Vakaleleka ni iTukutuku Makawa

Na ivola oqo e sega ni itukutuku makawa ia era soqoni vata kina na ivakavuvuli ni kosipeli ka a vakavuvulitaka o Peresitedi John Taylor. Ia me rawa ni tuvani vakatabagauna na nona ivakavuvuli, sa mani vakarautaki kina na itukutuku ni veika a caka me vagauna. E sega ni okati e na ivakaleka ni itukutuku oqo na veika bibi e so ka yaco e na nona bula, me vaka na nona vakamau kei na nodra sucu kei na nodra mate na luvena dau lomani.

1808, Noveba 1	Sucu e Milnthorpe, Westmoreland, Igiladi, a ikarua vei iratou na lewe 10 na luvedrau o James kei Agnes Taylor.
1819	Toki vata kei iratou na nona matavuvale i Hale (voleka i Milnthorpe), na vanua e veivuke kina e na teitei ka a soli vei tamana e dua na tamanalevu (11; na naba e kovuti sa i koya na yabaki ni bula nei John Taylor).
1822	Vuli me dau ta saqa-ni-wai e Liverpool. E na loma ni dua na yabaki a kavoro kina na nona bisinisi nei nona liuliu ka lesu tale ki vale (14).
1824	Biuta na Lotu Jaji ka curu me Wesele. E vakayagataka na nona galala ena vulica na iVolatabu, wilika na ivola e so ni vakadidike vakalotu, ka dau masumasu (16).
1825	Yaco me ivakavuvuli ni lotu Wesele. E a basika vua na vakauqeti vakaukauwa sara ni na yaco me lako ki Amerika ka vunautaka na kosipeli (17).
1830	Eratou a biu vanua na matavuvale i Toronto, Canada ka a biuti koya tu yani mai e Igiladi me volitaka na bisinisi ni matavuvale (21 se 22).
1832	Biuti Igiladi me gole ki na korolevu o New York. Tekivu vunau e Canada (23 se 24).
1833–36	Veiqaravi vaka dauvunau e na Lotu Wesele e Toronto. Tomana tiko nona vuli kei na vakasaqaqara e na ivolanikalou. (24–27).
1836, vulaitubutubu	Yaco yani ki Toronto o Elder Parley P Pratt me vunautaka na kosipeli vakalesui mai (27). A kacivi ki na Kuoramu ni iApositolo Le Tinikarua o Parley P Pratt e na 1835.
1836, 9 ni Me	Papitaisotaki mai vei Parley P Pratt (27).
1836–37	Veiqaravi vakaliuliu ni Lotu e Canada (27–28).
1837, Maji	Lako i Kirtland me sota kei na Parofita o Josefa (28).
1838	Tabaki me iApositolo mai Far West, Missouri, e na ika 19 ni Tiseba, mai vei Brigham Young kei Heber C Kimball, mai na vakatulewa nei Josefa Simici ka a tiko e na Liberty Jail e na gauna koya (30).
1840	Tadu i Peritania vakadaukaulotu. iMatai ni daukalotu me vunautaka na kosipeli vakalesui mai e Ireland kei na Isle of Man. Liutaka na kena vakarautaki ka tabaki na imatai ni itabataba ni iVola i Momani me taba e na taudaku kei Amerika; veivuke talega e na vakarautaki ni ivolanisere ka tabaka talega e vica vata na ivolalalai ni daukaulotu (31).
1841	Lesu i Amerika kei iratou e vica na iApositolo (32).
1842	Lesi mai vei Josefa Simici me tuvana vakamatau na Times kei na Season e dua na niusipepe ka tabaka na Lotu. E a tuvana talega na Wasp (1842–43) oti qai vakakina na niusipepa ka a sosomitaka, na Nauvoo Neighbour (1843–45), e rau niusipepa ruarua ni Nauvoo.
