Vulica

Eda lewe ni “Lololo ni Turaga”

Gauna:Vakarautaka na gauna me 60 na miniti na iwasewase ni Vuli.

Vakatovotovo:Wase vakailawalawa yatolu. Tosotosoya na nomuni dabedabe moni veiraici.

1. E dua vei kemuni me talanoataka na nona rawata e dua na ka. E rawa mo na kaya: “A soli vei au mai valenicakacaka na icocovi ni tamata ‘cakacaka vinaka duadua,’ ” se “Au a kaulotu” (se ena dua tale na veikacivi ena Lotu),se “Au dua na tina.”

2. Ia ena kena totolo duadua erau rawata, me rau tukuna vei iko na lerua kadua se cava soti na kila kei na rawa ka e gadrevi me rawati kina na ka sa mai rawa oqori. E dodonu mera taura e dua na miniti. Kevaka mo a tukuna, “Au a kaulotu,” mera kaya totolo sara na kena vo, “O sa tamata qaqa saraga, dua na gonevuli vinaka, dua na daucakacaka vakaukauwa, dua na iliuliu, dua na dauveiqaravi raraba, dua na dau navunavu, dau veimaliwai vinaka kei ira na tamata, dua na qasenivuli, dua na dau tuvatuvai vinaka, ka dau rawata na ka dredre.”

3. Taleva oqo vei ira yadudua.

Veivosaki:Na cava o vakila nira talanoataka e so na nomu taledi kei na kila ka vakacakacaka?

Wilika:Na kila kei na rawa ka ka tu vei keda vakayadudua e tiki taucoko ni nona iLololo na Turaga.

Veivosaki: Wilika na ivolanikalou ena imatau. E rawa beka nira cakacaka vata na noda lewe ni ilalawa ka “qara na nodra veitokoni” na lewe tale e so ni lawalawa?

“Raica sa caka na ka kece oqo me yaga vei ira na lewe ni nona lotu na Kalou Bula; io me ra cakacakataka na tamata yadua na nona taledi, ka rawata na taledi tale eso, me yadrau na kena isau, io me biu na kena tubu ki na nona lololo na Turaga … na tamata yadua me vukea na wekana; ia me caka na ka kecega me vakarokorokotaki kina na Kalou.”

Vunau kei na Veiyalayalati 82:18–19

Vakatovotovo:Me cakava vata vakailawalawa na noda imatai ni cakacaka. Meda taura e lima na miniti se cava me yaca ni noda ilawalawa.

Vola e ra na yaca ni lawalawa:

Na cava eda na cakava ena ilawalawa oqo?

Wilika:Eda na cakacaka vata vakailawalawa meda veivukei kina ka vakatubura na noda bisinisi. Me dua talega na noda lalawa levu cake—mera rawati keda me rawa nida vukei ira vinaka cake kina e so tale. Nida sa rawata rawa na veika baleti keda, eda sa na qai rawa ni vukei ira vinaka cake kina e so tale.

Sarasara:Sarava na talanoa ni rawa ka, “Samuel: Computer Repair.” (Ke o sega ni taura rawa e dua na vidio qo, wiliwili tikoga yani e ra.)

Vakatovotovo:Ena loma ni macawa tolu mai oqo o na sauma kina na tinikarua na taro vakabisinisi tarava oqo. Keda vata, meda wilika na taro vakabisinisi ka na saumi ena ilawalawa ni bula rawati koya oqo.

MACAWA	MEU NA TEKIVUNA VAKACAVA NA NOQU BISINISI	MACAWA	MEU NA VAKATUBURA VAKACAVA NA NOQU BISINISI
1	Meu tekivuna se vakavinakataka vakacava na noqu bisinisi?	7	Meu na vakatubura vakacava na noqu bisinisi?
2	Na cava era via volia na tamata?	8	E vica beka e rawa niu solia me tubu kina na noqu bisinisi?
3	Meu volia vakacava na noqu ivoli ka virikotora na kena isau?	9	Au na kila vakacava niu gadreva meu dinau me tubu kina noqu bisinisi?
4	Au na kila vakacava ni sa tubu tiko na noqu bisinisi?	10	Na sala cava e rawa niu dreta mai kina e vuqa na kasitama ka sogota na volivoli?
5	Meu wasea tani vakacava na noqu ilavo ni bisinisi mai na ilavo ni matavuvale?	13	Meu vakalevutaka vakacava na noqu tubu?
6	Sa vakaivei tiko na toso ni noqu bisinisi?	12	Na sala cava meu na vakatubura tikoga kina na noqu bisinisi?

