ធនធាននានា

គំរូនៃការអនុវត្តការសម្ភាសន៍

សូមជ្រើសរើសតួ ហើយសម្តែងតាមសាច់រឿងដូចខាងក្រោម ៖ ដោយអាស្រ័យលើទំហំរបស់ក្រុម អ្នកអាចនឹងសម្តែងជាតួច្រើន ។

អ្នកអត្ថាធិប្បាយ
អ្នកសម្របសម្រួល
ដេវីឌ ( អ្នកសម្ភាសន៍ )
ជែននីហ្វើរ ( អ្នកស្វែងរកការងារ )
សមាជិកក្រុមទី ១ ៖
សមាជិកក្រុមទី ២ ៖
សមាជិកក្រុមទី ៣ ៖

ស្រម៉ៃថាអ្នកកំពុងតែមើលក្រុមខ្លួនទីពឹងខ្លួនមួយដែលរៀបនិងធ្វើសកម្មភាពហ្វឹកហាត់ការសម្ភាសន៍ ។

អ្នកសម្របសម្រួល ៖ ដូច្នេះ ដើម្បីហ្វឹកហាត់ការសម្ភាសន៍ យើងត្រូវការអ្នកស្ម័គ្រចិត្តពីរនាក់—ម្នាក់នឹងធ្វើជាអ្នកសម្ភាសន៍ ហើយម្នាក់ទៀតនឹងធ្វើជាអ្នកស្វែងរកការងារ ។ មានអ្នកស្ម័គ្រចិត្តទេ ?

ដេវីឌ ៖ ខ្ញុំនឹងសាកល្បងធ្វើជាអ្នកសម្ភាសន៍សម្រាប់ជុំនេះ ។

ជែននីហ្វើរ ៖ ខ្ញុំនឹងធ្វើជាអ្នកស្វែងរកការងារ ។ ប្រហែលជាអាចចាប់ផ្តើមមុន ។

អ្នកសម្របសម្រួល ៖ អស្ចារ្យណាស់ ! ជែននីហ្វើ ពីមុនអ្នកឡើងមកខាងលើ តើអ្នកអាចប្រាប់យើងបន្តិចអំពីការងារដែលអ្នកចាប់អារម្មណ៍ដែរទេ ?

ជែននីហ្វើរ ៖ បាន ។ ខ្ញុំចាប់អារម្មណ៍លើតំណែងខាងបេឡាករនៅធនាគាក្នុងមូលដ្ឋានមួយ ។

អ្នកសម្របសម្រួល ៖អរគុណ ។ ឥឡូវសូមអ្នកទាំងពីរមកខាងមុខដើម្បីចាប់ផ្តើមការហ្វឹកហាត់សម្ភាសន៍ ។ ដេវីឌ សូមចាំថាអ្នកត្រូវធ្វើតាមសាច់រឿង និងគំរូសំណួរទាំងឡាយក្នុងនាមជាអ្នកសម្ភាសន៍។

បន្តទៅទំព័របន្ទាប់ ។

ដេវីឌ ( អ្នកសម្ភាសន៍ ) សូមស្វាគមន៍ ជែននីហ្វើរ ។ ខ្ញុំទន្ទឹងរង់ចាំជួបជាមួយអ្នក ។ សូមអញ្ជើញអង្គុយ ។

ជែននីហ្វើរ ( អ្នកស្វែងរកការងារ ) ៖ អរគុណ ។

ដេវីឌ ( អ្នកសម្ភាសន៍ ) ៖ ជែននីហ្វើរ ដើម្បីចាប់ផ្តើម តើអ្នកអាចប្រាប់ខ្ញុំបន្តិចអំពីខ្លួនអ្នកបានទេ ?

