Vulica

Tekivuna ka Vakatubura Noqu Bisinisi

Lewe ni iVola
iVakamacala Taumada
Lewe ni iVola
Meu tekivuna se vakavinakataka vakacava na noqu bisinisi?
2: Na cava era via volia na tamata?
Meu volia vakacava na noqu ivoli ka virikotora na kena isau?
4: Au na kila vakacava ni sa tubu tiko na noqu bisinisi?
5: Meu wasea tani vakacava na noqu ilavo ni bisinisi mai na ilavo ni matavuvale?
6: Sa vakaivei tiko na toso ni noqu bisinisi?
7: Meu na vakatubura vakacava na noqu bisinisi?
8: E vica beka e rawa niu solia me tubu kina na noqu bisinisi?
9: Au na kila vakacava niu gadreva meu dinau me tubu kina noqu bisinisi?
Na sala cava e rawa niu dreta mai kina e vuqa na kasitama ka sogota na volivoli?
11: Meu vakalevutaka vakacava na noqu tubu?
12: Na sala cava meu na vakatubura tikoga kina na noqu bisinisi?
Au sa Torocake Tiko Beka
iVola ni sa Vakacavari
Mape ni Rawa-Ka Vakabisinisi

Vulica

Na cava era via volia na tamata?

Gauna:Tuvanaka na kaloko ki na 60 na miniti me baleta na iwasewase ni Vulica.

Wilika:Eda na digitaka vakacava na bisinisi ena rawa kina na rawa-ka? Ke sa tiko na noda bisinisi, eda na kila vakacava ni sa kena e dodonu?

Na lesoni oqo ena raica vakatabakidua tiko na iwasewase ni Kasitama ena Mape ni Rawa-Ka ena Bisinisi.

Sarava:“Business on a Stick” (Sega na vidio? Wilika na draunipepa e 26.)

Veivosaki: Na cava o sa vulica mai na vidio oqo?

Wilika:TARO NI MACAWA— Na cava era vinakata na tamata mera volia?

CAKACAKA NI MACAWA—Au na vosa vei ira na itaukei ni bisinisi kei na kasitama ka digitaka e dua na ivoli se veiqaravi ena walia na nodra leqa na kasitama.

Ena vo ni gauna ni bose, ko na vulica ka vakatovotovotaka kina na kila me vukei iko mo sauma kina na taro oqo ka cakava na cakacaka oqo. Ena vukei iko na vidio oqo mo tekivu ena nomu taroga na taro dodonu.

Sarava:“Selecting the Right Business” (Sega na vidio? Wilika na draunipepa 28.)

Wilika:Meda wilika na daiqaramu oqo ka vakatovotovo ena draunipepa e tarava.

Meu na digitaka vakacava na bisinisi donu?

Vakatovotovo:Na mataqali bisinisi cava o sa nanuma rawa: kakana, veiqaravi vakaotela, qaravi ni bula, vakavinakataki ni iyaya, tara vale, buli iyaya, veiqaravi, se dua tale na ka?

Vakayagataka na va na taro ena daiqaramu e tiko ena draunipepa e tarava me vukea me na vica walega o na digidigi mai kina. Raica na ivakaraitaki e tiko ena imatau. Vola e dua se rua na mataqali bisinisi o taleitaka:

iVakaraitaki:

Kakana, Volivolitaki

Taroga vei koya e yasamu, na taro yadua oqo. Vola na isau ni taro.

Ena nomu bisinisi vakataki iko, se ena mataqali bisinisi o taleitaka, na mataqali gagadre cava ni kasitama o sa raica rawa? Na cava era na via volia na kasitama?

Vakalomavinaka se kakana lalai

Kakana sau lalai ena yakavi, ni sa karobo
Na gagadre cava ena rawa ni sotava na nomu bisinisi? Na cava o kenadau kina, se na cava o taleitaka mo dau cakava?

Au taleitaka meu vakarautaki kakana

Au dau volivolitaki
Na mataqali bisinisi cava sara e rawarawa mo tekivutaka, se mo na vakatorocaketaka se veisautaka vakacava na nomu bisinisi ena gauna oqo me rawa ilavo vakalevu cake? Vakasamataka na veisisivi, dauvolivolitaki, kei na ilavo e gadrevi.

iVoli rawarawa

iSau lailai me tekivu kina

Veisisivi e ra
Ena vakatarai iko vakacava na nomu bisinisi me vakatubura na ilavo o rawata ka yaco mo bularawati iko vakalevu cake? Evei na vanua mo na vakatubu ilavo kina?

