Vulica

Era dau sotasota vata vakacava beka na ka?

Gauna:Vakarautaka na gauna me 60 na miniti na iwasewase ni Vuli.

Sarava:“We Can Do This!” (Sega na vidio? Wilika tabana 192.)

Vakatovotovo:Sa mai vinaka sara yani mai na kena ituvaki ena macawa 12 sa oti na bisinisi nei Maria. E rawa vakacava kina nomu bisinisi me vinaka cake mai na kena ituvaki ena 12 na macawa sa oti. Drau dua vata kei na dua na lewe ni ilawalawa. Taura mai na nomu Mape ni Rawa ka Vakabisinisi. Taroga, “Sa rawa vakacava ______ (me dua na ka ena mape) e sa vakavinakataka cake nomu bisinisi?”

Kena ivakaraitaki: “Sa vakavinakataka cake vakacava na nomu bisinisi na volivoli mai na vica vata na dausoli ivoli?”

Taura na gauna mo drau veitarotarogi me rua na miniti.

Wilika:E rawa mo ni cakava oqori! Keimami a rawata e so na ka. Keimami sa tekivuna ka vakatubura na neimami bisinisi! Keimami gadreva me keimami tomana ka vakavinaka cake taka tikoga na neimami bisinisi ka vakatubura na neimami tubu.

Wilika:TARO NI MACAWA—Au na vakalevutaka vakacava na noqu tubu? Au na tomana tiko vakacava na vuli kei na tubu?

CAKACAKA NI MACAWA—Au na tuva na veitakete me baleta na noqu bisinisi. Au na vakarautaka e dua na ivakamacala me baleta na noqu bisinisi.

Meu na vakatubura vakacava na noqu takete ni bisinisi?

Veivosaki: Wilika na cavuvosa ena imatau. Na veitakete cava “waqara na nomu vakasama ka vakatubura na marau e yalomu”?

“Kila mai se evei o sa tu kina kei na ka o gadreva mo cakava. … Tuva na veitakete veivakauqeti, vakaturaga, ka dodonu ka waqaca na nomu vakasama ka vakavu mamarau e yalomu. Ka qai wanonovi ira. Cakacakataka vakaukauwa tiko na kedra rawati.”

Joseph B. Wirthlin, “Vuli Mai na Bula Oqo,” Ensign se Liaona, Me 2007, 45.

Vakatovotovo:Vola e tolu na takete me baleta na nomu bisinisi. Taura e rua na miniti.

Sota kei na rua tale na tamata. Raica na rua na takete e ra.

Au via vinaka cake ena vakayagataki ni noqu ilavo baleta ni levu na gauna sa dau sega vei au na isau ni veika meu sauma, au dau kerekere mai noqu matavuvale, ka sa dau dredre ena so na gauna baleta sa dau sega tale tu ga na nodratou ilavo.

Au na vakaruataka na levu ni noqu tubu ena vula mai oqo.

Sauma na taro e ra. Veivosakitaka na vuni nomu digia na isau ni taro yadua.

1. Na takete cava e taleitaki cake?

2. Na takete cave e rawarawa na nanuma?

3. Na takete cava e rawarawa na vakarautaka (o na kila ni o sa yacova na takete)?

   Era dau digitaka na daunibisinisi gugumatua na takete bula, ka vakarautaki rawa.

Wilika:Era dau tuva nodra takete bulabula tawarawa ni nanumi, vakakina me vakarautaki o ira na itaukei ni bisinisi gugumatua.

Vakatovotovo:Vola tale vakataki iko na tolu na takete me baleta na nomu bisinisi. Taura e rua na miniti mo cakava kina me bulabula, rawarawa ni nanumi, ka rawarawa me vakarautaki na nomu takete…

Qo, meda tucake kece ka sogota na noda ivolanicakacaka. Vuki vei koya ka tu e yasamu ka tukuna vua na nomu takete bula duadua. Toso totolo sara vei koya kadua me yacova ni ko sa tukuna vei ira kece.