ជែននីហ្វើរ ( អ្នកស្វែងរកការងារ ) ៖ ខ្ញុំរីករាយនឹងប្រាប់ ។ ខ្ញុំតែងតែចូលចិត្តធ្វើការជាមួយអតិថិជន ។ ខ្ញុំមានបទពិសោធន៍ខាងសេវាកម្មអតិថិជនជាងប្រាំមួយឆ្នាំ រួមទាំងមានបីឆ្នាំ ជាមួយវិទ្យាស្ថានហិរញ្ញវត្ថុ ។ ក្នុងតំណែងនីមួយៗពីមុន ខ្ញុំបានបង្កើតកេរ្តិ៍ឈ្មោះយ៉ាងឆាប់រហ័សសម្រាប់ទំនុកចិត្ត និងភាពត្រឹមត្រូវ ។ ឧទាហរណ៍កាលនៅឯធនាគា អេ ប៊ី ស៊ី ខ្ញុំត្រូវបានសុំឲ្យធ្វើសវនកម្មប្រចាំថ្ងៃបន្ទាប់ពីចូលធ្វើការបានតែមួយខែប៉ុណ្ណោះ ។ លើសពីនោះ ខ្ញុំមានបរិញ្ញាប័ត្ររងខាងផ្នែកគណនេយ្យទៀតផង ។ ខ្ញុំមានទំនុកចិត្តថា បទពិសោធន៍ និងជំនាញទាំងឡាយរបស់ខ្ញុំត្រូវគ្នាល្អសម្រាប់តម្រូវការរបស់លោក ។

ដេវីឌ ( អ្នកសម្ភាសន៍ ) ៖ សូមអរគុណ ។ តើអ្នកអាចប្រាប់ខ្ញុំអំពីបញ្ហាមួយដែលអ្នកបានដោះស្រាយទេ ?

ជែននីហ្វើរ ( អ្នកស្វែងរកការងារ ) ៖ ចាស ។ កាលខ្ញុំជាបេឡាករម្នាក់ជាមួយធនាគា អេ ប៊ី ស៊ី ខ្ញុំកំពុងតែធ្វើដំណើរការប្រាក់បញ្ញើពេលយប់ ហើយវាបានបាត់លុយបីបួនពាន់ដុល្លា ។ ខ្ញុំបានរាប់លុយនោះឡើងវិញពីរលើកទៀតដើម្បីឲ្យប្រាកដច្បាស់ ។ ប្រាក់បញ្ញើរបស់យើងមិនធ្លាប់បាត់ច្រើនដូច្នេះទេពីមុនមក ។ ខ្ញុំបានជជែកជាមួយបេឡាករដទៃទៀត ហើយបានតាមដានដំណើរការរបស់យើងឡើងវិញដើម្បីផ្ទៀងផ្ទាត់ប្រិតបត្តិការរបស់ពួកគេ ។ ខ្ញុំបានរកឃើញកំហុសមួយដែលកើតឡើងដោយបេឡាករម្នាក់ ។ យើងបានធ្វើការរួមគ្នា ហើយកែតម្រូវកំហុសនោះយ៉ាងឆាប់រហ័ស ។ ជាលទ្ធផល យើងបានមានសមតុល្យប្រាក់បញ្ញើត្រឹមត្រូវមួយ ហើយនោះគឺជាមេរៀនមួយក្នុងនាមជាបេឡាករ ។ ខ្ញុំជឿថាជំនាញដោះស្រាយបញ្ហារបស់ខ្ញុំនឹងជួយដល់ធនាគានេះផងដែរ ។

ដេវីឌ ( អ្នកសម្ភាសន៍ ) ៖ សូមអរគុណ ។ តើអ្នកអាចប្រាប់ខ្ញុំបានទេថាហេតុអ្វីអ្នកចាកចេញពីការងារមុនរបស់អ្នក ?

