Wase 15

Na Galala ni Digidigi kei na Veilewai

E sa dui noda dodonu me da vakatulewataka na noda dui bula vakalou se na noda vakalolovirataki; e sa dui noda dodonu me da vakatulewataka na noda dui marau se rarawa e na gauna sa bera mai.¹

Na Bula nei John Taylor

“E na so na gauna eda dau veitalanoataka na galala ni digidigi,” e dikeva o Peresitedi John Taylor. “Sa ikoya beka qori na ivakavuvuli dodonu? Io. Sa ivakavuvuli ka tu e na veigauna taucoko, ka lako mai vua na Kalou, na Tamada Vakalomalagi.”² O Peresitedi Taylor e vakamareqeta na ivakavuvuli ni galala ni digidigi—na kaukauwa e solia na Tamada Vakalomalagi vei ira na luvena me ra kila na ka vinaka mai na ka ca; era na lewa na ka me ra kitaka. Ia, e a vakavulica talega ni veitamata yadua era na tarogi mai vua na Kalou e na nodra ivalavala. E vakadeitaka, “E sega ni solia na Kalou vua na tamata na lewa sega ni vakaiyalayala me baleta na veika ni vuravura oqo; ia e dau tukuna wasoma me baleta na tamata e na nona veidusimaki, vakaitikotiko e na nona vanua, ka na lewai ga mai na nona ivalavala.”³

Nona vakabibitaka na veiwekani e na kedrau maliwa na galala ni digidigi kei na veilewai, e a wasea o Peresitedi Taylor na tautauvata ni veika oqo: “E dua na tamata e sauma tiko e dua na loga ni vaini se iteitei, na tamata e vakatawana tiko e tu na nona galala ni digidigi kei na dodonu ni lewa e tu vua, ia e dau wasoma na kena vakatau tu ga na veilawa e so vua na kena itaukei dina. E vaka talega kina na veiyalayalati e cakava na Kalou vata kei Noa, Eparama, na Luvei Isireli, kei na isoqosoqo lewenilotu e liu. Na kena caka e dua na veiyalayalati vakavuravura e vakayagataki kina e rua na iwasewase: na kena oqo, na kena imatai na Kalou, kena ikarua o ira na tamata. Kevaka era vakayacora na tamata na nodra veiyalayalati, na Turaga e na vakayacora talega na nona; ia kevaka era talaidredre na tamata ia na Turaga talega e na sega ni vakayacora na nona tiki ni veiyalayalati. … Na tamata, e na, qai rawa me cakava na nona lewa me savasava, me vakavinakataka cake na veivakalougatataki ka biuta na Kalou e na nona kaukauwa, se sega, me qai vakatau vua.”⁴

E na gauna nei Peresitedi Taylor, e so na tamata era vakabauta ni kosipeli kei na matabete e nakiti me”vauci ira vata na tamata se vakaukauwataka na nodra lewa e loma na tamata.” E vakalasuya e na doudou na vakasama oqo, e tukuna ni inaki ni kosipeli sa ikoya “me vagalalataki ira taucoko na tamata me vaka ni Kalou e galala; me rawa ni ra gunu mai na uciwai ‘sa vakamarautaka na koro ni Kalou’; [Same 46:4] me rawa ni vakaceceretaka ka kakua ni vakalolovirataka; me rawa ni ra vakasavasavataki ka sega ni dukadukali; me rawa ni ra vulica na lawa ni bula ka salavata kaya, ka sega ni muria na sala butobuto ka lako sobu ki na mate.”⁵

iVakavuvuli nei John Taylo

Mai na ivakatekivu na Kalou e sa solia vei keda na galala ni digidigi.

