Mga Resources

Ano ang Hinahanap Niya? Part 1

Pumili ng mga role at isadula ang sumusunod.

SETTING: Si Jose (ang boss) ay iniinterbyu si Miguel (ang job seeker). Ito ang kalagitnaan ng interbyu.

JOSE: Okey, magaling. Ngayon, puwede bang ilarawan mo ang pinakamalaki mong pagkakamali, at ano ang ginawa mo tungkol dito?

MIGUEL: [Nag-iisip] Ano ba namang klaseng tanong iyan? Ano kaya ang gusto niyang malaman? Sana malaman ko kung ano ang inaasahan niya.

JOSE: [Nag-iisip] Gusto ko lang malaman kung nauunawaan niya kung ano ang pagkakamali niya, at kung nilutas niya ang problema.

MIGUEL: [Nag-iisip] Alam ko ang gusto niyang malaman. Kailangan kong gawing positibo ang negatibo!

MIGUEL: [Sasabihin] Naalala ko na minsan inakala ng manager ko na lumampas ako sa deadline. Ang talagang nangyari ay hindi ko nasabi na may mga ipinabago pa ang kliyente. Mula noon, siniguro ko na naipapaalam sa lahat ang nangyayari!

JOSE: Magaling ang ginawa mo, Miguel. Mukhang may natutuhan ka!

Bumalik sa pahina 56

Ano ang Hinahanap Niya? Part II

Pumili ng mga role at isadula ang sumusunod. Paalala sa facilitator: Kapag sinabing talakayin, pasagutin muna ang grupo bago ka magpatuloy.

NARRATOR: Kaya, heto na tayo kina Jose (ang interviewer) at Miguel (ang potential employee). Magtatanong si Jose ng apat na karaniwang tanong. Pag-uusapan natin kung paano dapat sumagot si Miguel. Handa na ba kayo?

JOSE: Hello. Kung ganoon, ano ang masasabi mo tungkol sa sarili mo?

Talakayin:(1) Ano ang gustong malaman ng interviewer na ito? (2) Paano maaaring magamit ni Miguel ang “me in 30 seconds” sa pagsagot? (Tingnan ang outline sa kanan.)

“Me in 30 Seconds”

1. Pangalan

2. Layunin

3. Mga kwalipikasyon

4. Mga katangian

5. Magtapos sa Tanong

NARRATOR: Okey, heto ang talagang iniisip ng boss.

JOSE: Makakasagot ba siya nang malinaw? Siya ba ay kwalipikado?

NARRATOR: Kaya dapat siguro gamitin ni Miguel ang “me in 30 seconds” niya.

MIGUEL: Ako si Miguel Fuentes. Nag-a-apply ako na maging bago ninyong manager of accounting. May anim na taon akong karanasan sa trabaho at pinamunuan ko ang isang accounting team na may limang katao. Magkatulong naming pinababa ang gastusin nang 15% at pinataas ang output nang 23%. Nagtapos ako na may certificate sa accounting at may government license. Tuwing weekends, naglalaro ako ng football. May gusto pa po ba kayong malaman?

JOSE: Iyan lang, magaling, salamat. Ngayon, ano pa ang ibang strengths o kahusayan mo?

Talakayin:(1) Ano ang gustong malaman ng interviewer na ito? (2) Paano magagamit ni Miguel ang power statement sa pagsagot? (Tingnan ang outline sa kanan.)

Power Statement

1. Tukuyin ang isang kasanayan o strength

2. Partikular na halimbawa

3. Resulta

4. Akma sa mga kailangan

NARRATOR: Heto ang talagang gustong marinig ni Jose.

JOSE: Mayroon ba siya ng skills na kailangan namin? Maipapakita ba niya ito sa mga resulta ng ginawa niya?

NARRATOR: Dahil ito ang gusto ni Jose, puwedeng gamitin ni Miguel ang power statement niya sa pagsagot.