បន្តទៅទំព័របន្ទាប់ ។

ជែននីហ្វើរ ( អ្នកស្វែងរកការងារ ) ៖ អរគុណសម្រាប់សំណួរ ។ ខ្ញុំមានសេចក្តីរីករាយកាលធ្វើការនៅធនាគា អេ ប៊ី ស៊ី ហើយបានទទួលនូវបទពិសោធន៍ដ៏មានតម្លៃនៅទីនោះ ។ តែថ្មីៗនេះ ខ្ញុំបានប្តូរទីលំនៅមកតំបន់នេះដើម្បីបន្តការរៀនសូត្ររបស់ខ្ញុំ ។ ដូច្នេះហើយខ្ញុំត្រូវតែចាកចេញពីការងាររបស់ខ្ញុំ ។ ទោះបីយ៉ាងណាក៏ដោយ ខ្ញុំសប្បាយចិត្តដើម្បីមានឱកាសដែលខ្ញុំអាចប្រើជំនាញ និងបទពិសោធន៍ទាំងនោះដើម្បីធ្វើការងារម្តងទៀត ។ ខ្ញុំមានផែនការរស់នៅទីនេះសម្រាប់បីបួនឆ្នាំទៀត ។ តើនោះឆ្លើយតបនិងសំណួររបស់អ្នកទេ ?

ដេវីឌ ( អ្នកសម្ភាសន៍ ) ៖ បាទ ។ អរគុណ។ ជែននីហ្វើរ តើអ្នកចង់សួរខ្ញុំអ្វីទេ ?

ជែននីហ្វើរ ( អ្នកស្វែងរកការងារ ) ៖ ចាស មាន ។ តើលោកអាចប្រាប់ខ្ញុំបានទេថាការងាររាល់ថ្ងៃនៃតំណែងនេះធ្វើអ្វីខ្លះ ?

ដេវីឌ ( អ្នកសម្ភាសន៍ ) ៖ បាន ។ ពេលវេលាភាគច្រើនរបស់អ្នកនឹងត្រូវប្រើក្នុងការប្រាស្រ័យទាក់ទងជាមួយនិងអតិថិជន ។ យើងមានអតិថិជនបីបួននាក់ដែលមកធនាគារាល់ថ្ងៃក៏ដូចជាអ្នកទាំងឡាយដែលប្រើសេវាកម្មប្រញាប់តាមបង្អួច ។ អ្នកនឹងជួយផ្សព្វផ្សាយផលិតផលហរិញ្ញវត្ថុផ្សេងៗទៀតផងដែរ ដូចជាការត្រួតពិនិត្យគណនេយ្យ ឬក៏ប្រាក់កម្ចី ។ អ្នកបាននិយាយដល់ពីការពិនិត្យសមតុល្យប្រាក់បញ្ញើ នោះក៏ជាការងារប្រចាំថ្ងៃមួយទៀតផងដែរ ។

ជែននីហ្វើរ ( អ្នកស្វែងរកការងារ ) ៖ អរគុណ ។ ការធ្វើការជាមួយអតិថិជនគឺជាចំណូលចិត្តមួយកាលនៅតំណែងមុនរបស់ខ្ញុំ ។

ដេវីឌ ( អ្នកសម្ភាសន៍ ) ៖ ល្អ ។ តើអ្នកមានសំណួរណាផ្សេងទៀតទេ ?

ជែននីហ្វើរ ( អ្នកស្វែងរកការងារ ) ៖ អត់ទេលោក ។ អរគុណសម្រាប់ឱកាសដើម្បីមកជួបអ្នក ។ ខ្ញុំទន្ទឹងចាំស្ដាប់ដើម្បីបានទទួលដំណឹងមកពីអ្នក ។

ដេវីឌ ( អ្នកសម្ភាសន៍ ) ៖ ខ្ញុំក៏មានភាពរីករាយក្នុងការជួបរបស់យើងដែរ ។ យើងនឹងទាក់ទងទៅអ្នក ។ អរគុណ។

អ្នកពោល ៖ ដេវីឌ និងជែននីហ្វើរ ដកដង្ហើមជាសញ្ញាមួយនៃការបានធូរស្បើយ និងបែរ ហើយញញឹមទៅកាន់ក្រុម ។ ក្រុមទាំងមូលទះដៃសារទរសម្រាប់ពួកគេ ។

ជែននីហ្វើរ ៖ អូខេ អ្នករាល់គ្នា តើខ្ញុំធ្វើបានយ៉ាងម៉េចដែរ ?

