រៀន—ម៉ោងជាអតិបរមា ៖ ៤៥ នាទី

ភាពខ្លួនទីពឹងខ្លួន

សូមអាន ៖ស្វែងរកការងារមួយបានជោគជ័យត្រូវធ្វើតាមរូបមន្តសាមញ្ញខាងក្រោម ៖

ធ្វើសកម្មភាពដោយសេចក្តីជំនឿ+ការប្រឹងប្រែងធ្វើការ+ធ្វើការដោយឆ្លាតវៃ=ជោគជ័យ

នៅក្នុងជំពូកចុងក្រោយ យើងបានរៀននូវជំនាញសម្ភាសន៍ដូចខាងក្រោម ៖

រៀបចំពីមុនការសម្ភាស ។
ចាប់ផ្តើមការសម្ភាសប្រកបដោយប្រសិទ្ធិភាព ។
សូមប្រើ « ខ្ញុំក្នុង ៣០ វិនាទី » របស់អ្នក ។
សូមប្រើសេចក្ដីថ្លែងការណ៍ដ៏មានអនុភាព

នៅក្នុងជំពូកនេះ យើងនឹងធ្វើការអនុវត្តនូវជំនាញសម្ភាសពីរបីថែមទៀតដើម្បីជួយយើងឲ្យធ្វើការដោយឆ្លាតវៃ ។

ការស្វែងរកការងាររបស់ចូស្ហ

សូមអាន ៖ចូស្ហបានត្រៀមទុកជាមុននូវសំណួរ ព្រមទាំងបានរៀបចំនូវសេចក្តីថ្លែងការណ៍ដ៏មានអនុភាពចំនួនពីរបីសម្រាប់ការសម្ភាសរបស់គាត់នៅក្រុមហ៊ុន ទីផ្សារ អេ ប៊ី ស៊ី ។ គាត់ក៏បានរៀបចំផងដែរនូវ ខ្ញុំក្នុង ៣០ វិនាទីដ៏ល្អមួយដើម្បីចាប់ផ្តើមការសម្ភាសប្រកបដោយប្រសិទ្ធិភាព ។ ចូស្ហចង់រៀបចំខ្លួនគាត់ឲ្យបានកាន់តែច្រើនតាមដែលអាចធ្វើទៅបាន ហើយបានសម្រេចចិត្តទូរស័ព្ទទៅពូរបស់គាត់ ដេវីឌ ដើម្បីសុំនូវដំបូន្មានខ្លះៗអំពីការសម្ភាសនោះ ។

លោកពូដេវីឌប្រាប់ ចូស្ហ ថាជាទូទៅអ្នកសម្ភាសម្នាក់សួរអ្នកស្វែងរកការងារអំពីចំណុចខ្សោយមួយ ។ គោលបំណងសំខាន់នៃសំណួរនេះគឺដើម្បីដោះស្រាយនូវការបារម្ភនានាដែលអាចកើតឡើងអំពីអ្នកស្វែងរកការងារ ។ គាត់ផ្តល់យោបល់ឲ្យមានសំណួរពីរបីដើម្បីសួរនៅទីបញ្ចប់នៃការសម្ភាស ហើយផ្តល់នូវដំបូន្មានមួយចំនួនដល់ ចូស្ហ ពីការបញ្ចប់ការសម្ភាសប្រកបដោយប្រសិទ្ធិភាព ។

ពិភាក្សា ៖« តើអ្នកគិតយ៉ាងដូម្តេចអំពីដំបូន្មានរបស់លោកពូដេវីឌ ? »

សូមអាន ៖ពេលដែលអ្នកធ្វើឲ្យជំនាញការសម្ភាសរបស់អ្នកបានកាន់តែប្រសើរឡើង នោះអ្នកនឹងកាន់តែមានជោគជ័យ ។ អ្នកនឹងដឹងថាអ្នកកំពុងសម្ភាសប្រកបដោយប្រសិទ្ធិភាព នៅពេលអ្នកទទួលបានការងារ ។ នៅក្នុងជំពូកនេះ យើងនឹងរៀន ហើយអនុវត្តនូវជំនាញសម្ភាសដូចខាងក្រោម ៖

ការបង្វែរភាពអវិជ្ជមានទៅជាវិជ្ជមាន
សួរសំណួរ ។
បញ្ចប់ការសម្ភាសប្រកបដោយប្រសិទ្ធិភាព ។

