Magreport

Tinupad ko ba ang mga ipinangako kong gawin?

Oras:I-set ang timer nang 20 minuto para sa section na Magreport.

Praktisin:Ireport natin ang mga ipinangako nating gawin. Mangyaring tumayo ang mga tumupad sa lahat ng kanilang mga ipinangako. (Pumalakpak.)

Basahin:Ngayon, magsitayo ang lahat. Ulitin natin nang sabay-sabay ang ating theme statements:

“At layunin ko ito na maglaan para sa aking mga banal, sapagkat lahat ng bagay ay akin.”

Doktrina at mga Tipan 104:15

Taglay ang pananampalataya sa Panginoon, nagtutulungan tayong maging self-reliant.

Basahin:Magsiupo tayo.

Talakayin:Nagpraktis ba kayo ng pagsagot nang mahusay sa mga karaniwang tanong sa interbyu? May gumamit ba nito sa inyo sa interbyu?

Ano ang natutuhan ninyo nang pag-usapan ninyo sa pamilya ang mga ideya sa pagne-negotiate? Nagpraktis ba kayo ng pagne-negotiate? May mga problema ba?