![]()
រូបភាពlearn icon
-
សូមអាន ៖រូបមន្តសម្រាប់ការស្វែងរកការងារមួយដ៏ជោគជ័យគឺ ៖
ធ្វើសកម្មភាពដោយសេចក្តីជំនឿ+ការប្រឹងប្រែងធ្វើការ+ធ្វើការដោយឆ្លាតវៃ=ជោគជ័យ
ក្នុងវគ្គសិក្សានៃសៀវភៅនេះ អ្នកនឹងធ្វើតាមរបៀបមួយដើម្បីជួយអ្នកធ្វើសកម្មភាពដោយសេចក្តីជំនឿ ខិតខំធ្វើការ និងរៀនជំនាញនានានៃការស្វែងរកការងារដើម្បីធ្វើការដោយឆ្លាតវៃ ។ ចាប់ផ្តើមពីផ្នែកខាងក្រោមនៃក្រាហ្វិក ប្តូរវេនគ្នាអានវគ្គនីមួយៗនៃវិថីឆ្ពោះទៅកាន់ការងារល្អប្រសើរជាងមុនដូចខាងក្រោម ។
-
សូមអាន ៖យើងនឹងចាប់ផ្តើមជាមួយនិងមូលដ្ឋានគ្រឹះនៃសេចក្តីជំនឿនិងការប្រឹងប្រែងធ្វើការ ។
១. ធ្វើសកម្មភាពដោយសេចក្តីជំនឿ
-
សូមអាន ៖មូលដ្ឋានគ្រឹះដើម្បីស្វែងរកការងារមួយដ៏ជោគជ័យគឺសេចក្តីជំនឿ ។ ចំពោះព្រះវបិតាសួគ៌ គ្រប់កិច្ចការទាំងអស់រួមទាំងការស្វែងរកការងារគឺជារឿងខាងវិញ្ញាណ ។ ព្រះអម្ចាស់បានមានព្រះបន្ទូលថា « យើងប្រាប់អ្នករាល់គ្នាជាប្រាកដថា អស់ទាំងរបស់របរគ្រប់យ៉ាង គឺជាវិញ្ញាណចំពោះយើង ហើយគ្មានពេលណាមួយ ដែលយើងបានប្រទានដល់អ្នកនូវក្រឹត្យវិន័យណាមួយ ដែលត្រូវជារបស់ខាងសាច់ឈាមនោះឡើយ » ( គ.និង ស. ២៩:៣៤ ) ។
ពីព្រោះតែការទទួលបានការងារមួយគឺសំខាន់ទាំងខាងព្រលឹងវិញ្ញាណ និង សាច់ឈាម គ្រប់អ្វីទាំងអស់ដែលអ្នកធ្វើក្នុងការស្វែងរកការងារមួយ អាចជាសកម្មភាពមួយនៃសេចក្តីជំនឿ ។ អ្នកសង្ឃឹមនិងអធិស្ឋានថាព្រះនឹងប្រទានពរអ្នកជាមួយនឹងការងារមួយ ប៉ុន្តែអ្នកធ្វើសកម្មភាពដើម្បីបង្ហាញជំនឿរបស់អ្នក ។
-
សូមពិភាក្សា ៖តើសេចក្តីជំនឿមានជាប់ទាក់ទងនឹងការស្វែងរកការងារដូចម្តេច ?
