“Эш үзүүлэгч эмэгтэй Дебора,” Хуучин Гэрээний түүхүүд (2022)
“Эш үзүүлэгч эмэгтэй Дебора,” Хуучин Гэрээний түүхүүд
Эш үзүүлэгч эмэгтэй Дебора
Израилын хөвгүүдийг Их Эзэнд итгэхэд тусалсан удирдагч
Дебора бол Их Эзэнээр сүнслэгээр өдөөгдсөн, Израилын үнэнч удирдагч, эш үзүүлэгч эмэгтэй байв. Түүний хүмүүс Их Эзэний зарлигуудыг дагахаа больж, канаанчууд тэднийг захирч байлаа. Хорин жилийн дараа, израилчууд Их Эзэнээс тусламж гуйн залбирч эхлэв.
Их Эзэн тэдний залбирлуудыг сонсжээ. Тэрээр Деборад канаанчуудын эсрэг тулалдахаар Израилын их цэргийг цуглуул хэмээв.
Канаанчуудын арми олон цэрэг, тэрэгтэй байв. Энэ нь израилчуудыг эмээхэд хүргэсэн боловч Дебора айсангүй. Их Эзэн тэдэнд тусална гэдгийг тэр мэдэж байлаа.
Барак бол Израилын их цэргийн удирдагч байв. Тэрээр тулалдахыг хүссэнгүй. Гэвч тэр Дебораг их цэрэгтэй нь хамт явбал, Их Эзэн тэднийг хамгаална гэж боджээ. Дебора хамт явахыг зөвшөөрөв. Дебора нэгэн эмэгтэй канаанчуудын их цэргийн удирдагч Сисераг ялна гэж бошигложээ.
Израилын их цэрэг уулан дээр, харин канаанчууд хөндийд цугларав. Дебора Баракийг уулнаас буу гэж хэлэв. Тэр Их Эзэнийг тэдэнтэй хамт байна гэж амлав.
Их Эзэн бороо илгээж, канаанчуудын тэрэгнүүд усанд үйв. Канаанчуудын олон нь голд живсэн боловч Сисера зугтжээ.
Шүүгчид 4:15, 17; 5:4–5, 19–22
Иаел гэх эмэгтэй ойролцоох майханд амьдардаг байжээ. Тэр Сисераг зугтаж байгааг хараад, майхандаа нууя гэж хэлэв. Иаел түүнийг канааны их цэргийн удирдагч гэдгийг мэдэж байсан бөгөөд олон хүнд хохирол учруулахгүйн тулд түүнийг алжээ.
Деборагийн бошиглол биелэв. Сисера баатарлаг эмэгтэйд ялагдсан. Их Эзэн израилчуудыг хэрхэн аварсан талаар тэдэнд сануулахын тулд Дебора дуу дуулав. Израилчууд зарлигуудыг сахиж, 40 жилийн турш амар амгалан амьдарчээ.