ធនធាននានា
ការសម្ភាស
សូមជ្រើសរើសតួ ហើយសម្តែងដូចខាងក្រោម ៖
អ្នកសម្ភាស ៖ « តើអ្នកអាចប្រាប់ខ្ញុំអ្វីខ្លះអំពីខ្លួនអ្នក ?
បេក្ខជនទី ១ ៖ « អ្នកចង់ដឹងពីអ្វីដែលខ្ញុំចូលចិត្តធ្វើមែនទេ ? តាមពិតទៅពុំមានច្រើន ទេ ។ ខ្ញុំពុំមានចំណាប់អារម្មណ៍ ឬចូលចិត្តអ្វីនោះទេ ។ ភាគច្រើនខ្ញុំពុំធ្វើអ្វីទេ ។ »
បេក្ខជនទី ២ ៖ « អឺ… មែនហើយ ខ្ញុំ… »
បេក្ខជនទី ៣ ៖ « អូ៎ ខ្ញុំរីករាយនឹងប្រាប់ ។ ដូចអ្នកអាចឃើញហើយ ខ្ញុំបានចំណាយពេលយ៉ាងច្រើនក្នុងការលើកដុំដែក ។ ខ្ញុំត្រូវទៅថ្នាក់រៀនគ្រប់គ្រងកំហឹងផងដែរ ។ ប៉ុន្ដែតើមាននរណាខ្លះដែលចង់ទៅថ្នាក់ទាំងនោះ ? អ្នកយល់ពីអ្វីដែលខ្ញុំចង់និយាយឬទេ ?
បេក្ខជនទី ១ ៖ « ឬអ្នកចង់មានន័យថា តើខ្ញុំជាមនុស្សយ៉ាងណានៅកន្លែងធ្វើការមែនទេ ? បើនិយាយទៅ ខ្ញុំធ្វើការមួយកន្លែងមិនយូរប៉ុន្មានទេ ។ ខ្ញុំឆាប់ធុញទ្រាន់ ហើយឈប់ទៅធ្វើការតែម្ដង ។ … ខ្ញុំប្រហែលជាពុំគួរនិយាយដូច្នោះទេ » ។
បេក្ខជនទី ២ ៖ « អឺ… »
បេក្ខជនទី ៣ ៖ « ខ្ញុំមានន័យថា អ្នកដែលបង្រៀនថ្នាក់គ្រប់គ្រងកំហឹងនោះ … ខ្ញុំអាចវាយបំបែកគាត់ជាពីរកំណាត់បាន ។ ដូច្នេះ តើនរណាជាថៅកែខ្ញុំ ? អ្នកឬ ? ហ្ហេ៎ អ្នកមិនមែនជាប្រភេទមនុស្សដែលតែងតែមើលបណ្តាំយើងថា តើយើងរវល់ធ្វើការដែរឬអត់រហូតទេ តើមែនទេ ? ដូចជាយើងជាកូនក្មេងតូចៗមួយក្រុមមែនទេ ? ថៅកែចុងក្រោយរបស់ខ្ញុំបានធ្វើដូច្នោះ ហើយខ្ញុំពុំចូលចិត្តទេ ។ »
អ្នកសម្ភាស ៖ « ហេតុអ្វីយើងគួរតែរើសយកអ្នកឲ្យចូលបម្រើការងារ ? »
បេក្ខជនទី ២ ៖ « អ្នកគួរតែរើសយកខ្ញុំ ពីព្រោះ … អឺ … »
បេក្ខជនទី ១ ៖ « មែនហើយ ព្រោះខ្ញុំត្រូវការ ការងារ ។ ខ្ញុំគិតថា ម្ដាយរបស់ខ្ញុំបានមកនិយាយនឹងអ្នកហើយ កាលពីម្សិលមិញ ។ គាត់បាននិយាយថា ខ្ញុំគួររកការងារធ្វើ ។ តើគាត់ពុំបានប្រាប់ដូច្នោះទេឬ ?
តទៅទំព័របន្ទាប់ ។
បេក្ខជនទី ៣ ៖ « អ្នកគិតខុសហើយបើមិនរើសយកខ្ញុំឲ្យចូលបម្រើការងារនោះ ។ ខ្ញុំបានកត់សម្គាល់ ពេលខ្ញុំចូលមកថា មានអ្វីមួយចំនួនចាំបាច់ពិតជាត្រូវធ្វើការផ្លាស់ប្ដូរនៅទីនេះ ។ វាអស្ចារ្យដែលពួកអ្នកនៅតែអាចដំណើរការអាជីវកម្មបាន ។ ខ្ញុំអាចកែប្រែអ្វីទាំងនោះបាន ។ មែនហើយ ។ អ្នកនឹងអរគុណខ្ញុំដែលសង្គ្រោះអាជីវកម្មរបស់អ្នក ។ »
បេក្ខជនទី ២ ៖ « ពីព្រោះ… អឺ … »
អ្នកសម្ភាស ៖ « តើភាពទន់ខ្សោយធំបំផុតរបស់អ្នកជាអ្វី ? »
បេក្ខជនទី ៣ ៖ « ខ្ញុំពុំមានភាពទន់ខ្សោយទេ ។ តើភាពទន់ខ្សោយអ្នកជាអ្វី ? អូ៎ ខ្ញុំស្អប់សំណួរដូចនេះណាស់ » ។
បេក្ខជន ទី ២ ៖ « ភាពទន់ខ្សោយ ? ហឹម … »
បេក្ខជនទី ១ ៖ « អឺ … ការលួច ។ តាមពិត ខ្ញុំចង់មានន័យថា កុំលួចគេ ។ វាពុំមែនជាការលួចទេ ។ វាជារឿងវែងឆ្ងាយណាស់ ។ ខ្ញុំមានន័យថា ខ្ញុំនឹងយកវាមកវិញ។ ខ្ញុំបានគិតថា ថៅកែនឹងឲ្យខ្ញុំខ្ចីវាមួយរយៈពេល » ។
សូមត្រឡប់ទៅ ទំព័រ ៩៩ វិញ ។