បន្តទៅទំព័របន្ទាប់ ។

សមាជិកក្រុមទី ១ ៖ ជែននីហ្វើរ ខ្ញុំគិតថាអ្នកបានធ្វើនូវអ្វីជាច្រើនត្រឹមត្រូវ ។ ឧទាហរណ៍ នៅពេល ដេវីឌ បានសុំឲ្យអ្នកប្រាប់គាត់អំពីខ្លួនអ្នក អ្នកបានធ្វើវាដោយការប្រើ ខ្ញុំក្នុង ៣០ វិនាទី បានយ៉ាងល្អ ។ វាទាក់ទងទៅនិងការងារ មិនវែងពេកមិនខ្លីពេក ហើយអ្នកក៏បានដាក់បញ្ចូលនូវឧទាហរណ៍ខ្លីមួយនៅទីនោះដើម្បីបង្កើនចំណុចល្អផង ។ ល្អណាស់ !

ជែននីហ្វើរ ៖ ខ្ញុំគិតថាខ្ញុំបានធ្វើអញ្ចឹងមែន ! អរគុណ ។ តើមានអ្វីទៀតទេ ?

សមាជិកក្រុមទី ២ ៖ ខ្ញុំចូលចិត្តពេលអ្នកប្រើសេចក្តីថ្លែងការណ៍ដ៏មានអនុភាពដើម្បីឆ្លើយសំណួររបស់ដេវីឌអំពីការដោះស្រាយបញ្ហាមួយ ។ អ្នកបានចែកចាយនូវឧទាហរណ៍មួយនៃការកែតម្រូវប្រាក់បញ្ញើ ។ ខ្ញុំពិតជាឆ្ងល់ប្រសិនបើមានឧទាហរណ៍ដទៃទៀតនៃការដោះស្រាយបញ្ហាដែលពិបាកជាងហ្នឹងទៀតដែលអ្នកអាចធ្លាប់បានដោះស្រាយ ។ តើបញ្ហាដែលទាក់ទងនិងប្រាក់បញ្ញើកើតឡើងជាធម្មតាទេ ?

ជែននីហ្វើរ ៖ អ្នកនិយាយត្រូវ ។ វាពិតជាទាក់ទងនឹងតម្រូវការខាងធនាគាមែន ប៉ុន្តែបញ្ហាទាក់ទងនិងប្រាក់បញ្ញើគឺជារឿងធម្មតា ។ ខ្ញុំនឹងធ្វើសេចក្តីថ្លែងការណ៍ដ៏មានអនុភាពមួយដែលពិបាកជាងហ្នឹង ពីព្រោះខ្ញុំឃើញថាសំណួរអញ្ចឹងអាចនឹងសួរមកខ្ញុំម្តងទៀត ។ ល្អណាស់ ។ តើអ្នកមានមតិកែលម្អផ្សេងទៀតឬទេ ?

សមាជិកក្រុមទី ៣ ៖ ធ្វើបានល្អចំពោះការបង្វែរភាពអវិជ្ជមានមកជាវិជ្ជមានអំពីការចាកចេញពីការងារមុនរបស់អ្នក ។ ខ្ញុំប្រាកដថានិយោជកប្រាកដជាមានការព្រួយបារម្ភអំពីពេលវេលាដែលអ្នកនឹងអាចនៅធ្វើការជាមួយពួកគេផងដែរ ។ អ្នកបានប្រាប់ពួកគេអំពីផែនការនឹងនៅទីនោះសម្រាប់រយៈពេលបីបួនឆ្នាំ ។ ខ្ញុំគិតថា ការណ៍នោះបានជួយធ្វើឲ្យពួកគេមានអារម្មណ៍កក់ក្តៅច្រើន ។

ជែននីហ្វើរ ៖ អរគុណ ។

ដេវីឌ ៖ ខ្ញុំបានកត់សម្គាល់ឃើញអ្វីខ្លះទៀតដែលអ្នកប្រហែលចង់កែលម្អ ។

ជែននីហ្វើរ ៖ អូ ល្អ ។ តើវាគឺជាអ្វីទៅ ?