Lesu taucoko tale vaka lewe ni ilawalawa. Wasea na nona takete e dua tale vata kei ira na ilawalawa (kakua ni wasea ga na nomu).

Veivosaki:Era a bulabula, rawarawa me nanumi, ka rawarawa me vakarautaki beka nomu takete?

“Vola na nomu takete kei na ka o sa navuca mo cakava mo rawati ira kina. Vana icake, baleta o rawa ni na rawata na veivakalougatataki tawamudu.”

Thomas S. Monson, “Your Celestial Journey,” Ensign, Me 1999, 97.

Wilika:Era sega ni dau yaco tu ga na takete baleta ni da vinakata me yaco. Sa dodonu meda dau cakacaka vakaukauwa meda rawati ira kina. Wilika nona malanivosa o Peresitedi Monson ena imatau.

Vakatovotovo:Vola tale e ra na tolu na nomu takete. Vola na veika kece o sa navuca mo cakava mo rawata kina na nomu takete (vakarautaki na ivakaraitaki).

TAKETE	NA CAVA MEU CAKAVA MEU RAWATA KINA NA NOQU TAKETE.
Au na vakaruataka na noqu tubu ena vula mai oqo ena noqu dolava tale e dua noqu makete ena dua na sala osooso.	Au na laivi luvequ tagane me cicivaka tiko mada na noqu bisinisi niu sa lai vakaqara e dua tale na vanua vinaka me dola tale kina e dua na noqu makete vou. Au na soli sabolo mera kilai au tikoga kina na tamata.

Era sega ni dau soro na itaukei ni bisinisi gugumatua.

Wilika:Ena dau tu beka na noda duidui kei na yalo ca ena noda cakacakataka tiko noda veitakete. Era sega ni dau soro na itaukei ni bisinisi gugumatua, ka ra dau navuca na sala ni valuti ni leqa. Wilika na italanoa e ra.

A kila o Daniel ni ra vakalewa e levu na nona matavuvale na nona takete vakabisinisi ka kaya ni na sega ni rawatii ra. Ia a kila ni na veitokoni o nona momo. A navuca me kere ivakasala kei na veivakayaloqaqataki vei nona momo. A navuca me masulaka na igu, veikauwaitaki kei na vosota. A navuca me dau mamarau tu ga ia me yaloqaqa ni vakalewai.

Vola:Wasea na veivakasama ni sala e rawa mo valuta kina na leqa ni rawati ni nomu takete. Nanuma ni Turaga ena rawa ni vukei iko kei ira talega na tamata era na rawa ni vukei iko. Vola e ra nomu vakasama.

Meu na vakarautaki au vakacava ki na qerejueti.

Wilika:Me tiki ni qerejueti, eda na dui tu yadudua ka vakamacalataka na noda bisinisi vei ira na itaukei ni bisinisi tale eso, noda matavuvale, kei na itokani. Ni ko sarava tiko na vidio, muri ira tale tikoga na idusidusi e ra.

Sarava:“My Business in Five Minutes” (Sega na vidio? Na Dauveivakarautaki me wilika na tabana 193 ena gauna vata era wiliwili kece tale tikoga kina ena dusidusi e ra.)

NOQU BISINISI ENA LAILAI SOBU MAI NA LIMA NA MINITI: IDUSIDUSI
Tikina e 1:	Ena lailai mai na dua na miniti, vakamacalataka na nomu bisinisi.
Tikina e 2:	Ena lailai mai na dua na miniti, vakamacalataka ni na saumi ni dua vei ira na taro oqo e a vakavu tubu vakalevu kina nomu bisinisi: Na cava era via volia na tamata? Me’u na vakavoutaka vakacava? Meu na vakatudeitaka tiko vakacava na isau? Meu vakalevutaka vakacava na noqu vakabauta? Meu na vakatubura vakacava na noqu bisinisi?
Tikina e 3:	Ena lailai mai na dua na miniti, vakamacalataka na sala o sa vakatubura kina na nomu vakabula ilavo, ka maroroya na itukutuku vakailavo. E vica tale na macawa o sa kuria kina nomu vakabulailavo? ___ E vica na macawa na nomu maroroi itukutuku vakailavo ni bisinisi? ___ E vica na macawa na nomu maroroi itukutuku vakailavo yadua? ___
Tikina e 4:	Ena lailai mai na dua na miniti, vakamacalataka e dua na ka o na dau cakava me tomani tikoga kina tubu ni nomu bisinisi.
Tikina e 5:	Ena lailai mai na dua na miniti, vakamacalataka e dua na takete vakabisinisi sa tiko vei iko kei na sala o na rawata kina nomu takete.

