Kapacida Espiritual
Jesucristo discípulo fiel ramo, ikatu pe’rrecibi inspiración personal ha revelación, Hembiapoukapýpe he’iháicha, ha’éva peẽme g̃uarãite.
Asẽvo Mujeres Jóvenes kampamentogui ko verano, peteĩ mujer jóven horýva ome’ẽ chéve peteĩ nota. Upévo ha’e oporandu, “mba’éicha ikatu aikuaa Tupã oñe’ẽse jave chendive“? Che ahayhu porandu ha’e ojapóva. Ñane ánga oñekonectase ñande róga celestial ndive. Ñañeñanduse necesario ha útil. Ha katu sapy’ante jalucha ñadistingui hag̃ua pe ñande ñapensáva ha pe Espiritu impresiõ vevuimi. Profeta-kuéra, ymaguare ha ko aragua ombo’eakue oĩramo mba’e “opo’invita ha omokyre’ỹva ojejapo hag̃ua iporãva, péva ou Cristo-gui“.1
Presidente Russell M. Nelson ome’ẽ isimple ha ipoderósova invitasiõ: “Che hermano ha hermana-kuéra ahyhuetéva, ajerure penendive pembotuichave hag̃ua pende kapacida espiritual perrecibi hag̃ua rrevelasiõ. … Peiporavo pejapo pe tembiapo espiritual tekotevẽva pe’disfruta hag̃ua pe don del Espiritu Santo, pehendu py’ỹive ha porãve hag̃ua pe Espiritu ñe’ẽ”2.
Ko pyhare añe’ẽse peẽme che korasõite guive cuatro manera ikatuha pembotuichave pende kapacida espiritual perrecibi hag̃ua rrevelasiõ.
1. Intencionalmente peheka ára ha tenda pehendu hag̃ua Tupã ñe’ẽ.
Peiporúvo sãso perekóva pejuhu hag̃ua tiempo ára ha ára peñemo’ãgui hag̃uaTupã ñe’ẽre, especialmente Mormón Kuatiañe’ẽme, ára ohasávo, pe Iñe’ẽ hesakã ha ifamiliarvéta peẽme g̃uarã.
Peicha’ỹramo, umi distracción ha tyapu omyenyhẽva ko mundo ha pende róga ha pende rekove ombohasyvéta pehendu hag̃ua Iñe’ẽ. Ha péicha ko distracción oikégui ñane apytyũ ha ñane korasõme ndajahejái tenda pe Espiritu Santo impresiõ mbeguemime g̃uarã.
Profeta José Smith ohekombo’eakue hetave ára Tupã ojerrevela Ijupe “yvypórape ha’eñoháme, ikotýpe, tave’ỹme térã kokuépe, ha akóinte oyvu’ỹ ha guyryry’ỹme”3.
Satanás ñanemomombyryse Tupã ñe’ẽgui, ñandepe’ávo umi tenda oĩhágui kirĩri. Tupã oñe’ẽramo ñe’ẽ membeguekatumi, che ha peẽ ñañemo’ãguiva’erã ñahendu hag̃ua Chupe. Peimo’ãmi mba’épa oikóne ñañekonectaséramo yvága ndive ñañekonectaseháicha Wi-fi-pe! Pejuhu peteĩ ára ha tenda, ha pehendu Tupã ñe’ẽ ára ha ára. Ha pekumpli ko cita sagráda hekopete, odependepaitégui upévare!
2. Jajapo ñeha’arõ’ỹme
Pe’rrecibíramo impresiõ ha upéi pe’actua con intensiõ, Ñandejára ikatu ojevale penderehe. Pejapo japovéramo, peikuaa porãvéta pe Espiritu ñe’ẽ. Pehecha porãvéta pe Tupã guia ha Ha’e “ohechaukaseha… Iñapytu’ũ ha hembipota”4. Pemoha’ãrõramo, ikatu penderesarái pe impresiõ térã pejavy oportunida peipytyvõ hag̃ua tapicha Tupãme g̃uarã.
