Përmbledhje Historike

Kronologjia e mëposhtme jep një kuadër të shkurtër historik për mësimet e Presidentit Xhorxh Albert Smith të paraqitura në këtë libër.

1870, 4 prill	U lindi në Solt-Lejk-Siti të Jutas Xhon Henrit dhe Sara Far Smithit.
1874–1875	Babai i tij, Xhon Henri Smith, shërben një mision në Britaninë e Madhe. Xhorxh Alberti është katër vjeç kur ai largohet.
1880, 27 tetor	Xhon Henri Smithi shugurohet Apostull.
1882–1885	Xhon Henri Smithi shërben si president i Misionit Europian.
1883	Xhorxh Albert Smithi fillon të punojë në një fabrikë veshjesh në moshën 13 vjeç.
1888	Fillon të punojë për një kompani hekurudhore. Vuan dëmtim të përhershëm të syve për shkak të punës së tij.
1891, shtator–nëntor	Shërben një mision në Jutan jugore për Shoqatën e Përmirësimit Reciprok të Të Rinjve.
1892, 25 maj	Martohet me Lusi Emili Udraf në Tempullin e Mantit të Jutas.
1892–1894	Shërben një mision në pjesën jugore të Shteteve të Bashkuara, duke filluar vetëm disa javë pas martese. Lusi bashkohet me të katër muaj në mision.
1903, 8 tetor	Shugurohet Apostull nga Presidenti Jozef F. Smith.
1904	Shkruan “kredon e tij personale”, një listë e 11 idealeve sipas të cilave zotohet të jetojë (shih faqet 1–2 të këtij libri).
1909–1912	Vuan nga probleme serioze shëndetësore.
1919–1921	Kryeson mbi Misionin Europian.
1921–1935	Shërben si mbikëqyrës i përgjithshëm i Shoqatës së Përmirësimit Reciprok të Të Rinjve.
1922	Zgjidhet zëvendëspresident i National Society of the Sons of the American Revolution [Shoqatës Kombëtare të Bijve të Revolucionit Amerikan]. Shërben në këtë post deri në vitin 1925 dhe pastaj sërish në 1944 dhe 1946.
1930, shtator	Ndihmon për të organizuar Utah Pioneer Trails and Landmarks Association [Shoqërinë e Shtigjeve dhe Pikave të Referimit të Pionierëve të Jutas] për të gjetur dhe shënuar vende historike të Kishës. Ai zgjidhet si presidenti i parë i organizatës.
1933, 27 korrik	Bëhet president i Society for the Aid of the Sightless [Shoqatës për Ndihmën ndaj të Verbërve] në Juta.
1934, 31 maj	Merr çmimin Silver Buffalo [Bualli i Argjendtë], çmimi më i lartë që jepet nga Boy Scouts of America [Skautistët e Amerikës].
1935–1936	Mbikëqyr botimin e Librit të Mormonit në alfabetin braj.
1937, 5 nëntor	Lusi vdes në moshën 68-vjeçare, pas një sëmundjeje të gjatë.
1938, janar–korrik	Viziton misionet e Kishës në Paqësorin e Jugut, përfshirë ndalesa në Havai, Samoa, Tonga, Tahiti, Zelandën e Re dhe Australi.
1943, korrik	Veçohet si President i Kuorumit të Dymbëdhjetë Apostujve.
1945, 21 maj	Veçohet si President i Kishës së Jezu Krishtit të Shenjtorëve të Ditëve të Mëvonshme.
1945, 23 shtator	Përkushton Tempullin e Ajdaho-Folls në Ajdaho.
1945, 2 nëntor	Takohet me presidentin e Shteteve të Bashkuara Hari S. Truman për të diskutuar përpjekje për t’i çuar ndihmë Europës pas Luftës II Botërore.
1946, maj	Viziton anëtarë të Kishës në Meksikë, Presidenti i parë i Kishës që e bën këtë. I paraqet një kopje të Librit të Mormonit presidentit meksikan Manuel Kamaço.
1947, 24 korrik	Përkushton Monumentin “This Is the Place” [“Ky Është Vendi”] dhe përkujton njëqind vjetorin e mbërritjes së pionierëve në Luginën e Solt-Lejkut.
1947	Anëtarësia e Kishës arrin në një milion.
1949, 30 shtator–2 tetor	Merr pjesë në transmetimin e parë televiziv të konferencës së përgjithshme.
1951, 4 prill	Vdes në Solt-Lejk-Siti të Jutas në ditëlindjen e tij të 81-të.