1842	Digitaki me lewe ni matabose ni korolevu ko Nauvoo, lewe ni matabose liu ni University of Nauvoo, kei na turaganilewa vakaivalu e na mataialu ni Nauvoo (33).
1844, 27 ni June	Vakadinadinataka nodrau vakamatei o Joseph kei Hyrum e na valeniveivesu mai Carthage ka a vakamavoataki talega kina vakaca e na veitulevaki oqori (35).
1846	Veivuke e na tauyavutaki ni mataivalu ni Momani e Council Bluffs. Lako i Peritania e na ikarua ni nona kaulotu vata kei Parley P Pratt kei Orson Hyde (37).
1847	Lesu i Winter Quarters mai Igiladi. Liutaka e dua na ilawalawa Yalododonu levu ki Utah, era yaco yani e na Okotova (38).
1850–51	Veiqaravi vakadaukaulotu e Varanise. A cabora e dua na masu ni veivakatabuya voleka e Boulogne me baleta na matanitu kei na kena vunautaki na kosipeli. Tauyavutaka ka tabaka na imatai ni niusipepa ni Lotu e Varanise, na Etoile du Deseret (Star of Deseret). Veivuke e na vakadewataki ni iVola i Momani i na vosa vaka-Varanise. Tabaka na imatai ni niusipepa ni Lotu e na vosa vaka-Jamani, e dua na niusipepa dau taba vakavula ka yacana na Zion’s Panier (Zion’s Banner). E na ruku ni nona veiliutaki a taba kina e na imatai ni iVola i Momani e na vosa vaka- Jamani. Vola na Government of God (41–42). (Na Matanitu ni Kalou)
1854	Digitaki me dua na daunilawa ni Yasana o Utah (45).
1854–56	Kaulotu i New York, ka a liutaka kina na cakacaka ni Lotu e na yasayasa tokalau. Tabaka e dua na niusipepa ka yacana na Na Momani (46–48).
1857	Lesu i Utah. Digitaki me Sipika ni Boselawa ni Matabose ni Yasana o Utah, e dua na itavi ka qarava tu me vica na yabaki— me ikuri ni nona itavi e na Lotu (49).
1868–70	Veiqaravi me Turaganilewa ni mataveilewai ka qarava na veika e baleta na nodra iyaubula na sa mate e na yasana o Utah (59–61).
1877, 29 ni Okosita	Mate o Brigham Young. E na loma ni tolu na yabaki ka tarava a liutaka kina na Lotu o John Taylor e na nona itutu ni Peresitedi ni Kuoramu ni Apositolo Le Tinikarua.
1878	Tauyavutaki na isoqosoqo ni Lalai (69).
1880, Okotova	Tokoni me Peresitedi ni Lotu, ka rau nona daunivakasala o George Q Canon kei Joseph F Smith (71).
1882	Vakadonui e na boselawa kei Amerika me sa vakatabui ka cala bibi na tagane me sivia na dua na watina, ka ra vakatabui kina o ira e sivia na dua na watidra me ra veidigidigi, me ra vakaitutu lelevu e na matanitu, se me ra veiqaravi e na cakacaka ni veilewai (73).
1882	Tabaka na The Mediation and Atonement (Vosa e na Vukuda kei na Veisorovaki) (73).
1884, Me	Vakatabuya na Valetabu e Logan Utah (75).
1885	Rogoca e na dua na nona veisiko i California ni ra sa vakarota tiko na ovisa me vesu baleta ni se vakawati lalevu. Lesu i Salt Lake City e na ika 27 ni Janueri. E na imatai ni Feperueri, a vunautaka na nona iotioti ni ivunau ni se bera ni la’ki vuni e na nona nuitaka me vakalailaitaka na veivakacacani i na Lotu mai vei ira na vakaitutu ni matanitu (76).
1887, 25 ni Julai	Ni a yabaki 78, a mate e na vale nei Thomas Roueche e Kaysville, Utah. E na gauna ni nona veiliutaki, a yacova na 150,000 na iwiliwili ni lewenilotu na 150,000.