iVurevure
Basikeli se Toa?
Digia na itavi qai matanataki ira qo.
NAOMI: Hi, Maria. Sa vacava tiko nomu bisinisi? E tubu tiko li?
MARIA: E vinaka tiko, ia au sa oca saraga. Au cakacaka vakaukauwa, ia e sega tiko ni veirauti na ilavo au rawata.
NAOMI: Kena irogorogo e vaka mo gadreva tiko e levu cake na iyautaukeni rawa ka.
MARIA: A cava e dua na iyautaukeni rawa ka?
NAOMI: Na veika e vukea na rawailavo vakalevu ni nomu bisinisi.
MARIA: Uu, au taleitaka qori. Au na vinakata e levu sara na iyautaukeni rawaka … ia wawa mada, vakavei au era sega sara tu ga qo vei au.
NAOMI: Io era tu. Ira nomu toa era iyautaukeni rawa ka. O na rawa ilavo vakalevu cake beka ke so tale na nomu toa?
MARIA: Io, Au rawa. Au na kauta tale mai eso na toa.
NAOMI: Na cava tale ena vakarawarawataka na nomu caka bisinisi?
MARIA: Ena vinaka sara ke dua noqu basikeli me veikauyaki kina na yaloka ka vakavodoki mai na kakana ni toa. Sa dau oca sara na yavaqu na taubale.
NAOMI: Ia, sa dodonu beka mo na volia e dua na basikeli. O na rawata vakalevu cake beka na ilavo ke a tiko e dua nomu basikeli?
MARIA: Io, ke a tiko e dua noqu basikeli, ena totolo cake na noqu veikauyaka. Ena levu cake na noqu gauna ni volivolitaki. Ia e dodonu beka meu kauta mai e dua na basikeli se levu cake na toa?
NAOMI: A cava beka na ka me vakaliuci duadua ena nomu bisinisi ena gauna saraga oqo? E dua na basikeli se levu cake na toa?
MARIA: Au sega ni kila. Au na vakatulewataka vakacava?
Lesu tale ki na tabana 94
Qarauna na iSau Tudei
Digia na itavi qai matanataki ira qo:
MARIA: Naomi, au nanuma ni na rawa ilavo vakalevu mai kina noqu bisinisi na iyautaukeni rawa ka. Ia au leqataka na kena isau.
NAOMI: Vinaka, sa dodonu mo tovolea mo dau musuka sobu na isau ni ka.
MARIA: Au na kila rawa vakacava na kena isau? Sa dau veisau tu ga!
NAOMI: Taumada, sa dodonu mo wasea na nomu isau era sa tudei tu kei ira era veiveisau tiko.
MARIA: Ia, au sega ni kila na kena ibalebale ni ka oqori.
NAOMI: Meu vakamacalatala mada vaqo. O kilai Taniela?
MARIA: Na turaga dau volitaki iyaya ni lomanivale?
NAOMI: Io. Na gauna e dau cakava kina e dua na idabedabe me volitaka, o nanuma beka ni dau sauma vua e dua na dauvolivolitaki na kau e vakayagataka?
MARIA: Io.
NAOMI: Donu vinaka. E dau vinakata o Taniela me waraka ni sa tiko e dua na ota me qai dau volia na kau.
Kevaka me volitaka e dua na idabedabe o Taniela ena vula qo, sa na sauma tiko ga na kau ni dua ga na idabedabe. Kevaka me volitaka e tini na idabedabe ena vula mai oqo, ena sauma vakatinitaki na isau ni kau.
MARIA: Ia sa ikoya tiko oya, baleta ni na sauma tiko me vakatinitaki na iwiliwili ni dabedabe!
NAOMI: Dina taucoko. Na isau ni kau vei Taniela e dau veiveisau. E dau lako cake se lakosobu vakatau ena kena levu e volitaka.
Ia qo, e dau saumi rede ni sitoa o Daniel. Kaya mada ke dau 1000 dua na vula. E vica na rede ena sauma ke volitaka e tini na idabedabe?
MARIA: Io, e dina sara, 1000.
NAOMI: E vica ena sauma ke volitaka e dua ga na idabedabe?
MARIA: 1000 tikoga. Ena sega ni veisau.
NAOMI: Donu vinaka. E isau tu ga vakadua na rede nei Taniela. E sega ni dua na ka se vakacava na levu se lailai ni ka e volitaka. Sa na dodonu ga vua me sauma.
MARIA: Oi, au nanuma niu na sega ni taleitaka na isau tu ga vakadua.
NAOMI: Sa na dodonu meda na dau qarauna na isau era tu ga vakadua. Ena rawa ni veivuke kevaka e baleta na iyautaukeni rawa ka.
MARIA: Vakakina ke da volitaka vakarauta me ra saumi kina!
NAOMI: Donu vinaka.
MARIA: Naomi, ena rawa beka ni o vukei au meu kila se evei vei ira na noqu isau ni ka era tu vakadua kei ira era dau veiveisau?
Lesu ki na tabana 98