រាយការណ៍—ម៉ោងជាអតិបរមា ៖ ២៥ នាទី

ប្រសិនបើនេះគឺជាជំពូកទី១របស់អ្នកនៃសប្តាហ៍ នេះ សូមបំពេញ « រាយការណ៍ » ។ បើមិនដូច្នោះទេ សូមរំលងទៅ ទំព័រ ១៧២ ។

ការតាំងចិត្តកាលពីសប្តាហ៍មុន

ស្វែងរកធនធាននានាប្រចាំថ្ងៃ ។
ធ្វើការទាក់ទងជាប្រចាំថ្ងៃ ។
ទាក់ទង និងគាំទ្រដៃគូសកម្មភាពរបស់ខ្ញុំ ។
អនុវត្ត និងចែកចាយនូវគោលការណ៍មូលដ្ឋានគ្រឹះរបស់ខ្ញុំថ្ងៃនេះ ។
ជំនាញស្វែងរកការងាររបស់ខ្ញុំ

ជំហានទី ១ ៖ ការវាយតម្លៃខ្លួនឯង _{(៥ នាទី)}

សូមប្រើតារាង « ការវាយតម្លៃកិច្ចខិតខំរបស់ខ្ញុំ » នៅ ទំព័រ ii–iii ដើម្បីពិនិត្យឡើងវិញនូវការតាំងចិត្តរបស់អ្នកមកពីការប្រជុំលើកមុន ។ ជាដំបូង សូមសរសេរតួលេខពិតនៃធនធាននានាដែលអ្នករកបាន និងទំនាក់ទំនងដែលអ្នកបានធ្វើ ។ បន្ទាប់មក សូមធ្វើការវាយតម្លៃការខំប្រឹងប្រែងរបស់អ្នកក្នុងការរក្សាការតាំងចិត្តនីមួយៗរៀងៗខ្លួនដោយគូសពណ៌ ក្រហម លឿង ឬ បៃតង ។

ជំហានទី ២ ៖ ចែកចាយជាមួយក្រុម _{(១០ នាទី)}

ម្នាក់ៗធ្វើការរាយការណ៍នូវរបៀបដែលអ្នកបានធ្វើជាមួយការតាំងចិត្តរបស់អ្នកដោយការចែកចាយនូវគោលដៅទាំងឡាយរបស់អ្នក និងតួលេខពិត ហើយដោយការថ្លែងពណ៌ « ក្រហម » « លឿង » ឬ « បៃតង » សម្រាប់ការប្រឹងប្រែងរបស់អ្នក ។ សូមចែកចាយនូវអ្វីដែលបានប្រព្រឹត្តទៅល្អ និងរបៀបដែលព្រះវបិតាសួគ៌បានជួយអ្នក ។

ជំហានទី៣ ៖ ជ្រើសរើសដៃគូសកម្មភាព _{(២ នាទី)}

ជ្រើសរើសដៃគូសកម្មភាពម្នាក់មកពីក្រុមសម្រាប់សប្តាហ៍បន្ទាប់ ។ ជាទូទៅ ដៃគូសកម្មភាពគឺមានភេទដូចគ្នា ហើយពុំមែនជាសមាជិកគ្រួសារទេ ។

សូមចំណាយពេលពីរបីនាទីដើម្បីជួបជាមួយដៃគូសកម្មភាពរបស់អ្នក ។ សូមធ្វើការណែនាំខ្លួនហើយពិភាក្សាពីរបៀបដែលអ្នកនឹងធ្វើការទាក់ទងគ្នាមួយសប្តាហ៍ ។

ឈ្មោះដៃគូសកម្មភាព

ព័ត៌មានសម្រាប់ទំនាក់ទំនង

សូមសរសេរនូវរបៀប និងពេលវេលាដែលអ្នកនឹងធ្វើការទាក់ទងគ្នាទៅវិញទៅមកនៅសប្តាហ៍នេះ ។

អាទិត្យ	ចន្ទ	អង្គារ	ពុធ	ព្រហស្បត្តិ៍	សុក្រ	សៅរ៍

សូមបំពេញសកម្មភាពនៅលើទំព័របន្ទាប់ ។

សកម្មភាព ( ៥–៨ នាទី )

ចូរអនុវត្តសេចក្តីថ្លែងការណ៍ដ៏មានអនុភាពរបស់យើង ។

ជំហានទី ១ ៖ បំបែកជាក្រុមតូចៗដែលយ៉ាងហោចណាស់មានគ្នាបីនាក់ ប៉ុន្តែមិនឲ្យលើសពីប្រាំមួយទេ ។

ជំហានទី ២ ៖ ម្នាក់ៗឈរឡើង ហើយចែកចាយសេចក្តីថ្លែងការណ៍ដ៏មានអនុភាពមួយតាមជំហានដូចខាងក្រោម ៖

ជំហានទី ៣ ៖ សូមផ្តល់គំនិតកែលម្អដល់គ្នាទៅវិញទៅមកភ្លាមៗ ៖

តើពួកគេបានប្រកាសនូវជំនាញអ្វីខ្លះ ?
តើអ្វីជាឧទាហរណ៍របស់ពួកគាត់ ?
តើលទ្ធផលគឺជាអ្វី ?
តើពួកគេបានផ្គូផ្គងវាទៅនិងតម្រូវការរបស់និយោជកដោយរបៀបណា ?
តើអ្នកចាប់អារម្មណ៍ដែរទេ ?