Haapotoraa aamu
Eere teie buka i te hoê buka aamu; e haaputuraa râ teie no te mau parau tumu o te evanelia tei haapiihia e te peresideni Wilford Woodruff. Na te ana‘iraa o te tau i muri nei e horo‘a mai i te hoê tuatapaparaa poto no te reira mau haapiiraa. Ua haapae–hia e rave rahi mau tupuraa ohipa faufaa no te oraraa pae tino nei. Ua haapae–atoa–hia e rave rahi mau mea faufaa o te oraraa o te peresideni Wilford Woodruff, mai te parau no to’na mau faaipoiporaa, e no te mau fanauraa e te mau poheraa o ta’na mau tamarii.
|
1807, 1 no mati |
Ua fanauhia o Wilford Woodruff i Farmington, te mataeinaa no Hartford, Connecticut, na Beulah Thompson Woodruff e o Aphek Woodruff. |
|
1808, 11 no tiunu |
Ua pohe to’na metua vahine i te 26 raa o te matahiti. |
|
1810, 9 no novema |
Ua faaipoipo to’na metua tane ia Azubah Hart. |
|
1821 |
Ua haamata oia i te rave i te ohipa hahu raau |
|
1832 |
Ua reva oia e to’na tuaana o Azmon e tae noa’tu i te vahine a Azmon, i Richland, te mataeinaa no Oswego, i New York, i reira to ratou hooraa i te hoê vahi faaapuraa. |
|
1833, 29 no ditema |
Ua faaroo oia i te evanelia tei faaho‘ihia mai no te taime matamua, i roto i te hoê putuputuraa faaterehia e na misionare e piti no te Feia Mo‘a i te mau Mahana Hopea nei, o Elder Zera Pulsipher raua o Elijah Cheney. |
|
1833, 31 no ditema |
Ua bapetizohia oia e ua haamauhia e Zera Pulsipher. |
|
1834, 2 no tenuare |
Ua faatoro‘ahia oia e Zera Pulsipher ei haapii. |
|
1834, eperera |
Ua haere oia i Kirtland, Ohio, i reira to’na farereiraa i te peropheta Iosepha Semita. |
|
1834, me e tae atu tiunu |
Ua ratere oia na muri iho i te Pufara no Ziona, no te haere i te tuhaa fenua no Missouri. Ua faaea oia i te mataeinaa no Clay, i Missouri, no te tauturu i te Feia Mo‘a i reira. |
|
1834, 5 no novema |
Ua faatoro‘ahia oia ei tahu‘a na Simeon Carter i te mataeinaa no Clay, Missouri. |
|
1835, 13 no tenuare |
Ua faaru‘e oia i Missouri no te haere i ta’na tau misioni rave tamau, e ua poro i te evanelia i Arkansas e i Tennessee. |
|
1835, 28 noTiunu |
Ua faatoro‘ahia oia ei peresibutero na Warren Parrish i pihai iho noa ia Memphis, Tennessee. |
|
1836, 19 no eperera |
Ua piihia oia i roto i te pŭpŭ piti no te Hitu Ahuru. |
|
1836, 31 no me |
Ua faatoro‘ahia oia ei Hitu Ahuru na David Patten. |
|
1837, 3 no tenuare |
Ua piihia oia i roto i te pŭpŭ matamua no te Hitu Ahuru. |
|
1837, 31 no me |
Ua faaru‘e oia i Kirtland, Ohio, no te haere e rave i te hoê tau misioni i te mau Motu no Fox Islands, i te pae miti o te tuhaa fenua no Maine. |
|
1838, 8 no tiurai |
Ua piihia oia i roto i te Pŭpŭ no te Tino Ahuru Ma Piti Aposetolo na roto i te hoê heheuraa i te peropheta Iosepha Semita (a hi‘o PH&PF118). |
|
1839, 26 no eperera |
Ua faatoro‘ahia oia ei Aposetolo na Brigham Young i te vahi paturaa i to hiero i Far West, Missouri. |
|
1839, 8 no atete |
Ua reva’tu oia no te rave i te hoê tau misioni i Peretane. |
|
1840 tae atu 1841 |
Ua tavini oia ei misionare i Peretane. Ua tauturu i te arata‘iraa fatata e 2, 000 taata i te bapetizoraa e te haamauraa. Ua tauturu i te haapapûraa i te faturaa paruruhia o te Buka a Moromona i Lonedona. |
|
1841, 6 no atopa |
Ua ho‘i oia i roto i to’na utuafare e i te tahi atu Feia mo‘a i Navu. |
|
1841, 21 no novema |
Ua ite oia i te mau bapetizoraa matamua no te feia tei pohe tei ravehia i roto i te au‘a bapetizoraa no te hiero no Navu. |
|
1843, tiurai tae atu novema |
Ua rave oia i te hoê misioni i te pae hitia o te râ no te fenua Marite, ma te imi i te faufaa no te tauturu i te faaotiraa i te paturaa o te hiero no Navu. |