Vakatovotovo:Ena loma ni macawa, vakasamataka na ka o na via wasea. Vola nomu veivakasama ena nomu ivolalailai ni bisinisi. Vakatovotovotaka na vakamacala vei ratou nomu matavuvale kei na itokani. Lako mai ka vakavakarau mo wasea na nomu ivakamacala ni bisinisi. (Ke nomu digidigi, sa rawa mo vakayagataka na ilavelave, jata, kei na so tale na ivakaraitaki kune).

Na cava meu na cakava niu sa qerejueti oti?

Wilika:Era dau vuli tu ga na itaukei ni bisinisi gugumatua. Eda rawa ni vuli mai na ivola, so tale na itaukei ni bisinisi, kalasi, kei keda vata.

Kena ivakaraitaki, mo na vakasamataka na volai vakalawa ni nomu bisinisi. Ena kena veivosakitaki vata oqo kei ira na nomu ilawalawa kei na dua na matabose ni bisinisi sa na rawa ni vukei iko mo kila na sala me vakayacori kina oqo.

O ira na itaukei ni bisinisi gugumatua era dau tomana tu ga nodra vuli.

Veivosaki:O na via tomana tikoga na bose vakailawalawa? O na via sota kei ira e so tale na ilawalawa ena iteki?

Wilika:Kevaka meda digia meda tomana tiko noda bose, ena bulia e dua noda lewe ni bose se vakamuria e dua vaqo:

Vakarautaki ni Lewe ni Bose

Noqu Yavu

Railesuvi ni ivakavuvuli kei na iulutaga.

Ripote

Ripotetaka na tubu kei na leqa ni bisinisi.

Vulica

Rogoci nodra vosa mai na veibisinisi ni vanua, dausolidinau, kei na matanitu.

Sarava na vidio se wilika na veiulutaga vakabisinisi.

Vakananuma Vakatitobu

Vakasamataka na veika eda sa vulica tiko.

Veivakadeitaka

Digia na takete ka yalataki iko.

Au sa bula rawati au vakalevu cake tiko beka mai?

Wilika:

Sa noda takete na bula rawati koya, ruarua vakayago ka vakayalo. Na noda saga tiko me mana na noda businisi e dua walega na tikini takete oqori.

Veivosaki:Na veisau cava o sa raici ira ena nomu bula ena nomu vakatovotovotaka ka vakavulica na Noqu Yavu ivakavuvuli:

Vakatovotovo:Dolava nomu ivolalailai Noqu Salatu ki na Bula Rawati Au ivolalailai ni dua na tabana lala ni veitarogi ni bula rawati koya (e muri). Vakacavara na veikalawa.

Ni ko sa oti, taura e tolu na miniti mo vakananuma kina vakatitobu na veika oqo:

O sa kidava vakalevu cake beka na nomu vakayagataki ilavo? Sa na rawa beka mo sauma ena “vakawasoma” se “ena veigauna” kina levu cake vei ira na taro oqo? O sa yalodei li ena levu ni ka o sa lavaka tu me nomu ilavo rawati ni bula rawati koya? O sa voleka tiko beka yani ni rawata na nomu ilavo rawati ni bula rawati koya? Na cava o rawa ni cakava mo vaqaqacotaka tiko kina?