១. ការបង្វែរភាពអវិជ្ជមានទៅជាវិជ្ជមាន

សូមអាន ៖និយោជកដ៏មានសក្តានុពលម្នាក់អាចមានការបារម្ភអំពីការរើសយកអ្នក ។ ទាំងនេះអាចជាប់ទាក់ទងតាំងពីប្រវត្តិការងារ បទពិសោធន៍ អាយុរបស់អ្នក ឬ កិច្ចការមួយចំនួនទៀត ។ ជាញឹកញាប់ពួកគេនឹងសួរនូវសំណួរនានាអំពីបញ្ហាទាំងអស់នេះនៅក្នុងការសម្ភាសមួយ ។ ឧទាហរណ៍ ពួកគេអាចនឹងសួរសំណួរដូចខាងក្រោម ៖

ហេតុអ្វីបានជាអ្នកឈប់ធ្វើការពីកន្លែងមុនរបស់អ្នក ?
ចូរប្រាប់ខ្ញុំអំពីពេលមួយដែលអ្នកមិនមានភាពចុះសម្រុងជាមួយមិត្តរួមការងារម្នាក់ ។
តើចំណុចខ្សោយមួយរបស់អ្នកគឺជាអ្វី ?

នៅពេលបានជួបនូវសំណួរដូចអញ្ចឹង សូមព្យាយាមដោះស្រាយកង្វល់ទាំងឡាយដែលអាចដោះស្រាយបានដោយប្រើសេចក្តីចែងដែលទៀងត្រង់ និងដែលរីករាយ ដោយភ្ជាប់ជាមួយនូវឧទាហរណ៍មួយ ។

ការស្វែងរកការងាររបស់ចូស្ហ

សូមអាន ៖ចូស្ហកំពុងតែឆ្ងល់ប្រសិនបើនិយោជកនឹងបារម្ភថាគាត់មានអាយុនៅក្មេង ហើយប្រហែលជាមិនមានបទពិសោធន៍គ្រប់គ្រាន់ ។ គាត់បានប្រើតារាងសាមញ្ញនេះដើម្បីរៀបចំការឆ្លើយតបមួយ ។

ភាពទន់ខ្សោយដ៏មានសក្តានុពល	ការបារម្ភពិតរបស់និយោជក	របៀបខ្ញុំយកឈ្នះ ( នឹងយកឈ្នះវា )
អាយុនៅក្មេង	មានកង្វះខាតនៃចំណេះវិជ្ជា ឬ បទពិសោធន៍	ខ្ញុំមានបទពិសោធន៍ចំនួនពីរឆ្នាំក្នុងការផ្តល់ជំនួយដំឡើងកុំព្យូទ័រ ហើយបានកាន់វិញ្ញាបនបត្រ័ខាងបច្ចេកទេសបីបួនដែរ ។ នៅកន្លែងចាស់ក្នុងនាមជាអ្នកជំនួយខាងបច្ចេកទេសម្នាក់ ខ្ញុំបានបង្កើតនូវប្រព័ន្ធវិភាគរកបញ្ហាដែលអាចឲ្យខ្ញុំចូលទៅនិងដោះស្រាយនូវសេចក្តីត្រូវការខាងអាយធីរបស់អតិថិជនជាច្រើនរាល់ថ្ងៃយ៉ាងឆាប់រហ័ស ។ ជាលទ្ធផល ខ្ញុំបានដោះស្រាយច្រើនជាង ១០០០ សំណើរក្នុងរយៈពេលពីរឆ្នាំ ដែលជាមធ្យមគឺលើសពាក់កណ្តាលនៃមិត្តរួមការងាររបស់ខ្ញុំធ្វើបាន ។ ខ្ញុំជឿជាក់ថាបទពិសោធន៍ និងជំនាញដែលខ្ញុំមានអាចបន្ថែមនូវតម្លៃដល់ក្រុមហ៊ុនរបស់លោក ។

ភាពទន់ខ្សោយដ៏មានសក្តានុពល

ការបារម្ភពិតរបស់និយោជក

របៀបខ្ញុំយកឈ្នះ

( នឹងយកឈ្នះវា )

អាយុនៅក្មេង

មានកង្វះខាតនៃចំណេះវិជ្ជា ឬ បទពិសោធន៍

ខ្ញុំមានបទពិសោធន៍ចំនួនពីរឆ្នាំក្នុងការផ្តល់ជំនួយដំឡើងកុំព្យូទ័រ ហើយបានកាន់វិញ្ញាបនបត្រ័ខាងបច្ចេកទេសបីបួនដែរ ។ នៅកន្លែងចាស់ក្នុងនាមជាអ្នកជំនួយខាងបច្ចេកទេសម្នាក់ ខ្ញុំបានបង្កើតនូវប្រព័ន្ធវិភាគរកបញ្ហាដែលអាចឲ្យខ្ញុំចូលទៅនិងដោះស្រាយនូវសេចក្តីត្រូវការខាងអាយធីរបស់អតិថិជនជាច្រើនរាល់ថ្ងៃយ៉ាងឆាប់រហ័ស ។ ជាលទ្ធផល ខ្ញុំបានដោះស្រាយច្រើនជាង ១០០០ សំណើរក្នុងរយៈពេលពីរឆ្នាំ ដែលជាមធ្យមគឺលើសពាក់កណ្តាលនៃមិត្តរួមការងាររបស់ខ្ញុំធ្វើបាន ។ ខ្ញុំជឿជាក់ថាបទពិសោធន៍ និងជំនាញដែលខ្ញុំមានអាចបន្ថែមនូវតម្លៃដល់ក្រុមហ៊ុនរបស់លោក ។

