Santokuéra vy’apavẽ
Vy’apavẽ ou ñañongatúvo Cristo mandamientokuéra, jasuperávo ñembyasy ha kangy Hése rupive ha jaservívo Ha’e oservihaguéicha
Enos, proféta Mormón Kuatiañe’ẽ pegua, Lehi nieto, ohai peteĩ experiencia singular oguerekova’ekue imitãkaria’yrõ guare. Omariska aja ha’eño ka’aguýpe, Enos oñepyrũ opensa itúva, Jacob rekombo’ekuérare. Ha’e omobe’u: “ha umi ñeʼẽ ahendúmiva che ru oñeʼẽ pe tekove opaveʼỹva ha umi imarangatuvakuéra vyʼa rehe, oike pypuku che korasõme“1 Hi’ánga Iñembyahýivo espiritualmente , Enós oñesũ ñembo’épe, peteĩ ñembo’e hechapyrãva odurava’ekue opa pe ára ha pyhare jepe, peteĩ ñembo’e ogueruva’ekue chupe revelaciones, certezas ha promesas.
Oĩ heta ña’aprende haĝua Enós experiencia-gui, ha katu estedia oúva che akãme ha’e pe mandu’a Enós orekóva itúva oñe’ẽvo py’ỹi imarangatuvakuéra vyʼa rehe”
Conferencia-pe ojapo 3 año , presidente Russell M. Nelson oñe’ẽ vy’apavẽ rehe.2 Ambue mba’e apytépe, ha’e he’i:
“Che hermano ha hermanakuéra, pe goso ñañandúva ndoguerekói hetaiterei relación umi mba´e ojehúvape ñande rekovépe, ha katu oguereko heta relación pe enfoque ñame´êva ñanderekovépe.
“Ñacentra ramo ñande rekove Tupa plan de salvacion...ha Jesucrísto ha iñevangélio-pe, ikatu ñañandu goso, opa mba’e oikórô térâ ndoikóirô ñande rekovépe. Vy’apavẽ ou Chugui, ha Hese rupive… Santos de los Últimos Días-pe ĝuarã, ¡Jesucristo ha’e vy’apavẽ!”3.
Santokuéra ha’e umi oikeva’ekue Evangelio konvénio-pe bautismo rupive ha oñeha’ã hína osegui haĝua Cristo-pe Idiscípuloicha4. Upévare, “santokuéra vy’apavẽ” he’ise pe vy’apavẽ oúva jajoguaverõ Cristo-pe.
Añe’ẽse pe vy’apavẽ oúva ñañongatúvo Imandamientokuéra rehe, pe vy’apavẽ oúva jasuperávo ñembyasy ha kangy Hése rupive ha pe vy’apavẽ oúva jaservívo Ha’e oservihaguéicha.
Vy’apavẽ oúva ñañongatúvo Cristo mandamientokuéra.
Jaiko peteĩ époka hedonista-pe heta okuestionahápe Ñandejára mandamiento-kuéra importancia térã simplemente ombohasareiva mandamiento-kuéra. Py’ỹi, umi nokumplíriva directiva divina ley de castidad, principio de honradez ha dia de reposo santidad, oprosperavévaicha ha odisfruta umi mba’e porã ko tekove rehegua, sapy’ánte mas que umi oñeha’ãvagui iñe’ẽrendu haĝua. Oĩ oñepyrũva oñeporandu ovalepa la pena umi esfuerzo ha sacrificio ojapóva. Israel tavayguakuéra ymaguare ojekehava’ekue peteĩ jave:
“Ñambaʼaporei Tupãmeg̃uarã: ha ¿mbaʼerã ñañongatúraʼe iñordenansakuéra ha jaikókuri jejopýpe pe Señor de los Ejércitos renondépe?
“Ha koʼág̃a ñambohéra ovyʼáva oñembotuichávape; heẽ, umi hembiapoñañáva oñemomorã; heẽ, jepe umi Tupãme oipyʼaraʼãva oñemosãso”5.
Peha’arõnte, he’i Ñandejára, “ára che ambyaty peve che joya-kuéra. ... Ha upéramo peẽ... pejujeýta ha pehechakuaáta imarangatúva iñañávagui, pe ombaʼapóva Tupãme g̃uarã nombaʼapóivagui”6. Umi iñañáva ikatu “ovy’a hembiapóre peteĩ tiempo aja”, ha katu upéva ha’e akointe sapy’arã7. Santokuéra vy’apavẽ odura.
