iLavelave e Liu
Me Baleti Ira na Dauveivakarautaki

Me Baleti Ira na Dauveivakarautaki

Na siga ni bose:

  • Teks se qiriti ira kece na lewe ni ilawalawa. Sureti ira mera yaco mai ni se vo tu e 10 na miniti mera na ripotetaka na nodra veivakadeitaki.

  • Vakarautaka na veivola ni bose.

Ni vo e 30 na miniti me yaco na bose:

  • Tuva na idabedabe me wavokita e dua na teveli me rawa ni ra veivolekati na tamata kece.

  • Vola na jata oqo ni veivakadeitaki ena vavaloaloa kei na yacadra na lewe ni nomu ilawalawa (raica na ivakaraitaki e ra).

    Yacai lewe ni ilawalawa

    Veivosaki kei na va mada ga na dausolidinau (Vola #)

    Vakayagataka na itukutuku ni vakayagataki ilavo mo dikeva kina nomu via dinau (Io/Sega)

    Vakayagataka na Lisi ni Dodonu E Va (io/Sega)

    Rawata na takete ni bisinisi ni dua na macawa (Io/Sega)

    Vakatovotovotaka na ivakavuvuli ni Yavu ka vakavulica ki na noqu matavuvale (Io/Sega)

    Kuria na ilavo maroroi (Io/Sega)

    Soli ripote kivei itokani ni cakacaka (Io/Sega)

    Gloria

    4

    I

    I

    I

    I

    I

    I

Ni vo e 10 na miniti me yaco na bose:

  • Kidavaki ira na tamata ena loloma ni ra yaco mai.

  • Ni ra sa yaco mai na lewe ni ilawalawa, kerea mera vakacavara na jata ni veivakadeitaki ena vavaloaloa. Vakakina, vakananuma vei ira mera raica na draunipepa 197 ka vakatudonutaka na nodra tubu vakacakacaka e mua yani ki na vakasetivikiti. Taroga e dua sa voleka tiko ni vakacavara na veika e gadrevi me vakasetivikiti kina. Ni oti na bose, qai vakaraitaka vei iratou na komiti ni bularawati koya ni iteki o cei sa na vakacavara dina na veika e gadrevi.

  • Lesia e dua na ivakatawa ni gauna.

Ena gauna ni tekivu:

  • Kerei ira na tamata mera bokoca na nodra talevoni kei na gacagaca tale eso.

  • Me cabori e dua na idolamasu (kei na sere ni lotu, ke gadrevi).

  • Kerei ira vakamalua era bera mai mera bokoca na nodra talevoni ka mera vakacavara na nodra jata ni veivakadeitaki ni ra tomana tiko na ilawalawa na veivosaki.

  • Tuvanaka na kaloko ki na 20 na miniti me baleta na Noqu Yavu.

  • Vakacavara na ivakavuvuli e 10 ena Noqu Yavu. Mo qai lesu ki na ivola ni cakacaka ka tomana na wiliwili ena draunipepa e tarava.