MIGUEL: Bibigyan kita ng isang halimbawa. Lagi akong naghahanap ng paraan na mabawasan ang gastos. Halimbawa, mga tatlong buwan na ang nakalipas nagpunta ako sa manager ko at ipinaliwanag na nawawalan kami ng 3000 kada linggo dahil sa late payments. Noong una nagdududa siya, kaya ipinakita ko sa kanya ang rekord. Ipinalutas niya sa akin ang problema. Sa loob ng 10 linggo, napababa ko ang late payments nang 30 araw kada invoice, kaya nakatipid kami ng libu-libo. Magagamit ko ang husay ko sa paglutas ng problema dito sa Sport Corporation.

NARRATOR: Heto pa ang isang tanong—na ayaw nating marinig!

JOSE: Saan ka nahihirapan o saan ka mahina?

Talakayin:(1) Ano ang gustong malaman ng interviewer na ito? (2) Paano ito sasagutin ni Miguel sa paraang magagawa niyang positibo ang negatibo? (Tingnan ang outline sa kanan.)

Gawing Positbo ang Negatibo

1. Magsabi ng kahinaan na karaniwan sa maraming tao.

2. Ilarawan kung paano mo dinaig ang kahinaang iyon.

3. Magdagdag ng impormasyon mula sa iyong power statements.

NARRATOR: Heto ang iniisip ng interviewer.

JOSE: Alam ba niyang may kahinaan siya? May ginawa ba siya para malutas iyon?

NARRATOR: Dahil iyon ang gustong marinig ni Jose, masasagot ito ni Miguel sa paraang magagawa niyang positibo ang negatibo.

MIGUEL: Maraming nagsasabi na masyado kong na tulungan ang mga kustomer na mabayaran ang invoice nila sa oras. Kaya pinagsikapan kong balansehin ang resulta ng balance payment at customer service. At marami akong natutuhan. Nang pagmalasakitan ko ang mga customer at ang pangangailangan nila, natulungan ko rin ang kumpanya dahil nabayaran ito nang mas mabilis. At nakatanggap ako ng award para sa top customer service nitong nakaraang buwan.

NARRATOR: Okey, heto pa ang isang karaniwang tanong.

JOSE: Magaling, Miguel. Salamat. Bakit gusto mong magtrabaho sa amin?

Talakayin:(1) Ano ang gustong malaman ng interviewer na ito? (2) Paano magagamit ni Miguel ang power statement sa pagsagot? (Tingnan ang outline sa kanan.)

Power Statement

1. Tukuyin ang isang kasanayan o strength

2. Partikular na halimbawa

3. Resulta

4. Akma sa mga kailangan

NARRATOR: Heto ang iniisip ng interviewer.

JOSE: Alam ba niya ang kailangan namin? Nagmamalasakit ba siya?

NARRATOR: Dahil ito ang gusto ng interviewer, maaaring gumamit si Miguel ng isa pang power statement sa pagsagot.

MIGUEL: Mr. Martinez, natutuwa ako sa nalaman ko nang mag-research ako tungkol sa Sport Corporation. Nagpopokus kayo sa pagbebenta ng sports equipment at napakataas ng benta ninyo. Balita ko may sinisimulan kayong mga bago at mas pinahusay na produkto. Gusto kong magtrabaho sa kumpanya na matatag at patuloy na lumalago. Mayroon din akong alam tungkol sa sports at ehersisyo. Noong nakaraang taon, nag-volunteer ako bilang football trainer, at natulungan ko ang team na mas humusay sa endurance at performance. Nauunawaan ko kung ano ang pinagsisikapan ninyong makamit at makakatulong ako sa inyo na magawa iyon.

Bumalik sa pahina 57

Magpraktis sa Pagsagot ng mga Karaniwang Tanong

Bago ang susunod na miting natin, praktisin ninyo sa inyong action partner, pamilya, o mga kaibigan ang pagsagot ng mga tanong.

