Vakadeitaka

Meu na tubu vakacava ena veisiga?

Gauna:Tuvanaka na kaloko ki na 10 na miniti me baleta na iwasewase ni Vakadeitaka

Vakatovotovo:Digitaka na nomu itokani ni cakacaka. Lewa na gauna kei na sala mo drau dau veitaratara kina.

Yacai itokani ni cakacaka

iTukutuku ni Veitaratara

Wilika e cake na veivakadeitaki yadua vei nomu itokani ni cakacaka. Yalataka mo maroroya na nomu veivakadeitaki! Saini e ra.

NOQU VEIVAKADEITAKI
Au na dui maroroya na itukutuku baleta na noqu ilavo ni bisinisi kei na noqu ga vakai au.
Au saumi au ena dua na isau ena kena gauna ka maroroya tiko na noqu ilavo oya ena dua na vanua se akaude vakatikitiki mai na noqu ilavo ni bisinisi.
Au na vakarautaka e dua na noqu ivakamacala 3 na miniti ni noqu bisinisi.
Au na rawata na noqu takete ni bisinisi ni dua na macawa:
Au na vakatovotovotaka nikua na ivakavuvuli ni Noqu Yavu ka vakavulica ki na noqu matavuvale.
Au na kuria ki na noqu ilavo maroroi—e dua se rua mada ga na sede.
Au na soli ripote vei noqu itokani ni cakacaka.

Noqu saini

Saini nei itokani ni cakacaka

Meu ripotetaka vakacava na noqu tubu?

Vakatovotovo:Ni bera na bose e tarava, vakayagataka na jata oqo ni veivakadeitaki mo vola kina na nomu toso. Ena kato e ra, vola kina “Io,” “Sega,” se na levu ni gauna o maroroya kina na nomu veivakadeitaki.

Dui maroroi na itukutuku (Io/Sega)	Saumi au ena dua na isau e duidui mai na ilavo ni bisinisi (Io/Sega)	Vakarautaka na noqu ivakamacala ni bisinisi (Io/Sega)	Rawata na takete ni bisinisi ni dua na macawa (Io/Sega)	Vakatovotovotaka na ivakavuvuli ni Yavu ka vakavulica ki na matavuvale (Io/Sega)	Kuria na ilavo maroroi (Io/Sega)	Soli ripote kivei itokani ni cakacaka (Io/Sega)

Wilika:Ena noda bose e tarava, eda na cakava tale na noda vakadidike ni bula rawati keda me laurai keda sa bularawati keda tiko vakalevu cake. Ena gadrevi meda kauta tiko mai na noda ivola lailai ni Noqu Sala ki na Bula Rawati Au

Wilika:Digitaka e dua me na vakarautaka na ulutaga ni Noqu Yavu ena macawa mai oqo. (Sega ni kila na sala me vakarautaki kina e dua na ulutaga ni Noqu Yavu. Wilika na draunipepa 11 kei na loma ni waqana e liu.)

Kerea e dua me cabora na isogomasu.

Kidavaki ni Nanuma

Yalovinaka ni vakauta na nomuni vakasama, nanuma, vakatutu, kei na kila ki na [e-mail].

Me kila o Dauveivakarautaki:

Kauta tiko mai ena macawa mai oqo, e lima na ikuri ni ilavelave ni Noqu Sala ki na Bula Rawati Au.