Tupã ohecha umi mba’e iperspectiva añetépe ha okomparti ñanendive upe perspectiva Imandamientokuéra rupive, ñandeguia porãvo jajehekýi haĝua umi vida terrenal trampa ha bache-kuéragui ñandeguerahávo vy’apavẽ eterno gotyo. Profeta José Smith o’explika: “ Imandamientokuéra ñanembo’érõ, ha’e omañávo eternida gotyo; Tupã ñanekonsiderágui ñaimerõguáicha eternidad-pe; Tupã oiko eternidad-pe, ha ndohechái umi mba’e ñandéicha”8.
Ndaikuaái avavépe ojuhuva’ekue pe Evangelio tardeve hekovépe ndoipotáiva oikoraka’e upéva voivé. “¡Ah, umi decisión vai ha jejavy ikatuva’ekue a’evita!”, he’i hikuái. Ñandejára mandamiento-kuéra ha’e ñande guía umi elección porãve ha resultado porãvéva gotyo. ¡Mba’éicha javy’ava’erã ha ñame’ẽ aguije Chupe ohechauka haguére ñandéve ko tape porãite!
Imitãrõguare, hermana Kalombo Rosette Kamwanya, República Democrática del Congo-gua, ko’áĝa oservíva hína Misión Costa de Marfil Abiyán Oeste-pe, o’ayuna ha oñembo’e mbohapy ára aja oheka haĝua dirección Tupã oipotáva ha’e ojagarra. Peteĩ visión hechapyrãvape pyharekue, ojehechauka chupe mokõi edificio, peteĩ capilla ha ambue ko’áĝa ha’e oikuaáva ha’eha peteĩ templo. Ha’e oñepyrũ oheka ha pya’e otopa pe capilla ohechava’ekue iképe. Pe letrero he’i: “La Iglesia de Jesucristo de los Santos de los Últimos Días”. Hermana Kamwanya ojebautiza, ha upéi isy ha sei iñermanokuéra. Hermana Kamwanya he’i: “Arrecibívo pe Evangelio, añeñandu peteĩ guyra oĩva’ekue ñembotypýpe ha oñemosãsóvaicha. Che korasõ henyhẽ vy’apavẽgui… Aguereko segurida Tupã cherayhuha”9.
Ñañongatúvo Ñandejára mandamiento-kuéra ikatu ñañandu hatã ha porãve Imborayhu. Umi mandamiento tape po’i oporogueraha directamente pe “yvyramáta tekove reheguápe”,ha pe yvyramáta ha hi’a, pe he’ẽvéva ha “ojeipotavéva opa mba’égui,”10 ha’e pe Tupã mborayhu ñemoga’ãnga ha omyanyhẽ ñane ánga “peteĩ vy’apavẽ tuichaitereíva-gui”11. Pe Salvador he’i:
“Pejapóvo che mandamiento-kuéra, pepytáta che mborayhúpe; jepe che ajapoháicha che Ru mandamiento-kuéra ha apyta imborayhúpe .
“Ko’ã mba’e añe’ẽ peẽme che vy’apavẽoĩ haĝua penderehe, ha pene vy’apavẽikompleto haĝua”12.
Vy’apavẽ oúva ñavensévo Cristo rupive.
Ñañongaturõ jepe fielmente mandamientokuéra, oĩ pruebas ha tragedia ikatúva o’interrumpi ñane vy’apavẽ; Ha katu ñañeha’ãrõ jasupera umi desafio Ñandejára pytyvõ reheve, upéva opreserva pe vy’apavẽ ñañandukuaáva ko’áĝa ha avei pe ña’anticipáva. Cristo o’asegura Idiscipulokuérape: “…Yvórape peguerekóta jehasa’asy. Ha katu pe-confia; che avence’akue ko mundo-pe”13. Jajerévo Chupe, ja’obedecevo ha jajoaju vove Hendive umi prueba ha jehasa’asygui oiko vy’apavẽ. Ame’ẽta peteĩ ejemplo.