MGA KARANIWANG TANONG	ANG GUSTONG MALAMAN NG INTERVIEWER TUNGKOL SA IYO	MGA TULONG SA PAGSAGOT
Ano ang masasabi mo sa akin tungkol sa sarili mo?	Mahusay ba siyang magsalita? Kwalipikado ba siya?	“Me in 30 seconds”
Ano ang mga kahusayan o strengths mo?	Akma ba ang karanasan niya sa trabaho sa mga kailangan namin?	Power statement
Saan ka nahihirapan o saan ka mahina?	Siya ba ay tapat? May ipinagbuti ba siya?	Gawing positibo ang negatibo
Bakit gusto mong magtrabaho sa amin?	Nag-research ba siya? May mga mithiin ba siya?	Power statement
Ilarawan ang iyong huling nagawang malaking pagkakamali.	Makatwiran ba ang dahilan ng pagkakamali niya? Natuto ba siya rito?	Gawing positibo ang negatibo
Ano ang masasabi mo sa dati mong boss?	May respeto ba siya sa mga namumuno?	Power statement
Paano mo hinaharap ang pressure?	Hindi ba niya ipinapasa sa iba ang mga problema?	Power statement
May mga ideya ka ba na hindi tinanggap?	Masigasig ba siya? Maganda ba ang pananaw niya?	Gawing positibo ang negatibo
Ano ang gusto mong mangyari sa career mo?	Tutulungan ba niya kaming magtagumpay? May pokus ba siya?	“Me in 30 seconds”
Ano ang inaasahan mong suweldo?	Sapat lang ba ang inaasahan niya?	Sumagot sa pamamagitan ng tanong
Mayroon ka bang gustong itanong sa akin?	Nagmamalasakit ba siya? Interesado ba siya?	Sumagot sa pamamagitan ng tanong

Paano Ko Ine-negotiate ang Trabaho na Tutugon sa mga Pangangailangan Ko? (Opsyonal na Aktibidad)

Basahin:Kapag nagpasiya ang employer na ialok sa atin ang trabaho, maaari nating talakayin ang ating mga kundisyon sa trabaho. Kabilang sa mga kundisyon ang suweldo, kailan at ilang oras tayo magtatrabaho, mga kundisyon ng pagtatrabahuhan, o iba pang mga bagay. Ang mithiin ay sabihin ang totoong saloobin at maging tapat at ang masiyahan ang lahat sa kalalabasan.

Talakayin:Anong mahirap sa pakikipag-negotiate? Bakit ka makikipag-negotiate?

Basahin:Narito ang limang hakbang na magagamit natin para maging handa sa ganitong pag-uusap:

• Alamin muna ang mga kailangan natin.

• Magpasiya kung alin ang pinakamahalaga at kung anong mga kundisyon ang sapat na katanggap-tanggap.

• Alamin ang maiaalok ng employer at ano ang mahalaga sa kanila.

• Humiling na mabigyan ng inspirasyon; isipin kung paano tayo parehong “panalo” ng employer.

• Praktisin ang talakayan sa kapamilya o kaibigan.

Praktisin:Gamitin ang sumusunod na chart para mapag-isipan ang mga kailangan mo na may kinalaman sa trabaho.

Ang mga halimbawa ay nakasulat sa gray; patungan na lang ng isusulat mo.

1. Lagyan ng numero ang bawat kailangan ayon sa pagkakasunud-sunod ng priyoridad mo. Gamitin ang “1” sa para sa pinakamataas na priyoridad.

2. Magpasiya kung ano ang minimum level ng bawat kailangan.

3. Pag-usapan ninyo ito ng iyong asawa o pamilya. Sabihin sa kanila na ipakita ang kanilang mga priyoridad at sama-samang itakda ang minimum level. Kung hindi sang-ayon ang lahat, sikaping magkasundo.