Wilika:Ena veimacawa, keitou sa na vakadeitaka, cakava ka tiko ena kena gauna ena neitou bose, ka ripote kina ilawalawa. Ni keitou sa cakacaka vata vakailawalawa, keitou na rawata vata na ka! Sai ira oqo na taro kei na cakacaka ni macawa oqo.

Wilika:TARO NI MACAWA—Evei me vakanamata kina na noqu sasaga ni tekivuna se vakatubura na noqu bisinisi?

CAKACAKA NI MACAWA—Vakayagataka e veisiga na Mape ni Rawa Ka Vakabisinisi mo vulica kina se evei me vakanamata kina na nomu sasaga me tekivu ka tosoi kina na noqu bisinisi.

Na vo ni bose oqo ena vukei keda ena saumi ni taro oqo kei na ka me caka.

Meu na qarauna vakavuku vakacava na noqu ilavo?

Wilika:Na noda rawati keda e okati kina na noda vakayagataka e lailai mai na ka eda rawata kei na vakabulailavo. Ena rawa ni vukei keda ena saumi ni veika sega ni namaki na vakabulailavo se vukei keda meda vakarautaka na ka baleti keda kei na noda matavuvale ni lailai mai na ka eda namaka na keda isau. Me vaka ni da lewe ni ilawalawa oqo, eda vakadeitaki keda kina vakabula ilavo e veimacawa, dua madaga se rua na sede.

Veivosaki:Ena so na vanua, e vakasama vinaka me maroroi na ilavo ena baqe. Ena so tale na vanua, ena sega ni vakasama vinaka, me vaka na vanua e dau tubu vakalevu kina na isau ni ka se ra sega ni dau tudei kina na baqe. E vinaka beka na sala ni vakabulailavo ena nomu vanua? Na baqe cava soti e vinaka duadua na kena tubu ni vakabulailavo?

Wilika:E dua tale na ibalebale ni bula rawati koya sai koya na noda galala mai na dinau yadua. Na dinau yadua e vakayagataki me da vakayagataka vakalevucake kina mai na ka eda rawa ni sauma. Era sa vakasalataki keda na Parofita meda levea na dinau yadua, ia ni da sa yaco meda bula rawati keda vakavinaka cake eda na vakalailaitaka ka vakawabokotaka vakadua na dinau yadua. Ia, na dinau vakabisinisi ena rawa ni ka vuku ena so na gauna. Me vaka ni da lewe ni ilawalawa oqo, eda na vulica kina se gauna cava ena vinaka kina me vukea na tubu ni noda bisinisi e dua na dinau.

Na isau ni veiqaravi vakavuniwai tubukoso e dau ilavo vakayagataki vakalevu duadua. Na inisua kei na veiparokaramu ni tikobulabula vakamatanitu ena rawa ni vukea na saumi ni ilavo oqo. Na saumi inisua kei na parokaramu ni tikobulabula vakamatanitu sa rawa ni tikibibi ni noda sala kina bula rawati koya.

Veivosaki:E so na mataqali inisua (me vaka na ka ni tiko bulabula kei na bula) era dau rawati vakarawarawa ka dau veivuke vakalevu cake mai na vei inisua tale eso. E so na dau soli inisua era vinaka ka so era lawaki ca. Na cava soti na kena e vinaka era tiko ena nomu vanua?

Au na rawa vakacava meu dua na daunibisinisi yaco?

Vakatovotovo:Na Mape ni Rawa ka Vakabisinisi e lisitaki tu kina na ka era dau cakava na tamata vakabisinisi rogo. Me dua drau vei sa. Cega kina Mape ni Rawa ka Vakabisinisi ena iotioti ni tabani ivola ni cakacaka oqo.

Ni veivukevuke ena wiliki ni sala era kunea kina na isau ni taro “Na cava era via volia na tamata, o ira na daunibisinisi yaco?“

Veivosaki:Ena rawa ni vukei iko vakacava na Mape ni Rawa ka Vakabisinisi mo dua na daunibisinisi yaco?

Wilika:

Ena ivola vakacakacaka oqo, na gauna o raica kina na ivakatakilakila qo, eda na kila sara ni sa tiko ena Mape ni Rawa ka Vakabisinisi na ivakavuvuli oqo.

