Ripote

Au a vakayacora li na noqu yalayala?

Gauna:Vakarautaka na gauna me 20 na miniti na iwasewase ni Vuli.

Veivosaki: Wilika na vosa cavu ena imatau. E vakayaco-ka vakacava oqo vei ira na marama?

“Ni vakarautaki na cakacaka, ena vinaka cake. Ni vakarautaki na cakacaka ka ripotetaki, sa dau totolo kina na torocake.”

Thomas S. Monson, Ena Conference Report, Okot. 1970, 107.

Wilika:Meda ripotetaka sara mada na noda yalayala. Kemuni kece na vakayacora na nomuni yalayala, kerea moni tucake. (Vakasausautaki ira na vakayacora kece na nodra yalayala).

Ia qo, meda tucake kece mada. Sa dodonu meda tovolea meda dau vakayacora na noda veiyalayala kece sara. Qo sa dua na ivakarau ni bula bibi ki na bula rawati koya.

Ni da se tucake tu ga, meda cavuta vata sara na noda itoko ulutaga vakailawalawa. Na itukutuku oqo e vakananumi keda ena inaki ni noda ilawalawa

“Raica sa noqu inaki meu vakarautaka na veika oqo me yaga vei ira na noqu tamata, io au sa lewa na ka kecega.”

Vunau kei na Veiyalayalati 104:15

Ena noda vakabauta na Turaga, eda sa cakacaka vata tiko li meda yaco meda bula rawati keda.

Wilika:Meda sa dabe tale.

Eda sa kauta kece tiko mai na noda ivolalailai ni bisinisi? Vei kemuni na sega ni kauta mai, yalovinaka kerea mada vua edua e so na pepa. Yalovinaka kauta mai e dua na ivolalailai ena veibose ka tarava, ni oti na bose oqo.

Ena nomu ivolalailai ni bisinisi, vola kina na cava o vulica mai na nomu dau vakayacora na nomu yalayala.

Nida raica na ivakatakilakila oqo, e vakananuma vei keda na bibi ni kena dodonu meda dau vola na veika eda veivosakitaka ena noda ivolalailai ni bisinisi. E se sega ni dodonu meda vola ena gauna oqo, ia ena gauna ni bose se ena loma ni macawa, sa dodonu meda vola na ka ena veivuke ena noda tekivuna ka vakatubura na noda bisinisi.

Veivosaki:Me da veivakasalataki vakaikeda ka veivukevukei ena noda dui bisinisi. Qo na ka bibi duadua me veivosakitaki ena bose qo!

Na cava o vulica ena nomu vakacavara na veitavi ena Mape ni Rawa ka Vakabisinisi ni veisiga! Ena vakauqeta beka vakacava na nomu vakavakarau?

Na cava o vulica ena nomu cakava tiko na nomu takete vakamacawa vakabisinisi?