Vulica

E vinaka se ca na dinau ilavo?

Gauna:Tuvanaka na kaloko ki na 60 na miniti me baleta na iwasewase ni Vulica.

Veivosaki: Vakasamataka e dua a dinau ilavo. A veivuke se vakararawataki ira na dinau?

Wilika:E duidui na saumi dinau baleta na iyaya ni vale ni tamata yadua kei na saumi dinau ni bisinisi.

Na dinau ni tamata yadua dau vakayagataki me rawa ni levu cake kina na ka eda vakayagataka mai na veika eda rawa ni sauma. Na dinau ni bisinisi e vakayagataki me levu cake na ka eda vakavurea mai na veika e tu vei keda na kena ivurevure.

Wilika na vosa e tiko ena imatau. Era sa vakasalataki keda na parofita meda kakua ni dinau me baleti keda ga.

“E so na dinau—me vaka me baleta e dua na vale vinaka, ilavo veiqaravi ni vuli … e yaga. Ia meda kakua sara ni curu ena vakayagataki ilavo veivesuki ena dinau ena sausaumi ka sega mada ni vakadikeva vakavinaka na kedra isau.”

Joseph B. Wirthlin, “Dinau Vakavuravura, Dinau Vakalomalagi,” Ensign se Liaona, Me 2004, 41

“Ia au sega ni nakita meu tukuna ni ra ca taucoko na dinau. Na dinau vakabisinisi ena gauna donu ni vakavureilavo e sa dua na tiki bibi ni vakatubuilavo.”

Ezra Taft Benson, “Sauma Nomu Dinau, ka Mo Bula” [lotu ni Brigham Young University, Fepe. 28, 1962]; speeches.byu.edu

Na dinau ni bisinisi ena rawa ni vukea meda vakatubura na noda bisinisi. Ia na dinau ni bisinisi ena sega ni dau digidigi yalomatua. E dodonu meda kila ni sa kena gauna “dodonu,” me vaka e kaya o Peresitedi Benson.

Wilika:TARO NI MACAWA—Au na kila vakacava niu gadreva meu dinau me tubu kina noqu bisinisi?

CAKACAKA NI MACAWA—Au na (1) veivosaki mada kei na 10 na kasitama meu kila era na volivoli vakalevu ke sa levu meu na volitaka ka (2) sikova mada e va na dausoli dinau ka taroga na lawa ni dinau balavu.

Ena veivosaki oqo, eda na vulica ka vakatovotovotaka na maqosa mena vukei keda meda kila ke sa vakasama vinaka na dinau baleta na noda bisinisi.

Ena vukei au vakacava na “dodonu e va” meu vakatulewa kina?

Sarava:“Get a Loan?” (Sega na vidio? Wilika na draunipepa 136.)

Veivosaki:O na kila vakacava ni na vukei iko se vakacacani iko na dinau?

Wilika:Wilika e cake ka veivosakitaka vakalekaleka vakayadua na “Va na Dodonu.”

NA VA NA DODONU
1. iNaki Dodonu	Au na dinau walega kevaka ena vukea me rawa ilavo vakalevu na noqu bisinisi.
2. Dodonu ni Gauna	Au na dinau walega ke sa balavu tu mai na noqu bisinisi meu kila vinaka kina na noqu bisinisi ka rawa ni vakaraitaka ni vuqa na tamata era na volia na ka au volitaka tiko.
3. Dodonu ni Kena Lawa	Au na dinau walega keu kunea e dua na dausoli dinau vinaka.
4. Dodonu ni Levu ni iLavo	Au na dinau walega kevaka au vakaraitaka niu kila niu rawa ni sauma lesu.

Vakatovotovo:Ni ko sarava na vidio oqo, raica kevaka rau na sauma rawa o Maria kei Carlos na taro yadua oqo me baleta na Va na Dodonu.

Toqa na “Io,” “Sega,” se “Sega ni Macala” vei Maria kei Carlos.

Sarava:“Right Reason?” (Sega na vidio? Wilika na draunipepa 137.)

Veivosaki:Rau sa na dinau tiko beka o Maria kei Carlos ena inaki dodonu? Vuna me Io se Sega?

O ira na taukei ni bisinisi gugumatua era vakayagataka na Va na Dodonu mera dinau kina vakayalomatua.

INAKI NI DINAU	MARIA			CARLOS
	Io	Sega	Sega ni macala	Io	Sega	Sega ni macala
Au sa dinau tiko beka ena (sega ni baleti au) vuku ni bisinisi me rawaiyau?
Au na rawa ilavo beka vakatotolo ena veika au volia ena ilavo dinautaki?
E vinaka cake beka na dinau mai na noqu maroroi ilavo ga ka vakatubura na noqu bisinisi?
Au sa vakasamataka beka na veika e rivarivabitaki?