1989-pe, Jack Rushton oservi hínakuri Estaca Irvine, California, EE. UU. presidente ramo. Peteĩ vacación familiar aja California costa-pe, Jack opractika hína kuri surf de cuerpo peteĩ ola ojagarra vove chupe ha ogueraha peteĩ itáre, omopẽvo ijajúra ha oharuvaiete imédula espinal. Jack he’i uperire: “Ajegolpea vove pe itáre, aikuaáma aimeha paralizado.”14 Ha’e ndaikatuvéima oñe’ẽ ni orrespira ijehegui15.
Familiares, amigos ha miembros de la estaca ojesolidarisa hermano Rushton ha hembireko , Jo Anne ndive, ha ambue mba’e apytépe, orremodela hikuái hóga ofacilita haĝua chupe toipuru silla de ruedas. Jo Ann oñekonverti Jack cuidadora principal-pe durante 23 año ohasávape. Ojerreferívo umi relato oĩva Mormón KuatiaÑe’ẽme mba’éichapa Ñandejára ovisita Itavayguakuéra ijehasa’asýpe ha ombovevýi imba’epohyikuéra,16 Jo Ann he’i: “Py’ỹi añemaravilla vy’a añandúvare añangarekóvo che ménare”17.
Peteĩ modificación ojejapova’ekue Jack sistema respiratorio-pe ome’ẽ jey chupe capacida oñe’ẽ haĝua, ha un año mboyve oñehenói chupe maestro de Doctrina del Evangelio ha patriarca de estaca ramo. Ome’ẽ vove peteĩ bendición patriarcal, otro poseedor del sacerdocio omoĩ hermano Rushton po pe orrecivíva pe bendición akã ári ha ojoko ipo ha ijyva bendición aja. Jack omano Navidad ára 2012-pe, 22 año de servicio dedicado rire.
Peteĩ jave, entrevista-pe, Jack he’i: “Umi problema oĝuahẽtante voi opavave ñande rekovépe; ha’e parte ñaimehaguére ko yvy ári. Oĩ opensáva que religión térã jajerovia Tupãre, ñanemo’ãta opa mba’e vaígui. Ndaroviái upéva ha’eha pe idea. Aguerovia pe idea ha’e ñande jerovia imbaretérõ, ojehurõ ñandéve umi mba’e vaí, porque ojehúta, ñambohovakekuaáta umíva… Che jerovia araka’eve ndoguevíri, ha katu upéva nde’iséi ndahasaiva’ekue depresión-kuérare. Arovia, por primera ves che rekovépe, añemyaña límite peve ha literalmente ndaipóri mo’õpa ahákuaa, upévare aha Ñandejárape ha, ko’áĝaite peve, añandu peteĩ vy’apavẽ ijojaha’ỹva”18.
Kóva ha’e peteĩ époka oje’atakahápe sapy’ánte despiadadamente, umi redes sociales rupi ha avei en persona, umi oñeha’ãvape osostene haĝua Ñandejára normakuéra vestimenta, entretenimiento ha pureza sexual rehegua. Py’ỹi ha’e umi jóvenes ha jóvenes adultos santokuéra apytépe, ha avei kuñanguéra ha sykuéra, umi ogueraháva ko kurusu burla he persecución rehegua. Hasy jagueropu’aka haĝua upéichagua abuso, pero penemandu’áke Pedro ñe’ẽnguérare: “Pejevituperárõ Cristo rérape, peẽ ha’e bienaventurado, pe Tupã espíritu de gloria orreposágui pende ári. Añetehápe, hesekuéra, ha’e oñeblasfema, ha katu penderehe ha’e ojeglorifika”19.
Jardín Edén-pe, Adán ha Eva oĩkuri peteĩ estado de inocencia-pe, “oñandu’ỹre vy’a, ndoikuaáigui teko’asy”20. Ko’áĝa, seres responsables ramo, jajuhu vy’a jasuperávo teko’asy oimeraẽichagua, taha’e pekádo, prueba, kangykue térã ambue obstáculo vy’apavẽ ĝuarã. Upéva ha’e vy’a oúva ñañandúrõ pe progreso discipulado rapépe, pe vy’a “[ja]hupytývo [ñane]angaipajora, ha [ja]guerekóvo py’aguapy”;21 pe vy’a oúva ñañandúvo ñane ánga okakuaa ha oñembotuichaha Cristo gracia rupive22.
