វើការ ?

សកម្មភាព _{(៦ នាទី)}

ជាក្រុម សូមអានការណែនាំ បន្ទាប់មកចាប់ផ្តើមសកម្មភាព ។

ជំហានទី ១ ៖ គ្រប់គ្នាក្រោកឈរ ហើយប្តូរទៅកន្លែងទូលាយមួយសម្រាប់ការហ្វឹកហាត់ដ៏រហ័សមួយ។ ម្នាក់ៗគួរបែរមុខទល់គ្នា ។

ជំហានទី ២ ៖ អ្នកទីមួយសួរសំណួរមួយនៃសំណួរទាំងបីមកពី ទំព័រ ១០៥ ។

ជំហានទី ៣ ៖ អ្នកទីពីរឆ្លើយសំណួរដោយការប្រើ សេចក្ដីថ្លែងការណ៍ដ៏មានអានុភាព។

ជំហានទី ៤ ៖ ផ្តល់មតិកែលម្អ ៖

តើអ្នកនោះចែកចាយឧទាហរណ៍ដោយភ្ជាប់ជាមួយនិងលទ្ធផលដែរ ឬទេ ?
តើអ្នកចាប់អារម្មណ៍ទេ ?

ជំហានទី ៥ ៖ ប្តូរតួ ហើយសម្តែងសារឡើងវិញ ។

ជំហានទី ៦ ៖ ប្តូរដៃគូ ហើយសម្តែងសកម្មភាពសារឡើងវិញប្រាំដង ។

សេចក្ដីបញ្ចប់

ពិភាក្សា ៖តើមានអ្វីខ្លះដ៏សំខាន់បំផុតដែលអ្នកបានរៀនមកពីជំពូកនេះ ?

សូមអាន ៖អ្នកបានចាប់ផ្តើមដើម្បីរៀននូវជំនាញការសម្ភាសន៍មួយចំនួនដែលនឹងជួយអ្នកធ្វើការដោយឆ្លាតវៃ ។

ប្រសិនបើអ្នកបានរៀបចំ នោះអ្នកមិនត្រូវភ័យខ្លាចឡើយ ។ អធិស្ឋានសុំជំនួយ ហើយបន្ទាប់មករៀបចំ និងហ្វឹកហាត់ឲ្យបានច្រើនតាមដែលអាចធ្វើបាន ។ នៅជំពូកបន្ទាប់ យើងនឹងរៀនច្រើនទៀតពីជំនាញការសម្ភាសន៍ ។