Vulica

Au na volitaka rawa vakacava e levu cake?

Gauna:Vakarautaka na gauna me 60 na miniti na iwasewase ni Vuli.

Sarava:“Made the Sale, Missed the Sale!” (Sega na vidio? Raica tabana 178.)

Wilika:Sa rawarawa dina o ya. A cakava e dua na lutusobu o Maria. A rawata o Silvia na ka e vinakata. Rau sa marau ruarua. Ia a calata o Maria e dua na volivolitaki levu cake—na ikuri ni lutusobu ni dua na veiqaravi ni veivotai. Na vakuria ni dua na veiqaravi ni veivotai ena vakatara vei Maria me volitaka vakalevu cake, se “volivolitaki ena isau levu”.

“Volivolitaki ena Isau Levu” e kena ibalebale ni soli vei ira na noda kasitama na lewa mera volia vakalevu cake se na ka vinaka cake mai na ka era a via volia taumada.

Me kena ivakaraitaki:

• Eso tale: Solia e dua na gunu se madrai vua e dua na kasitama ka otataka na ika tavuteke.

• Vinaka Cake: Solia e dua na misini ni culacula vinaka cake vua e dua na kasitama, ka nanuma tiko me volia e dua na misini ni culacula ka vinaka ga vakalailai.

Sarava:“The Upsell” (Sega na Vidio? Raica tabana 178.)

Veivosaki: A rawa vakacava vei Maria me volitaka e dua na veiqaravi ni veivotai, vei Silvia? A cava e so na ivakaraitaki ni volivolitaki ena isau e levu o sa raica?

Era dau volivolitaki ena isau levu na itaukei ni bisinisi gugumatua.

Wilika:TARO NI MACAWA—Au na vakalevutaka vakacava na noqu tubu?

CAKACAKA NI MACAWA—Au na tovolea e rua na sala ni volivolitaki ena isau e levu cake. Au na tovolea e rua na sala meu vakalailaitaka kina na noqu isau.

NA CAVA MEU NA VOLITAKA ENA ISAU LEVU?

Wilika:Era na sega ni volivoli ga vakalevu na kasitama baleta ni da vakatura yani. E dodonu me dua na ka era vinakata vakalevu cake mai na ka taumada.

Sa na rawa vei ira mera sauma e levu cake na ka me baleta na:

• Vakabula gauna

• Vakabula ilavo

• Kena Vinaka

• Kena Levu

• Veiqaravi

• Veiwekani

• Totolo

• Vakabauti

• Totoka

• iRogorogo

O ira na itaukei ni bisinisi gugumatua era kila na ka era dau vakamareqeta o ira na nodra kasitama.

Vakatovotovo:Na cava era na sauma cake vakalevu na nomu kasitama? O na kila vakacava? Drau veivosakitaka vata kei na dua na nomu itokani na cava o nanuma mera dau vakamareqeta na nomu kasitama.

Vakayagataka na ituvatuva e ra mo vola kina e tolu na sala o kila rawa kina na ka era dau vakamareqeta na nomu kasitama (vakarautaki tu na kena ivakaraitaki).

NOQU VAKASAMA ME BALETA NA KA ERA DAU VAKAMAREQETA NA NOQU KASITAMA	NA CAVA AU NA TAROGA SE CAKAVA MEU KILA RAWA KINA
Au nanuma ni ra na vakamareqeta na ka dina.	Tarogi ira na kasitama, “Seu rawa ni vakadeitaka na veivotai ni iyaya ena 5:00 e veigauna, o na maleleta beka?”
Au nanuma ni na vakamareqeta na vuanikau bulabula o noqu kasitama.	Vakayacana e dua na kisi vuanikau “tau bulabula ena mataka nikua” kei na dua tale na kisi “tau ena macawa oqo.” Raica toka na ka era dui digia na kasitama.

Ni oti na nomu volai ira na nomu vakasama, wasei ira kei ira na nomu lewe ni ilawalawa.

Na isau levu cake cava beka meu volivolitaki kina?

Wilika:Ena vinakata beka e dua na kasitama e dua na ka e levu cake, ia na isau cava beka sa na tuvakarau me sauma?

Ena vica beka eda na via volitaka kina? Sa dodonu me da caka tubu.