២. យកចិត្តទុកដាក់ក្នុងការស្វែងរករបស់អ្នក
ការស្វែងរកការងាររបស់ចូស្ហ
-
សូមអាន ៖ក្នុងការប្រជុំក្រុម យើងនឹងអង្កេតហើយបង្វឹក ចូស្ហ នៅពេលគាត់ព្យាយាមដើម្បីអនុវត្តគោលការណ៍និងជំនាញទាំងឡាយនៃការស្វែងរកការងារមួយប្រកបដោយប្រសិទ្ធិភាព ។ ចូស្ហត្រូវបានបញ្ឈប់ពីការងារកាលពីពីរខែមុនបន្ទាប់ពីបានបម្រើការជាអ្នកជំនួយបច្ចេកទេសកុំព្យូទ័រម្នាក់ ។ គាត់រៀបការរួចហើយនិងសិក្សាផ្នែកវិទ្យាសាស្ត្រកុំព្យូទ័រ ។ គាត់ត្រូវផ្គត់ផ្គង់ភរិយា និងកូនតូចម្នាក់របស់គាត់ ។ ចូស្ហត្រូវតែរកការងារមួយធ្វើ ។
ចូស្ហកំពុងតែមានការលំបាកក្នុងការដឹងថាត្រូវចាប់ផ្តើមស្វែងរកការងារពីត្រឹមណាមក ។ គាត់បានដាក់ពាក្យសុំសម្រាប់ការងារគ្រប់ប្រភេទ ។ កាលពីសប្តាហ៍មុន គាត់បានដាក់ពាក្យសុំធ្វើជាអ្នករត់តុ ភ្ញាក់ងារសេវាកម្មអតិថិជន អ្នកបច្ចេកទេសកុំព្យូទ័រនិងជាកម្មករឃ្លាំង ។ ទោះជាយ៉ាងណាក៏ដោយក៏គាត់មិនមានជោគជ័យច្រើនទេ ។
-
សូមពិភាក្សា ៖តើបទពិសោធន៍ស្វែងរកការងាររបស់អ្នកដូចគ្នានឹងចូស្ហបែបណា ?
-
សូមអាន ៖ចាប់ផ្តើមការស្វែងរកការងារដោយការដឹងថាការងារប្រភេទណាដែលអ្នកចង់បាន ។ វាគួរតែជាអ្វីដែលអ្នកអាចមានលទ្ធភាពធ្វើ ។ អ្នកស្វែងរកការងារមួយភាគច្រើនបរាជ័យក្នុងការធ្វើដូចនេះ ។ ដូចជាចូស្ហដែរ ពួកគេខ្ជះខ្ជាយពេលវេលាក្នុងការពិចារណាលើការងារគ្រប់ប្រភេទ ។ អ្នកនឹងរកបានការងារមួយលឿនជាងប្រសិនបើអ្នកគ្រាន់តែផ្តោតលើការងារតែពីរបីប្រភេទនោះ ។
ប្រសិនបើអ្នកមិនដឹងថាការងារអ្វីអ្នកចង់ធ្វើនោះទេ សូមចំណាយពេលដើម្បីនិយាយជាមួយអ្នកដទៃហើយស្វែងរកព័ត៌មានមានប្រយោជន៍ដើម្បីពិចារណាមើលភ្លាមៗ ។ អ្នកស្វែររកការងារភាគច្រើនទទួលយក ការងារដែលមានស្ថេរភាព ដើម្បីផ្គត់ផ្គង់ខ្លួនឯងក្នុងពេលដែលពួកគេកំពុងស្វែងរក ឬ រៀបចំសម្រាប់ការងារប្រសើរមួយទៀត ។ ប្រសិនបើនេះជាករណីរបស់អ្នក សូមចងចាំការប្រឹក្សានេះមកពីប្រធាន ស្ពែនស៊ើរ ដបុលយូ ឃឹមបឹល ៖ « ការងារនាំមកនូវសុភមង្គល ទំនុកចិត្តលើខ្លួនឯងនិងភាពរីកចម្រើន ។ វាគឺជាសមិទ្ធិកម្មទាំងអស់ដ៏មានអត្ថន័យ វាគឺជាការផ្ទុយនិងសេចក្តីខ្ជិលច្រអូស ។ យើងត្រូវបានបញ្ជាឲ្យធ្វើការ » ( Teachings of Presidents of the Church: Spencer W. Kimball [ ២០០៦ ] ទំព័រ ១១៨–១៩ ) ។ ការងារគឺមានភាពថ្លៃថ្នូរ ។
ចូស្ហទទួលស្គាល់ថាគាត់នឹងមានជោគជ័យច្រើនជាង ប្រសិនបើគាត់ផ្តោតលើតំណែងជាអ្នកជំនួយកុំព្យូទ័រ ។ នោះបានក្លាយជាគោលដៅការងាររបស់គាត់ ។
៣. ការប្រឹងប្រែងធ្វើការ ៖ កំណត់អត្តសញ្ញាណធនធាននានានិងធ្វើការទំនាក់ទំនង
ការស្វែងរកការងាររបស់ចូស្ហ
-
សូមអាន ៖ចូស្ហមិនចូលចិត្តការស្វែងរកការងារទេ ។ គាត់ចំណាយពេលពីរបីម៉ោងរាល់ថ្ងៃ ភាគច្រើនរកមើលការងារដែលគេប្រកាសរើសតាមអ៊ីនធើណែតនិងនិយាយជាមួយភ្ញាក់ងារការងារ ។
-
សូមពិភាក្សា ៖តើអ្នកគិតដូចម្តេចដែរអំពីកម្រិតនៃកិច្ចខិតខំរបស់ចូស្ហ ? តើអ្នកគិតថាគាត់នឹងចំណាយពេលយូរប៉ុណ្ណាដើម្បីរកបានការងារមួយតាមមធ្យោបាយបែបនេះ ?