3. Pejagarra pene asignasiõ Ñandejáragui
Ñembo’e Túva Yvagagua ombohovaiséva ha’e jajerure chupe ñande guia jajuhu hag̃ua tapicha oikotevẽva pytyvõ. Presidente Henry B. Eyring ñanembo’ékuri jaheka hag̃ua rrevelasiõ ñaporandúvo Tupãme mávapa ikatu ñaipytyvõ Hérape. “Péichagua porandu pejapóramo, pe Espiritu Santo oúta ha peñandúta kyre’ỹ umi mba’e ikatúva pejapo ambue tapicha rehe. Peho ha pejapóramo ko’ã mba’e, peime hina Ñandejára rembiaporãme, ha peiméramo Ñandejára rembiaporãme, pekalifika pe don del Espiritu Santo g̃uarã”5.
Ikatu peñembo’e ha peporandu Ñandejára rembiaporãre. Pejapo vove, Ha’e ikatu oiporu katupypy perekóva okumpli Hembiapo hechapyrãva.
Che abuelo, Fritz Hjalmar Lundgren, ouakue Suecia-gui 19 ary orekóramo guare. Ha’e og̃uahẽ America-pe ha’eño, peteĩ maleta ha séi ary de escolaridad formal reheve. Ndaikatúi oñe’ẽ Inglés, oho Oregon-pe ha omba’apo jepe’a apoha ramo ha upéi che sy ha che abuela ndive ojoaju Tupaópe. Araka’eve ndopresidíriva peteĩ barrio, ha katu maestro orientador fiel ramo, ogueru más de 50 diferente familia Tupao actividad-pe. Mba’éicha ojapo péva?
Che abuelo omano rire, amañávo heta kuatia káhape oĩva, ojuhu peteĩ karta ohaiakue peteĩ kuimba’e ou jevyakue tupaópe che abuelo mborayhu rupi. Pe karta he’i, “Hermano Fritz secreto, chéve g̃uarã ha’e pe akóinte oikoha Túva Yvagagua rembiaporãme”.
Pe karta ohaíkuri Hermano Wayne Simonis Che abuelo ohoakue hendápe ha oikuaa mayma hogayguakuéra. Ara ohasávo, che abuelo he’i chupekuéra oikotevẽha hesekuéra ha oinvita chupekuéra oasisti hag̃ua tupaópe. Ha katu upe Domingo, Hermano Simonis opáy peteĩ jepy’apy reheve—nomyatyrõmbáikuri hóga ha oñeha’arõkuri amá upe semana. He’i ohotaha tupaópe, ombohasataha ipo abuelo-pe, ha upéi oho jevytaha hógape ojapopa hag̃ua itécho. Ifamiliakuéra ikatuha oho reunión sacramental-pe hese’ỹ.
Oho porãitékuri pe iplan ohendu peve itécho ári ohupíva hina escalera. Iñe’ẽme he’i: “Ajesarupívo, …pe escalera ru’ãme oĩ hina hermano Fritz. Ha’e ome’ẽ chéve upe tuicha pukavy. Iñepyrũme, atĩeterei ku mitã ijepillavaicha escuela-pe ndohóiramo. Ha upéi…chepochy. [Ha katu Hermano Fritz] oipe’a isáko ha omosãingo escalérare. Orremangávo ikamisa morotĩ, ojere che láo ha he’i, ’Hermano Simonis, erekóiko ambue martillo? Oiméne imba’eguasuete ko tembiapo, térã nderehejaiva’erãmo’ã ne familia, ha imba’egusetéramo, che roipytyvõse’. Amañávo pe hesáre, py’aporã ha mborayhu cristiano añónte ahecha. Osẽ pe pochy arekoakue … Aheja che herramienta upe Domingo ha asegui che anguirũ porãite pe eskalérare ha aha jevy capilla-pe”
Pe abuelo orrecibíkuri hembiaporã Ñandejáragui, ha oikuaa ohekava’erãha ovecha kañymbyre. Umi irundy kuimba’e ogueraha haguiécha hapicha ikãnguypáva téchope ha oheja upépe Jesucristo omonguera hag̃ua chupe,6 péicha avei pe abuelo rembiaporã ogueraha chupe técho ári. Ñandejára ombou rrevelasiõ umi ohekávape oipytyvõ ambue tapicha.
