Salamu kutoka Cape Verde!

Jifunze kuhusu watoto wa Baba wa Mbinguni ulimwenguni kote.

Vielelezo na Carolina Farías

Cape Verde ni nchi ya kisiwa iliyo karibu na pwani ya Afrika Magharibi. Takribani watu 480 elfu wanaishi huko.

Lugha

Kireno ni lugha rasmi. Watu pia wanazungumza Krioli ya Cape Verde, au Kikriolu, ambacho kinatokana na Kireno.

Volkano

Cape Verde ina visiwa 10, ambavyo vilitengenezwa kutokana na volkano. Volkano kubwa ambayo iko hai inaitwa Pico do Fogo. Ina urefu upatao futi 9,281 (mita 2,829)

Dini

Takribani asilimia 80 ya watu ni Wakatoliki. Pia kuna takribani waumini elfu 16 wa Kanisa letu.

Muziki

Watu wa Cape Verde wanapenda muziki! Kwa kawaida wanaimba kwa Kikrioli, na muziki wao unachanganya staili kutoka Ureno, Brazil na Afrika Magharibi

Hekalu la Praia

Hekalu la kwanza la Cape Verde liliwekwa wakfu mwaka uliopita!

Shughuli

Mchezo wa Hadithi

Huu ni mchezo unaoweza kuucheza! Mtu mmoja anatoka kwenye chumba. Wengine wanasimulia hadithi kuhusu mtu anayekwenda kuvua samaki baharini. Wakati wanapozungumza, wanapitisha kitu kwa kila mmoja wao katika mzunguko. Hadithi siku zote inahitimishwa kwa maneno, “na samaki mdogo alikufa.” Yeyote anayekishikilia kile kitu wakati hadithi inapohitimishwa anakificha nyuma ya migongo yao. Mtu aliyetoka anarudi ndani na anakisia nani ana kile kitu. Kama makisio ni sahihi, mtu aliyekuwa nacho anatoka chumbani. Kama makisio siyo sahihi, mtu huyo anatoka chumbani tena na hadithi inaanza upya.

Maelezo ya upishi

Cachupa (supu ya Cape Verde)

1. Kata kitunguu 1 na vipande 6 vya kitunguu saumu. Kisha vipike katika sufuria kwa mafuta kidogo.

2. Hamishia kitunguu na kitungu saumu kwenye chungu kikubwa. Ongeza kopo 1 la nyanya, kopo 1 la mahindi, na makopo 2 ya maharagwe mekundu.

3. Ongeza paundi 2 (1kg) ya nyama, kama nyama ya nguruwe, soseji, nyama ya ngombe au samaki.

4. Miminia maji ya kutosha kufunika kila kitu ndani ya chungu. Pika kwenye moto mdogo angalau kwa masaa mawili.

Kumbuka: kuna njia nyingi za kutengeneza cachupa. Unaweza kuongeza aina tofauti za nyama, maharagwe na mboga mboga kama unataka!

Dokezo la Afya

Lishe nzuri

Maharagwe yana viini lishe vingi, ambavyo vinaondoa bakteria ndani yako na kusaidia chakula kisafiri kwa urahisi zaidi mwilini mwako. Unaweza pia kupata lishe kutokana na nafaka zisizokobolewa, matunda mekundu na karanga.