iLavelave e Liu
Me Baleti Ira na Dauveivakarautaki

Me Baleti Ira na Dauveivakarautaki

Na siga ni bose:

  • Teks se qiriti ira kece na lewe ni ilawalawa. Sureti ira mera yaco mai ni se vo tu e 10 na miniti mera na ripotetaka na nodra veivakadeitaki.

  • Vakarautaka na veivola ni bose.

  • Kauta mai e lima tale na ilavelave ni Noqu Sala ki na Bula Rawati Au

Ni vo e 30 na miniti me yaco na bose:

  • Tuva wavoki na teveli ena idabedabe me rawa ni ra veivolekati na tamata kece.

  • Vola na jata oqo ni veivakadeitaki ena vavaloaloa kei na yacadra na tamata ena nomu ilawalawa (raica na ivakaraitaki e ra).

    Yacai lewe ni ilawalawa

    Dui maroroi na itukutuku (Io/Sega)

    Saumi au ena dua na isau e duidui mai na ilavo ni bisinisi (Io/Sega)

    Vakarautaka na noqu ivakamacala ni bisinisi (Io/Sega)

    Rawata na takete ni bisinisi ni dua na macawa (Io/Sega)

    Vakatovotovotaka na ivakavuvuli ni Yavu ka vakavulica ki na matavuvale (Io/Sega)

    Kuria na ilavo maroroi (Io/Sega)

    Soli ripote kivei itokani ni cakacaka (Io/Sega)

    Gloria

    I

    I

    I

    I

    I

    I

    I

Ni vo e 10 na miniti me yaco na bose:

  • Kidavaki ira na tamata ena loloma ni ra yaco mai.

  • Ni ra sa yaco mai na lewe ni ilawalawa, kerea mera vakacavara na jata ni veivakadeitaki ena vavaloaloa. Vakakina, mo tukuna tale vei ira mera raica na draunipepa 197 ka vakatudonutaka na nodra tubu vakacakacaka e mua yani ki na vakasitivikiti.

  • Lesia e dua na ivakatawa ni gauna.

Ni sa tekivu:

  • Kerei ira na tamata mera bokoca na nodra talevoni kei na gacagaca tale eso.

  • Me cabori e dua na idolamasu (kei na sere ni lotu, ke gadrevi).

  • Kerei ira vakamalua era bera mai mera bokoca na nodra talevoni ka mera vakacavara na nodra jata ni veivakadeitaki ni ra tomana tiko na ilawalawa na veivosaki.

  • Tuvanaka na kaloko ki na 20 na miniti me baleta na Noqu Yavu

  • Vakacavari na ivakavuvuli 6 ena Noqu Yavu. Mo qai lesu ki na ivola ni cakacaka oqo ka tomana na wiliwili ena draunipepa e tarava.