-
សូមអាន ៖អ្នកស្វែងរកការងារដ៏ជោគជ័យជាអ្នកដែលខិតខំធ្វើការខ្លាំង ។ អ្នកនឹងបានលទ្ធផលក្នុងការស្វែងរកការងាររបស់អ្នកតាមអ្វីដែលអ្នកបានខិតខំ ។ អ្នកខិតខំធ្វើការកាន់តែខ្លាំង អ្នកបានការងារធ្វើកាន់តែលឿន ។ ការងាររបស់អ្នកគួររួមមាន ការកំណត់អត្តសញ្ញាណធនធាននានានិងធ្វើការទំនាក់ទំនងរាល់ថ្ងៃ ។
ធនធាន គឺជាធនធាន ព័ត៌មាននានា ឬ ការតភ្ជាប់ដែលនឹងចូលរួមចំណែកក្នុងការស្វែងរកការងារប្រកបដោយជោគជ័យមួយ ។ វាអាចជាមនុស្ស ទីកន្លែង ឬ អ្វីមួយ ។
ទំនាក់ទំនង គឺជាការសន្ទនាការងារជាមួយនិងធនធានមួយ ។ នេះអាចជាការជួបគ្នាដោយផ្ទាល់ជាមួយនរណាម្នាក់ ការទូរស័ព្ទ ការផ្ញើអ៊ីមែល ការផ្ញើពាក្យសុំការងារ ឬ ជីវប្រវត្តិការងារ ការផ្ញើលិខិតតាមដាន ។
កាលណាអ្នករកបានធនធាន និងធ្វើការទាក់ទងបានកាន់តែច្រើននោះ អ្នកនឹងបានការងារធ្វើកាន់តែលឿន ។ ធ្វើការកំណត់អត្តសញ្ញាណធនធានថ្មីៗចំនួន ១៥ ហើយធ្វើការទាក់ទងចំនួន១០រាល់ថ្ងៃដើម្បីពន្លឿនការស្វែងរកការងាររបស់អ្នក ។
ការស្វែងរកការងាររបស់ចូស្ហ
-
សូមអាន ៖នៅពេលចូស្ហបានរៀនពីរបៀបស្វែងរកធនធាននិងការទាក់ទងហើយ គាត់បានចាប់ផ្តើមធ្វើការ ។
ឧទាហរណ៍ កាលពីម្សិលមិញគាត់បានធ្វើកិច្ចការដូចខាងក្រោម ៖
-
បានស្រាវជ្រាវឃើញក្រុមហ៊ុនចំនួនបីដែលគាត់ចាប់អារម្មណ៍ ។
-
បានរកឃើញគេហទំព័រដ៏មានប្រយោជន៍ចំនួនបី ។
-
បានគិតដល់មនុស្សចំនួនប្រាំពីរនាក់ដែលគាត់អាចទាក់ទងបាន ( មិត្តភក្តិ មិត្តរួមថ្នាក់ និង អ្នកធ្លាប់ធ្វើការជាមួយគ្នា ) ។
-
បានរកឃើញការប្រកាសការងារចំនួនពីរ ។
សរុបមកគាត់រកបាន ធនធាន ចំនួន១៥ ក្នុងរយៈពេលតែមួយថ្ងៃ !
