Vulica

Na cava ena vukea me rawa ilavo vakalevu cake na noqu bisinisi.

Gauna:Vakarautaka na gauna me 60 na miniti na iwasewase ni Vuli.

Sarava:“Bicycle or Chickens?” (Sega na vidio? Raica na vosa ena tabana 102.)

Wilika:Na iyautaukeni e dua na ka yaga sara ka taukena na bisinisi. Sa rawa mo volia ka volitaki iyautaukeni. Kena ivakaraitaki, sa rawa vei Maria me volia e dua na idabedabe me dabeca ni volitaki yaloka vakakina sa rawa talega vua me volitaka e dua na toa. E rau iyautaukeni.

Na iyautaukeni vakayagataki ni dua na bisinisi ena rawa ilavo tiko mai. Era iyautaukeni vakayagataki na toa nei Maria baleta ni ra vakavu yaloka, ka dau volitaka o Maria me rawa ilavo. E iyautaukeni e dua na idabedabe, ia e sega ni iyautaukeni rawa ka. E sega ni rawa ilavo.

Veivosaki: O ira na itaukei ni bisinisi gugumatua era dau vakayagataka na iyautaukeni rawa ka mera vakatubura kina na nodra bisinisi. E rawa vakacava me dua iyautaukeni rawa ka na misini ni culacula se basikeli me dua na?

O ira na itaukei ni bisinisi gugumatua era dau vakayagataka na iyautaukeni rawa ka mera vakatubura kina na nodra bisinisi.

Vakatovotovo:Digitaka e dua na itokani. Lisitaka na iyautaukeni rawa ka sa taukena tiko na nomu bisinisi:

Wilika:TARO NI MACAWA—Au rawa ni vakayagataka vakacava na iyautaukeni rawa ka me vakatuburi kina na noqu bisinisi?

CAKACAKA NI MACAWA—Au na vakadikevi ira na iyautaukeni era tu vei au kau raica se sala cava au rawa ni vakayagataki ira kina me ra iyautaukeni rawa ka vakalevu cake. Au na kunea ka vakaliuca na iyautaukeni tale eso au gadreva.

Meu na vakayacora vakacava me rawa ka vakalevu cake na noqu iyautukeni?

Wilika:Wilika na ivolanikalou ena imatau. Sa dodonu meda vakayagataki ira vakavuku na noda iyautaukeni. Eda dau qarauni ira na noda iyautaukeni me rawa ni ra rawa ka sara vakalevu vei keda.

“Mo karona vinaka na veika sa tu vei iko ka vakayagataka vakavuku; raica oqori sai isolisoli ni Turaga na nomu Kalou vei iko na nona tamata.”

Vunau kei na Veiyalayalati 136:27

Veivosaki:Na ca a rawa ni yaco ki na bisinisi nei Maria kevaka me a sega ni qarauni ira vinaka na nona iyautaukeni rawa ka (nona toa)?

Vakatovotovo:Qo, raici ira mada na iyautaukeni ni bisinisi qo. Evei vei ira na iyautaukeni oqo era iyautaukeni rawa ka tiko ena gauna oqo?

MISINI NI CULACULA

Sa levu sara na sote ena cula tiko o Gloria nikua.

BASIKELI CA

Sa nuitaka tiko o David ni sa na vakarau vakavinakataki na nona basikeli me rawa ni sa tekivu vakayagataka.

IRA NA TOA SEGA NI VAKALUTU YALOKA

Sa waraka tiko o Maria me raica se ra na vakalutu yaloka rawa na nona toa.

Wilika:Sa gadrevi meda na vakayagataka na noda iyautaukeni ena kedra ivakavakayagataki ni rawa ka vakalevu duadua. Wilika na veivakamacala ni vakatawa vinaka e ra.

SITOA NI CULACULA NEI GLORIA:

A tiko e dua na nona misini ni culacula o Gloria. A dau qarauna sara vakavinaka. Sa dau cula e lima na sote ena veisiga. Era vinakata vakalevu cake tale na sote na nona kasitama.

A nanuma me dua nona ivukevuke ka volia e dua tale na misini vou. A sega ni volia tale e dua na misini, a saumi nona itau o Gloria me vakayagataka ga na nona misini ena bogi. Qo, sa rawa kina bisinisi nei Gloria me cula e 10 na sote ena dua na siga ena dua ga na misini ni culacula.

Veivosaki:A ivakatawa vuku vakacava o Gloria ena vuku ni nona iyautaukeni? Cava o na vakayacora me yaga vakalevu cake kina na nomu iyau taukeni?

