iVurevure
Volivolitaki Rawa, Sega ni Volivolitaki Rawa!
Digitaka na itavi ka vakatovotovotaka na kena oqo.
MARIA: Bula, Silvia. Sa vakaevei tiko edai?
SILVIA: Totoka tu, vinaka vakalevu. O cei e vukei iko nikua?
MARIA: Oqo na vugoqu, o Sophia
SILVIA: Sa qai dua na goneyalewa vinaka! Vinaka, sa raica rawa o ganequ e dua na cakacaka. Se tiko ga e noqu vale o koya, ia sa na veivuke ena isau ni kakana o koya.
MARIA: A tekivu cakacaka ena gauna cava?
SILVIA: Nikua ga!
MARIA: Sa qai dua na vakacegu levu vua—vakakina o iko! Ia, na cava o mai cakava oqo?
SILVIA: Au vinakata tale eso na yaloka. Era a taleitaki sara ka keitou vakabula ilavo kina. Au vinakata e walu tale na yaloka kei na rua na joke sucu.
MARIA: Donu. Vinaka vakalevu Silvia, na mai volivoli nikua. Kalougata tiko na siga nikua!
SOPHIA: A levu sara ga na iyaya a kauta tiko. Na cava o a sega ni kerei koya kina meu tubera na yaloka kei na sucu.
MARIA: Isa, Sophia. O dina. E dodonu sara ga meu a nanuma. E dua na gauna au a saga meu volivolitaki vakalevu vua. A rawa sara ga meu rawata e tini tale ena volivolitaki o ya.
Lesu tale ki na draunipepa 168
Na Volivolitaki Vakalevu
Digitaka na itavi ka vakatovotovotaka na kena oqo.
SILVIA: Au sa lesuva mai oqo na yaloka! Kau na vinakata e 10 na yaloka nikua baleta niu na sega ni gole tale mai ena vica na siga.
MARIA: Totoka. Kau sa dau vakasamataki iko tiko. E via tautauvata tiko na iwiliwili ni gusu e daru vakania ka keitou na kania tiko e 12 na yaloka. Era na vinaka sara vei iko.
SILVIA: Na kena leqa ga mera na kau vakacava i vale. Au a vakavorotaka mada e rua iliu.
MARIA: Au sa loma leqataka tiko. E rawa ni gole vata kei iko i vale o Sophia me tubera tiko vei iko na yaloka. Na isau ga ni kena kau e 10. Ena levu cake vakalailai na kena isau, ia ena sega ni leqa kina na nomu kauta. Ia kevaka ena kavoro e dua ni kauta tiko o Sophia, ena sosomitaki ka sega ni saumi.
SILVIA: Vinaka, mo kila, ni na veivuke o ya. Vinaka, me sa caka yani. Vinaka vakalevu.
MARIA: Rogorogo vinaka. Sophia, vinaka vakalevu na vukei Silvia. Totolo tale mai!
Lesu tale ki na tabana 168
Vakaotia Vakatotolo na iVoli
Digitaka na itavi ka vakatovotovotaka na kena oqo.
MARIA: Naomi, bula. Na cava o vinakata nikua?
NAOMI: Au vinakata eso na sucu.
MARIA: Totoka. E levu sara tu ga qo.
NAOMI: Maria, e boica na sucu oqo. Sa dede beka na sucu qo?
MARIA: Oilei! “Vosoti au. “Au sega mada ni kila. Au a volia vakalevu meu kua ni leqa.
NAOMI: E ka bibi me tiko vakalevu baleti ira na kasitama, ia mo dau raica me totolo na kena volitaki.
MARIA: Vakaotia na ivoli? Na cava na kena ibalebale oqo?
NAOMI: Na vakaotia na ivoli o ya na kena volitaki taucoko na ivoli o volia mai vei dauvolitaki iyaya.
MARIA: Au dau saga meu vakaotia na noqu ivoli. Ia ena so na gauna e dau taura e dua na gauna balavu kau sa mani ulataka laivi kina na kena sa ca.
NAOMI: Oqo na vuna o gadreva kina mo vakaotia vakatotolo na ivoli. Na nomu ulataka laivi na sucu o sega ni volitaka vakatotolo o sa vakasabusabutaka kina na nomu ilavo. Ia oqori e sega walega ni vuna mo na vakaotia vakatotolo kina na nomu ivoli.
MARIA: E dina?
NAOMI: Maria, e kau maivei na ilavo mo saumi dauvolitaki sucu kina?
MARIA: Au dau vakabula ilavo niu volitaka e dua na sucu. Ni sa veirauti na noqu ilavo, au na volia e levu tale na sucu.
NAOMI: Maria, na dede ga ni gauna mo vakaotia kina na ivoli, na dede ni nomu wawa mo voli sucu tale kina.
Mo nanuma tiko, ni ko na rawa ilavo ga ni sa voli nomu ivoli. Koya gona, na totolo ni nomu tosoya na nomu ivoli, na levu ni ilavo ko na rawata.
Ena vakacava beka ke o na volitaka taucoko na nomu sucu ena loma ni tolu na siga? Se rua na siga? Se ena siga vata ga o ya?
MARIA: Ena sega ni ca e dua na sucu, kau na rawa ni laki volivoli tale mai vakatotolo maivei noqu dauvolitakisucu. Ka na levu na sucu meu volitaka vei ira noqu kasitama kau na rawa ilavo vakalevu. Au sa na tekivu vakaotia vakatotolo na noqu ivoli!
Lesu tale ki na tabana 172