ANG MGA KAILANGAN KO (magdagdag ng iba pa)	ANG AKING MGA PRIYORIDAD (lagyan mo ng numero ang bawat isa; 1 ang pinakamataas)	MGA PRIYORIDAD NG PAMILYA (lalagyan nila ng numero ang bawat isa; 1 ang pinakamataas)	SAPAT NA KATANGGAP-TANGGAP (pinaka-limit sa bawat kailangan)	MGA PRIYORIDAD NG EMPLOYER (mga nais/kailangan nila ayon sa priyoridad kung alam mo)
Suweldo	1	2	3000 buwan	Pay range 2200-3200
Oras ng Trabaho	5	1	Walang pasok tuwing Linggo	May pasok ng Sabado’t Linggo kapag kailangan
Malinis na Kapaligiran	6	5	Walang delikadong kemikal	Mga kemikal na nagpapabilis ng trabaho
Mga Kasamahan sa Trabaho	3	6	Matapat	Nasa oras, masipag
Oportunidad	2	4	90-day promotion	Team worker
Pangangalaga ng Kalusugan	4	3	-----

Talakayin:Ano ang natutuhan mo sa exercise na ito?

Praktisin:Isipin ang klase ng employer na gusto mong makatrabaho. Ano ang mga priyoridad nila? Malalaman mo ba kung ano ang pinakamahalaga sa kanila? Ilagay ang mga priyoridad ng employer mo sa chart sa itaas bago ang interbyu mo.

Talakayin:Batay sa mga karanasan mo, paano mo maiaakma ang mga kailangan mo sa gusto ng employer?

Tip:

Kung mababa ang offer, subukang tumahimik muna. Maghintay nang 10 segundo bago sumagot. Kadalasan ang taong kausap mo ay magbibigay ng mas magandang offer para mabasag ang katahimikan.

Praktisin:Kasama ang kapamilya o kaibigan, isadula ito.

1. Basahin ang sitwasyong ito: Sa kanyang unang interbyu, natutuhan ni Kofi na ang pasuweldo sa ganitong posisyon ay 95 hanggang 105 kada araw. Ngayon, nasa pangalawang interbyu na siya. Ang offer ng employer sa kanya ay 96 kada araw. Kailangan ni Kofi ng kahit 100 man lang kada araw. Puwede rin siyang humingi ng tulong para sa pamasahe at nagdesisyon siya na hindi magtatrabaho nang Linggo.

2. Isa sa inyo ang gaganap na employer at ang isa naman ang gaganap na Kofi. Sisimulan ng employer na i-offer kay Kofi ang trabaho sa suweldong 96 kada araw. Pagtatrabahuhin siya nito nang 2 Linggo sa isang buwan. Dapat subukan ni Kofi na magbigay ng solusyon na parehong makasisiya sa kanila.

3. Magpalitan ng role at gawin itong muli.

Talakayin:Paano nangyari ito? Sinagot ba ninyo ang tanong sa pamamagitan ng mga tanong? Naisip ba ninyong i-negotiate ang iba pang mga benefit?

Basahin:Ito ang isang maaaring kalabasan ng pakikipag-negotiate ni Kofi. Basahin natin ang table na ito. Sino ang nanalo? Naresolba ba nila ang isyu tungkol sa pagtatrabaho sa Linggo?

ORIHINAL NA OFFER	MAHALAGA SA KUMPANYA	MAHALAGA KAY KOFI	ANG NI-NEGOTIATE NI KOFI	BAGONG OFFER
Suweldo na 96 kada araw	Puwedeng magbayad ang kumpanya nang hanggang 98 kada araw sa level ng experience ni Kofi.	Ang kailangan ni Kofi ay 100 kada araw. 3 sa 100 na iyan ay pamasahe niya papuntang trabaho.	Hiniling ni Kofi sa kumpanya na suwelduhan siya ng 97 kada araw at bayaran ang pamasahe niya sa bus na 3 kada araw.	Pumayag ang kumpanya na suwelduhan si Kofi ng 97 kada araw at bayaran ang pamasahe niya sa bus. May kontrata ang kumpanya sa bus company. Magbabayad lang sila ng 1 kada araw para sa pamasahe ni Kofi.

Talakayin:Paano kung hindi kayo nagkasundo? Palalampasin na lang ba ninyo ang oportunidad kung hindi ito umakma sa mga kailangan ninyo?

