Vulica
Au gadreva beka na bisinisi oqo?
-
Gauna:Tuva na kaloko ki na 60 na miniti me baleta na iwasewase ni Vulica.
-
Sarava:“A Bigger Truck?” (Sega na vidio? Wilika na draunipepa 42.)
-
Wilika:Kevaka rau kauta rawa oi rau na tagane oqo e 200 na meleni ena dua na lori, ena cakacakataki toka vakafika vakaoqo:
-
Veivosaki: Ena veivuke beka e dua na lori levu cake? Vuna me Io se Sega?
-
Wilika:TARO NI MACAWA— Meu volia vakacava na noqu ivoli ka virikotora na kena isau?
CAKACAKA NI MACAWA—Au na vakaraica e dua na ivurevure ni noqu ivoli ka digitaka e dua na kena isau.
-
Wilika:Ena bose oqo, eda na vulica ka vakatovotovotaka kina na kila me vukei keda meda sauma kina na taro oqo ka cakava na cakacaka oqo.
-
Vakatovotovo:Ia ena loma ni macawa oqo, ko na vulica kina na veivosaki kei ira na dauvolivolitaki me baleta na “volivoli e ra,” se volivoli ena isau lailai. O na vulica talega na sala mo tuva kina na isau mo “volivolitaki kina e cake”—o ya, na kena rawati na tubu.
Meda wilika mada na iwasewase ni iSau kei na Volivolitaki ena Mape ni Rawa-Ka Vakabisinisi.
Meu na rawa tubu beka vakacava?
-
Wilika:E rau na gadreva na dauvolitaki meleni me rau na rawa ilavo ena nodrau bisinisi ni meleni.
E rua tiko na sala ni rawa tubu.
Vakalutuka na isau a voli mai kina na meleni (na isau o saumi dauvolivolitaki kina).
Vakatubura na isau (na isau me volitaki kina vei ira na kasitama).
Eso na gauna o rawa ni cakava ruarua : volia ena isau lailai ka volitaka ena isau levu!
O ira na itaukei ni bisinisi gugumatua era na volivoli ena isau lailai ka volitaka ena isau levu.
-
Wilika:E sega vei keda na iyalayala me baleta na isau ni noda volitaka se na kena eda sauma mai kina. E tiko na kena eda rawa ni yalana. O ira na itaukei ni bisinisi gugumatua era saga mera vakatubura na isau ni kena volitaki ka vakalutuka na isau ni kena voli mai.
-
Veivosaki:O nanuma beka ni bisinisi o voli kakana, waiwai, kei na sulu tiko mai kina era rawa tubu tiko?
-
Wilika:Oqo e dua tale na vuna mo volivoli ena isau lailai ka volitaka ena isau levu. Na veibisinisi taucoko e levu cake na nodra vakayagataki ilavo mai na isau ni ivoli.
Vakasamataki rau mada na volitaki meleni. Vakacava beka ke rau kila na sala ni volivoli ena isau lailai ka volivolitaki ena isau levu. Ia, ena tiko ga na sausaumi eso, me vakataka na isau ni lori kei na isau ni tamata cakacaka. Raicalesu oqo.
-
Wilika:Ni ko volivoli ena isau lailai ka volitaka ena isau levu, rau sa bonata rawa kina na sausaumi, rau saumi kina, ka rau rawata e dua na tubu. Sa tekivu oqo me dua na bisinisi dina!
-
Veivosaki:Kevaka o tiko ena bisinisi ni veiqaravi, na cava o rawa ni cakava mo taqomaka kina na sausaumi ka rawa tubu vakalevu?
Meu na vakalailaitaka sobu vakacava na sausaumi?
-
Sarava:“Don’t Close Your Business” (Wase I kei na II ) (Sega na vidio? Wilika na draunipepa 43.)
-
Veivosaki:Na cava beka o a rawa ni cakava? Me vica beka na nomu dauvolivolitaki?