បន្តទៅទំព័របន្ទាប់ ។

ដេវីឌ ៖ នៅចុងបញ្ចប់នៃការសម្ភាសន៍ ពេលដែលខ្ញុំបានសួរបើសិនជាអ្នកមានសំណួរ ឬអត់ នោះសំណួរដំបូងគឺល្អណាស់ ។ ទោះយ៉ាងណា ខ្ញុំបានកត់ចំណាំថាអ្នកមិនបានសួរអំពីរបៀបតាមដាន ឬ អំពីរបៀប ឬក៏ពេលណាទើបនិយោជកនឹងធ្វើការសម្រេចចិត្ត ។ ខ្ញុំចាំថានោះគឺជាដំបូន្មានខ្លះមកពីការបញ្ចប់ការសម្ភាសន៍ប្រកបដោយប្រសិទ្ធិភាព—ដែលយើងគួរព្យាយាមស្វែងរកនូវរបៀបដែលយើងអាចធ្វើការតាមដាន។ វាដូចជាការដាក់រឿងហ្នឹងឲ្យស្ថិតក្នុងការគ្រប់គ្រងរបស់យើង ជំនួសឲ្យគ្រាន់តែរង់ចាំស្តាប់ដំណឹង ។

ជែននីហ្វើរ ៖ អ្នកនិយាយត្រូវ ! ខ្ញុំសប្បាយចិត្តណាស់ដែលខ្ញុំបានចងចាំដើម្បីសួរនូវសំណួរទាំងឡាយដែលខ្ញុំបានភ្លេចទាំងស្រុងហើយនោះ ។ ខ្ញុំនឹងត្រូវបន្តធ្វើការហ្វឹកហាត់ ។ តើមានអ្វីផ្សេងទៀតឬទេ ?

សមាជិកក្រុមទី ១ ៖ កុំភ្លេចផ្ញើលិខិតថ្លែងអំណរគុណទៅ ដេវីឌ ភ្លាម !

ជែននីហ្វើរ ៖យោបល់ល្អ ។ យល់ព្រម ឥឡូវវាជាពេលខ្ញុំធ្វើជាអ្នកសម្ភាសន៍ម្តង ហើយខ្ញុំជាអ្នកជ្រើសរើសអ្នកបន្ទាប់ ។ អូលឺវា តើអ្នកចង់ឡើងមកបន្ទាប់ទេ ? ខ្ញុំសន្យាថានឹងចិត្តល្អ !

សូមត្រឡប់ទៅ ទំព័រ ១៣៤ វិញ ។

អ្នកស្វែងរកការងារ

ធ្វើពុតជាអ្នកកំពុងនៅក្នុងការសម្ភាសន៍សម្រាប់តំណែងមួយនៅក្នុងសេចក្តីប្រកាសការងារដែលអ្នកបានយកមកជាមួយថ្ងៃនេះ ឬការងារមួយដែលអ្នកចាប់អារម្មណ៍ ។

ពីមុនចាប់ផ្តើមការសម្ភាសន៍ ចែកចាយជាមួយក្រុមនូវការបរិយាយសង្ខេបមួយអំពីការងារនោះ ។
អ្នកសម្ភាសន៍នឹងស្វាគមន៍អ្នក ហើយចាប់ផ្តើមការសម្ភាសន៍ ។
ឆ្លើយតបរាល់សំណួររបស់អ្នកសម្ភាសន៍ដោយការប្រើជំនាញការសម្ភាសន៍ទាំងឡាយរបស់អ្នក ។
នៅពេលអ្នកបញ្ចប់ការហ្វឹកហាត់របស់អ្នក សូមសួររកមតិកែលម្អពីក្រុម ។
បន្ទាប់ពីការពិភាក្សានូវមតិកែលម្អរួចហើយ សូមប្តូរតួទៅជាអ្នកសម្ភាសន៍ ហើយជ្រើសរើសអ្នកបន្ទាប់ដើម្បីធ្វើការសម្ភាសន៍ ។

