1. Naya Nefejja janiw nayan lakʼa achilanacajjan sutinacap kellkcti aca kellkatajjanjja. Janiraquiw cunapachas aca nayan kellkat tʼalpha lekʼetanacjjaru uca sutinacap kellkcaraquïti, cunalaycutejj awquejjan kellkatäquis uca kellkäwinjj ucanacajj kellkatawa. Uca laycu aca kellkatjjaru janiw ucjj kellkcäti.

2. Aqhaquiw nayan sañajjajja: Nanacajj Josean jathapäpjjtwa.

3. Janiraquiw take awquejjan sarnakäwinacapjjat phokhatpach kellkañajj nayatac waquisquiti. Ucanacajj janiw aca tʼalpha lekʼetanacjjaru kellkañjamäquiti; tʼalpha lekʼetanac puchtʼayañ munatajj laycu, nayan Diosan cunanacap kellkañajjataqui.

4. Cunalaycutejja nayajj jakenacaru chekpachan amuyayañ munta, Abrahanan Diosaparu, Isaacan Diosaparu, Jacobon Diosapar jutañanacapataqui, khespiyatäñanacapataqui.

5. Ucatwa, cunanacatejj orakenquirinacaru cusisiyqui ucanacjja janiw nayajj kellkcäti. Ucatsipana cunanacatejj Diosaru cusisiyqui jan aca orakenquirinacaru cusisiycaraqui ucanacjj kellkäwa.

6. Ucatwa, mä camachita jathajjaru churäjja, jaken wawanacapataqui jan waquisquejja ucanacjja jupanacan aca tʼalpha lekʼetanacjjaru jan uscuñapataqui.