Na tamada … e cakava e dua na ivakaro … ni o ira era vakatawani lomalagi kei ira era vakatawani vuravura e dodonu me soli vei ira na galala ni digidigi. Na kena saqati oqo e a vorata kina o Setani; ka sega ni rawa ni vorata ka saqata na yavu se ivakaro ka se bera ni soli, na vorata e vakaraitaka na basu lawa, ivakaro, se na lewa; ka a vakasavi sobu kina mai lomalagi me baleta na veivorati oqo. Na veivorati e a sega ni rawa ni yaco ke a sega na galala ni digidigi ke ra a vakaukauwataki me ra cakava na lewa nei Tamada. Ia ni sa tu na galala ni digidigi, era vakayagataka; o Setani kei na ikatolu ni lewe i lomalagi era vakasavi sobu mai baleta nodra vorata ka vakayagataka na galala oqo me veisaqasaqa vei Tamadra vakalomalagi. E sega walega ni baleta nodra vorata, ia e baleta me vaka e sa tukuni oti, “era segata me voroka na ga lala ni digidigi ka’u sa solia vua na tamata;” [raica Mosese 4:3] kei na nodra galala ni digidigi era na vakayagataka me veisaqasaqa kei na veika vinaka, mamarau kei na bula vakalou tawamudu ni tamata, ka a nakiti me vakayacori mai na veisorovaki kei na veivakabulai ka vakarautaka o Jisu Karisito.⁶

[Na Kalou] e sa solia vei keda na kaukauwa me da digia na vinaka ka cata na ivalavalaca. E rawa ni da dau kitaka na ivalavalaca se da bula dodonu, na ka ga eda vinakata; na Tevoro e sa veiliutaki sara ga eke, ka tovolea me vesumonataka na tamata e na veivakayarayarataki vakaoqo ka rawa me vakarusai ira ka vakamatabokotaki ira ka lewai ira. Na Turaga e sega ni vauci ira vata, se me lewai ira; ia e sa lewa na isau ni nodra cakacaka, e na veigauna era cakava kina e dua na sala ka a tuvai me vakamavoataki ira nona tamata.

Na Turaga … e na vakalaivi ira na tamata me ra vakasaqara na nodra marau e na nodra dui gaunisala, ia me vaka na nodra gagadre e na vakalaivi ira me ra gunuva rawa na bilo e na nodra dui ivalavalaca e na nodra dui gaunisala. E na dua tale na yasana, e sa vakatakila na nona caka vinaka ka na tomana tikoga nona cakava vei ira kece na luvena. Na cava e tuva tu me vakayacora? Na tarai cake ni matanitu oqo e vuravura, na tauyavutaki ni bula dodonu, na vakasukai ni meca kei na vakatabui nei [Setani] mai na vuravura. E kena ibalebale oqo, na ivakavuvuli ni dina e na tete yani ki vuravura taucoko, eda na cuva taucoko vua na noda Kalou kei na Karisito, ka sa digitaka ko koya me lewa na cakacaka tabu ni nona vale e veisiga kece ka tawamudu. O koya sa Cecere sara e tu nona inakinaki ka sa raica oti tu mai vakadede.⁷

Na Kalou e dusimaki keda, ia o Koya e na sega ni vakaukauwataki keda me da digia se vakabauta se nanuma e dua tale na ka.

Eda sa ciqoma na kosipeli. E dua e a vakaukauwataki me muria? E a dua beka na veivakasaurarataki e na dua ga na kena sala e rawa ni vakatakila mai vei keda” Au sega mada ni kila. O Oliver Cowdery, o koya na ikarua ni italatala qase e na lotu, e vakaukauwataki li me ciqoma na kosipeli oqo? Sega, e sega ni vaka kina. E vakaukauwataki beka o Hyrum Smith me ciqoma? Sega, e sega ni vakakina. E vakacava e dua beka vei ira na ivakadinadina e na iVola iMomani—o Whitmer kei na so tale? Sega. Ia ni rau sa yaco me rau lewenilotu oqo, erau vakasaurarataki beka me rau tiko ga kina? Sega. E vakacava o ira na lewe ni kuoramu ni le tinikarua, na le vitusagavulu, na bete levu, se o ira na lewe ni matabose e cake, se o ira na peresitedi ni le vitusagavulu, se dua ga na ilawalawa turaga e na lotu oqo, era vakasaurarataki beka me ra vakatawana na itutu era sa kacivi kina? Au sega mada ni kila e dua, vakacava o iko? Au kila ni a sega na veivakasaurarataki e vakayagataki vei au me sivia na vakaukauwataki ni dina ka tokoni koya vakaikoya e na noqu vakasama; e sega talega ni tiko vata kei iko, me sivia cake mai na kaukauwa ni dina ka cakacaka tiko e na nomu vakasama.⁸