សម្រាប់ការណែនាំអំពីរបៀបសម្តែងជាអ្នកសម្ភាសន៍ សូមមើលទៅ ទំព័រ ១៤៤ ។

សម្រាប់ការណែនាំអំពីរបៀបសម្តែងជាការផ្តល់មតិកែលម្អក្រុម សូមមើលទៅ ទំព័រ ១៤៥ ។

សូមត្រឡប់ទៅ ទំព័រ ១៣៤ វិញ ។

អ្នកសម្ភាសន៍

បន្ទាប់ពីអ្នកស្វែងរកការងារបានពិពណ៌នាពីការងារដល់ក្រុមហើយ សូមធ្វើតាមសាច់រឿងនេះ ។

ស្វាគមន៍អ្នកសម្ភាសន៍ ចាប់ដៃ ហើយសូមឲ្យអ្នកស្វែងរកការងារអង្គុយចុះ ។ សូមអង្គុយចុះ ។ អរគុណគាត់ សម្រាប់ការមកសម្ភាសន៍ ។
សួរសំណួរទី ១ ៖ « ប្រាប់ខ្ញុំបន្តិចអំពីខ្លួនអ្នក ។ »
សួរសំណួរទី ២ ៖ ( ជ្រើសរើសសំណួរមួយមកពីបញ្ជី « គំរូសំណួរការសម្ភាសន៍ » ដូចខាងក្រោម ) ។
សួរសំណួរទី ៣ ៖ ( ជ្រើសរើសសំណួរមួយមកពីបញ្ជី « គំរូសំណួរសម្ភាសន៍ » ដូចខាងក្រោម ) ។
សួរសំណួរទី ៤ ៖ « តើអ្នកមានសំណួរអ្វីចង់សួរទេ ? » ( អ្នកអាចប្រឌិតចម្លើយតបសំណួររបស់អ្នកស្វែងរកការងារបាន ) ។
អរគុណអ្នកស្វែងរកការងារសម្រាប់ពេលវេលារបស់គាត់ ។ សូមឲ្យអ្នកស្វែងរកការងារដឹងថាអ្នកនឹងប្រាប់គាត់វិញពីការសម្រេចចិត្តរបស់គាត់ ។

គំរូសំណួរសម្ភាសន៍

ប្រាប់ខ្ញុំអំពីពេលមួយដែលអ្នកមានការខ្វែងគំនិតគ្នាជាមួយអ្នកគ្រប់គ្រងម្នាក់ និងរបៀបដែលអ្នកបានដោះស្រាយការខ្វែងគំនិតនោះ ។
ប្រាប់ខ្ញុំអំពីបញ្ហាដ៏លំបាកមួយដែលអ្នកបានដោះស្រាយ ។
តើភាពខ្លាំងរបស់អ្នកគឺជាអ្វី?
តើអ្វីទៅជាភាពជោគជ័យដ៏ជំនាញល្អបំផុតរបស់អ្នក ?
ប្រាប់ខ្ញុំអំពីបទពិសោធន៍បរាជ័យដែលអ្នកបានជួបនៅកន្លែងធ្វើការ និងអ្វីដែលអ្នកបានរៀនពីវា ។
តើអ្នកគ្រប់គ្រងបែបណាដែលអ្នកធ្វើការត្រូវជាមួយបំផុតនោះ ?
តើអ្នកមានសេចក្តីរំពឹងអ្វីខ្លះពីពួកយើងក្នុងនាមជានិយោជកសម្រាប់ជោគជ័យរបស់អ្នក ?
ហេតុអ្វីអ្នកចង់បានការងារនេះ ?
ហេតុអ្វីយើងគួរតែជួលអ្នកឲ្យធ្វើការ ?
តើអ្នកមានគុណសម្បត្តិអ្វីខ្លះសម្រាប់តំណែងនេះ ?
តើភាពខ្សោយបំផុតរបស់អ្នកជាអ្វី ?
ហេតុអ្វីបានជាអ្នកចាកចេញពីតំណែងមុនរបស់អ្នក ? ឬហេតុអ្វីបានជាអ្នកពិចារណាក្នុងការចាកចេញពីការងារបច្ចុប្បន្នរបស់អ្នក ?