Me kena ivakaraitaki, a vakatovotovotaka o Naomi na vakasama ni ra vakamareqeta na nona kasitama na kena vinaka. Era dau digia tu ga na vuanikau ka “tau bulabula ena mataka nikua.”?” Na leqa oya ni sa rui levu na isau ni nona vuanikau bulabula. A vakayalia kina na ilavo.

A nanuma me volitaka na nona vuanikau “tau ena macawa oqo” ena 10 (tubu = 1) kei na nona vuanikau “tau bulabula ena mataka nikua.” ena 13 (tubu = 3) Ena tovolea me volitaka ena isau e levu cake na nona vuanikau tau bulabula vei ira na nona kasitama.

Vakatovotovo:Me dua na nomu itokani. Raica na veika e mareqeta o nomu itokani ena tabana sa sivi. Lisitaka na noqu ivoli volitaki ena isau levu kece. Vakayagataka na ituvatuva e ra mo vola kina na nomu isau.

VOLIVOLITAKI ENA ISAU LEVU	NOQU ISAU NI VOLIVOLITAKI ENA ISAU LEVU CAKE
Au na volitaka na vuanikau “tau ena mataka nikua.”	Vuanikau “tau ena macawa qo” isau = 10 (tubu e 1) Vuanikau “tau bulabula ena mataka nikua” isau = 13 (tubu e 3)
Au na vakadeitaka ni sa caka na savasava ena 5:00.	iSau ni savasava dau caka wasoma ena siga tarava = 20 (tubu e 4) iSau ni savasava ena siga ka tarava vakadeitaki = 27 (tubu e 8)
Au na volitaki sovu ni sisili na skincare.	iSau wasoma = 12 (tubu e 2) iSau ni sovu ni sisili na skincare = 18 (tubu e 6)

Veivosaki:Ni o vola oti na nomu vakasama, wasea kei ira na lewe ni ilawalawa.

Au na volitaka vakacava ena isau levu?

Wilika:Na cava era na via volivoli vakalevu kina na noda kasitama? Tou gadreva e dua na “malanivosa ni volivolitaki ena isau levu.” Sa rawa me malanivosa ni volivolitaki ena isau levu cake na: “Ena sau levu vakalailai, ia ____.” Eda vakalewena na vanua lala ena ka vakamareqeti cava eda kila ni bibi vei ira na kasitama.

Me kena ivakaraitaki, gauna era raica kina na kena isau na kasitama nei Naomi na vuanikau “tau ena macawa oqo”, e kaya, “Sa tiko vei au na kena a tau ena mataka nikua.”

Ka qai mai vakuria yani na malanivosa ni volitaki ena isau levu, “Ena sau levu vakalailai, ia, e bulabula cake.”

Era dau vakarawarawataka na volivoli mai vei ira o ira na itaukei ni bisinisi gugumatua.

Vakatovotovo:Vakasamataka na nomu bisinisi vakaiiko. Vakasamataki ira na nomu iyaya volitaki ena isau levu. Na cava o na kaya mo volivolitaki kina ena isaulevu vei ira na nomu kasitama? Vakayagataka na nomu ituvatuva e ra mo bulia e so na malanivosa ni volivolitaki (kena ivakaraitaki era sa vakaraitaki tu).

VOLA E DUA NA MALANIVOSA NI VOLIVOLITAKI ENA ISAU LEVU
Matai ni iVoli se Veiqaravi	Na iVoli se Veiqaravi Volitaka ena iSaulevu	Na Cava era Vakamareqeta na Noqu Kasitama	Malanivosa ni Volivolitaki ena iSau Levu
Vuanikau “tau ena macawa oqo”	Vuanikau,“tau ena mataka nikua.”	Kena iVakatagedegede (ni bulabula)	Ena sau levu toka, ia e bulabula cake.
Veimama na lita na sucu ena 3	Lita sucu ena 5	Vakabula ilavo	Ena sau levu vakalailai, ia ena nomu e vakaruataki ena isau ni rua tale.
Sovu vakayagataki wasoma	Sovu ni sili na skincare	Kena Vinaka	Ena sau levu toka, ia e uasivi cake ki na kuli ni yagomu.
Veiqaravi ni savasava	Yayani taki rawa na Sote	Vakabula gauna	Ena sau levu toka, ia ena vakabula vei iko e levu sara na gauna.

Au na volitaka vakatotolo vakacava na noqu ivoli?

