Vakadeitaka

Meu na tubu vakacava ena veisiga?

Gauna:Tuvanaka na kaloko ki na 10 na miniti me baleta na iwasewase ni Vakadeitaka.

Wilika:Ena veimacawa, eda na digitaka e dua na “itokani ni cakacaka.” Oqo e dua na lewe ni ilawalawa ena vukei keda meda maroroya na noda veivakadeitaki. Me rau na veitaratara na itokani ni cakacaka ena loma ni macawa ka ripotetaka na nodrau ripote vakai rau. Vakararaba, o ira na itokani ni cakacaka me ra tagane se yalewa vata ka rau sega ni lewe ni matavuvale vata.

Vakatovotovo:Digitaka na nomu itokani ni cakacaka. Lewa na gauna kei na sala mo drau dau veitaratara kina.

Yacai itokani ni cakacaka

iTukutuku ni Veitaratara

Wilika e cake na veivakadeitaki yadua vei nomu itokani ni cakacaka. Yalataka mo maroroya na nomu veivakadeitaki! Saini e ra.

NOQU VEIVAKADEITAKI
Au na vakacavara na itaviqaravi yadua ni Mape ni Rawa-ka Vakabisinisi (raica na draunipepa 13–14).
Ena dua na noqu ivola lailai ni bisinisi ka kauta mai ki na bose e tarava.
Au na rawata na noqu takete ni bisinisi ni dua na macawa:
Au na vakatovotovotaka na kena me baleta na ivakavuvuli ni Noqu Yavu ka vakavulica ki na noqu matavuvale.
Au na kuria ki na noqu ilavo maroroi—e dua mada ga se rua na sede.
Au na soli ripote vei noqu itokani ni cakacaka.

Noqu saini

Saini nei itokani ni cakacaka

Meu ripotetaka vakacava na noqu tubu?

Sarasara:“Action and Commitment” (Sega na vidio? Wilika na draunipepa 12.)

“Ni sa vakarautaki na cakacaka, ena torocake na cakacaka. Ni sa vakarautaki ka ripotetaki na cakacaka, ena totolo na ivakarau ni torocake.”

Thomas S. Monson, ena Conference Report, Okot. 1970, 107.

Vakatovotovo:Ni bera na bose e tarava, vakayagataka na ivolakabi oqo ni veivakadeitaki mo vola kina na nomu tubu. Ena lomanibai e ra, vola kina “Io,” “Sega,” se na levu ni gauna o maroroya kina na nomu veivakadeitaki.

Vakacavara na itaviqaravi ni Mape ni Rawa-Ka Vakabisinisi (Vola na # ni siga)	Au sa kauta mai na ivola lailai ni bisinisi (Io/Sega)	Rawata na takete ni bisinisi ni dua na macawa (Io/Sega)	Vakatovotovotaka na ivakavuvuli ni Yavu ka vakavulica ki na noqu matavuvale (Io/Sega)	Kuria na ilavo maroroi (Io/Sega)	Soli ripote kivei itokani ni cakacaka (Io/Sega)

Wilika:Vakakina, mo nanuma tiko mo vakadikeva tiko na nomu vakayagataki ilavo ena daku ni nomu ivola lailai Noqu Sala ki na Bula Rawati Au.

Wilika:Ena noda bose e tarava, ena vola o dauveivakarautaki e dua na jata ni veivakadeitaki ena vavaloaloa (me vaka na kena e cake). Eda na yaco mai ni vo e 10 na miniti me tekivu na bose ka vola na noda tubu ena jata.

Digitaka e dua me na vakarautaka na ulutaga ni Noqu Yavu ena macawa mai oqo. Kerei koya me wilika na loma ni waqana e liu ni ivola ni cakacaka oqo mo vulica na veika era cakava na dauveivakarautaki. Mena tautauvata talega na nona veivakarautaki me vakataki koya a cakava nikua:

• Sureta na Yalotabu; sureti ira na lewe ni ilawalawa mera vakasaqara na Yalotabu.

• Vakabauta na veivola ; kakua ni kuria; cakava ga na ka e tukuni kina.

• Dau lewa vinaka na gauna.

• Vaqaqacotaka; marautaka!

Me kila o Dauveivakarautaki:

Nanuma tiko mo cakava eso na ilavelave ni itukutuku ni veitaratara ni ilawalawa me baleta na bose e tarava.

Mo nanuma talega mo rejisitataki ira na lewe taucoko ni ilawalawa ena srs.lds.org/report.

Vakatovotovo:O cei e vinakata me rawata e dua na sitivikiti ena taukenitaki ni bisinisi mai na LDS Business College e Salt Lake City, Utah, Amerika? Gole ki na draunipepa 197-98 ka mo ni veivukevuke ena kena wiliki na veiika e gadrevi.

Wilika:Kerea e dua me cabora na isogomasu.