សម្រាប់ការណែនាំអំពីរបៀបសម្តែងជាអ្នកស្វែងរកការងារ សូមមើលទៅ ទំព័រ ១៤៣ ។

សម្រាប់ការណែនាំអំពីរបៀបសម្តែងជាការផ្តល់មតិកែលម្អក្រុម សូមមើលទៅវគ្គដូចខាងក្រោម ។

សូមត្រឡប់ទៅ ទំព័រ ១៣៤ វិញ ។

មតិកែលម្អក្រុម

តួនាទីរបស់អ្នកគឺផ្តល់មតិកែលម្អ ។

អង្កេតមើលពីរបៀបដែលអ្នកស្វែងរកការងារធ្វើ ។ មើលសម្រាប់អ្វីដែលគាត់ធ្វើល្អ និងអ្វីដែលអាចធ្វើឲ្យបានកាន់តែប្រសើរ ។ មតិកែលម្អភ្លាមៗខាងក្រោមនឹងជួយអ្នកឲ្យដឹងពីអ្វីដែលអ្នកត្រូវមើល ។
នៅចុងបញ្ចប់នៃការសម្ភាសន៍ អ្នកស្វែងរកការងារនឹងសួរសុំមតិកែលម្អ ។ សូមចែកចាយពីអ្វីដែលអ្នកបានអង្កេត ។

មតិកែលម្អភ្លាមៗ

តើអ្នកស្វែងរកការងារបានបង្ហាញការចាប់អារម្មណ៍ដំបូងដោយការចាប់ដៃ និងស្វាគមន៍អ្នកសម្ភាសន៍ដែរទេ ?
តើកាយវិការរបស់អ្នកស្វែងរកការងារក្នុងការសម្ភាសន៍យ៉ាងម៉េចដែរ ?
តើអ្នកស្វែងរកការងារបានប្រើ ខ្ញុំក្នុង ៣០ វិនាទី របស់គាត់ ឬ នាងដែរទេ ? តើវាទាក់ទងទៅនឹងការងារទេ ? តើវាខ្លីពេក ឬ វែងពេកទេ ?
តើអ្នកស្វែងរកការងារបានប្រើ សេចក្តីថ្លែងការណ៍ដ៏មានអនុភាពដើម្បីឆ្លើយសំណួរសម្ភាសន៍ទាំងឡាយដែរទេ ?
តើអ្នកមើលឃើញឱកាសដើម្បីបង្វែរភាពអវិជ្ជមានទៅជាវិជ្ជមានឬទេ ? តើអ្នកស្វែងរកការងារបានធ្វើតាមរបៀបណា ?
តើអ្នកស្វែងរកការងារបានសួរសំណួរនៅចុងបញ្ចប់ទេ ?
តើអ្នកស្វែងរកការងារបង្ហាញនូវអ្វីដែលជាជំហានបន្ទាប់ និងរបៀបដើម្បីធ្វើការតាមដានដែរទេ ?