Levu ni kasitama

Mo vola mada e vica na mataqali bisinisi o gadreva mo na vulica:

Kakana lalai veikauyaki?

Aisikirimu? Vuanikau?

Dua na ka e veivakamarautaki?

Meu na vuli vakacava maivei ira na itaukei ni bisinisi?

Wilika:Ia sa tu oqo na veivakasama me baleta na noda bisinisi vakataki keda, eda sa na vakadikeva na kena makete me vakatovolei kina na noda nanuma ka vuli mai kina vakalevu. Eda na wanonovi ira tiko na tamata, vosa vei ira na kasitama, vosa vei ira eda veisisivi vata tiko, ka vakatovolea na ivola eso. Ka da na kunea na gagadre dina kei na iwali.

Sarava:“Talking to Business Owners” (Sega na vidio? Tomana na wiliwili.)

Vakatovotovo:Vakatovotovotaka vei koya e yasamu, na taro o na laki taroga vei ira na itaukei ni bisinisi ena macawa oqo. Drau dui vakamacalataka vakataki kemudrau yadua na nomudrau bisinisi se mataqali bisinisi o via tauyavutaka. Drau vakatakilai kemudrau vakai kemudrau ka taroga na veika e ra. Drau vakaraitaka kina na nomudrau nanuma ka tovolea tale.

VEIVAKATAKILAI: Bula, o au o ___ (yaca). O iko? Au tiko ena dua na kalasi ni bisinisi ka keimami vulica tiko na sala ni rawa-ka ena bisinisi. Meu taro mada?

GAGADRE NI KASITAMA, IVOLI

Na cava era volia vakalevu na nomu kasitama?
Na cava o nanuma era volia tiko kina na nomu ivoli o ira na nomu kasitama?
O cei o veisisivi vata tiko kei ira? Na cava e vinaka cake kina na nomu bisinisi mai na nodra?

DAUVOLIVOLITAKI, TUBU VAKAILAVO

O kauta maivei na nomu ivoli? E tiko beka eso tale na dauvolivolitaki?
O rawa beka mo raica e dua na isau lailai ke o volivoli vakalevu ena dua ga na gauna?
Na cava nomu isau? O lewa vakacava na isau oqo? O na kune tubu beka?
Na cava ena yaco ke o vakatubura se vakalutuka na isau ni nomu ivoli?

VOLIVOLITAKI

Ena rawa ni vica o na volitaka ena dua na siga?
O na kunei ira vakacava na kasitama vou?
E bibi vakacava na vanua o volivolitaki tiko kina?
Na cava eso na ka bibi ki na nomu rawa-ka? Leqa lelevu duadua?

Veivosaki:Ni oti na vakatovotovo ni tamata yadudua, veivosaki kei na ilawalawa: Ni ko lako yani ka veivosaki kei ira na itaukei ni bisinisi, na cava mo na taroga? Vola e ke na veika o sa vulica:

Wilika:

Ena veisiga ena macawa oqo, ni ko veivosaki kei ira na itaukei ni bisinisi, vola ena nomu ivola ni bisinisi na veika o sa vulica.

Sarava:Raica na sala rau a tekivutaka kina o Joseph kei John e dua na bisinisi vou. Sarava na “Joseph and John: Medical Products.” (Sega na vidio? Lade ki na draunipepa e tarava.)

Meu na vuli vakacava mai vei ira na kasitama?

Wilika:O ira na daunibisini rawa-ka era na vuli tiko ena veisiga mai vei ira na kasitama. Eda na rawa ni vuli vakalevu ena noda vakadikevi ira na noda kasitama ka veivosaki kei ira. Era na vakabula se vakarusa na noda bisinisi. Meda vakarorogo ka vuli!

Sarava:“Talking to Customers” (Sega na vidio? Tomana na wiliwili.)