Basahin:Sa pagpapraktis ng iyong negotiation skills, mas makakagawa kayo ng kasunduan na patas para sa lahat ng kabahagi. Anuman ang napagkasunduan ninyo, humingi ng nakasulat na kumpirmasyon na may nakasaad na petsa. Mapoprotektahan niyan ang lahat!

Halimbawa ng Application

application example page 1

Job Application

Pangalan:ApelyidoPullagariUnaAmit

Petsa:Sabado, Disyembre 06, 2013

Address:1234 Any Street, Hyderabad

Telepono:1234567890

Email: [e-mail]

Katungkulan:Process trainer

Gustong Salary:70000

Petsa na Maaari nang Magtrabaho:Enero 2014

Nakapagtrabaho ka na ba kumpanyang ito?

• Oo

• Hindi X

Kung oo, kailan?

Napatunayan ka na bang maysala sa anumang krimen?

• Oo

• Hindi X

Kung oo, ipaliwanag:

Edukasyon

High School:Any Public School

Address:1234 Another Street, Hyderabad

Mula sa:2002

Hanggang sa:2007

Naka-graduate ka ba?

• Oo X

• Hindi

Diploma:Sertipiko

College:Any Technical College

Address:4321 Any Street, Gangtok

Mula:2011

Hanggang sa:2013

Naka-graduate ka ba?

• Oo X

• Hindi

Degree:Sertipiko

Mga Reperensya

Buong Pangalan:Vivek Singh

Kaugnayan:Guro

Telepono:1234567891

Buong Pangalan:Shrati Patel

Kaugnayan:Boss

Telepono:1234567892

Buong Pangalan:Kavita Ram

Kaugnayan:Coworker

Telepono:1234567893

application example page 2

Previous Jobs

Pangalan ng Trabaho:Supervisor

Starting Salary:40000

Ending Salary:45000

Mga Responsibilidad:Supervise line workers

Mula sa:2010

Hanggang sa:2011

Dahilan ng Pag-alis sa Trabaho:Nag-aral muli

Kumpanya:Any Company

Telepono:1234567894

Posisyon sa Trabaho:Job Trainer

Starting Salary:30000

Ending Salary:32000

Mga Responsibilidad:Trainer ng mga trabahador

Mula:2008

Hanggang sa:2010

Dahilan ng Pag-alis sa Trabaho:Bagong trabaho

Kumpanya:Iba pang Kumpanya

Telepono:1234567895

Pinapatunayan ko na ang aking mga sagot ay totoo at kumpleto sa abot ng aking kaalaman.

Kung tatanggapin ako sa trabaho batay sa application na ito, nauunawaan ko na anumang mali o huwad na impormasyong nasa aking application ay magiging dahilan ng pagkatanggal ko sa trabaho.

Lagda:Amit Pullagari

Petsa:Sabado, Disyembre 06, 2013

Halimbawa ng Resume

resume example

William Owusu Address: 1234 Any Street, Accra, Ghana Tel: [phone] E-mail: [e-mail]

Personal Data
Buong Pangalan	William Owusu
Kasarian	Lalaki
Petsa ng Kapanganakan	Abril 16, 1980
Lugar ng Kapanganakan	Kumasi, Ghana
May asawa o wala	Walang-asawa

Educational Background
2007-2011	Sertipiko mula sa Any Technical School
2000	Nagtapos sa Any High School

Mga Karanasan sa Trabaho
2004-2006	Naglingkod bilang full-time missionary
2007-2011	nagtrabaho bilang team leader sa Any Restaurant
2011–	nagtrabaho sa Any Limousine bilang booking agent

Training Courses
2009	Nakatapos ng sreadsheet training course
2013	Nakakumpleto ng customer service training course
2012	Nakakumpleto ng maikling business training course

Mahusay sa paggamit ng computer
2003	Spreadsheets, database, Internet / e-mail

Mga Wika
Ashanti Twi	Katutubong wika
English	Mahusay

Mga Interes at Libangan
	Pagbabasa ng aklat, paglalaro ng sports, Internet

Mga Character Reference
1. Sandra Osei	Tel: [phone]
2. Eric Katoka	Tel: [phone]

Mga Tala