សម្រាប់ការណែនាំអំពីរបៀបសម្តែងជាអ្នកស្វែងរកការងារ សូមមើលទៅ ទំព័រ ១៤៣ ។

សម្រាប់ការណែនាំអំពីរបៀបសម្តែងជាអ្នកសម្ភាសន៍ សូមមើលនៅ ទំព័រ ១៤៤ ។

សូមត្រឡប់ទៅ ទំព័រ ១៣៤ វិញ ។

ការហ្វឹកហាត់ធ្វើឲ្យមានលក្ខណៈកាន់តែល្អ

ហិនរី ចែកចាយពីរបៀបដែលការហ្វឹកហាត់បានជួយឲ្យគាត់មានការសម្ភាសន៍ដ៏ល្អបំផុតមួយ ។

« ខ្ញុំបានឆ្លងកាត់ការសម្ភាសន៍ចំនួនប្រាំជុំទើបទទួលបានការងាររបស់ខ្ញុំ ។ ការសម្ភាសន៍នីមួយៗគឺពិបាក ប៉ុន្តែខ្ញុំបានត្រៀមខ្លួនរួចរាល់ហើយ ។ វានឹងងាយស្រួលដើម្បីបាត់បង់ការយកចិត្តទុកដាក់ ឬ ភ្លេចនូវព័ត៌មានសំខាន់អំពីខ្លួនឯង ប៉ុន្តែដូចខ្ញុំនិយាយអញ្ចឹង ខ្ញុំបានត្រៀមខ្លួនរួចរាល់ហើយ … ខ្ញុំគិតថាលើសពីបានត្រៀមខ្លួនទៅទៀត ! ការសម្ភាសន៍ខ្លះត្រូវធ្វើតាមទូរស័ព្ទ ផ្សេងទៀតតាមរយៈវីដេអូ ហើយចុងក្រោយគេគឺដោយផ្ទាល់ ។ ដើម្បីត្រៀមខ្លួនសម្រាប់ការសម្ភាសន៍នីមួយៗ ខ្ញុំបានហ្វឹកហាត់ជាមួយអ្នកដទៃ ។ ខ្ញុំនឹងឲ្យសំណួរទាំងឡាយដែលខ្ញុំរំពឹងថាអ្នកសម្ភាសន៍នឹងសួរទៅពួកគេ ហើយពួកគេនឹងសួរដើម្បីមើលពីរបៀបដែលខ្ញុំនឹងឆ្លើយតប ។ ដល់ពេលវេលានៃការសម្ភាសន៍ពិតប្រាកដ ខ្ញុំបានហ្វឹកហាត់ស្ទើរតែគ្រប់សំណួរទៅហើយ ។ វាបានធ្វើឲ្យខ្ញុំមានទំនុកចិត្តលើខ្លួនឯងខ្លាំងណាស់ ។ ខ្ញុំបានប្រើ ខ្ញុំក្នុង ៣០ វិនាទី សេចក្តីថ្លែងដ៏មានអនុភាព និងជំនាញផ្សេងៗទៀត ហើយខ្ញុំដឹងថានោះគឺជាអ្វីដែលបានញែកខ្ញុំចេញពីគេ ។ ខាងក្រុមហ៊ុនដឹងថា ខ្ញុំនឹងធ្វើការបានល្អឲ្យពួកគេដោយសារតែខ្ញុំអាចបង្ហាញនូវជោគជ័យកាលពីមុន ហើយខ្ញុំអាចធ្វើការក្រោមសម្ពាធបានល្អ ។

« ទិដ្ឋភាពដ៏សំខាន់បំផុតមួយនៃការត្រៀមខ្លួនរបស់ខ្ញុំគឺការអធិស្ឋាន ។ ខ្ញុំទូលសូមដល់ព្រះវរបិតាសួគ៌ឲ្យជួយខ្ញុំក្នុងការត្រៀមខ្លួន និងមានភាពរាបសារ ។ ខ្ញុំបានធ្វើផ្នែករបស់ខ្ញុំតាមរយៈការហ្វឹកហាត់ ហើយខ្ញុំដឹងថាទ្រង់បានជួយខ្ញុំដោយសារខ្ញុំបានបង្ហាញសេចក្តីជំនឿ ។ ខ្ញុំដឹងថាភាពជោគជ័យរបស់ខ្ញុំបានកើតឡើងដោយសារតែខ្ញុំបានប្រឹងប្រែងដើម្បីហ្វឹកហាត់ និងរៀបចំសម្រាប់ការសម្ភាសន៍ ។ »

សូមត្រឡប់ទៅ ទំព័រ ១៣៥ វិញ ។