Ena rawa vakacava meu taura mai e levu cake na iyautaukeni?

Vakatovotovo:Vakasamataka na veiyautaukeni sa rawa mo taura mai ka me rawa ni o vakatubura kina na nomu bisinisi. Lisitaki ira e ra.

VEIMATAQALI IYAUTAUKENI	IYAU TAUKENI SA TU VEI AU	IYAU TAUKENI ERA RAWA NI VUKEA NA VAKATUBURI NI NOQU BISINISI
iYaya ni Cakacaka/Misini
Motoka
Vale
Manumanu
Eso tale

Vakatovotovo:Vakaduria e dua na ilawalawa kei na rua tale na tamata. Veivosakitaka se cava era na rawa ni vukea ena kena vakatuburi na nomu bisinisi na veiiyautaukeni oqo.

Vakatovotovo: Ena rawa vakacava ni o taura mai na iyautaukeni ena nomu lisi ena tabana e muri? E ra sa lisitaki tu kina na veisala e rawa kina vei ira na vakabisinisi mera taura mai e so na iyautaukeni vou. Ni wasewase ya tolu, ka veivosakitaka na kena vinaka kei na kena ca ni digidigi yadua. Lisitaki ira e ra.

SALA ME TAURI MAI KINA NA IYAUTAUKENI	KENA VINAKA	KENA CA
Maroroi ilavo me voli e dua na iyautaukeni
Raica mai e dua na itokani ka tiko e dua na nona iyautaukeni
Redetaka e dua na iyautaukeni
Kerea e dua na iyautaukeni
Dinau me voli kina e dua na iyautaukeni
Eso tale

Vakatovotovo:Ena ilawalawa lailai vata oqori, ni veivosakitaka oqo:

Koya evei ena iyautaukeni e yaga sara vakalevu cake kina nomu bisinisi? E vica na ilavo ena vukei iko kina mo rawata. E vakacava na kena rawarawa mo rawata kina. Na cava soti na sala e rawa ni o rawata mai kina na iyautaukeni vou oqori?

Sarava:Sarava na italanoa ni rawa ka “Susy: Private School Bus” mo raica kina na sala sa vakatubura oti kina na nona bisinisi o Susy kei na sala e navuca me rawata kina e dua na iyautaukeni rawa ka. (Sega na vidio? Lade ki na tabana tarava.)

Meu qarauna vakacava na isau?

Wilika:Era vukea na noda bisinisi ena rawa ilavo na iyautaukeni. Me tubu noda bisinisi, sa dodonu talega meda dau qarauna na isau. Ia era sega ni tautauvata kece na vakayagataki ilavo!

Sarava:“Qarauna na iYautaukeni Tudei” (Sega na Vidio? Wilika tabana 103.)

Wilika:iSau dauveiveisau tubu ka lutu kei na volivoli.

iSau tudei sa na dodonu ga me saumi veitalia se cava na levu se lailai ni ka eda volitaka rawa.

O ira na itaukei ni bisinisi gugumatua era dau vakuria na isau tudei ke ra kila ni na vukea na bisinisi ena rawati vakalevu ni ilavo.

Vakatovotovo:Raica na vakayagataki ilavo ena bisinisi nei Taniela. Wirinitaka tudei se veisau kina vakayagataki ilavo yadua.

O ira ga na itaukei ni bisinisi gugumatua era dau vakuria na isau tudei ke ra kila ni na vukea na bisinisi ena rawati vakalevu ni ilavo.

VAKAYAGATAKI ILAVO ENA BISINISI NEI TANIELA
Rede ni sitoa	Tudei	Veisau
Kau ni iyayanivale	Tudei	Veisau
Sau ni veikauyaki	Tudei	Veisau
iSau kei Taniela	Tudei	Veisau

Vakatovotovo:Lisitaka na vakayagataki ilavo ni nomu bisinisi vakaiiko. Wirinitaka veisau se tudei ki na vakayagataki ilavo yadua.

VAKAYAGATAKIILAVO NI NOQU BISINISI
	Tudei	Veisau
	Tudei	Veisau
	Tudei	Veisau
	Tudei	Veisau
	Tudei	Veisau
	Tudei	Veisau
	Tudei	Veisau
	Tudei	Veisau

Wilika:Ena loma ni macawa, eda na vola na noda ilavo rawati kei na vakayagataki ilavo, ka vakaraitaka se ocei e tudei kei koya e veisau, ka da na kauta mai kei keda kina noda bose tarava na noda itukutuku ni ilavo rawati.