Au sega ni gadreva me’u na lewa na vakasama ni tamata. Au na sega ni lewa na veika era na cakava na tamata. Na Kalou e sesga ni cakava vaka kina, e laivi ira tu ena nodra dui galala ni digidigi me ra valuta na veivakatovolei, voravora kei na veimataqali ivalavalaca ka ra tu e vuravura, ka vakatamatataki ira, se e rawa ni yaco. E biuta vakavoleka vei ira, ia, e so na mataqali ivakavuvuli ka gadreva me liutaki ira vua kevaka era gadreva me ra liutaki. Kevaka e sega, e na cakava vata kei ira na ka uasivi duadua e rawata.⁹

Na tamata e sa tu na nona galala ni digidigi me bula savasava, vakarorogo vua na Turaga, ia, e na qai yaco me tu e matana ka lewai e na nona ivalavala, me vaka nona galala ni digidigi ni bula savasava. Ia e na biuti koya taudua tu li ka sega ni vukea nona vakayacora na nona ituvatuva? Sega. Nona okata na tamata me luvena, e dau vakayacora nona veiqaravi kei na nona ivakaro e na veigauna, me vaka e dua na tama. E a solia na ivakatakila, ivakaro kei na ivakasala vei ira na nona tamata. E sa solia na nona yalayala vei ira na talaairawarawa, ka vakarerei ira na talaidredre. E a sa vakaroti ira na tui, veiliutaki, kei na parofita. E taqomaki ira talega na yalododonu, ka totogitaki, na caka cala, mai na veilewai. E a yalataka vei Eparama kei ira tale e so na vanua me ra taukena. E a solia na yalayala ni bula tawamudu vei ira na vakabauta; ia e sega vakadua ni vakasaurarataka se vakaukauwataka na vakasama vakatamata.¹⁰

Noda vakayagataka na noda galala ni digidigi eda na lewai kina e na mata ni Kalou ka na sauma lesu noda lewa.

E sega li ni da dauniveibuli e na noda ivakavakacegu? E sega li ni da daunilewa e na noda icavacava? … E sa noda dodonu me da lewa na noda dui bula vakalou se na kena vakalolovirataki; e sa noda dodonu me da lewa vakaikeda na noda dui marau se rarawa e na bula sa bera mai.¹¹

Mai na noda dikeva vakavinaka na iVolanikalou, eda na kunea ni tamata e sa sa soli oti vua e dua na kaukauwa, me taura tu ka me vakatau mai na lewa kei na veidusimaki ni Kalou; ia kevaka e vakayacora ka yali kina na ivakavasala, veidusimaki, se ivakaro ni Kalou, e sa na lakosivia na iyalayala ni nona ivakaro; se e dua na tamata e taukeni qele ni teitei, se loga ni vaini, se e dua na lisi, kevakla e sega ni vakamauria na ivakarau ni lisi o ya, ka vakarusa na qele ni teitei, se loga ni vaini; na vuravura e nona na Turaga, na Turaga e qai biuta kina na tamata. E sega ni taukena na tamata, kevaka walega e taura mai vua na Kalou…Kevaka e soli vua na tamata me itini e na vuku ni Turaga, kei koya talega, ka qai vakaweleweletaka na Turaga, e na lewai vakaidina mai vua na nona Dauniaveibuli.¹²

Me lesu tale mada na nomu vakanananu, e rawa ni o nanuma e dua na nomu caka vianaka, e rawa ni o nanuma e dua nomu caka cala; na itovo oqori e maroroi tu e na nomu vakanananu ka rawa ni o kauta tani mai tautuba ka wanonova tu e na gauna ga o vinakata kina. … Kevaka o a vuli vosa e rawa mo nanuma na vosa oqori e na marau, e rawa ni o vakaraitaka vakarawarawa na duidui e na keda maliwa na veimataqali vosa. Kevaka o a vulica na mekaniki na nomu vakanananu e na gole ki na vanua o a raica kina e dua na misini, o sa na qai lako mo la’i cakava e dua me rau tautauvata kaya. Kevaka o sa lakova oti e vuqa na veikoro lelevu e rawa mo tukuna na veimataqali vale, kei na gaunisala era semata vata tu na veikoro lelevu ka duidui o lako sivita, kei na nodra itovo na tamata o veimaliwai vata kaya; e rawa mo nanumi ira lesu tale, ka raitayaloyalotaki ira e na veisiga kei na veibogi e na veigauna o vakasamataka kina, nanuma na veika o a cakava ka raica. O wilika mai vei na veika kece oqo? Mai na no mu ivola ga, o sega ni lako ki na nona ivola e dua tani tale se vale ni wilivola, e volai tu e na nomu itukutuku vakataki iko, ka wilika kina. Erau sa katona na matamu kei na daligamu, ka sa tara na ligamu kei na nomu vakatulewa, me vaka na kena cavuti, e sa cakacaka kina—nomu kaukauwa ni raitayaloyalo.

