Vulica

Meu na vakamacalataka vakacava na noqu bisinisi?

Wilika:Nikua eda na vakamacalataka tiko kina na noda bisinisi. Ni da vakamacalataka vei ira eso tale na noda bisinisi, eda vulica kina eso na ka baleta na noda bisinisi ka rawa meda vakavinakataka. Ni yaco mai na veivakasama ena gauna vakakina ni oti na gauna ni vakamacala, meda volai ira ena noda ivolalailai ni bisinisi.

Wilika:TARO NI MACAWA—Au na vakamacalataka vakacava vei ira tale eso na noqu bisinisi?

CAKACAKA NI MACAWA—Au na taro vakasama ni vakatuburi ni noqu bisinisi mai vei ira tale eso.

Gauna:Vei ira taucoko era vakamacala, vakarautaka me 3 na miniti na gauna. Me kila o koya e vakamacala tiko ni sa vo ga e dua na miniti.

O ira na itaukei ni bisinisi gugumatua era vakavinakataka e dua na ka ena veisiga.

Wilika:Eda sa na vakayacora sara qo na imatai ni ivakamacala. Ocei ena via liu? Nanuma, e soli tiko e tolu na miniti mo vakamacala kina, qai rua na miniti na veivosaki.

Wilika:Vakamuria na idusidusi ena tabana e tarava.

NOQU BISINISI ENA TOLU NA MINITI—IDUSIDUSI
Tikina e 1	Ena lailai sobu mai na dua na miniti, vakamacalataka na nomu bisinisi.
Tikina e 2	Ena lailai sobu mai na dua na miniti, vakamacalataka na kena vakatubura vakalevu na nomu bisinisi na saumi ni dua vei ira na taro oqo. 1. Na cava era via volia na tamata? 2. Me’u na volitaka vakacava? 3. Meu qarauna vakacava na isau? 4. Meu vakalevutaka vakacava na noqu tubu? 5. Meu na cicivaka vakacava na noqu bisinisi?
Tikina e 3	Ena lailai sobu mai na dua na miniti, vakamacalataka e dua na ka o na cakava mo tomana tikoga kina na vakatuburi ni nomu bisinisi

Gauna:Qo, vakarautaka na gauna me rua na miniti ni veivosaki.

Veivosaki Veitarotarogi vakaikemuni. Veivosakitaka vata. Veivuketaka na vakatubura na nodra bisinisi na lewe ni soqosoqo qo.

Wilika:Qo, tokaruataka na veikalawa oqo vei ira vakayadua na lewe ni ilawalawa me yacova ni ra sa vakamacala kece sara.

Na cava au a vulica?

Veivosaki:O ira na itaukei ni bisinisi gugumatua era dau tomana tu ga nodra vuli. Na cava o sa vulica rawa mai vei ira na vo ni lewe ni soqosoqo ka na vukei iko mo vakatubura na nomu bisinisi?

O ira na itaukei ni bisinisi gugumatua era dau tomana tu ga nodra vuli.

Wilika:Ena noda ono na vuli ka tarava, eda na vulica kina na vakatubura na noda bisinisi. Ena noda bose ka tarava, ena gadrevi meda na kauta mai kina na noda ivola veidutai ni ilavo rawati kei na vakayagataki ilavo ni bisinisi kei na noda itukutuku ni vakayagataki ilavo ni bisinisi ena loma ni rua na macawa sa oti.

Kevaka o se sega ni tekivuna e dua na bisinisi, eda na vukei ira tale eso ena nodra ivola veidutai ni ilavo rawati kei na vakayagataki ilavo vakakina na nodra itukutuku vakailavo ni bisinisi. Sa na dua na vakatovotovo vinaka sara vei keda qori.

Sarava:Raica na nona vakatubura na nona bisinisi o Felix ena nona vakayagataka na veiivakavuvuli ni bula rawati koya. Sarava “Felix: Refrigeration Parts.” Sega na vidio? Tomana ga.)

Au sa bula rawati au tiko beka mai?

Wilika:Na noda takete na bula rawati koya, ruarua vakayago ka vakayalo. Na noda vakayacora me gumatua na noda bisinisi e tiki walega ni takete oqori.

Veivosaki:Na veisau cava o sa raica ena nomu bula ena nomu sa cakacaka vagumatua mo bulataka na kosipeli? Noqu Yavu iVakavuvuli:

Vakatovotovo

Dolava nomu ivolalailai Noqu Sala ki na Bula Rawati Au kina dua na tabana lala ni veitarogi ni bula rawati koya (e dakuna). Vakacavara na veikalawa oqo.

Ni ko sa oti taura e tolu na miniti mo vakanananutaka vakatitobu kina na veika oqo:

O sa qai qarauna cake vakalevu li oqo na nomu vakayagataki ilavo? Sa rawa beka mo sauma ena “vakawasoma” se “veigauna” ena vuqa vei ira na taro oqo? O sa yalodei beka ena levu ni lavo o sa lavaka me nomu lavo rawati ni bula rawati koya? Sa voleka tiko beka mo rawata nomu ilavo rawati ni bula rawati koya? Na cava o rawa ni cakava mo vaqaqacotaka tiko kina?