Wilika:Era volitaka vakalevu cake na itaukei ni bisinisi vei ira yadua na kasitama ka rawa kina ni ra “volitaka kece na ivoli ” ena gauna totolo. Me “totolo na volitaki ni ivoli ” e kena ibalebale me volitaki kece na ivoli eda volia mai, vei ira na dauvolivolitaki. E da rawa ni vakayagataka na iwalewale ni volivolitaki ena isau levu me volitaki vakalevu kina vei ira yadua na noda kasitama.

O ira na itaukei ni bisinisi gugumatua era dau volitaka totolo na nodra ivoli.

Sarava:“Turn Inventory Quickly” (Sega na vidio? Wilika tabana 179.)

Veivosaki:Ena rawa vakacava vei Maria me veisautaka totolo na nona ivoli? Ena vakalevutaka vakacava na nona tubu na ka oqo?

NI SE BERA OQO	A VAKAYACORA O MARIA	NI OTI OQO
A saumi koya e dau volivoli kina o Maria ena 17 dua na lita na sucu.	A vosa vei koya e dau volivoli kina me baleta e dua na lutusobu ke volivoli umauma.	Sa sauma tiko oqo e 15 ni dua na lita.
A vakatubura na nona ivoli o Maria ena nona volivoli umauma. A sega ni veisautaka na nona isau. A balavu vakalailai na nona volitaka kece na nona ivoli ka ca talega e so na sucu.	A vakayagataka e dua na iwalewale ni volivolitaki isau levu: kevaka era volia me levu cake mai na rua na lita ena lutu na kena isau.	Sa volitaka kece na nona ivoli ena rua na siga ena gauna oqo. Sega ni ca na sucu. Sa tiko na ilavo me volia vakalevu cake. Ka levu cake na ilavo e rawata.

Wilika:E so na ivoli duatani e dau balavu cake na gauna me qai voli kina, ka via koya tu oya. Ia kevaka me tu na ivoli ka sega sara tikoga ni voli, e kena ibalebale ni sa tao tu na noda ilavo vakamareqeti ni bisinisi ena ivoli oya me yacova ni sa voli.

Veivosaki:Drau veitalanoataka kei na dua na nomu itokani, na rua na taro oqo. Vola na nomu vakasama.

1. Meu na volitaka vakatotolo cake vakacava na noqu ivoli?

2. Au na vakalailaitaka vakacava na noqu ivoli ka sega ni voli tiko?

Meu na vakalailaitaka vakacava na noqu isau ni iyaya?

Wilika:Na volitaki vakatotolo ni ivoli ena vakalevutaka noda tubu. Eda na rawa talega ni caka tubu vakalevu cake ena noda bisinisi ni vakalailaitaki noda vakayagataki ilavo.

Vakatovotovo:Raica e dua nomu itokani. Drau veivukevuke ena nomudrau wilika na veisala me vakalailaitaki kina na vakayagataki ilavo. Vola na sala tale eso o rawa ni vakalailaitaki kina na vakayagataki ilavo.

VAKADEITAKI	VEIVEISAU
Cakava mada ga na ka sa tu vei iko Rede	Veivosaki kei ira na dauvolivolitaki Vakayagataki ira e vica vata na dauvolivolitaki

Lesu kina ilawalawa levu ka wasea na nomu vakasama.

Wilika:Eda rawa talega ni vakasamataka na veisala me levei kina na vakayagataki ilavo.

Vakatovotovo:Sa nanuma tiko o Naomi me vakayagataki rau e rua na dauveivuke: Samuela kei Josefa.

Ena dau saumi Samuela me cakacaka va na auwa ena nona makete ni vuanikau e veisiga (isau tudei). Ena sega ni vakacakacakataki Josefa, ia ena dau qiriti koya ga me veikauyaka na ka ke gadrevi vakakina (isau veiveisau).

Raici rau tale e rua ka veivosakitaka na veisala ni kena levei se vakalailaitaki na isau tudei kei na isau dau veiveisau nei Naomi.

Vakatovotovo:Sa nomu gauna oqo. Lisitaka na isau tudei kei na isau veiveisau ena nomu bisinisi. Drau veivosakitaka kei na dua na itokani na sala me vakalutumi kina na isau eso oqo.

TUDEI	VEIVEISAU