ពិភាក្សា ៖តើអ្នកបានកត់សម្គាល់ឃើញនូវរបៀបដែលចូស្ហបានឆ្លើយតបចំពោះការបារម្ភដែលអាចមានរបស់និយោជកយ៉ាងដូចម្តេច?

សកម្មភាព _{(៦ នាទី)}

ចូរអនុវត្ត ការធ្វើឲ្យចំណុចអវិជ្ជមានទៅជាវិជ្ជមាន ។

ជំហានទី ១ ៖ ពិនិត្យឡើងវិញនូវឧទាហរណ៍ទាំងឡាយ បន្ទាប់មកសូមរកមើលនិងសរសេរការឆ្លើយតបមួយចំពោះភាពទន់ខ្សោយដ៏មានសក្តានុពលមួយរបស់អ្នក ។

ភាពទន់ខ្សោយដ៏មានសក្តានុពល

ការបារម្ភពិតរបស់និយោជក

របៀបខ្ញុំយកឈ្នះ

( នឹងយកឈ្នះវា )

ឧទាហរណ៍ទី ១

អាយុនៅក្មេង

អាចខ្វះភាពចាស់ទុំ ឬ បទពិសោធន៍

ខ្ញុំមានបទពិសោធន៍ដែលជាប់ទាក់ទងដោយផ្ទាល់អស់រយៈពេលប្រាំឆ្នាំ ។

ឧទាហរណ៍ទី ២

មានការងារច្រើនក្នុងរយៈពេលខ្លីមួយ

អាចចាកចេញពីមុខនាទីឆាប់ៗ

ក្នុងអំឡុងឆ្នាំសិក្សា ខ្ញុំបានធ្វើការងារច្រើនតាមតែខ្ញុំអាចដែលនៅជិតសាលាដើម្បីខ្ញុំអាចផ្គត់ផ្គង់ដល់គ្រួសារខ្ញុំ ។ ឥឡូវដោយសារខ្ញុំមានបរិញ្ញាប័ត្រ ខ្ញុំស្វែងរកការងារពេញម៉ោងមួយដែលអាចធ្វើឲ្យខ្ញុំមានលំនឹងសម្រាប់រយៈពេលពី ៥ ទៅ ១០ ឆ្នាំបន្ទាប់ទៀត ។

ជំហានទី ២ ៖ ចាប់ដៃគូជាមួយដៃគូសកម្មភាពរបស់អ្នក ។ ប្តូរវេនគ្នាក្នុងការឆ្លើយសំណួរ « តើចំណុចខ្សោយមួយរបស់អ្នកគឺជាអ្វី ? »

សូមអាន ៖អំឡុងសប្តាហ៍ សូមមើលទំព័រ ២១៤នៅក្នុងសេចក្តីបន្ថែមសម្រាប់ការអនុវត្តបន្ថែមអំពីការធ្វើឲ្យចំណុចអវិជ្ជមានមួយឲ្យទៅជាវិជ្ជមានវិញ ។

២.សួរសំណួរ

សូមអាន ៖នៅពេលជិតដល់ចុងបញ្ចប់នៃការសម្ភាស អ្នកនឹងត្រូវបានសួរប្រសិនបើអ្នកមានសំណួរអីដែរឬ អត់ ។ អ្នកគប្បីត្រៀមសំណួរពីរបីដើម្បីជួយអ្នកទទួលបានព័ត៌មានបន្ថែម និងដើម្បីបង្ហាញពីចំណាប់អារម្មណ៍ដ៏ឈ្លាសវៃក្នុងឳកាសនោះ ។ នេះគឺជាឧទាហរណ៍មួយចំនួន ៖

តើមុខតំណែងនេះចូលរួមចំណែកដោយរបៀបណាដល់អង្គការ ?
តើការបំពាក់បំប៉នសម្រាប់តំណែងនេះគេធ្វើអ្វីខ្លះ ? »
តើអ្នកប្រមើមើលក្រុមហ៊ុនដើរដល់ណានៅរយៈពេលប្រាំឆ្នាំទៀត ?