Meu na cakacaka vata vakacava kei ira na dauvolivolitaki?
-
Wilika:Sa ka bibi meda veivosaki kei ira na noda dauvolivolitaki.
-
Sarava:“Talking to Suppliers” (Sega na vidio? Tomana tiko ga na wiliwili.)
-
Wilika:Ena macawa oqo, veivosaki kei ira era rawa ni volitaka vei iko na nomu ivoli se gacagaca ni nomu ivoli. Ke o cakava tiko na veiqaravi, vosa vei ira era na vukei iko mo vakarautaka na nomu veiqaravi. Vola ena nomu ivolalailai na veika o sa vulica.
-
Vakatovotovo:Vakatovotovo kei na dua tale na lewe ni ilawalawa, ena taro o na laki tarogi ira kina na dauvolivolitaki ena macawa oqo. Vakamacalataka vei nomu itokani na mataqali dauvolivolitaki o gadreva mo drau veivosaki baleta nomu bisinisi. Drau veitarogi vakai kemudrau ka vakasamataka na veika e veivukei. Vola na veika eso ena nomu ivolalailai ni bisinisi. Taroga na mataqali taro ena vukei iko mo vakatorocaketaka kina na nomu bisinisi.
-
Veivosaki:Ni oti na nodra vakatovotovo yadua, mo ni veivosaki vata:
Na cava o na cakava ni ko veivosaki kei ira na dauvolitaki ivoli ena macawa oqo? E tiko tale beka eso na ka mo taroga vei ira? Vola na nomu nanuma eke se ena nomu ivola lailai ni bisinisi:
Au na tuvanaka vakacava na isau meu rawa tubu kina?
-
Wilika:Na veibisinisi yadua e dodonu me rawata vakalevu cake mai na ilavo a vakayagataka. Eda sa kila na sala meda veivosaki kina kei ira na dauvolitaki ivoli me raici na ivoli ituvaki vinaka e sau lailai, se volivoli ena isau lailai. Ia, meda na tuvanaka vakacava na isau, se volitaka ena isau levu? Ni da sa vakatulewataka oqo ena loma ni macawa, eda na dui taroga beka:
-
Na cava na isau vinaka duadua au na rawata mai vei noqu dauvolitaki ivoli?
-
Na sausaumi cava tale eso meu sauma? (Na iyaya, ivoli, rede, kei na veika eso)
-
Na isau cava meu na saumi au kina kei ira na kena vo?
-
Meu na okata vakacava na kena yaga vakailavo ka cakava me duatani na noqu ivoli? Rawarawa, veiqaravi, lomavinaka, kei na ituvaki vinaka e rawa ni vakuri kina me yaga vakailavo ka meu tamata duatani.
-
Na isau cava era lavaka na veisisivi tiko mai? E rawa beka meu lavaka vakalevu me yavutaki ena ivakacavacava?
-
Mai na veika kece sa yaco oqo, ena vica beka na tubu au na rawata me na tubu ka rawa-ka kina na noqu bisinisi? Na kena levu ga na kena vinaka?
-
-
Vakatovotovo:Wilika vata kei dua na itokani na veika oqo ka veivosakitaka ena vica beka era na sauma na wai vei Grace o ira na nona kasitama.
E voli wai o Grace ena:
5 dua na tavaya
Kena isau o koya, ivodovodo, kei na isau ni kena kau mai:
2 dua na tavaya
O ira era veisisivi vata tiko era volitaka vei ira na kasitama ena:
8-10 dua na tavaya
Sa gadreva dina o koya mena rawa tubu sara vakalevu:
vica dua na tavaya
Tukuna ki na ilawalawa na isau o vinakata me volitaka kina o Grace na nona wai kei na vuna.
-
Veivosaki:Ena kila vakacava o Grace na isau era vinakata tiko na kasitama mera na sauma?
O na taqomaka toka vakacava na sausaumi, yaga vakailavo, ka tuvanaka na isau dodonu me rawa tubu kina na nomu bisinisi?