|
1844, me e tae atu atete |
Ua rave faahou oia i te hoê misioni i te pae hitia o te râ no Marite. |
|
1844, 9 no tiurai |
Ua faaroo oia i te parau no te maratiri o Iosepha e o Hairamu Semita, tei tupu i te 27 no tiunu. |
|
1844, 6 no atete |
Ua ho‘i oia i Navu e te tahi atu mau melo o te Pŭpŭ no te Tino Ahuru Ma Piti Aposetolo. |
|
1844, 8 no atete |
Ua haere oia i roto i te hoê amuiraa i reira to te Feia Mo‘a i te mau Mahana Hopea nei patururaa i te peresideni Brigham Young e te Pŭpŭ no te Tino Ahuru Ma Piti Aposetolo, ei feia faatere no te Ekalesia. |
|
1844, 12 no atete |
Ua farii oia i te piiraa no te faatere i te Misioni no Europa. |
|
1846, eperera tae atu me |
Ua ho‘i atu oia i Navu, e i muri a‘e ra, ua amui atu i te Feia Mo‘a i roto i to ratou tere i te pae tooa o te râ. |
|
1847, 7 no eperera |
Ua faaru‘e oia ia Winter Quarters na muri iho i te pŭpŭ matamua no te mau pionie e tere ra i te Faa no Salt Lake. |
|
1847, 24 no tiurai |
Ua tae oia i te Faa Rahi no Salt Lake. |
|
1847 tae atu i te 1850 |
Ua rave oia e rave rahi mau ohipa no te tauturu i te Feia Mo‘a ia tere i Salt Lake City na Winter Quarters mai e na te pae hitia o te râ mai no te Fenua Marite. |
|
1856 tae atu i te 1883 |
Ua tavini oia ei taata Papa‘i Aamu Tauturu no te Ekalesia. |
|
1877, 1 no tenuare e tae atu |
Ua tavini oia ei peresideni matamua no te hiero no St–George i Utaha. |
|
1884, 26 no tiunu 1877, 29 no atete |
Ua faaroo oia i te parau no te poheraa o te peresideni Brigham Young e ua faaru‘e ia St. George no te haere i Salt Lake City. |
|
1880, 10 no atopa |
Ua paturuhia oia ei peresideni no te Pŭpŭ no te Tino Ahuru Ma Piti Aposetolo i roto i te amuiraa rahi i reira atoa o John Taylor i paturuhia ai ei peresideni no te Ekalesia. |
|
1882 |
Ua haamana te Apooraa rahi no te Hau Marite i te Ture Edmunds, tei faariro i te faaipoiporaa vahine rau ei hara, e tei opani i te feia vahine rau ia ma‘iti, ia ti‘a i roto i te ti‘araa tivira, e aore ra, ia riro ei auaha ture. |
|
1883 tae atu 1889 |
Ua riro oia ei taata papa‘i aamu no te Ekalesia |
|
1887, 19 no febuare |
Ua haamana te Apooraa rahi o te Hau Marite i te ture Edmunds–Tucker, te tahi atu â ture o te pato‘i ra i te vahine rau, tei faati‘a i te faatereraa hau ia haru e rave rahi mau fenua o te Ekalesia. Ua mana taua ture ra i te 3 no mati 1887. |
|
1887, 25 no tiurai |
Ua riro oia ei Aposetolo paari roa a‘e, e ei ti‘a faatere i te Ekalesia i te poheraa te peresideni John Taylor. |
|
1888, 17 no me |
Ua haamo‘a oia i te hiero no Manti i Utaha. |
|
1889, 17 no eperera |
Ua paturuhia oia ei peresideni no te Ekalesia a Iesu Mesia i te Feia Mo‘a i te mau Mahana Hopea nei |
|
1890, 24 no setepa |
Ua farii oia i te hoê heheuraa no ô mai i te Fatu ra, hamani ihora oia i te parau faaara tei faaite e, e faaea te Feia Mo‘a i te mau Mahana Hopea nei i te rave i te faaipoiporaa vahine rau |
|
1890, 6 no atopa |
Ua paturu te taatoaraa o te mau melo o te Ekalesia tei tae mai i te amuiraa rahi i taua mahana ra, i te heheuraa tei fariihia e te peresideni Woodruff no ni‘a i te faaipoiporaa vahine rau. |
|
1893, 6 no eperera |
Ua haamo‘a oia i te hiero no Roto Miti. |
|
1894, 13 no novema |
Ua faatere oia i te haamauraa o te Sotaiete Tuatapaparaa Tupuna no Utaha. |
|
1897, 1 no mati |
Ua tae atu oia i te faahanahanaraa o te 90raa o to’na oro‘a fanauraa. |
|
1898, 2 no setepa |
Ua pohe oia i San Francisco, Californie, i muri a‘e i te hoê ma‘i poto roa. |