4. Jaguerovia ha Ñakonfia
Nda’aréi, amoñe’ẽ hague escritura-pe ambue misionero orrecibiakue hembiaporã Ñandejáragui. Aaron ombo’ékuri Lamanita-kuéra rréi, oñeporandúva mba’érepa Aaron hermano, Ammon, ndoúi avei ohekombo’e chupe. “Ha Aarón heʼi pe rréipe: Péina ápe, Ñandejára Espíritu ohenói chupe ambue hendápe”7.
Pe Espiritu oñe’ẽkuri che korasõme: enterove jaguerekoha diferente misiõ ñakumpliva’erã, ha oĩ ára pe Espiritu ikatuha ñanerenói “ambue hendápe” Oĩ hetaiterei henda ñamopu’ãkuaaha Tupã rréino konvénio-apohára ramo, Jesucristo discipulo konvéniore-iñe’ẽrendúva ramo. Idiscípulo fiel ramo, ikatu pe’rrecibi inspiración personal ha revelación, Hembiapoukapýpe he’iháicha, ha’éva peẽme g̃uarãite. Peguereko misiõ peteĩete ha tembiaporã peteĩete pejapo hag̃ua ko vida aja ha oñeme’ẽta peẽme guia peteĩete pekumpli hag̃ua.
Nefi, Jared joykey, ha Moisé jepe, maymáva ohasava’erãkuri yguasu puku—ha enterove ojapókuri de manera diferente. Nefi omomba’apoakue “yvyra iporãitereiva”8. Jared joyke’y ojapoakue ygakuéra “oñembotýva peteĩ vásoicha”9. Ha Moisé “oguatava’ekue yvy ikãva ári yguasu mbytépe10
Maymávape oñeme’ẽkuri dirección personalizada, chupekuéra g̃uarãitéva, ha maymáva okonfia ha ojapókuri. Ñandejára oikuaa umi ñe’ẽrendúva, ha Nefi ñe’ẽme, ha’e “ombosako’ita peteĩ tape ikatu hag̃uáicha jajapo umi mba’e ha’e he’iva’ekue”11. Pehechamíke Nefi he’ihague, “peteĩ tape”—ha nde’íri “pe tape”.
Ñahechaga’úpa térã ndajaipotái umi tembiaporã ñandéve g̃uarãite Ñandejáraguigua, Ha’e ombosako’i rupi peteĩ tape ndaha’éiva pe ñande ñaha’arõva?
Che abuelo ojerahákuri tenda oha’arõ’ỹvape—tráhe reheve, téchope ha peteĩ Domingo. Pejerovia Tupãre pende guia hag̃ua, upe tape ha’etéramo jepe diferente peẽ peha’arõvagui térã idiferente ambuévagui.
Santo-kuéra Arapahagua ou heta forma ha tamaño, ha katu “opavave ñande peteĩcha Tupãme”—“morotĩ ha hũva, oñeñapytĩ ha isãsova, kuimba’e ha kuña”, omenda ha omenda’ỹva, ipirapire heta ha imboriahúva, imitã ha itujáva, oréma miembrova ha oñekonverti ramóva12. Taha’e ha’e mávapa peẽ térã mba’épa pehasa hina, peñe’invita Ñandejára mesápe13.
Peheka ha pejapóramo pe Túva rembipota, pévagui oiko pende rekove jepokuaaha ára ha áragua, ha péicharõ ningo, pekambia ha peñe’arrepentíta.
Tupao programa pyahu mitã ha huventúpe g̃uarã ojejapo jaikuaa hag̃ua mba’éicha jaheka rrevelasiõ, jajuhu mba’épa oipota Ñandejára jajapo ha upéi ja’actua upéva upe dirección gotyo. Opavave ñandekuéra, taha’e ha’e ñande edá térã jahasáva hina, ikatu ñañeha’ã jaheka, jarrecibi ha ja’actua. Peseguíramo ko modelo eterno oñe’ordenáva ñande árape g̃uarã, peñemo’ãguivéta Jesucristo-re—Imborayhu, Hesape, Isambyhy, Ipy’aguapy ha Ipu’aka sanador ha habilitador-re. Ha pembotuicháta pende kapacida espiritual oiko hag̃ua pendehegui ára ha áragua tembiporu ipópe, pejapo hag̃ua Hembiapo guasu. Jesucristo rérape, Amén.