សូមកុំសួរអំពីប្រាក់ខែ អត្ថប្រយោជន៍ផ្សេងៗ ឬកាលវិភាគការងារនៅចំណុចនៃការសម្ភាសនេះ ។ សូមកុំ និយាយអំពីរឿងទាំងនេះរហូតទាល់តែនិយោជកលើកមកនិយាយ ឬការផ្តល់ឲ្យមួយត្រូវបានសួរ ។ ដើម្បីរៀនបន្ថែមអំពីការចចារតម្លៃ សូមមើលទំព័រ ២១៥–១៧នៅក្នុងសេចក្តីបន្ថែមដោយខ្លួនឯងនាសប្តាហ៍នេះ ។

សកម្មភាព _{(៥ នាទី)}

សូមស្រម៉ៃថាអ្នកជិតដល់ចុងបញ្ចប់នៃការសម្ភាសសម្រាប់ការងារដែលបានប្រកាសដែលអ្នកបានយកមកជាមួយ ឬសម្រាប់ការងារមួយដែលអ្នកបានចាប់អារម្មណ៍ ។ សូមសរសេរសំណួរពីរដែលអ្នកអាចសួរ ហើយចែកចាយសំណួរទាំងនោះជាមួយដៃគូសកម្មភាពរបស់អ្នក រៀងខ្លួន ។

១.

២.

៣.បញ្ចប់ការសម្ភាសប្រកបដោយប្រសិទ្ធិភាព

សូមអាន ៖អ្វីដែលអ្នកនិយាយនិងធ្វើនៅចុងបញ្ចប់នៃការសម្ភាសអាចមានឥទ្ធិពលលើរបៀបដែលអ្នកសម្ភាសចងចាំការសន្ទនារបស់អ្នក ។ សូមធ្វើតាមការណែនាំទាំងនេះដូចខាងក្រោម ៖

នៅពេលអ្នកក្រោកឈរដើម្បីចាកចេញ សូមសម្លឹងមើលភ្នែក ញញឹម ហើយចាប់ដៃម្តងទៀត ( ប្រសិនបើនេះជាការសមរម្យក្នុងវប្បធម៌របស់អ្នក ) ។
សូមហៅអ្នកសម្ភាសដោយឈ្មោះ ។
សូមអរគុណអ្នកសម្ភាសសម្រាប់ពេលវេលារបស់គាត់ និងចំណាប់អារម្មណ៍របស់គាត់ ។
បង្ហាញអ្វីជាជំហានបន្ទាប់នៅក្នុងដំណើរការ និងរបៀបដែលអ្នកគួរធ្វើការតាមដាន ។ អ្នកអាចនិយាយនូវអ្វីដែលសាមញ្ញដូចជា « តើជំហានបន្ទាប់គឺជាអ្វី ហើយតើខ្ញុំគួរតែធ្វើការតាមដានដោយរបៀបណា ? »
សូមបញ្ជាក់នូវចំណាប់អារម្មណ៍ផ្ទាល់ខ្លួនអ្នកដោយការនិយាយនូវអ្វីដូចនេះ « ខ្ញុំរីករាយដែលបានជួបអ្នក ហើយសង្ឃឹមថា នឹងបានទទួលដំណឹងល្អពីអ្នក » ឬ « ខ្ញុំជឿជាក់ថា ខ្ញុំអាចធ្វើឲ្យមានឥទ្ធិពលវិជ្ជមាននៅទីនេះ ។ »

ពិភាក្សា ៖តើការធ្វើរឿងទាំងនេះអាចជួយអ្នកឲ្យមានជោគជ័យក្នុងការសម្ភាសរបៀបណា ?

សេចក្ដីបញ្ចប់

សូមមើល ៖« Amy Nails Her Interview » មាននៅគេហទំព័រ srs.lds.org/videos. ( គ្មានវីដេអូឬ ? សូមអាន ទំព័រ ១២៦ ) ។

ពិភាក្សា ៖តើមានចំណុចសំខាន់បំផុតអ្វីខ្លះដែលអ្នកបានរៀននៅក្នុងជំពូកនេះ ?

សូមអាន ៖ឥឡូវ អ្នកមានជំនាញការសម្ភាសបីបួនហើយ ដើម្បីជួយអ្នកធ្វើការដោយឆ្លាតវៃ ។

ព្រះអម្ចាស់បានសន្យាថា « បើសិនជាអ្នករាល់គ្នាបានប្រុងប្រៀបទុកជាស្រេច នោះអ្នករាល់គ្នានឹងមិនត្រូវខ្លាចឡើយ » ( គ.និងស. ៣៨:៣០ ) ។ សូមរៀបចំដោយការអធិដ្ឋានសម្រាប់ជំនួយនិងការអនុវត្តឲ្យបានច្រើនតាមតែអាចធ្វើបាន ។