Na Mape ni Rawaka Vakabisinisi e sega ni ka walega ni noda soqoni. Meda vakayagataka vakawasoma ena loma taucoko ni macawa. Ena veigauna eda sotava kina e dua na leqa se madigi, eda raica sara na noda Mape ni Rawa ka Vakabisinisi meda raica kina se cava ena cakava e dua na daunibisinisi yaco.

Meu na vakatubura vakacava na noqu bisinisi?

Wilika:O ira na daunibisinisi yaco era rawa ni dau vakamacalataka vakamatata na nodra bisinisi. Qo ena vukei ira mera vakanamata kina ka e rawa ilavo vakakina na ka e sega. E vukei ira talega me ra vukei mai vei ira tale eso, me vaka mai vei ira e so tale na daunibisinisi se mai vei ira na dau soli dinau. Era dau raica tiko na vinaka ni nodra rawa ka na daunibisinisi yaco.

Ena macawa oqo, taura mai e dua na ivola ni nomu bisinisi. Mo vakayagataka na ivola oqo ena volai ni nomu veivakasama me baleta na nomu bisinisi ka volai talega kina na veika e vakayacori tiko ena nomu bisinisi. Eda na vakayagataka na noda ivola ena soqoni kei na loma ni macawa.

Ena loma ni ivola ni cakacaka oqo, ni da raica kina na ivakatakilakila oqo, e vakananuma tiko vei keda meda volavola ena noda ivola.

Au na vakadikeva vakacava e dua na bisinisi ka vakasamataka na rawa ka vakabisinisi?

Wilika:Me tiki ni cakacaka vakadeitaki ni macawa oqo, eda na vulica kina na vakayagataka na Mape ni Rawaka Vakabisinisi meda dikeva kina se sa vakamuria tiko na ivakavuvuli me rawa ni yaco kina.

Vakatovotovo:Wase vakailawalawa yatolu. Tosotosoya nomuni dabedabe mo ni veiraici Vakayagataka na Mape ni Rawaka Vakabisinisi, mo muria na idusidusi oqo:

1. Raica e dua na bisinisi o ni kila kece e dua na ka me baleta. Me qai dua e taroga e dua na taro mai na mape. Kena ivakaraitaki, “Ena sitoa ni iyaya ni lomanivale, e kila beka na kena itaukei na ka era vinakata na tamata mera volia?” Se, “E kila beka na volivolitaki?”

2. Mera taura na kena vo e dua se rua na miniti me ra sauma na taro mai na nodra kila ka me baleta na bisinisi kei na ivakavuvuli mai na mape. Kena ivakaraitaki, “Io, e kila o kena itaukei na ka era vakamareqeta na tamata.” Se, “Sega, e sega ni kila vinaka o kena itaukei se me sogota vakacava e dua na volivoli.”

3. Taleva tale vakatolu se vaka va na ka oqo.

4. Qo, talanoataka sara mada na nomu bisinisi vakaiiko. O dau cakava beka na ka era dau cakava na daunibisinisi yaco?

Vakatovotovo:Vata kei na kemu isa, cega yani ki na tabana 13–14.. Wilika ka veivosakitaka na sala o na vakadikevi ira kina na bisinisi ena macawa oqo.

Na cava e vinakata kina na Turaga meda bula rawati keda?

Veivosaki:Na cava e vinakata kina na Turaga meda bula rawati keda?

Wilika:Wilika na vosa cavuti ena imatau.

“Na vakatabuya sai koya na noda biuta vakatikitiki se vakadeitaka e dua na ka me ka tabu, ka soli vakatabakidua kina kena veiinaki vakalou.”

D. Todd Christofferson. “Nanumi Lesu na Bula sa Vakatabui,” Ensign se Liaona, Nove. 2010, 16.

Veivosaki:Ena tekivuna se vakatubura vakacava e dua na bisinisi na noda sasaga me da rawata kina na kena “inaki vakalou,” me vaka e kaya o Elder Christofferson?

Wilika:E tu vua na Turaga na kaukauwa me vukei keda meda bula rawati keda vakaikeda. A kaya kina vaqo, “Ko i au na Kalou; au sa Kalou ni caka mana” (2 Nifai 27:23). Nida solia, se vakatabuya, na noda sasaga ena noda bisinisi kina inaki vakalou ni bula rawati koya, ena dusimaki keda ena veivakauqeti na Turaga. Ena noda vakaraitaka na noda vakabauta ena noda vakarogoca na veivakauqeti, ena vakayacora na Turaga na Nona cakamana ka me levu cake tale na ka e rawa mai na noda sasaga, mai na ka eda rawa ni cakava ga vakataki keda.