Me Baleti Ira na DAUVEIVAKARAUTAKI

Na Siga ni Bose:

• Teks se qiriti ira na lewe ni ilawalawa, ke sa tiko vei iko na nodra itukutuku ni veitaratara. Taroga se era na mai bose. Sureti ira mera totolo mai ena 10 na miniti mera sainitaka na ivolaniyaca.

• Vakarautaka na gacagaca kece ni bose.

  • Kauta mai e dua na ilavelave ni ivolanicakacaka kei na ivolalailai Noqu Yavu: iVakavuvuli, Maqosa Vakacakacaka, kei na iTovotudei me baleti ira na lewe yadua ni ilawalawa.

  • Kauta mai e lima tale na ilavelave ni Noqu Sala ki na Bula Rawati Au ni so vei ira na lewe ni ilawalawa era sega ni kauta mai na nodra.

  • Vakarautaka e dua na sala me vakaraitaki kina na vidio, ke rawa.

  • Sega na ivola se vidio? Sa rawa ni o tauri ira ena komupiuta ena srs.lds.org.

Ena 30 na miniti ni bera na soqoni:

• Tuva wavokita na teveli na idabedabe me rawa ni o ni veivolekati.

  • O dauveituberi e sega ni dau tucake ena gauna ni bose ka sega ni dau dabe mai na ulu ni teveli. E sega ni dodonu me vakaliuci tiko o dauveituberi ia e dodonu me vukei ira na lewe ni ilawalawa mera veirairaici tiko.

Ena 10 na miniti ni bera na soqoni:

• Kidavaki ira na yaco mai ena veikauwaitaki. Vulica na yacadra.

• Solia wavoki e dua na tikinipepa qai kerea vei ira na lewe ni ilawalawa mera vola na yacadra taucoko, tabanalevu kei na tabana, kei na tikinisiganisucu (Siga kei na vula sega ni yabaki).

  • Ni oti na bose vakailawalawa, lako ki na srs.lds.org/report ka vakamuria na idusidusi mera volai kece kina na lewe ni ilawalawa.

  • Ni oti na imatai ni bose, cakava e dua na lisi ni sala ni veitaratara me veiwaseitaki vakailawalawa.

• Lesia e dua na ivakatawa ni gauna me rawa ni veidonui tiko na ilawalawa kei na ituvatuva ni veika e caka tiko. Kerei koya me vakarautaka e dua na gauna me vaka e dusi tu ena ivola.

  • Me kena ivakaraitaki, o na raica na idusidusi ka tukuni toka kina “Gauna: Vakarautaka na gauna me 60 na miniti me baleta na iwase ni Vuli.” Sa na qai vakarautaka o ivakatawa ni gauna na gauna ena talevoni, kaloko se sala cava tale ni tauri gauna e rawa ka na qai tukuna vei ira na lewe ni ilawalawa ni sa oti na gauna. Sa na qai rawa vei ira na lewe ni ilawalawa mera vakatulewataka se me sa tekivu na iwase ka tarava se tomana tale me vica na miniti na nodra veitalanoa.

Ena gauna ni tekivu:

• Kaya: “Bulavinaka mai kina ilawalawa oqo ni bula rawati koya.

• Kerei ira na tamata mera bokoca na nodra talevoni kei na veiyaya vakalivaliva tale eso.

• Tukuna na veika oqo:

  • Qo e dua na ilawalawa ni bula rawati koya ka vakatokai ‘Tekivuna ka Vakatubura na noqu Bisinisi.’ O ni tiko kece beka eke moni tekivuna se vakatubura e dua na bisinisi?

  • Sega ni dau solia na iLavo Vure ni Vuli na dinau ni bisinisi. Ia ni mai oti na bose kece oqo, o sa na qai vakarautaki vinaka mo vakatulewataka na dinau mai vei ira na dausolidinau ena noda vanua.

  • Eda na bose tiko vaka12. E na via dau rua tiko na auwa na balavu ni veibose. Eda na dau vakayagataka yadudua tale tikoga e dua se rua na auwa ena veisiga meda cakava noda veiogaoga ka na vukea na noda bisinisi. O na rawa ni yalataki iko beka kina gauna oqo?”

• Me dua na idolamasu (kei na sere, ke gadrevi).

• Kaya na veika oqo:

  • “Ena veigauna eda bose, eda na dau tekivu ena dua na iulutaga mai na dua na ivolalailai ka vakatokai Noqu Yavu: iVakavuvuli, Maqosa Vakacakacaka, kei na iTovotudei. Qo ena vukei keda ena noda vulica ka bulataka na ivakavuvuli, kila vakacakacaka, kei na ivakarau ka na veimuataki kina bula rawati koya vakayalo ka vakayago talega.

  • “Ena soli vakasama tiko vei iko ena loma ni macawa na Yalo Tabu. Vola ka vakayacora na nomu veivakasama. Ni ko na vakayacori ira, ena vakalougatataki iko ka vakayacora na Nona cakamana kina nomu bisinisi na Turaga.”

• Vakarautaka na gauna kina 20 na miniti me baleta na Noqu Yavu

• Wilika na iVola ni ivakamacala taumada ni Mataveiliutaki Taumada ena tabana 2 ni Noqu Yavu. Qai vakacavara na vakavuvuli 1 ena ivola lailai qai lesu kina ivolanicakacaka oqo.