፱ ነገር ግን እኔን በሰው ፊት የሚክደኝ፣ በእግዚአብሔር መላእክቶች ፊት ይካዳል።

፲ አሁን ደቀ መዛሙርቱ ይህን ያለው ስለእርሱ በሰዎች ፊት ክፉን ተናግረው ስለነበር እንደሆነ አወቁ፤ በሰዎች በፊት ስለእርሱ ለመመስከር ፈርተው ነበርና።

፲፩ እና እንዲህ በማለትም እርስ በራሳቸው እየተወያዩ አሉ፣ ልባችንን ያውቃል፣ እና ለኩነኔአችን ይናገራል፣ እና አይሰረይልንም። ነገር ግን እርሱ መለሳቸው፣ እና እንዲህም አላቸው፣

፲፪ በሰው ልጅም ላይ ቃል የሚናገር፣ እና ንስሀ የሚገባ፣ ሁሉ ይሰረይለታል፤ መንፈስ ቅዱስን የሚሰድብ ግን አይሰረይለትም።

፵፩ እነሆ በለሊቱ በመጀመሪያ ክፍል ይመጣልና፣ እና በሁተኛው ክፍልም ደግሞ ይመጣል፣ እና እንደገናም በሶስተኛው ክፍልም ይመጣል።

፵፪ እና እውነት እላችኋለሁ፣ ስለእርሱ እንደተጻፈውም አስቀድሞም መጥቷል፤ እንደገናም ከሌሊቱም በሁለተኛው ወይም በሦስተኛው ክፍል መጥቶ እንዲሁ ቢያገኛቸው፣ እነዚያ ባሪያዎች ብፁዓን ናቸው፤

፵፫ የእነዚያ አገልጋዮች ጌታ ይታጠቃል፣ እና ምግብ ለመመገብም ይቀመጣሉ፣ እና መጥቶም ያገለግላቸዋል።

፵፬ አሁንም፣ የጌታ መምጣት እንደሌባ በማታ እንደሚመጣ እነዚህን ነገሮች እንድታውቁ ዘንድ፣ እውነት እላችኋለሁ።

፵፭ እና ይህም እቃዎቹን ካልጠበቀ በማያውቅበት ሰአት ሌባ እንደመጣበት እና እቃዎቹን እንደወሰደበት እና ከጓደኞቹ ጋር እንደተከፋፈለበት ባለቤት ሰው አይነት ነው።

፵፮ እና እርስ በራሳቸውም ተባባሉ፣ ጥሩው ባለቤት በምን ሰዓት ሌባ እንዲመጣ ቢያውቅ ኖሮ፣ በነቃ፣ ቤቱም እንዲቆፈር ባልፈቀደም፣ እና እቃዎቹን ባላጣ ነበር።

፵፯ እና እንዲህ አላቸው፣ እውነት እላችኋለሁ፣ እናንተ ደግሞ ተዘጋጅታችሁ ኑሩ፤ የሰው ልጅ በማታስቡበት ሰዓት ይመጣልና።

፵፰ ጴጥሮስም ጌታ ሆይ፣ ይህን ምሳሌ ለእኛ ወይስ ደግሞ ለሁሉ ትናገራለህን? አለው።

፵፱ ጌታም አለ፣ የተናገርኩት እንኪያስ ምግባቸውን በጊዜው ለልጆቹ ለሚሰጧቸው ጌታ በቤተ ሰዎቹ ላይ ለሚሾሙት ነው።

፶ እነርሱም ታማኝና መጋቢ አገልጋይ ማን ነው? አሉ።

፶፩ ጌታም አላቸው፣ ይህም የምግቡን ክፍል በጊዜው ለመስጠት የሚጠብቀው አገልጋይ ነው።

፶፪ ጌታው መጥቶ እንዲህ ሲያደርግ የሚያገኘው ያ ባሪያ ብፁዕ ነው።

፶፫ እውነት እላችኋለሁ፣ ባለው ሁሉ ላይ መሪ ያደርገዋል።

፶፬ ያ ክፉ ባሪያ ግን ሲጠብቅ የማይገኘው ነው። እና ያ ባሪያ ሳይጠብቅ ከተገኘ፣ በልቡም ጌታዬ እስኪመጣ ይዘገያል ብሎ ያስባል፤ እና ሎሌዎችን ባሪያዎችና ገረዶችንም መምታት፣ መብበምላትም፣ መጠጣትም፣ መስከርም ይጀምራል።

፶፭ የዚያ ባሪያ ጌታ ባልጠበቃት ቀን ባላወቃትም ሰዓት ይመጣል፣ ከሁለትም ይሰነጥቀዋል እድሉንም ከማይታመኑ ጋር ያደርጋል።

፶፮ የጌታውንም ፈቃድ አውቆ፣ ለጌታው መምጣት ያልተዘጋጀ እንደ ፈቃዱም ያላደረገ ያ ባሪያ እጅግ ይገረፋል።

፶፯ የጌታውን ፈቃድ ያላወቀ፣ መገረፍ የሚገባውንም ያደረገ ግን ጥቂት ይገረፋል። ብዙም ከተሰጠው ሰው ሁሉ ከእርሱ ብዙ ይፈለግበታል፤ ጌታ ብዙ አደራም ከተሰጠው ከእርሱ ሰዎች አብዝተው ይሹበታል።