Sarava:“Right Time?” (Sega na vidio? Wilika na draunipepa 138.)

Veivosaki:Rau sa na dinau tiko o Maria kei Carlos ena inaki dodonu? Vuna me Io se Sega?

GAUNA NI DINAU	MARIA			CARLOS
	Io	Sega	Sega ni macala	Io	Sega	Sega ni macala
Sa balavu tiko beka mai na noqu vakabisinisi meu kila vakavinaka na noqu bisinisi?
Sa tiki beka ni noqu ituvatuva oqo meu vakatubura na noqu bisinisi?
Au na rawa beka ni vakaraitaka ni ra na volivoli vakalevu na kasitama ke levu na ka meu volitaka?
Keu sa volia e dua na ka me baleta na noqu bisinisi (me vakataka na toa se lori), ena dede cake beka na kena bula mai na dinau?

Sarava:“Right Terms?” (Sega na vidio? Wilika na draunipepa 139.)

Veivosaki:Rau sa na dinau tiko beka o Maria kei Carlos ena inaki dodonu? Vuna me Io se Sega?

LAWA NI DINAU	MARIA			CARLOS
	Io	Sega	Sega ni macala	Io	Sega	Sega ni macala
Au rawa ni lisitaka beka e tolu ki na lima na dausolidinau vinaka?
Au sa kila tiko beka na isau dina ni dinau?
Ena rawa beka meu vakamacalataka na lawa ni dinau taucoko?
E rawa beka meu vakamacalataka na vuna e vinaka cake kina e dua na dausolidinau mai vua e dua tale?

Sarava:“Right Amount?” (Sega na vidio? Wilika na draunipepa 140.)

Veivosaki:Rau sa dinau tiko beka o Maria kei Carlos ena inaki dodonu? Vuna me Io se Sega?

LEVU NI LAVO ME DINAUTAKI	MARIA			CARLOS
	Io	Sega	Sega ni macala	Io	Sega	Sega ni macala
Au sa cakava beka e dua na itukutuku ni taurivaki ni ilavo ni ono na vula?
Au rawa beka ni sausaumi ka se rawa tikoga ni vakabula ilavo?
Ke sega beka ni so tale na noqu volivolitaki, au se rawa tiko ga ni sausaumi?

Wilika:Eda a vulica na kena caka e dua na itukutuku ni taurivaki ilavo meda kila ke sa tu na ilavo meda sausaumi kina. Oqo ena vukea meda kila ke da sa dinautaka tiko na levu ni ilavo dodonu.

Vakatovotovo:Ni oti nomuni veivosaki kei ira na dausolidinau ena macawa oqo, vakayagataka na pepa cakacaka ni taurivaki ilavo ena draunipepa 143 mo vakadeitaka ni sa rawa mo sausaumi. (Raica na veika eda a vulica ena macawa sa oti ke o gadreva mo cakava e dua na nomu itukutuku ni taurivaki ilavo.)

Ni veilecayaki o Maria me sauma donu e dua vei iratou na taro ni Va na Dodonu, me cakava e dua na ituvatuva me raica kina na kena isau.

Ni bera ni da dinau, meda na vakasaqara na isau ni taro keda sega ni kila. Tarogi ira na lewe ni ilawalawa se so tale ke o gadreva mo vukei.

Meu na dinau beka ena vuku ni noqu bisinisi?

Vakatovotovo:Oqo eso na iyaya me vakayagataki ena loma ni macawa me sokomuni kina na itukutuku ka vakatulewa. Lako kina draunipepa 141–43. Taura e lima na miniti mo raica kina na Jekelisi ni Va na Dodonu vata kei na Pepa Cakacaka ni Lawa ni Dinau ka veivosakitaka na sala me vakayagataki kina.

Jekelisi ni Va na Dodonu

Raica na draunipepa 141.

Ena loma ni macawa, raicalesu na taro oqo ka toqai ira ni ko sauma rawa kina na “io.”

Pepa Cakacaka ni Lawa ni Dinau

Raica na draunipepa 142.

Ena loma ni macawa, vakayagataka na pepa cakacaka oqo ni lawa ni dinau mo kila mada ga kina e va na dausolidinau.

iTukutuku ni Dausolidinau

Raica na pepa mai vei dauveivakarautaki. Ke sega ni tiko, taroga nodra vakatutu na taukei ni bisinisi baleti ira na dausolidinau vinaka ena nomudou yasana.

Ena loma ni macawa, vakayagataka na itukutuku oqo mo ni raica ka veitaratara kei ira na dausolidinau.

Taurivaki iLavo ni Ono na Vula

Raica na draunipepa 143.

Vakayagataka na pepa cakacaka oqo mo cakava kina na itukutuku ni taurivaki ilavo mo kila kina na dinau cava o rawa ni sauma lesu.