iVurevure
Dua na Lori Levu cake?
Wiliwili veitaravi ena veiparakaravu oqo.
Rua na tagane rau tauyavutaka e dua na veitokani. Rau tara e dua na valelaca ena yasa ni dua na gaunisala osooso. Rau taura mai e dua na lori ka draivataka yani kina nona iteitei edua na dauiteitei, ka rau volia mai vakasinai ena nodrau lori na meleni yadua na dola.
Rau draivataka yani na lori sinai oqo kina nodrau valelaca e yasani gaunisala, ka rau mai volitaka ya dua na dola kina na meleni.
Rau lesu tale yani kina iteitei nei dauteitei ka baci volia tale e dua na lori sinai ena meleni ya dua na dola.
Kauti ira tale yani e bati ni gaunisala ka volitaki ira tale me yadua na dola.
Ena nodrau draiva tale yani kina iteitei nei dauteitei me rau volia vakasinai tale mai na lori, sa kaya vei kena ikarua, “Daru sega ni rawa ilavo vakalevu tiko ena bisinisi qo, se vacava?”
“E sega, e daru sega saraga,” a kaya mai o itokani.
E a taroga yani, “O nanuma beka ni dodonu me dua na lori levu cake?” (Dallin H. Oaks, “Focus and Priorities,” Ensign, Me 2001, 82).
Lesu kina tabana 34
Kakua ni Sogota na Nomu Bisinisi
Digia na itavi ka matanataka na veika oqo.
JOSEPHINE: Sa vakacava, Grace? E sega soti ni o rairai marau.
GRACE: Au sega ni kila na cava meu cakava. Au sega ni kila na ka meu cakava. A se qai tekivu rawa ilavo tiko ga na noqu bisinisi sa qai mai yaco mai na ka oqo.
PRISCILLA: Na cava a qai yaco?
GRACE: A vakatubura ena noa na nona isau ni wai savasava na tagane au dau voli wai tiko kina, qo au sa sogota na noqu bisinisi.
PRISCILLA: Au sa lomani iko saraga, Grace. Na cava na vuna?
GRACE: Ia au sa rawa ga ni volitaka na wai me ya 10 dua na tavaya. Ena sega ni rawa ni sivia na ka era sauma na kasitama. Ia au a dau volia mai na noqu tavaya ena 7.
GRACE: Ia oqo sa mai vakatubura yani o koya ka dau volitaka vei au na kena isau me 10. Sa sega gona kina qo na tubu! Na cava beka meu cakava?
PRISCILLA: Drau sa veivosaki beka kei koya e dau volitaka vei iko? O iko e dua vei ira na nona kasitama dredre.
GRACE: Au se bera, au sega ni vakabauta niu na rawa. Sa nona isau saraga ya.
PRISCILLA: Sega. Sa dodonu mo vosa vua. Sa na gadrevi me na raica ni sa vakayalia e dua na kasitama dredre. Ena rawa ni vukica na nona isau mo nona tiko ga. Sa dodonu mo na dau veivosa tiko kei ira o dau volivoli vei ira me rawa ni o volivoli tiko ga ena isau lailai duadua.
GRACE: Io, sa donu. Au na tovolea.
JOSEPHINE: Sa dodonu me dau tu talega e so tale na nomu vakasama. Au kila e dua ka rawa ni volitaka vei iko me 5. Vosota niu a se sega ni tukuna taumada vei iko. Au a sega ni kila ni ko sauma tiko ena 7—ka sa 10 qo! Au na vakaveikilaitaki iko vua na tamata oqo.
GRACE: E dina? Isa, Josephine. Vinaka vakalevu. Io, yalovinaka vakaveikilaitaki keirau. Kei iko, Priscilla, vinaka. Au na tovolea sara vakaukauwa meu taura na isau vinaka duadua ni wai meu volia.
Lesu tale kina draunipepa 36