Pe vy’apavẽ oúva jaservívo Cristo oserviháicha
Pe Salvador ojuhu vy’apavẽ oguerahávo a cabo ñane inmortalidad ha vida eterna23. Oñe’ẽvo ñande Salvador expiación rehe, presidente Russell M. Nelson he’i:
Opa mba`epe guaicha, Jesucristo ha´e ñande ejemplo tuichavéva “ha´e oguerekóvo pe gozo henondépe, ogueropu´akava´ekue kurusu”[Hebreos 12:2]. Pepensami umívare! Ha´e ogueropu’aka haḡua jehasa iñintensovéva ojepadesèva´ekue ko yvy ape ári, ¡ñande Salvador oñecentra vy’ápe!
¿Ha mba´e ha´e pe vy’a oñemoîva´ekue henondépe? Oiméne oî ra´e vy’a ñanemopotîvo, ñanemonguerávo ha ñanemombaretévo; vy’a opagávo pecadokuéra opavave oñe´arrepetívare; vy’a omboposíbleva peê ha che jahajey ñande rógape —potî ha dignos— jaikove haḡua ñande Tuvakuéra celestial-ndive ha ñande famíliakuéra ndive”24.
Upéicha avei, pe “vy’a oñemoĩva ñanerenodépe” ha’e pe vy’a oúva ñaipytyvõvo ñande Salvador-pe Hi’obra de redención-pe. Abraham simiente ha ta’yrakuéra ramo,25japarticipa jahovasa haĝua opa familia-kuérape ko yvy ári” evangelio jehovasakuéra reheve, ha’éva umi bendiciones de salvación, heẽ, de vida eterna”26.
Alma ñe’ẽnguéra ou che akãme:
“Heẽ, ha kóva haʼe cherory, ikatu mbaʼéramo che haʼe peteĩ tembiporu Tupã pópe agueru hag̃ua oimeraẽ ángape arrepentimiéntope; ha kóva ha’e che vy’a.
“Ha péina ápe, ahechávo heta che joykeʼykuéra oñearrepenti añetéva, ha oúva Ñandejára Itupãme, che ánga henyhẽ vyʼágui…
“Ha katu ndavyʼái che poʼa añórente, ha katu che vyʼa henyhẽve che joykeʼykuéra, ojupivaʼekue Nefi retãme poʼáre…
“Koʼág̃a, ajepyʼamongetáramo koʼã che joykeʼy poʼa rehe che ánga ojupi, ojeitaramoguáicha che retégui, tuichaite niko che vyʼa”27.
Umi fruto ñande servicio mutuo tupaópe rehegua ha’e parte umi vy’a “oĩva ñanerenodépe”. Jepe umi momento de desánimo térã estrés-pe, ikatu ñaministra paciencia reheve ñaimerõ centrado vy’a oúvape ja’agradávo Tupãme ha ñame’ẽvo tesape, alivio ha felicidad Ita’yrakuérape, ñane hermano ha hermanakuéra.
Mes pasado aĩrõ jave Haiti-pe Templo de Puerto Principe dedicaciónrã, élder David Bednar ha hembireko Susan, oñerreuni peteĩ hermana joven ndive, iména omanova’ekue ojapo pokã día peteĩ accidente trágico-pe, ha. Hasẽ hikuái hendive. Upevére, pe domingo, ko hermana querida oĩ hína kuri ipuéstope acomodadora-icha umi servicio de dedicación-pe peteĩ pukavymi reheve omoĝuahẽvo umi oikéva templo-pe.
Aguerovia “santokuéra vy’apavẽ” tuichavéva ou oikuaávo pe Salvador o’abogaha ikausakuéra rehe,28 “ha avave ikatu oconceptua pe vy’apavẽ omyenyhẽ[ta]va ñane ánga [ñahendu vove Jesús-pe] ojerurévo ñanderehe Túvape”29. Presidente Russell M. Nelson ndive, atestifika vy’apavẽ ha’eha peteĩ don umi santokuéra hekojojáva “ogueropu’akava’ekue ko mundo kurusukuéra”30 ha “oñeha’ãva hína, intencionalmente, ovivi peteĩ vida de rectitud, Jesucristo ombo’ehaguéicha”31. Taikomplétopa pende vy’a , ajerure’asy, Jesucristo rérape. Amén.