រាយការណ៍—ម៉ោងជាអតិបរមា ៖ ២៥ នាទី

ប្រសិនបើនេះគឺជាជំពូកដំបូងរបស់អ្នកនៃសប្តាហ៍នេះ សូមបំពេញ « របាយការណ៍ » ។ បើមិនដូច្នោះទេ សូមរំលងទៅ ទំព័រ ៦០ ។

ការតាំងចិត្តកាលពីសប្តាហ៍មុន

ស្វែងរកធនធាននានាប្រចាំថ្ងៃ ។
ធ្វើការទំនាក់ទំនងប្រចាំថ្ងៃ ។
ទាក់ទង និងគាំទ្រដៃគូសកម្មភាពរបស់ខ្ញុំ ។
អនុវត្ត និងចែកចាយគោលការណ៍មូលដ្ឋានគ្រឹះរបស់ខ្ញុំថ្ងៃនេះ ។
អនុវត្តជំនាញការស្វែងរកការងារ ។

ជំហានទី ១ ៖ វាយតម្លៃខ្លួនឯង _{(៥ នាទី)}

សូមប្រើតារាង « ការវាយតម្លៃការខិតខំប្រឹងប្រែងរបស់ខ្ញុំ » នៅ ទំព័រ ii–iii ដើម្បីពិនិត្យមើលការតាំងចិត្តទាំងឡាយរបស់អ្នកកាលពីប្រជុំលើកមុន ។ ដំបូង សូមសរសេរជាតួរលេខពិតប្រាកដនៃធនធាននានាដែលអ្នកបានស្វែងរក ហើយទាក់ទង ។ បន្ទាប់មកសូមធ្វើការវាយតម្លៃការខិតខំប្រឹងប្រែងរបស់អ្នករៀងៗខ្លួនក្នុងការរក្សាការតាំងចិត្តនីមួយៗដោយគូសពណ៌ ក្រហម លឿង ឬ បៃតង ។

ជំហានទី ២ ៖ ចែកចាយជាមួយក្រុម _{(១០ នាទី)}

សូមបុគ្គលម្នាក់ៗរាយការណ៍ពីរបៀបដែលអ្នកបានធ្វើជាមួយនិងការតាំងចិត្តរបស់អ្នកដោយការចែកចាយនូវគោលដៅទាំងឡាយ និងចំនួនពិតប្រាកដ ហើយដោយការថ្លែងជាពណ៌ « ក្រហម » « លឿង » ឬ « បៃតង » ចំពោះការប្រឹងប្រែងរបស់អ្នក ។ ចែកចាយអំពីអ្វីដែលបានដំណើរការល្អ និងរបៀបដែលព្រះវបិតាសួគ៌បានជួយអ្នក ។

ជំហានទី ៣ ៖ ជ្រើសរើសដៃគូសកម្មភាព _{(២ នាទី)}

ជ្រើសរើសដៃគូសកម្មភាពម្នាក់មកពីក្រុមសម្រាប់សប្តាហ៍បន្ទាប់ ។ ជាទូទៅ ដៃគូសកម្មភាពគឺមានភេទដូចគ្នា ហើយពុំមែនជាសមាជិកគ្រួសារទេ ។

ឥឡូវ សូមចំណាយពេលពីរបីនាទីដើម្បីជួបជាមួយនិងដៃគូសកម្មភាពរបស់អ្នក ។ សូមណែនាំខ្លួនអ្នក ហើយពិភាក្សាពីរបៀបដែលអ្នកនឹងទាក់ទងគ្នាពេញមួយសប្តាហ៍ ។

ឈ្មោះដៃគូសកម្មភាព

ព័ត៌មានទាក់ទង

សូមសរសេរពីរបៀប និងពេលវេលាដែលអ្នកនឹងទាក់ទងគ្នាទៅវិញទៅមកក្នុងសប្តាហ៍នេះ ។

អាទិត្យ	ចន្ទ	អង្គារ	ពុធ	ព្រហស្បត្តិ៍	សុក្រ	សៅរ៍

សូមបំពេញសកម្មភាពនៅលើទំព័របន្ទាប់ ។

សកម្មភាព ( ៥–៨ នាទី )

ចូរអនុវត្ត ខ្ញុំក្នុង ៣០ វិនាទី របស់យើង ។

ជំហានទី ១ ៖ ចែកជាក្រុមដែលមានគ្នាយ៉ាងហោចណាស់ បីនាក់ ប៉ុន្តែមិនឲ្យលើសពី ប្រាំមួយនាក់ទេ ។

ជំហានទី ២ ៖ បុគ្គលម្នាក់ៗក្រោកឈរ ហើយចែកចាយ ខ្ញុំក្នុង ៣០ វិនាទី របស់អ្នកតាមជំហានទាំងឡាយដូចខាងក្រោម ៖

ជំហានទី ៣ ៖ សូមផ្តល់មតិកែលម្អដល់គ្នាទៅវិញទៅមកភ្លាមៗ ៖

តើពួកគេបានចែកចាយពីការងារអ្វីដែលពួកគេកំពុងតែស្វែងរកដែរទេ ?
តើពួកគេបានចែកចាយពីមូលហេតុដែលពួកគេពូកែធ្វើការងារនោះទេ ?
តើពួកគេបានសុំជំនួយដែរឬទេ ? ដោយរបៀបណា ?
តើវាកៀកនិង ៣០ វិនាទីដែរទេ ?