iVurevure
Kakua ni Vakamatea na Toa: Wase 1
Digitaka na itavi ka matanataka na kena oqo.
ITUVAKI: E so tiko na toa nei Maria ka sa rawa ni qarava tiko kina na nona matavuvale ena nona volitaki yaloka ki na veisitoa kei na vale ni kana e kea. E veisiko mai o Mateo, na ganei Maria.
MATEO: Maria!
MARIA: Mateo, bula! Sa vakaevei tiko?
MATEO: Toso vinaka tiko. Sa dina! Raici ira mada na yaloka. Toso vinaka tiko nomu bisinisi!
MARIA: Io, au sa vakavinavinaka kina. Au sa vakayacora tiko na veika au a vulica mai na ilawalawa ni bula rawati koya. Au sa maroroya tiko na veika taucoko au sa vakadeitaka ka sa cakacaka tiko! Sa vakalougatataki keda dina tiko na Turaga. Sa saumi sara tikoga qo na cakacaka kaukauwa taucoko o ya.
MATEO: Totoka qori. Meu sa na lewena tale beka ga e dua na ilawalawa. Ia, oqo talega e dua na itukutuku vinaka! Au sa raica e dua na vale saumi baleta noqu matavuvale! Keitou sa na vakawai savasava kina—kei na dua na katubaleka! Vakavo sara ga ni sega ni veirauti noqu ilavo ena gauna oqo. Au na gadreva e 1000 meu laki tawana, Au sega ni vinakata meu calata na vale oqo, Maria. E rauti keitou vinaka sara ga. E rawa ni o vukei au?”
MARIA: Mateo, au vinakata meu vukei iko, kau na rawa beka meu solia vei iko na 1000, ia ena gadrevi meu volitaka noqu toa.
Lesu tale ki na tabana 66
Kakua ni Vakamatea na Toa: Wase II
Mo ni veivukevuke ena wilika na parakaravu oqo.
Raitayaloyalotaka ni ko cakacaka tiko ena dua na otela. O na rawa beka mo tauri ilavo mai na otela ena gauna ga o vinakata kina? Ena rawa beka vei tacimu me tauri ilavo ena gauna ga e vinakata kina? Era na rairai biuti koya e valeniveivesu!
Ia vakasamataka mada nomu bisinisi. Ena gadrevi me tubu na nomu bisinisi ka vuavuai vinaka mo rawa ni maroroya na vunau ni bula rawati iko. Na nomu bisinisi sa iyaya ni cakacaka e rawa ni vakayagataka na Turaga me vakalougatataki iko kina. Kevaka sa mani gugumatua, sa na rawa kina mo vakalougatataki ira na vuqa na tamata. O sa na qai taqomaka vakacava na nomu bisinisi me vukea na kena rawa-ka? E dodonu beka mo tauri ilavo mai na nomu bisinisi ena gauna o gadreva ga kina o iko? E rawa beka vei tacimu se neiba?
Oqo na kena idola: o iko kei nomu bisinisi o drau duidui! Me na duidui tiko na vanua e maroroi kina na ilavo ni bisinisi kei na ilavo ni tamata yadua. Sa rawa mo vakayagataka na kato e duidui se akaude ni baqe e duidui. E gadrevi talega mo maroroya na itukutuku e baleta ga na ilavo ni bisinisi vakakina ena ilavo ni tamata yadua: duidui vanua kei na duidui itukutuku.
Ia, mo na taura vakacava mai na ilavo mai na bisinisi baleta nomu matavuvale?
Ia, ena yaco vakacava oqo kevaka o cakacaka vua e dua? Na tamata se bisinisi o ya ena saumi iko, se vavei? Se ke o dauvolivolitaki, ena rairai sauma vei iko na bisinisi e dua na ikuri ni isau. Na kemu isau se kena ikuri sa kemu isau dina—ko na qai sauma mai kina na nomu ikatini. Ko sa na qai vakayagataka na kena vo me baleta na nomu bula, me vakataka na kakana se isulu—se mo na vukei tacimu mada ga kina.
Ni ko itaukei ni bisinisi, e dodonu mo na saumi iko—e dua na tiki ni ilavo ena veimacawa, me kena ivakaraitaki. Kevaka e sega ni levu na ilavo ena nomu bisinisi mo saumi kina, sa rawa ga mo taura e dua na ikuri ni isau—na pasede ni volivolitaki. Se cava ga, na isau se kena ikuri sa kemu isau dina sara ga. O na sauma na ikatini mai na isau oqo. Sa qai rawa mo vakayagataka na kena vo ena kakana, rede, wainimate, ka maroroi eso na ilavo.
Na ituvatuva rawarawa oqo—na nomu vakatikitikitaki rau nomu ilavo ni bisinisi kei na nomu ga—ena taqomaki iko kei na nomu bisinisi. Sa na rawa me tubu ka rawa-ka na nomu bisinisi. Ko na kila talega na ilavo cava mai na nomu akaude vakataki iko o rawa ni vakayagataka ka wasea.
Lesu tale ki na draunipepa 67
Kakua ni Vakamatea na Toa: Wase III
Digitaka na itavi ka matanataka na kena oqo.
MARIA: Mateo, kevaka au na volitaka taucoko na noqu toa, ko sa kila sara ga na cava ena yaco ki na noqu bisinisi, se vavei? Sa na sega na yaloka meu volitaka. Ka na lutu sobu sara na noqu bisinisi. Meu sa na qai vakania vakacava na noqu matavuvale? Vosoti au. Au nuitaka ni ko sa na kila vinaka niu sega ni rawa niu tauri ilavo mai na bisinisi ena gauna ga au vinakata kina. Au saumi au ga ena isau tudei. Na vo ni ilavo sa baleta na kena cici tiko na bisinisi ka vukea na kena torocake tiko, me rawa ni keitou bula rawati keitou. Keitou sa bula rawati keitou tiko me keitou na vakalougatataki ira eso.
MATEO: E dina.
MARIA: Ia, e tiko e 200 ena noqu ilavo maroroi vakataki au au rawa ni solia vei iko, ke sa na vukei iko o ya.
MATEO: Au vakabauta ni rawa ni veivuke sara vakalevu oqori. Vinaka vakalevu, Maria.
MARIA: Sega na leqa. Au marau niu bau rawa ni veivuke vakalailai.
Lesu tale ki na draunipepa 67
Nomu Bisinisi ni Wai: Sau ni Taro BIbi
Lesu tale ki na draunipepa 70