Oqo, kevaka o taukena e dua na yalo se lomakasa vakaoqori, me rawa ni o wilika nomu itovo vakataki iko, o sega ni vakasamataka ni o koya e a vakatikora na yalo oqori kei na vuku ka tiko oqori vei iko e taura tu na idola ni vuku oqori, ka rawa ni wilika e na gauna ga e vinakata kina? E sega li ni yalomatua vakatamata, vakarauta ka vosanikalou? Au vakasamataka ni vaka kina. …

Na tamata e moce e na moce ni mate ia na yalo e bula e na volai e na ivola me vaka na nodra ivalavala—oqori e sega ni mate— na tamata e sega ni rawa me vakamatea, e sega na ka vuca me rau veitokani kaya, ka maroroi vinaka tu na kena bulabula vinaka taucoko, na ivakananumi ni veika e a yaco ni bera na veitawasei mai na mate, na yago kei na yalo bula tawamudu.¹³

Eda tamata ni Kalou, ka vauci e na veika taucoko ka a cakacakataki me vauca vata na tamata se Kalou. E sa vauci tu me qarauni ira na nona tamata, kevaka era qarauni ira vakataki ira, kevaka era doka na nodra ilesilesi kei na matabete; kevaka era vakalevutaka ka kauta na veidokai e na kaukauwa kei na lewa e vakatikori vei ira; kevaka era sega ni gole tani mai na ivakavuvuli dodonu, na Kalou e sa vauci tu me vakayacora na veika taucoko sara me vaka na icolacola ka tu e rukuna; e dua vei ira sa ikoya me vakacokotaki ira na nona Yalododonu … O cei mada e sa bau kila na Kalou me biuta tani na ivakavuvuli dodonu? … Au se sega ni kila vakadua, ka’u kila e vu-ni-yaloqu taucoko ni sega talega ni vaka kina o iko.¹⁴

Vakatutu ni Vuli kei na Veivosaki

Na cava na vuna e yaga kina na galala ni digidigi e na noda bula vakalou? Erau veiwekani vakacava na galala ni digidigi kei na Veisorovaki nei Jisu Karisito?
Na gaunisala cava e tomana tiko kina o Setani nona tovolea me veivakayarayarataki e na noda galala ni digidigi? E rawa vakacava ni da sabaya na veivakatovolei oqori?
Na ivakarau ni veidusimaki cava e solia vei keda na Turaga me vukea noda vakayagataka vakadodonu na noda galala ni digidigi? E na vakavinavinakataki keda vakacava o Koya noda vakayagataka vakadodonu na noda galala ni digidigi?
Na cava e rui bibi kina vua na tamata yadua na gauna donu me ra dui vakatulewa kina? E rawa vakacava noda doka na galala ni digidigi ni dua na lewe ni vuvale e na gauna vata talega oqori me ra uqeti me dodonu na vakatulewa? E rawa vakacava ni da vukei ira na lewe ni vuvale me ra kila na mawe ni nodra vakatulewa?
E dina ni da galala me da vakatulewa, na cava e vuna ni vakatulewa sega ni dodonu e na yalana na noda galala? O vakila vakacava na rabailevu ni nomu galala mai na vakatulewa dodonu?

iVolanikalou me Salavata:Josua 24:15; Kalatia 6:7; 2 Nifai 2:14–16, 26–27; Ilamani 14:30–31; V&V 58:26–28; 101:78; Mosese 4:1–4; 6:33