បន្ទាប់មកគាត់បានទាក់ទងទៅធនធានទាំងនោះដោយ ៖
-
ការទូរស័ព្ទទៅក្រុមហ៊ុនទាំងបីនោះដោយផ្ទាល់ដើម្បីរៀនអំពីពួកគេបន្ថែមទៀត ។
-
ការជួប ការផ្ញើអ៊ីម៉ែល ឬ ការផ្ញើសារទៅកាន់មិត្តភក្តិរបស់គាត់បួននាក់ដើម្បីប្រាប់ពួកគេថាគាត់កំពុងស្វែងរកការងារធ្វើ ។
-
ការដាក់ពាក្យសុំចំពោះការងារដែលប្រកាសទាំងពីរនោះ ។
-
ធ្វើការតាមដានជាមួយនរណាម្នាក់នៅឯក្រុមហ៊ុនទាំងពីរដើម្បីធ្វើឲ្យប្រាកដថាព័ត៌មានរបស់គាត់ត្រូវបានទទួលហើយ ។
សរុបមកគាត់រកបាន ការទំនាក់ទំនង ចំនួន ១១ ក្នុងរយៈពេលតែមួយថ្ងៃ !
-
-
សូមអាន ៖ឥឡូវយើងមានបញ្ជីធនធាននានាដ៏មានសក្តានុពល ជំហានបន្ទាប់ទៀតគឺការទាក់ទងពួកគេ ។
-
គន្លឹះ ៖រក្សាធនធាននិងទំនាក់ទំនងនានាក្នុងទម្រង់នៅ ទំព័រ ១៩៤–៩៦ នៃឧបសម្ព័ន្ធ ។
-
សូមពិភាក្សា ៖តើការខិតខំធ្វើការខ្លាំងក្នុងការស្វែងរកការងាររបស់អ្នកបង្ហាញពីសេចក្តីជំនឿយ៉ាងដូចម្ដេច ?
សេចក្ដីបញ្ចប់
-
សូមមើល ៖« It Was a Miracle » មាននៅគេហទំព័រ srs.lds.org/videos ។ ( គ្មានវីដេអូឬ ? សូមអាន ទំព័រ ១៨ ។ )
-
សូមពិភាក្សា ៖តើមានអ្វីខ្លះដ៏សំខាន់បំផុតដែលអ្នកបានរៀនមកពីជំពូកនេះ ?
-
សូមអាន ៖ការស្វែងរកការងារដ៏ជោគជ័យមួយគឺ ធ្វើតាមរូបមន្តដ៏សាមញ្ញខាងក្រោម ៖
ធ្វើសកម្មភាពដោយសេចក្តីជំនឿ+ការប្រឹងប្រែងធ្វើការ+ធ្វើការដោយឆ្លាតវៃ=ជោគជ័យ
ចាប់ផ្តើមការអនុវត្តរូបមន្តភ្លាមដោយការកំណត់អត្តសញ្ញាណ ធនធាននានា ហើយធ្វើ ការទាក់ទង រាល់ថ្ងៃ ។ ការណ៍នេះបង្ហាញពីសេចក្តីជំនឿរបស់អ្នក ។ សុំព្រះវបិតាសួគ៌ឲ្យជួយអ្នក និងទទួលស្គាល់ការងាររបស់អ្នកជាសកម្មភាពមួយនៃសេចក្តីជំនឿ ហើយទ្រង់នឹងប្រទានពរអ្នកជាមួយនឹងជោគជ័យ ។ នៅក្នុងជំពូកបន្ទាប់បីបួនទៀត យើងនឹងចាប់ផ្តើមរុករកនូវជំនាញនានាដែលនឹងជួយយើងធ្វើការដោយឆ្លាតវៃ ។