Vakatovotovo:Vakatovotovo kei na dua tale na lewe ni ilawalawa, na taro o na laki tarogi ira kina na kasitama ena macawa oqo. Raitayalotaka ni o kemu isa e nomu kasitama. Veivosakitaka eso na taro e ra ena kedra isema ki na nomu bisinisi se vakasama ni bisinisi. Vola! Mo drau qai veisau. Mo drau soli vakasama e veivukei ka vakatovotovotaka na malumalumu eso.

VEIVAKATAKILAI: Bula, o au o ___ (yaca). O iko? Au tiko ena dua na kalasi ni bisinisi ka keimami vulici ira na kasitama. Meu taroga mada e vica na ka?

GAGADRE NI KASITAMA, IVOLI

Na cava o volia mai na bisinisi oqo?
Ke o rawata, na cava mo na veisautaka ena ivoli oqo? Me baleta na bisinisi?
O sa bau volia mada na ivoli oqo ena veivanua tale eso? Era vinaka cake se ca vakalevu? Na cava na vuna?

VOLIVOLITAKI, TUBU VAKAILAVO

Na cava o taleitaka ena nomu volia eke na ivoli oqo?
Na cava o na vinakata kina mo volia vakalevu cake?
E veiraurau beka na kena isau? O na volivoli cake beka vakalevu ena isau e lailai?
O na volivoli tikoga vakalevu kera sa vakatubura na kena isau?
E bibi beka na vanua e tu kina?

VAKADIDIKE (Kakua ni taroga na taro e ra; saravi ira na kasitama me saumi kina na taro.)

Era lewelevu beka na marama se tagane se veicurumaki?
Era tamata gone se qase?
E rairai levu beka na nodra ilavo se lailai?
Na gauna cava ena siga era volivoli kina?
E vica era volia?

Wilika:

Ena veisiga ena macawa oqo, ni ko veivosaki kei ira na kasitama, vola ena nomu ivola ni bisinisi na veika o sa vulica.

Veivosaki:Na cava o na taroga vei ira na kasitama ena macawa oqo? Vola na nomu nanuma eke se ena nomu ivola lailai ni bisinisi:

Au na vakayagataka vakacava na vakadidike ni volivolitaki?

Wilika:Ni da sa cakava na vakadidike ni volivolitaki, ena gadrevi meda raica na veika eda sa vulica. Meda vakatovotovotaka na iwalewale ni vakadidike.

Vakatovotovo:Digitaka e dua tale na lewe ni ilawalawa me cakacaka vata kei iko. Raica na tubu vakailavo, veisisivi, kei na dauvolivolitaki ni rua na bisinisi oqo.

MAKETE NI VUANIKAU		VAKADIDIKE
Vuata e volitaki (vica ena veisiga)	200	Kena Levu / Vula	5000
Sau me volitaki kina	5 dua na vuata (vakatautauvata)	Volivolitaki / Vula	25000
iSau ni kena voli mai	4 dua na vuata (vakatautauvata)	iSau / Vula	(20200)
Veisisivi	6 na makete ni vuanikau	TUBU VAKAILAVO	4800
Dauvolivolitaki	2 na dauvolivolitaki, kena yawa (balavu)

NODRA ISULU NA GONE		VAKADIDIKE
Vica e volitaki (ivakatautauvata e veisiga)	20	Kena Levu / Vula	500
Sau me volitaki kina	100 dua na isulu (ivakatautauvata)	Volivolitaki / Vula	50000
iSau ni kena voli mai	80 dua na isulu (ivakatautauvata)	iSau / Vula	(40000)
Veisisivi	Sega na kena e voleka	TUBU VAKAILAVO	10000
Dauvolivolitaki	3 na dauvolivolitaki, voleka

Veivosaki:Na bisinisi cava o na digitaka? Na cava na vuna?

Mai na veika eda sa veivosakitaka nikua, na taro cava tale o na taroga baleti ira na bisinisi oqo se nodra kasitama?

Wilika:Ni da lakova yani na macawa oqo, eda na vakarau vakatulewa ena noda bisinisi! Ena loma ni macawa oqo, eda na raicalesu na veika kece eda sa vulica ka gole mai ki na bose e tarava vata kei na dua na vakasama ni bisinisi (e dua na bisinisi vou se bisinisi sa vakatorocaketaki). Ke sa tiko rawa e dua na noda bisinisi, eda na vakatulewa ke sa kena e vinaka duadua oqo.