Ripote

Au a maroroya beka na noqu veivakadeitaki?

Gauna:Tuvanaka na kaloko ki na 20 na miniti me baleta na iwasewase ni Ripote.

Wilika:Meda ripotetaka na noda veivakadeitaki. O ira kece era a maroroya taucoko na nodra veivakadeitaki, yalovinaka ni tucake. (Vakasausautaki ira era maroroya taucoko na nodra veivakadeitaki.)

Mo ni tucake kece. Meda cavuta vata tale na noda itoko:

“Raica sa noqu inaki meu vakarautaka na veika oqo me yaga vei ira na noqu tamata; io au sa lewa na ka kecega.”

Vunau kei na Veiyalayalati 104:15

Ni da sa vakabauta na Turaga, eda sa cakacaka vata tiko meda na bula rawati keda.

Wilika:Meda dabe sobu tale.

Veivosaki: Na cava o sa vulica ni ko vakadikeva ka vakatarogi ira na itaukei ni bisinisi kei ira na kasitama? Ena vukea vakacava na nomu bisinisi na ka oqo?

Ena nomu ivola ni bisinisi, vola na veika o sa vulica ena nomu maroroya na nomu veivakadeitaki.

Kevaka o se bera tiko ni digitaka e dua na bisinisi, na vakasama cava ni bisinisi sa tiko vei iko? Kevaka o se qai digitaka ga oqo e dua na bisinisi, na bisinisi cava beka o ya?

Kevaka sa dua oti tiko na nomu bisinisi, na veivakatorocaketaki cava o sa digitaka?

Na cava o sa vulica ni ko cakacakataka na nomu takete ni bisinisi ni macawa?